الشرقية تزهو فرحاً بقدومكم

[احمد عثمان حاج حمود]

الف مليون مرحب سعادة المشرف العام


الهندى بشير

والعم بشير حاج عبد الله


الشرقية نورة بى وجودكم معنا فى الدمام

حللت أهلاً ونزلت سهلاً..

ومعك تتواصل شلالات افرحنا وبيك تكون الفرحة حاضرة ...


http://www.gulfup.com/gfiles/12525532901.jpg (http://www.gulfup.com/)

http://www.gulfup.com/gfiles/12525540612.gif (http://www.gulfup.com/)

[ياسر العاقب]

اهلا بالعم بشير والاخ الهندي ..... املين لكم زيارة طيبة و عودا سالما

[الطيب الامام الطيب الامام]

الف مليون مرحبا بى شيخ القبيلة وابنه والتجهيزات مستمره بقدوم السيد الرئيس ووزير خارجيته وكيتنا كدى الى القنصل المعارض الايام ده الشرقية مزدهره ومنوره والترتيبات بتنقلب على القنصل المعارض ومافى اى طريقة الى حرب الجواسيس وبى قليبك تقولى تعال وتعال وبى عيونك تقولى مافى مجال

[ابو تراجى]

والله دى مؤامرة واضحة جداً للجميع
كيف تم التنسيق ؟؟؟
وما الهدف من هذه الزيارة الغير معلنه ؟؟؟
هل الزيارة شخصية ام شىء اخر
وبعدين ناس الشرقية ما كلمونا وعزمونا لية ؟؟؟
الاستاذ عمر حامد مجذوب امس كنت معاه فى التلفون ما جاب لية سيرة !!!
والطيب الامام بغازل فينا (جاى عمرة وماشى السودان وماعارف شنو !!!!
دى كلها تاكد ما ذهبت الية
وكان ما عرفنا السبب البخلى الجماعة ما يجو العمرة ويمشو الشرقية شنو؟!!!
حنعلن انفصالنا التام عن الانضمام تحت لواء (جمعية الجريف الكبرى) بالسعودية
ونعرف مصاريف الرحلة من اين ؟؟؟سوف نعمل الى تحويل المراجع القانونى (معز عبدالمنعم )
الى الرياض لمراجعة الحسابات والمنصرفات للجمعية (مدخولات شوال السكر )
وكان ما اخونا بشير معاهم كنا قلنا دى حركة من الريئس عشان يخمس فى المنامه ويشرب ليه مشروبات روحية (مع انو هو زاتو ما بعرف المشروبات المعنية )لكن اقصر الطرق الى اليقين هو الشك !!!!!!!!!
فانا اشك اذا انا مظلوم
وياريت لو كلمونى كنت جيت وعملته عمرة فى المنامه
وضربنا قزازة باردة من المشروبات الغازيه واكلنا فطور (ام احمد قريبتى )
فلها التحية
متظرين عزومتنا !!!!
والله يكضب الشينه

[ابو تراجى]

والله فيها شىء
كمان بدر سبحان الله
ولو ما سفرنا عبدالله نابرى انا والاستاذ
كنا قلنا ضربوا قروش السكر اكيد
بدر ده ليه كم سنه فى السعودية ؟!
اصلو ما بسافر !!!!!!!!!
لكن دى فيها انه واخوات كانة
اجردوا الخزنه يا ناس الرياض

عقبال ما تجو تشرفونا كمان فى جدة
والله يحيى قاعد جنب الباب منتظركم

[عمر حامد مجذوب]

ترحب الشرقية بزوارها الكرام سلسيل الكرام البشير و الرائد الذى لا يكذب أهله إبننا الحبيب الهندى و نترقب على أحر من الجمر وصول حادى الركب الرئيس و أركان حربه البدر و المفاجأة عصام حسب النبى و أبت الطبيعة فى أن تكمل فرحتنا بالتنازل عن رطوبتها العالية و لا أملك إلا أن أستعير جملة الرائع هندى بأن أقول لهم مرحبا بالحضور الفخيم.
الهدف من الزيارة شخصى بحت و لكن يا أبا تراجى لابد من تحويلها إلى الرسميات يا سعادة القنصل و طبعا أنا فعلا تكتمت على الخبر حتى على ناس الدمام و الله يسامحك يا باداب .
لقد تم التنسيق لبرنامج جميل و لكن حصلت ربكة بسيطة بتأخير بعض أعضاء الوفد لكن يا أبو تراجى الله يكفينا شر عمرتك بفتح العين و ليس ضمها خاصة إنها للمنامة , لكن برضو الدعوة موجهة لكل قادم للشرقية.
الطيب لك حق تكون صائم من أمس و إن سمعت كلامى تصوم كمان السبت و الأحد تواصل لأن الشيف آخر إجتهادات من يومين لإخراج هذا اليوم بما بناسب مكانة الزائرين و إذا جاء أبو تراجى كان زودنا القائمة قراصة, و الدعوة موجهة عبر الشبكة العنكبوتية للإبن هيثم الباقر.
وسوف نوافيكم بآخر أخبار الزيارة يا أبو تراجى,و ختاما أقول لضيوفنا الكرام حللتم أهلا و نزلتم سهلا و أقول :
يا ضيفنا لو زرتنا لوجدتنا نحن الضيوف و أنت رب المنزل.

[بكرى الطيب هدية]

احتجهاج شديد اللهجة وبالصوت العالي ولو ما عمنا بشير معاكم كان قلت كلام كثير لكن منتظرين جيتكم وبعدين نتفاهم وعلى العموم مبروك لناس الشرقية والله يعينكم على قضاء حوائجكم بالكتمان دائما مش زي ناس قرعيتي راحت

[عادل مختار الزين]

ألف مليون مرحب بالأخ الأكبر بشير وبالمشرف العام الأخ الهندي ونقول لهم حللتم أهلاً ونزلتم سهلاً كما نرحب بالأخ عصام حسب النبي لإنتقاله للعمل بالدمام
وفي إنتظار وصول بقية العقد الفريد كل من عصام عبدالصادق وبدر عبدالماجد ومحمد السيد وكما ذكر أخونا عمر حامد الدعوة مفتوحة للكل ، البقدر يجي الليلة بختو والما بقدر باقي آخر جمعة في رمضان حقو يحصلها في الدمام لأن العيد في الدمام غييييييييييييييييير ، وتعالوا وشوفوا براكم.



