حرامي القلوب تلب

[ronaldo]

وانا في نومي بتقلب حرامي القلوب تلب

سألتا رامي ورندا هوي قفلتو البرندا.. وانا داير اتعشا .. وأحلي بي ميرندا
واخد لي سندة .. ورقدتا .. ونعستا.. وسرحتا .. عاينتا في الحيطة في حرامي لي تلب

******** ******** ******** ******** *********


لنـــا عودة .. و للحديث عدة اوجة..

----------------------------------------------------------------------------------

[ابو تراجى]

الحرامى شنو الفى كندا!!!!!!!!

انت بقيت زى عمك عصام ؟!!
غايتو الله يحلنا من عصام
الحرامى هين

لك الود والحب

[ابوالاء]

هوي يا ود الخالة مالك ؟؟؟

إنت حلمان ولا شنو ؟؟؟ ماكنت كويس ؟ ؟

قول بسم الله . . . إشتقت لأبوك نرسله ليكم . .

[الهندي بشير نابري]

والله احلى حاجه حرامي القلوب دا يتلب

[يحيي عثمان عيسي]

اقتباس : المشاركة الأصلية كتبت بواسطة الهندي بشير نابري [ مشاهدة المشاركة ]

والله احلى حاجه حرامي القلوب دا يتلب

حلم الجعان عيش
انشاء الله يتلب عليك يا الهندي وينفضك ويحتحتك ويرضرضك
طبعا يرضرضك دي بتحتمل التاويل زي يدلكك
ويحتحتك ربما تحتمل هي ايضا التاويل زي ....
اما ينفضك فالمعني صريح لا يحتاج لتاويلات ياما اتنفضنا

[الهندي بشير نابري]

أبو وهاد اسعد الله صباحاتك
وياهو زي ماقلت حلم الجعان العيش

[ابوالاء]

بس إنت يا الهندي ما تلقى ليك صفحة فيها موضوع عن ال . . . . . طوالي تجي ناطي فيها .

وزي ما قال عمنا يحيى ( حلم الهندي عروسه )

[ابو ستو]

كان يا مكان في قديم الزمان ملاح يدعى (سامر) وبما أنه ربان سفينة ماهر يشهد له القاصي والداني ، إلا وأن تأتي الرياح بما لا تشتهي السفن، ففي يوم من الأيام اثناء رحلة طويلة فيما وراء البحار حيث هبت عاصفة شديدة وأخذت تتلاعب بالسفينة بين امواج عالية ، وتحطمت السفينة وسقط (سامر) في البحر واخذ يقاوم ويقاوم وبينما هو كذلك وجد جزء من حطام السفينة خشبة فتشبث بها ومن التعب صار في نوم عميق ولما افاق وجد نفسه على الشاطيء، صار ينظر منبهراً من المنظر جزيرة في وسط البحر ، وهي عبارة عن مدينة قمة الروعة وما أن لامست قدماه ارض الجزيرة حتى ظهرن له مئات من النساء وتم اعتقاله واقتيادة الى ساحة الشهداء واجتمعن النسوة وجاءت الريس باعتبارها زعيمة النساء وامرت بفك قيوده وسحبه الى مسرح العمليات وصاحت فيه هذه مدينتنا الداخل فيها مفقود، فأندب حظك العاثر وما آلت اليه حظوظك ، ولك امنية واحدة نسعى جاهدين في تلبيتها ولك ان تتمنى قبل أن تلقى حتفك (هذه الجزيرة نسائية فقط لا يدخلها رجل إلا من دخل تلب وحين يلقى القبض عليه مصيره أن يلقى حتفه .. قانون الغابة) ، فكر (سامر) ملياً قبل أن ينطق بالأمنية الأخيرة ، ونظر في الوجوه من حوله هالة من الجمال مشتت في ارجاء الجزيرة ، وعندها صاحت فيه الريس لك أن تتمنى الآن ! فأجاب (سامر) متلعثماً : أرجو يا سعادة الريس أن تعدمني الأكبر سناً من بينكن لإعتقادي الجازم بأنها سوف تريحني ، ولم يجد من بينهن كبيرة في السن ومازال يتحرك لعله يرسى على كبيرة السن وبحرية في الجزيرة ..

[ronaldo]

اقتباس : المشاركة الأصلية كتبت بواسطة ابو ستو [ مشاهدة المشاركة ]

.. تلب.... ومازال يتحرك لعله يرسى على كبيرة السن وبحرية في الجزيرة ..

. .

[ronaldo]

معليش اتاخرنا عليكم شويه في الرد..

كما زكرت,, للموضوع عدة اوجه,, و كل منظور جدير بموضوع كامل مستقل عن هذا البوست

الكلمات او الشعر المزكور اعلاه.. هي كلمات اغنية للفنان طه سليمان يمكنكم الاستماع لها في اليوتوب "حرامي القلوب تلب" ...