وألف مرحب بالجميع

[ابو تراجى]

بعد كلامك يا عمر اخوى نقول شنو !!!
بس رسلوا لينا حقنا ناشف
وما تنسوا الصور المقرونه بالريحة
والقراصه بتاعت ام احمد ماكوله
باذن الله

بختكم والله يا ناس الشرقية
حاسدكم عديل

[ابو تراجى]

يا ناس الشرقية
الريئس عصام بعد ما يصل عندكم اجردوا
ملحقاتو
عشان ما يطلعكم زى حرامية
وعصام حسب النبى مكسب كبير والله ليكم
رجل والرجال قليل

[الطيب الامام الطيب الامام]

ابوتراجى وين ليك ان من امس مابقول ليك انا بصوم من اسع وابشرك بوصول السيد الرئيس عصام وزير خارجية البدر الهمام والمستشار الامنى ود السيد والساعات القادمة القادم اجمل وكما عودنا شيخ الدمام عمر حامد دوما حافل بالمفاجات وانت عارف ياابوتراجى نرسل ليك كيفن حقك ناشف هو بنفضل فيه شى كان نرسلوا ليكم باقى الى الافطار واللقاء الجامع ساعتين ونص لو جيت على طائرة امكن امكن تلم فينا ابغى قريب ماتتاخر

[احمد عثمان حاج حمود]

عوووووووووووووووووووووك الليلة الشرقية غييييييير

بزيارة الرئيس والعم بشير


ومليون مرحب بالضيوف الكرام



ويا ابو تراجى والله برسالة وسائط ما تلحقنا

[الطيب الامام الطيب الامام]

عوووووووووووووووووووووك الليلة الشرقية غييييييير

بزيارة الرئيس والعم بشير


ومليون مرحب بالضيوف الكرام



ويا ابو تراجى والله برسالة وسائط ما تلحقنا

كان يوم حافل بكل شى وتنسيق متقن من شيخ الشرقية ومعاونيه واترك المجال الى اخونا الهندى يشرح بصورة وصوت واغانى كمان وكان لى اخونا الفى جده وقرينه الاستاذ حبابكم الف والدعوة مفتوحه ليكم

[الطيب الامام الطيب الامام]

الجمعة 11/9/2009 هذا اليوم له صدى خاص الى ابناء الجريف بالشرقية والشكر الى عمنا واخونا وابونا شيخ الشرقية الاخ عمر حامد لضيافته الى كوكبة من ابناء الجريف على شرف عمنا بشير حاج عبدالله والاخ عصام عبد الصادق والاخ هندى بشير والاخ محمد سيد ياشمعة سرحانه والجنرال بدر عبدالماجد وزيارتكم هذه لها اسر كبير على اصالة اهل الجريف وترابطهم وتواصلهم ودوما سباقين على فعل الخير وكان من ضمن المجموعة من ابناء الشرقية بقيادة شيخهم عمر حامد والاخ عصام حسب النبى طبعا عصام بقى من اهل الشرقية والاخ عادل مختار والاخ ايهاب مصطفى والاخ حافظ العبيد والاخ عبدالرحيم حطى والاخ احمد عثمان باداب المعزب والاخ عامر العشاى والاخ انور محمد عبدالله وشخصى الضعيف حوار ابوتراجى وعزرا اذا سهيت فى زكر اسمه بسبب حلاوة الاكل وجمال الجلسة والشكر الى اسرة عمنا عمر والى شيخ الدمام وكان يوم حافل بالمواضيع الجميلة اللهم اجمعنا دوما على عمل الخير واترك المجال الى اخونا الهندى ليعكس لكم بالصورة

[الهندي بشير نابري]

كان اللقاء أجمل من أن أحكي عنه أنا وإنما كان الأجدر بالحديث هو الغالي إيهاب محمد مصطفى ليمارس لكم عشقه في خيالة الرطب الرحب ويصف لكم عظمة اليوم ومافيه من أريحية وجمــال ..
http://i27.servimg.com/u/f27/11/77/43/79/161010.gif (http://servimg.com/image_preview.php?i=43&u=11774379)
يوم من الأيام بل كان من أجمل الأيام ..وكان الزمان شهود والحضور أبطال الموقف وعمنا عمر حامد المجذوب سيد القبيلة.
اجتمعنا من غير ميعاد في رحاب فضاء واســع وعالم يكسوه النقاء وضحكاتنا تسابق أنفاسنا وطيبة أهلنا الطيبين تعترينا وتكسونا فخراً....أحباب وأخوان في زمن أغبر وغربة لعينة وإفرازات المنتدى كل يوم تحكي عن مجد جديد ومجيد وعن لحظات مهيبة .
لم نكن نقصد ان نكيد للبقية ..لكن تصاريف الزمن حكمت بلقائنا يوماً وكان من أعظم الأيام وأجواء الشرقية تحكي وتعاند الطبيعة حقاً هل كان ذلك ترحيباً بنا أم أرادت ان تحكي لنا فخامة أهلها وطيب معشرهم وكرم وحفاوة استقبالهم لنا .. لله درهم من رجــال .
وليكون هذا اليوم دافعاً لكل المجموعات عبر البلاد للاجتماع والالتقاء ثم بث الصور لتنتعش ارجائنا ويزيد المجهود ويعلو منتدانا فوق القمم .
مائدة الإفطار.. حدث ولا حرج .. بوفيه مفتوح.. شهدت نصفه أو ربعه في مؤتمر من مؤتمرات الرياض التابعه للعمل وكان القائم على أمر البوفيه "مطعم ستيك هاوس"..لكنهم لم يكسو طعامهم مقولة (بليلة مُباشر..) والصحيح هنا (بوفيه مباشر) لتستمتع بالإفطار وتدرك معنى الفرحة في قول رسولنا للصائم فرحتين. وكانت لحظة الإفطار والإفطار حدث تعلق بالذاكرة .. لا استطيع ان احكي كثيراً عن كرم وحفاوة استقبالهم أهلنا . لكن لكم الصور تحكي بالتفاصيــل وكل ما نآكل لقمه نقول ياحليلك يا أبو تراجي .. وياحليلك يافلان وفلان

[الهندي بشير نابري]

الحكايات والمواقف لحظات الإفطار كثيرة تنعش النفس .. لكن دعوني ارجع بكم لحظة قدومنا والدي وعمنا عصام حسب النبي وحافظ ود العبيد (أبو محاسن) وأنا مع الحبيب إيهاب في عربيته السمحة (البرادو الجديده - الباااااااارده) ولحظة وصولنا بيت عمنا عمر حامد وكان في الباب في انتظارنا وأنا من بين الناس أسابق في الزمن اتشابى عبر الزجاج كعطشان يبحث للقياه .. لله دره عمنا عمر حامد.. استقبلنا في الباب استقبال أهلها البطاحين والجرافه رافع ايديهو فوق يلوّح .. ولسان حاله ينادي طائرات السماء بأن ينزلن في رحاب داره الفسيح وقال قولته العظيمة والتي أخجلت تواضعنا واقشعر لها جسدي حين قال "حـــّرم حبابكم .. حـــرّم حبابكم"حيث لم يكتفي بالترحيب والدموع قائلاً كلماته ونحن في استحياء لتظل كلماته تردد صداها وأنت مشدوها ومنشدهاً أهو فيض من كرم يسيل من علاه أم هو فرح أرض تحمله أم هي تباشير تهطل من سماه .. لله درهم أهل الشرقية .ويعيش المنتدى ويدوم خيره. ونجد حول عمنا عمر أخوه عمنا بابكر حامد وعمنا محمد حامد وأخونا يوسف مصطفى (ابن اختهم)
http://i27.servimg.com/u/f27/11/77/43/79/158710.gif (http://servimg.com/image_preview.php?i=41&u=11774379)

[الهندي بشير نابري]

http://i27.servimg.com/u/f27/11/77/43/79/158710.gif (http://servimg.com/image_preview.php?i=41&u=11774379)
تلعثمنا في السلام عليه وعليهم والفرح يعتريهم ويعترينا وأدركنا أننا في حضرت رجل كوّنته تفاصيل وحضارات الزمن القديم وأجيال نقيــة .. ودلفنا بالدخول وكانت "أم أحمد وأحمد" شهود وجدران البيت تحكي الترحاب بألوان وزغاريد فرح.. وحُرمة الصيام وشهر رمضان حرمتي أن أعرض وأنقز في الدارة في نص البيت وأقول ديل أهلي وا أسفاي كان ماكنت من زي ديل .. ديل أهلي . والمانهم التراب التكيل خشمو .
كان ترحاب الجميل أحمد في ابتسامته الموروثه من والده يلقيها على الجميع في براءة مشهوده وغير معهوده في الأطفال .. فقط تندهش وتفرح وتقول ماشاء الله ربنا يحفظه . وبعده هلت علينا بشريات الإفطار وكل ماكان في قســم النواعم من صنع أم أحمد نظرياً وجدناه تطبيقاً عملياً أشياء نعلمها واشياء نجهلها هنا أنا قلت لإيهاب قاعد جنبي يا إيهاب بالراحة بالراحه ما ينكشف حالنا وننفضح وعليك الله البتتعرف عليهو كله كلمني بيهو أما محمد السيد (الشمعة الحرقانه) كان على يساري يضحك من أعماقة ويحزر ويفزر ومره يقول دي عكارة ومره يقول دي قصيده (للعصيدة) ومره يقول دي قراصة . ولم يحالفه الحظ أبداً ،،، قبلها فجأة دق باب الجرس معلناً عن وصول العظيم وصحبه عمنا عصام عبد الصادق ... براءة وجمال وهدوء معهود وفخامة وعظمة الكلوم والرؤساء .. لكنه ان تكلم وددته لم يسكت (اوباما) وكأنه طعم الدنيا ولون جمالها وسبب أمطارها وزغاريدها ومعه البدر (أبو محمد) بدر عبد الماجد حضور فخيم وابتسامه للدهر وقد كتب فيه أيمن الســر قصيده وحولهم محمد السيد والطيب الإمام والوريف صاحب البوست أحمد عثمان حاج حمود .. وكأنه إعلان للفرح ان يأتي مع الباب فأقلام تكتب بالمنتدى الآن أمامك حقيقة .. فقط تندهش وتنشده وتضحك في فرح حتى تبكي وتسيل دموعك والســلام يغالب أشواقنا للهجوم على البوفيه المفتوح وأنا اسلم على محمد السيد وعيني لعبد الرحيم حطي يوزع في صحن في حاجات فيها اشواك (بعد تذوقه والتعرف عليه اتضح انه البلح في لون جميل وشكل مختلف) والآذان يقول الله أكبر الله أكبر الله أكبر الله أكبر .... حقاً الله أكبر ... صمت غير معهود وسكون في تلك المساحة التي جمعتنا في صغرها ورحابتها معاً.. انتهت مرحلة البلح والتمر وانأ ابحث عن الكاميرا لأنقل لكم تفاصيل الحدث وأنتم في بالي حضور وأمنياتي بلقاكم جميعاً فرداً فرداً وأشواقي تدافعني للوصول إلى المبتغى (البوفيه و ماحوه).. والخجل يمنعني من الهجوم إلى ان سبقنا المبروك (ود ريا) في سكون ليوزع للجميع صحونهم ثم يدور عليهم بمحتويات البوفيه وهنا تحدث المواقف وانت قاعد في محلك البوفيه يجيك ماشي على رجلين .. وزي ماقالوا الرجال مواقف .. مايضحك ومايبكي وما ابكانا كان اجمل مما اضحكتنا ونحن في سكرنا والطيبة والحنينة تكسوها وتهيج في عروقنا .ونجاهد في التعرف على صنيعو عمايل أم أحمد .

[الهندي بشير نابري]

دعونا نبدأ بجانب من أصحاب الفخامة والسمو السادة الملوك والأمراء .
وعمنا عمر حامد صاحب الدار
http://i87.servimg.com/u/f87/11/77/43/79/010.jpg (http://www.servimg.com/image_preview.php?i=333&u=11774379)

[الهندي بشير نابري]

وجانباً من أصحاب الفخامة أيضاً عمنا عصــام وأبوي ودع الصور تحكي لكم على مهـــل
http://i87.servimg.com/u/f87/11/77/43/79/112.jpg (http://www.servimg.com/image_preview.php?i=334&u=11774379)

http://i87.servimg.com/u/f87/11/77/43/79/213.jpg

[ابو تراجى]

باقى الصور يا هندى
داير اشوف لى شىء
سرعة عليك الله

[الهندي بشير نابري]

جاييك يا ابو تراجي بس جرس الباب دق وقالو لي انت موقف العربية قدام المحل والمحل فتح ههههههههه ومشيت حركتها من محلها وجيت راجع

[الهندي بشير نابري]

ابتسامات من الأعماق تجدها تعتري والدي وبراءة جميلة تكسو عمنا عصـــام وانا متأكد ان ابو تراجي عنده مليون رأي ورأي وربنا يستر من الجاي .

http://i87.servimg.com/u/f87/11/77/43/79/213.jpg

وهنــا كان ابو تراجي (الأقليات) شاهداً عبر الهاتف .. فحكونا له قليلاً من تفاصيل ذلك اليوم لنتركه يعاند في دموعه وغيظه ونحن نضضضحك من جوانا وقال بحرقة فتشو عصام وتأكدوا من كل ملحقاته .. وعصام في تلك البراءة يضحك ويدعو للمنتدى من أعماقة لأن يدوم ويدوم ويدوم ويدوم ويدوم ماعشنا وإن متنا . ونحنا بصوت واحد نقول يااااااااحليلك يا ابو تراجي وموعدنا في الإذاعه اخد راحتك واقتص على كيفك .