و انا عندي ثلاث اسئله:
1) ما هي اسباب نجاح الفنان طه سليمان في مهنته - الغناء؟
2) هل لطه سليمان مسئولية في اغنياته (كلماته) و حفلاته تجاة الجماهير (الشباب في الاخص)؟
3) هل يمكن ان يكون طه سليمان سفير لي حقوق الشباب و حثهم الى الحراك و بزل طاقتهم في تنمية المجتمع؟

[ابوالاء]

والله يا ود الخالة انا القاعد في السودان هنا ما سمعت بالأغنية دي إلا بعد ما قريت البوست بتاعك ده . . .

لكن بالجد وااااااااااااااااأسفااااااااااااي على الغناء السوداني

	رابط الأغنية http://youtu.be/mqzX8AdNKFE

[ronaldo]

اقتباس : المشاركة الأصلية كتبت بواسطة ابوالاء [ مشاهدة المشاركة ]

والله يا ود الخالة انا القاعد في السودان هنا ما سمعت بالأغنية دي إلا بعد ما قريت البوست بتاعك ده . . . لكن بالجد وااااااااااااااااأسفااااااااااااي على الغناء السوداني http://youtu.be/mqzx8adnkfe [/color][/size][/frame]

بالنسبة للاغنيه كان في واحد معلق عليها في الفيس بوك... و من ضمن التعليقات كما زكرت في واحد قال "الفاتحه على الغنى السوداني...."

لكن برضو ما اديتنا اجابتك للاسئله.. الغرض من الاسئله النقاش و نشوف لو اختلاف الاراء

[الهندي بشير نابري]

و انا عندي ثلاث اسئله:

1) ما هي اسباب نجاح الفنان طه سليمان في مهنته - الغناء؟
زول غناي شديد حفلته باربعه مليون.
2) هل لطه سليمان مسئولية في اغنياته (كلماته) و حفلاته تجاة الجماهير (الشباب في الاخص)؟
طبعاً مسؤول عنها (سنتر الخرتوم وييين يا ) الشباب ديل احلى جمهور وبيريدو الهجيج.

3) هل يمكن ان يكون طه سليمان سفير لي حقوق الشباب و حثهم الى الحراك و بزل طاقتهم في تنمية المجتمع؟
آي ممكن يكون سفير ووزير كمان لحقوق الشباب يعني زي وائل غنيم مثلاُ (الثورة المصرية) وزي تامر حسني (النكسة المصرية)


رأيك شنو في الاجابات دي !!!؟؟

[ابوالاء]

و انا عندي ثلاث اسئله:

1) ما هي اسباب نجاح الفنان طه سليمان في مهنته - الغناء؟
لأن أغلبية البستمعوا للأغاني هذه الايام هم الشباب . والشباب داير زي غناء طه سليمان ومثله

2) هل لطه سليمان مسئولية في اغنياته (كلماته) و حفلاته تجاة الجماهير (الشباب في الاخص)؟
أكيد كل المسئولية له لأنه هو من يختار ويميز الاغاني يعني مافي زول غاصبه عليها



3) هل يمكن ان يكون طه سليمان سفير لي حقوق الشباب و حثهم الى الحراك و بزل طاقتهم في تنمية المجتمع؟
والله يا الطيب ما كل الشباب يعني هنالك شباب يستمع لفنانين آخرين . وكمان طه مافاضي لحث الشباب لبذل الطاقات لكن فاضي لحث الشباب لهز الوسط والتصفيق في حفلاته .

[ronaldo]

اقتباس : المشاركة الأصلية كتبت بواسطة الهندي بشير نابري [ مشاهدة المشاركة ]

و انا عندي ثلاث اسئله: 1) ما هي اسباب نجاح الفنان طه سليمان في مهنته - الغناء؟ زول غناي شديد حفلته باربعه مليون. 2) هل لطه سليمان مسئولية في اغنياته (كلماته) و حفلاته تجاة الجماهير (الشباب في الاخص)؟ طبعاً مسؤول عنها (سنتر الخرتوم وييين يا ) الشباب ديل احلى جمهور وبيريدو الهجيج. 3) هل يمكن ان يكون طه سليمان سفير لي حقوق الشباب و حثهم الى الحراك و بزل طاقتهم في تنمية المجتمع؟ آي ممكن يكون سفير ووزير كمان لحقوق الشباب يعني زي وائل غنيم مثلاُ (الثورة المصرية) وزي تامر حسني (النكسة المصرية) رأيك شنو في الاجابات دي !!!؟؟

غناي شديد و حفلتو بي اربعه مليون ما اختلفنا.. لكن ما هي المهارات و خصال التي ادت الى نجاحه.... قد يكون التسوييق هو سبب من اسباب نجاحه...
من فهمي لاجابتك عن السؤال التاني.. فهمت انو هو مسؤول عن طرب او تسلية الجماهير..
انا اوافقك في الاجابه عن السؤال الثالث و لكن ما هي الخصال التي تجعله سفير لحقوق الشباب..