[الهندي بشير نابري]

http://i87.servimg.com/u/f87/11/77/43/79/411.jpgفي الصورة أعلاه اترك لكم التعليق والحديث وليطول قدر ما تستطيعون .
http://i87.servimg.com/u/f87/11/77/43/79/512.jpgعمنا

عصام حسب النبي يخاطب ابو تراجي في شوق

http://i87.servimg.com/u/f87/11/77/43/79/612.jpgالغالي

البدر ود عبدالماجد أبو محمد والحبيب ابن العمه أحمد عبدالعزيز خالد باقير (سعادة الفريق ركن)

[الطيب الامام الطيب الامام]

ابوتراجى احسن تتعشى من الحين عشان الجاى بخليك تتمغص وماتفطر زى امس والله بتخيل فى منظرك والصور تتنازل مطر عليك هههههههههههههههههههههههه

[الهندي بشير نابري]

أ[و تراجي لخبطني .... كل ما انزل صورة تحي ملخبطه وأعدلها تاني
دا كلو من شفقتك شكيتك على عصام عبدالصادق هههههههههه

[الهندي بشير نابري]

هنا نجد أصحاب الفخامة حولهم صاحب الفخامة الأديب الرائع والروائي المتمرد على حس الركود المتعالي فوق كل الأوصاف والتعابير (أبو حلا) والتي ننتظر قدومها في اسبوع قادم الغالي ايهاب محمد مصطفى وأدب جّم وذوق عالي وخلق نبيل لله دره هذا الرجل يمشي على الأرض وكأنه يعلم انه لا مثيل له فوقها . سعدنا بلقائكم جميعاً أهل الشرقية وأهل الرياض بالشرقية . "عذرا فهذا الكمبيوتر الذي يداعب لوحة تحكم منتدانا وهو كمبوتر الـ ADMINISTRATOR ويتوسطه عمنا عصام في براءة شديده فهل هذا اعلان خير ؟ السؤال لأبو تراجي "
http://i87.servimg.com/u/f87/11/77/43/79/712.jpg

الغالي أبو محمد أنا بس عايز أعرف الفي يدك دي طعمها شنو وجنسها شنو وهل مرت عليك قبل كده في أي مؤتمر أو اجتماع أو مناسبة ؟ ههههههه اضحك الله سنين عمرك يا اخي .
http://i87.servimg.com/u/f87/11/77/43/79/8_ooou10.jpg

[الهندي بشير نابري]

في الصورة أعلاه نجد فخامة سيدنا وشيخنا ود ريــا عبدالرحيم حطـــي يحكي للزمن معاني ولنا معاني الخضوع والخشوع والأدب وفي محياه ألف علامة وشاهد انه سليل الصالحين .. ياخسارة .. ارض المملكة يوم رحيلك تبكي الى عودة ان شاء الله بعد وسام الزواج قريباً وقلوبنا معاك بفرح طول العمر .. وبيديه ابن الكرام الحبيب أحمد ابن عمنا عمر حامد والشامخة أم أحمد
http://i87.servimg.com/u/f87/11/77/43/79/9_ooou10.jpg (http://www.servimg.com/image_preview.php?i=342&u=11774379)

[الهندي بشير نابري]

http://i27.servimg.com/u/f27/11/77/43/79/158710.gif (http://servimg.com/image_preview.php?i=41&u=11774379)
الصورة دي بس كيتاً على ناس قطر وتركتها للصديق النعمة وحده وكان اسمه حاضراً بيننا... وكنـا في ذكراه دوماً وتمنينا وجودك معانا يا ابو التومات .. ههههه أنا عارف قاعد امسخ عليك في الغربة في قطر لكني بيني وبينك السعودية حلا وحلا مولودة ايهاب ننتظرها في الطريق في اسبوعنا القادم ان شاء الله
http://i87.servimg.com/u/f87/11/77/43/79/1012.jpg (http://www.servimg.com/image_preview.php?i=343&u=11774379)

[الهندي بشير نابري]

القهوة العربية كانت حاضرة بيننا والقهوة السودانية وانواع الشاهي بكل الأذواق ومنظر جميل والبخور يطوف المكان والطيب يغمر ذرات الهواء البارد .. ألم أقل لكم أصحاب الفخامة والسمو السادة الملوك والأمراء عمنا عصام عبدالصادق والوالد محمد البشير حاج عبدالله نابري وعمنا عمر حامد وعمنا بابكر حامد وعمنا عصام حسب النبي
http://i87.servimg.com/u/f87/11/77/43/79/uuuo10.jpg (http://www.servimg.com/image_preview.php?i=345&u=11774379)

http://i87.servimg.com/u/f87/11/77/43/79/1111.jpg (http://www.servimg.com/image_preview.php?i=344&u=11774379)

[الهندي بشير نابري]

حافظ ود العبيد وقد أعياه الفراق وأضناه والشوق يحرق انحائة
للمحبوبه المولوده ابنته محاسن وبجانبه أبو محمد وعادل مختار (أبو ليم)
وبينهم أبو محمد في ضحكة للزمن والأيام

http://i87.servimg.com/u/f87/11/77/43/79/1211.jpg (http://www.servimg.com/image_preview.php?i=346&u=11774379)

[الهندي بشير نابري]

الغالي أبو مازن يعلن حضوراً مدهش وتواجداً افرح قلوبنا حبيبنا واخونا الطيب الامام ومعه صاحب البوست الفخيم هذا احمد باداب (احمد عثمان حاج حمود) وآثار الشاكوش الفولاذي والشاكوش الخشبي تزعزع ثباته ..( الله يلعنك يادنيا ) عليك بوصية سيده صباحي .. والصلعه بتقوم صدقني يا احمد الدنيا لسه بخيرا . هههههههههههههههههههههههههههه وخلفهم الشمعه السهرانه وكما قال عمنا عصام حرقانه أخونا محمد السيد ود اليمن .

http://i87.servimg.com/u/f87/11/77/43/79/1311.jpg (http://www.servimg.com/image_preview.php?i=347&u=11774379)

[الهندي بشير نابري]

هنا بالثابته نلقى القبص على عمنا عصام وشمعته الحرقانه وبيديهم آثار الجريمة .. وأنا متأكد ان محمد السيد ماعارف اللقمة الفي يده دي جنسها شنو ؟؟؟ بس لو بيعرف يقول لينا هو قاعد ياكل في شنو في الصورة دي ؟
http://i87.servimg.com/u/f87/11/77/43/79/1411.jpg (http://www.servimg.com/image_preview.php?i=348&u=11774379)

[الهندي بشير نابري]

عمنا بابكر حامد (أبو حامد( (Pathfinderعضو المنتدى) يتوسط عبدالرحيم حطي ملوحاً بشئ من الحلوى ممزوج بالفرح وبينما عمنا عصام يحتسي الشاي لكنه أي نوع لا ادري مع علمي انه مرّ عليهن جميعاً وفي النهاية اصيب بصدمه بعد ان تحركت مشاعره وهو في طريق الرجعه حيث جاشت احاسيسه حول ماحدث اليوم وهذا اللقاء وحفاوة الترحيب وجمال اللمة وهنا نضع في مساحات الزمن شاهداً يحكي للمارين عظمة هذا اليوم في نفس عمنا عصام .
http://i87.servimg.com/u/f87/11/77/43/79/1511.jpg (http://www.servimg.com/image_preview.php?i=349&u=11774379)
وننتهز الفرصة والسانحة الجميلة لنرحب بالاح حامد بابكر حامد Pathfinder العضو الجديد معنا بالمنتدى ... وديل أهلي ..

[الهندي بشير نابري]

أنا وبدر عبدالماجد والصحن الصغير الموجود في الأرض جنبي فيهو لقمة بملاح لبن (......) وملاح تقلية وبدر عبدالماجد قال لي أرمي الصحن ده !! وما تتقل فيهو ياعوير بتدقس وفعلاً والله صدق وسيل الطيبات في قدوم وهطول من كل النواحي شيتاً تعرفه وشيتاً يتغابى فيك العرفه وشيتاً هو زاتو مابعرفك . ياحليل عبدالله نابري ولد عمي البشبهني كان راح روحه شديده في جنس اليوم دا
وكانت الدرامات والحكايات بللت دموعنا فرح لكن نخليهو مع الشوفات الشرعية ربنا يسهل أمره

http://i87.servimg.com/u/f87/11/77/43/79/1611.jpg (http://www.servimg.com/image_preview.php?i=350&u=11774379)

[الهندي بشير نابري]

مجموعة من الاحباب في جلسة سمـــر تندى لها النفوس وكل من فيهم ضاحك مبتسم وسيد القوم يفترش الأرض .. لله درهم اللهم اجمعهم في الآخرة في حوض نبيك كما جمعتهم في مقام الفخر وعند أهل الجود والكرم أهلك .
http://i87.servimg.com/u/f87/11/77/43/79/1711.jpg (http://www.servimg.com/image_preview.php?i=351&u=11774379)

[الطيب الامام الطيب الامام]

الهندى ابوتراجى مشى وين ماشايف ليه اسر واخونا الاستاذ بكرى ممتنع عن الافصاح من امس بحاول اتصل بالاستاذ يحى يتفحص الامر وعليك بالاتصال بى ناس الهند هيثم الباقر والله فاتك يوم وتجى تقولى نهى قبار سنج ونهى محبتى والله محبتى اكلت شى ماعرفتوا والظريف فى الامر اخونا عبدالرحيم حطى يوزع فى فطاير على شكل ارجل دجاج محشه بنواع مختلفة من الداخل طبعا اخونا باداب الشاكوش ماثر فيه لكن نقول عصام وياشمعه حرقانه مالون قايلين الشغلانه دجاج والواحد ملاء الصحن من الفطائر مفتكرنها دجاج شى والمفاجاه اخونا باداب كان جنبى وتعال شوف شيلك لقمه كبيرة من الطرف طبعا خوفنا من العظم وبعدها انفقع من الضحك قالى هى ده مادجاج لكنه حلوة خلاص ياريت الكمراء كانت مواجه له والله بينى وبينك يابوتراجى وخليها فى سرك انا زاتى قايلها دجاج لكن اتقلت

[الهندي بشير نابري]

الاخ يوسف مصطفى ابن اخت عمنا عمر حامد يخدم في الحضور ويخبر الزمن اننا رجال الدهور وأهل الكرم والمفاخر ... ويمين بالله حبابكم عشره .قولاً وعملاً واستراح في لحظات وإلتقطه الكاميرا منشدها في الحضور والتآلف بين الجميع
http://i87.servimg.com/u/f87/11/77/43/79/1811.jpg (http://www.servimg.com/image_preview.php?i=352&u=11774379)
محمد السيد والاخ حافظ العبيد والحبيب احمد عثمان وحافظ العبيد ودعوة أهل الانترنت والعولمه وباص الفاتحه ومنتدى انصار السنه ... هههههههههههه كانت هذه من كلماته في العهد القديم والتي كان يزرع بيها فينا معاني الفرح الجميل . ربنا يديك العافية ياحافظ لأنو عصام عبدالصادق قال كل ما يشوفك قاعد يعطش وبيكون عايز يشرب مويه .هههههههههه اضحك الله ايامكم قوم تهبون الدنيا الشموخ وتزرعون قيم المحبة .. كلماتكم يندى لها الجبين فرحاً وقلوبكم تضج صفاءاً وأرواحكم كأنها تلاقت في عوالم الغيب تحابت وتعانقت .. فهل الســر في انتمائكم ام وحدتكم على كلمة الجريف أم الســر العظيم فيمن تهب النيل عاني العناد وتزرع في الضواحي الخصوبة أمنا الجريف من أولها لآخرها . حزينة يوماً وسعيدة ألف يوم
http://i87.servimg.com/u/f87/11/77/43/79/1910.jpg (http://www.servimg.com/image_preview.php?i=353&u=11774379)

[الهندي بشير نابري]

أخوانا عبد الباقي الصديق وأحمد عبد العزيز معهم عضو المنتدى سيدنا عبد الرحيم حطي ود ريــــا وربنا يجمعنا بهم دوماً في الافراح . وشكرا لمرافقتهم لنا الى محطة القطار وكان فراقهم أمر من وطي الجمر لكن أمل اللقاء بهم وبكم جميعاً يسري في العروق ويشتت بوادر الحزن والألم كونو بخير جميعاً ولنا في دار الدنيا لقاءات لو مد ربنا في العمر وهناك لقاء ممتد ان شاء الله
http://i87.servimg.com/u/f87/11/77/43/79/2010.jpg (http://www.servimg.com/image_preview.php?i=354&u=11774379)

[الهندي بشير نابري]

يتوسط الحضور هنا حبيبي وصديقي محي الدين حسن محي الدين عضو المنتدى والذي نقل لنا في يوم من الايام مشاركة أحد زملائة بالعمل تكريماً للمنتدى وثناء على التجمع الرهيب لأهل المنطقة.
شكرا لجمالكم محي الدين وكل من حوله لحفاوة استقبالكم وكريم جودكم وهاهو ومازال العهد بكم نجوم أينما كنتم وذكريات من الزمن الجميل الغالي محي الدين وباباكر العشاي وعامر العشاي حيث كانو في استقبالنا في محطة السكه حديد ويوسف حسن وعبدالباقي وحاج أحمد عمر وكل اهل الشرقية ....
http://i87.servimg.com/u/f87/11/77/43/79/2110.jpg (http://www.servimg.com/image_preview.php?i=355&u=11774379)