[ronaldo]

اقتباس : المشاركة الأصلية كتبت بواسطة ابوالاء [ مشاهدة المشاركة ]

و انا عندي ثلاث اسئله: 1) ما هي اسباب نجاح الفنان طه سليمان في مهنته - الغناء؟ لأن أغلبية البستمعوا للأغاني هذه الايام هم الشباب . والشباب داير زي غناء طه سليمان ومثله 2) هل لطه سليمان مسئولية في اغنياته (كلماته) و حفلاته تجاة الجماهير (الشباب في الاخص)؟ أكيد كل المسئولية له لأنه هو من يختار ويميز الاغاني يعني مافي زول غاصبه عليها 3) هل يمكن ان يكون طه سليمان سفير لي حقوق الشباب و حثهم الى الحراك و بزل طاقتهم في تنمية المجتمع؟ والله يا الطيب ما كل الشباب يعني هنالك شباب يستمع لفنانين آخرين . وكمان طه مافاضي لحث الشباب لبذل الطاقات لكن فاضي لحث الشباب لهز الوسط والتصفيق في حفلاته .

قلت انو سبب نجاحه انو بشوف السوق (الشباب) داير شنو و بغني ليهم ... ممكن نقول مهارات في التسويق.. لكن النقطه دي بتقول انو ما شغال بالشباب كتير.. يعني القروش اهم من محتوى الاغنية..

نقطه كويسه انو ما كل الشباب بستمعو لي طه سليمان .. طيب الشباب البستمعو ليه كلماتو زي ما في محتوى الاغنيه دي مثلا,, هل ساهل يستمعو لي كلمتو في اماكن تانيه.. حملات توعيه او غيرو.. علي الاقل في علاقه رابطه بين طه سليمان و بين جمهوره, فاعتقد انو عنندو مكانه (و لو عند جماهيره فقط) انو يحثهم علي اعمال تطوعيه مثلا او في حملات توعويه زي ما زكرت ..

[خالد ودالعمدة]

لقد كان لى الشرف بان درست طه فى المرحله الابتدائية ، وكان فيه مشروع دكتور اومهندس كبير ، لانه كان يحمل من الذكاء مالم يحمله احد اقرانه فى المدرسه ، وكان ذالك فى كل المناشط فى المدرسة حين ماكان يلعب الكره كان يبدع فيها وذلك الغناء ، واجزم لو ان طه أكمل تعلمه بالطريقة الصححه ، لكان فنه ارقى من ذلك بكثير ٠
وام بخصوص اغنانى الشباب وانو السوق داير الاغاني بشكلها الحالى وخصوصاُ الشباب اقول انو الكلام دى غير صحيح ، لانو طه نفسو بدء بالغناء للكبار وكان الشباب يستمع له ، والى الان مازال الشباب يسمع لاغانى الكبار امثال ابراهيم عوض وعثمان حسين والكاشف والقائمة تطول ، و قديماً قالوا الما عندو كبير يشترى ليهو كبير ٠

[تسالية (سلم)]

الاخ رونالدو
تحياتى
ليس لدى اجوبة محددة لتلك الاسئلة
بأختصار طه سليمان فنان وله قاعدة جماهيرية شبابية عريضة شئنا ام أبينا
وارى البعض يصف مفردات اغانيه بالركاكة الا اننى اختلف معهم
لكل عصر مفرداته وفقا لمجريات الحياة ولّا شنو؟؟
واغنية (حرامى القلوب تلب) تكاد تكون اشبه فى فحواها بعدد من الاغانى القديمة
مثل اغنية الكاشف(سالب فؤادى)
او اغنية محمود عبدالعزيز (من ياتو باب قفلنى خشى وناش قليبى نشلو نشئ)
فكلها تدور فى فلك واحد مع اختلاف الالفظ وثبوت المعنى
(حرامى قلوب - سالب فؤاد - نشال قلوب)
على العموم
الفنانيين الشباب لهم طريقتهم الخاصة فى الغناء قد تعجب البعض وقد تغضب البعض الاخر
وهذا طبيعى طالما هنالك اختلاف فى الاذواق..

كسرة :
رونالدو طبعا الغنيه دى من شدة ما عاجبانى كل يوم بسمعها

ودى وتقديرى

[مصعب عمر حسن حمزة]

صراحة كداااا انا من المعجبين بيه
بيتميز عن غيرو من الفنانين وأولى انو محترم مازي غيرو
يستحق يكون سفير . . . لينا عودة

[اختكم في الله]

من وجهة نظري :
بالنسبه لي كان طه كان غيرو الكلام دا ما صاح منهم .