[الهندي بشير نابري]

http://i87.servimg.com/u/f87/11/77/43/79/2210.jpg (http://www.servimg.com/image_preview.php?i=356&u=11774379)

أخونا عامر العشاي ونجده قاعداً جنب الصحن الفيهو الحاجه الفيها اشواك اشواك وشوك شوك واتضح لاحقاً انها البلح واعلان الافطار تشيل شوكه مع الآذان ترمي الحاجه الفيها في خشمك وتسكت ماتكلم زول وتمضغ ... سبحان الله !! وتمسك الشوكه في يدك .. وتاني تشيل واحده تانية ونفس الحكاية .... حسيت انو بدر وايهاب وحافظ وعصام اتجهجهو شديد وعبدالرحيم شايل الصحن ولافي عليهم وعمنا عمر حامد يضضضضضضضحك .. ربنا يضحك سنين عمركم ويسعد ايامكم كما اكرمتم مقامنا واخجلتم تواضعنا .

[الهندي بشير نابري]

http://i87.servimg.com/u/f87/11/77/43/79/2310.jpg (http://www.servimg.com/image_preview.php?i=357&u=11774379)
أخونا الطيب الامام وعادل مختار ومحمد السيد وبدر عبدالماجد وحافظ العبيد رجال يحكي عنهم التاريخ ونختزن صورهم في اقصى الامكنة بالقلب وتظل كلماتهم عالقة بآذاننا .. فرح موازي وسعادة طائلة وهائلة .. يلتقيك الرجل منهم ويسالمك ويقالدك ويتمنى ان يحوز عليك ويمتلكك ويقاسي الزمن الفراق وانت تخجل امام طيب كرمهم وحفاوة تحيتهم وطيب معشرهم كانو معنا لحظه بلحظة وكنا معهك لحظه بلحظه تلفوناتنا لم يهدأ لها بال إلا حين اللقاء وبعد اللقاء والانتشاء برؤياهم .. رجال يحكي عنهم التاريخ والزمن يعرفون قدر الرجال تكسوهو محنة ومحنة وحنين ورجالة تارياهم وحنين ماليهم سبحان الله !! لله درهم ... اللهم كما جمعتنا بهم اليوم اجمعنا بهم كل يوم وفي دار كرامتك مع كل الاحباب
ويعيس المنتدى ويدوم خيره ويفضل يجمعنا ويلمنا ونبقى كلنا صفاً واحد وعود في عين الحسود .. وكيتاً على ايمن الســر وعلى ناس جده وعلى ناس مكه وعلى ناس الهند وعلى ناس الرياض وعلى ناس كندا وعلى ناس السودان وعلى وليد سنقد وعلى ناجي حسين وعلى عليش الحاج وعلي باقي الناس نحنا اتلاقينا واتلمينا وين لماتكم ووين افراحكم نحنا معاكم واياكم وين ماكنتو والله يقدرنا ...
أبو تراجي مايكشف حالنا .....
ونسيت كيتاً كبيرة على ناس قطر .. حالهم يحنن .. انت عارف ياصديق اقعد على جنبه اخد ليك بكيه سمممحه ورسل لي ( C.V) سريع هههههههه . ويعيش السكر وتبقى ايامكم كلها سكر
والقادم من الصور ينصح بعدم تناولها في نهار رمضان لأنها خطرة جداً ويرجى عدم الاطلاع عليها إلا بعد أذان العشــاء يكون الزول فطر واتمهل تب ...
هندي: كدي يابدر جيب البتاعه الجنبك دي اسمها شنو ؟
بدر:والله ياهندي مابعرفها لكن كدي النضوقا ليك ......لاحولااا ياخي دي اسمها هناي هناي هناي .. والله راح لي
هندي : عليك الله قول مابعرفها ساي ما بيحصل ليك شئ
بدر: هيئ هيئ هيئ هيئ هيئ هيئ هيئ والله أم أحمد دي بتعرف للمحن حيرتنا .
هندي : ألووووو هيثم الباغر . هيا يابه التراب التكيل خشمك .. اقعد اقرا في البوست الفي قسم النواعم اسمو شنو ياخي والله انامخي اتشطب .. اقعد اقرا آبوي وجوط بهناك غادي غادي براك ونحنا بيجاي خلينا مع الحقيقة وبوفيه مفتوح قلت ليك .. يا اب ملاح رجله قطرو قام وصدم الساعه خمسه ودفقوهو في الخور هناااااك في كركوج علشان ريحته تمشي على ام دوم ... آل ملاح رجله آل ....
هيثم : هيا الهندي اديني معاك فرصة .
الهندي : لا والله اصلو مابديك فرصة تتكلم عليك النبي الملاح السويتو لينا داك تقول قالت وصفته لينا ام احمد .. ياخي انبقص بالله
انت ماشفت حاجه ولا رأيت .. هوي هوي مع السلامه ماعندي رصيد .
هيثم : هيئ هيئ هيئ هيئ (قلبو داير ينقطع من الضحك) .

[الهندي بشير نابري]

دي الله بيسألني مابعرفا لكن يمين بالله عمنا عصام عبدالصادق قايلن كرعين جداد ثبتناهو سريع سريع قلنا ليهو امسك أكل واسكت ما يتكشف حالنا نحنا زاتنا ماعرفنها والبيعرف فيكم يورينا دي شنو الفي الصحن ده يوجد جائزه على سؤال واحد حبه من الفي الصحن ترسل له بالــ DHL أينما كان في العالم
http://i87.servimg.com/u/f87/11/77/43/79/0110.jpg (http://www.servimg.com/image_preview.php?i=358&u=11774379)

[الهندي بشير نابري]

الفي الصحن الهناااك المقفول ده .. المغسه دايره تشقني نصين لو ماعرفته شنو لكن الزمن ضايقني وقدر ماحولت مع الصحن اتعرف عليهو غلبني ولقيتو تقيل شديد ومتعزز في علاه في النهاية اتمغسته وفت منه وقلت ليهو المهم الأخلاق ... لكن شوفو النية البيضاء وقدرت القادر الغلبت عبدالقادر لما جينا مارقين عمنا عمر حامد أدانا غنيمة كبيرة في علبه كبيرة ولما وصلنا البيت وفتحناهو أكان لقيتو قاااااااااااااااعد .. هههههه عاينت لأبوي وقعدته اضحك وعاينت للصحن وقلت ليهو بقليبك تقول لي تعال وتعال وبعيونك تقول لي لا لا لا امشي مافي مجال وانا بيجاي زيو مالاقيت ومتلو ماحبيت لكن تقلت في العصيده وما سمعت كلام بدر عبدالماجد .. دحين عينو في الصحن سمح وشوفو فيهو شنو والبعرفه يكلمني بيهو انا اكلته وبرضو ماعرفته ... قلت لالاقاني في "ستيك هاوس ولا سيزلر هاوس ولا توتي بيروتي" بس تقول قاااااااادر الله في ملكه .. سبحان الله !!!
http://i87.servimg.com/u/f87/11/77/43/79/0210.jpg (http://www.servimg.com/image_preview.php?i=359&u=11774379)

[ابو تراجى]

حقنا وين يا اخوى عمر
داير الحلويات والغلويات
ده بس الظهر فى الصور الاولى
وبعدين نشوف المحمر والمشمر

وكمان الاوزان بتاعت الجماعة
قبل الفطور وبعدو !!!!!!!!!
وعينى حاره
والله يخلى الجضوم
كلكم سمان

[ابو تراجى]

بس حافظ ود عبيد
احرف جزار ما يطلع منو ربع كيلو

[الهندي بشير نابري]

الفي الكورنه الشمال دي بليله وعمنا عمر حامد قال لعمنا عصام اكل من البليله دي .. عصام عاين فيهو بحرقة شديده ومغسه وقال ليهو عليك النبي دا يوم بليله ياخي ؟؟!!! الله بيسألك ده يوم بليله وهنا عمنا عمر حامد فرفر من الضحك
وباقي الحاجات الفي الكورنات التانيات اتعرفو عليهن على مهل يمكن زول يكون لاقاهن في محل كدا ولا كدا قبال كدا
http://i87.servimg.com/u/f87/11/77/43/79/0310.jpg (http://www.servimg.com/image_preview.php?i=360&u=11774379)

[الطيب الامام الطيب الامام]

هههههههههههههههههههههههههههههههههههههههههههههههههه هه والله انا من الساعة ثلاثة منتظر ظهور الهلال والله ياابوتراجى متخيلك وحاسى بيك ووين وين تلقه زى ده وفوق فوق ابو احمد وام احمد فوق والشرقية حلا والدمام غيررررررررررر

[الهندي بشير نابري]

الفي الصحن دي انا فرحت لما شفتها وقايلها سمبوسه طلعت موكوسه فيها حاجات احتمال لو فتشنا فيالمعجم أو خريطة العلام تلقاهن .. قاااااااادر الله في خلقة
http://i87.servimg.com/u/f87/11/77/43/79/0410.jpg (http://www.servimg.com/image_preview.php?i=361&u=11774379)

[الهندي بشير نابري]

البوفيه المفتوح بالجنبه للعينو مواجعاهو
http://i87.servimg.com/u/f87/11/77/43/79/0710.jpg (http://www.servimg.com/image_preview.php?i=362&u=11774379)

[الطيب الامام الطيب الامام]

بس حافظ ود عبيد
احرف جزار ما يطلع منو ربع كيلو
تعال شوف التعديل بعد شهرين والله ناس بلول يجروا وراه صاحبنا جاء قريب انت مابتشوف اخونا المشوكش عينى بارده بس انت بتقدر على الحيط القصار

[الهندي بشير نابري]

قل هو الله أحد * الله الصمد * لم يلد ولم يولد * ولم يكن له كفواً أحد

عين الحسود فيها كراع جداده وشوية ملاح لبن والحاجه الكان ماغسني ماضقتها ديك

[الهندي بشير نابري]

http://i27.servimg.com/u/f27/11/77/43/79/158710.gif (http://servimg.com/image_preview.php?i=41&u=11774379)
وأتمنى ان أكون غطيت كل الحضور ودعونا نذهب لعمايل وصنيع أم أحمد عضوة المنتدى إمرأة شاركتنا الحضور والبناء في هذا الصرح العظيم منتديات الجريف شرق بتواجدها الدائم وحثيث مشاركاتها وفرحها المبثوث عبر السطور وألمها حين الاختلاف والألم والتي تكبدت المشاق لتخرج فعاليات هذا الكرنفال ويوم لقاءنا هذا على وجه وشكل يعلق بذاكرتنا نحكيه للاجيال والتي قامت بنفسها بتطبيق كل الدروس التي حكت عنها في بوست طبق اليوم في قسم النواعم وبالدليل القاطع والبرهان أثبتت الصدق والحقيقية في مهارتها وقدرتها وانها بنت الأصول وجادت على الجميع بطيب استقبالها .. وهنا حيث نسطر السطور تكريماً لهــا وعلى كرم ضيافتها وجمال وسماحة استقبالها وطيب الطعام الذي صنعته تكريماً لحضورنا وهي تحس انها تعيش بين أخوانها أعضاء المنتدى وتمنت ان الحضور كل المنتدى ولكانت كفّتهم !! لله درها تلك التي شاركتنا في مشروع الســـــــكر بكل جســــارة وكان صوتها عالياً في اختلافاتنا ونقاشاتنا بكل الاصوات والتي كانت نموذجاً نعتز به جرافية ميه الميه أم أحمد .. نهديها هاهنا كل ما تشتهي نفسها من كلمات الشكر والتقدير وهي تصر أن لا نحرج تواضعها ولا نشكرها ولا نشير لعملها وحفاوة كرمها واستقبالها وتقول مدندنة قائلة "دا الواجب وأقل من الواجب وانا ماعملت حاجه" وهي لم تعلم انها تعكس للعالم عبر منتدانا أصالة نساءنا وجودهن وكرمهن كيف لا وهي مصونة عمنا عمر حامد "وحــــّرم حبابكم عشرة" و"ياضيفنا لو زرتنا لوجدتنا نحن الضيوف وأنت رب المنزل"
لكي من الشكر ما يفضي على دنياك السلام وجزاك الله ألف خير ووسع رزقكم وتقبل دعواتك التي يتزين بها توقيعك وجعل البركة في ذريتك وبارك لكي وعليكي ....

وأترككم الآن عساكم تتعرفوا على أنواع المأكولات من صنيع أم أحمد والحاجات الماعرفتها لا انا ولا الكاشف أخوي بد والكاشف التاني ايهاب .. ويمين بالله في حاجات برضو عمنا عصام ماعرفهن ... اها رايكم شنو ؟ّّ!!

وياهيثم الباغر لِم ملاح الرجله عليك بالله .. الدنيا رمضان وتاني لاتجيب سيرة قطر قام ولا قطر طار .. الله لاعودت أيام الهند الكبيسة وملاح الرجلة المامعروف ملاح ولا عكارة ولا مونه وطين .. ياساتر !!

الطيب الإمام بالدليل القااااااااااااااطع . صورة وصوت وطعم وضواقه ... وتاني أوعك تجي قسم النواعم وأوعك تفتكر رقبك حتضيف طبخه جديده في قسم النواعم وأوعك تدخل المطبخ وأوعك وتاني أوعك . والله يعين أم مازن على نظرياتك.

البعد الثالث افتقدنا تواجدك معانا فكنت في القلوب عبر الأثير
الأرنجا يمين بالله اشتهيت لو كنت قريب ومعانا
صديق النعمه ................................(كلام كتييييييير)
الحبيب حبيب الروح المفقود والإتلومنا معاهو أحمد عوض حاج النمير اتمنينا نشوفك في زيارتنا للدمام لكن قبال ماتزعل رأيك شنو حنجي الدمام بس علشانك انت نرضي عليك واكراماً ليك وانا ماقايل القطر ساهل كده !!!!
عنا الخضر حســـــن والله الشوق أضنانا وروحنا طلعت وجا علينا رمضان ونحنا مشتهنك ياريت لو كانت أم أحمد بتقدر تطبخك كان سوتك لينا .. علييييييييييييك النبي تعالي تاني وفرح أيامنا
الباقيين والله كلكم في بالنا وجوا قلوبنا واتمنينا نلقاكم ونسعد بلقياكم ونفرح بشوفتكم لكن ربنا لو مد لينا في العمر بنجتمع مهما طال الزمن أو قصـــر ويعيش أبو أحمد وتعيش أم أحمد

[الطيب الامام الطيب الامام]

الهندى اخوى عرفت اصناف الاكل امكن ام احمد تبصصنا لكن عليك الله اتخيل منظر القنصل المعارض والاستاذ شكلون عامل كيف واللمة الحلوة ده فاتتون والله الماكن معنا يعتبر نفسه نام نومت اهل الكهف ونشكر اسرة شيخ الشرقية عمر حامد فى كرمهم وحلاوة استقبالهم ومثلونا خير تمثيل اللهم ارزقهم قدر نيتهم واجعل الخير فى ابنائهم وزريتهم الى يوم الدين ونشكر كل من جاء من بعد المسافات الى التلقى الجميل معنا

[احمد عثمان حاج حمود]

ياااااااااا ابو تراجى


الجوووووووومة راحت عليك

[عصام عبدالصادق]

أحبابنا الكرام
أعتقد أن الهندي لم يترك لنا أي مساحة للبوح لنعبر عما بداخلنا....
لذا سوف أحاول التلخيص بقدر الإمكان عن هذا اليوم المبارك...
1- أولاً النية الطيبة للرجل القامة السامقة أخونا عمر حامد لها الدور الأكبر في كل ما حدث...
2- ونحن في طريقنا من الرياض إلى الدمام وبمعيتي العزاز عليان بدر والشمعة الحرقانة تسهلت كل أمورنا ... بداية من أول نقطة تفتيش حيث تم إيقافي بداعي السرعة الزائدة ... ومازحت رجل المرور فقلت له بعد عمرنا ده وفي البلد دي نأخذ أول مخالفة ... فأبتسم رجل المرور وهو ممسك بالقلم لتسجيل المخالفة ... وقال لى كم ليك هنا ... فقلت له والله يا دوب لي 27 سنة ... فضحك كثيراً .. وقال لي يا دوب يا زول ... لذا والله سوف أتقاضى عنها ... ولكن أمشي على مهل ... ومن لحظتها سرعتي لم تتعدى الـ 110 ... وهنا تتجلى بداية بركات أخونا عمر حامد.
3- في الطريق تكلمنا كثيراً وكأننا لم نلتقي من قبل ... وتذكرنا أناس كثيرون رحلوا عن دنيانا فترحمنا عليهم .... وهذه محمدة كبيرة في هذه الجمعة المباركة...
4- عند وصولنا إستقبلنا ود الإمام وأتاني إحساس وكأنه منتظرنا عند محطة العشاي ... وأدخلنا البناية وكأننا دخلنا داره ... وتأكد إحساسي هذا بعد أن إنضم إلينا أحمد باداب ...
5- ما أجمل لحظات اللقاء بالأحباب .... وفعلا هذه المساحة لم يترك لنا فيها الهندي جزئية لنبوح فيها ونحكي عن عظمة هذا اللقاء الأخوي...
6- في حضرة أخونا بشير عبدالله تكسرت الألقاب ... حيث لا ينفع فيها رئيس ولا مرؤس ... بل كانت لحظة تجلي مليئة بالتأدب والود والإحترام المتبادل بين الجميع ...
7- منذ أن دخلنا هذه الدار العامرة وحتى لحظة خروجنا إختلطت كل المشاهد .. وتهنا في من هو صاحب الدار ... هل هو عمر حامد أم إخوته الكرام ... لا بل هو عبدالرحيم حطي ... لا ... لا عفواً بل هو عادل مختار ... لا أبداً لا هذا ولا ذاك بل هو يوسف إبن أخت عمر حامد .... من قال يوسف .... يوسف مين يا عم ... بل هو أحمد إبن أم أحمد ... لأنه تنقل بين الجميع بكل أريحية ووزع إبتسامته على الجميع ... فأشبعنا حد الثمالة قبل أن نشبع من الطيبات ... نسأل الله أن يحفظه ....
8- ضحكات أخونا عمر حامد كانت مجلجلة ومن الأعماق ... وبرغم جلجلتها إلا أنها كانت مشبعة بالحنية والمحنة التي نبحث عنها كثيراً في قربتنا.
9- في الأشواط الإضافية أخونا عمر حامد بكل عفوية قال يا جماعة البليلة نسيتوها ... فكان ردي بكل أريحية وقلت له يازول إت ما نصيح هو ده يوم بليلة ...
10- لحظات الوداع لست بقادر على وصفها ... وبيني وبينكم أخوكم مكنته خفت....
11- أهم هذا المحطات التي كانت خلف الكواليس حيث لم تصورها الكاميراً ... حيث أبت أم أحمد إلا أن تعطينا زاد الطريق والسحور ... وحمدت ربي الكريم إنو حافظ وحطي وإيهاب لم يلحظوا ذلك ....
12- المرحلة الأخيرة كانت في دار أخونا عادل مختار ... لم يكن هنالك أي جديد حيث وجدنا عادل كما هو وكما عهدناه دوماً ... وفوق كل هذا وذاك أكرمنا بفوز الهلال من داخل داره وكتم كل آلامه بداخله ... وهذا هو ديدن الكرام ....
13- أهم مرحلة والتي ينبقي علينا أن نتوقف فيها كثيراً ونتدبر الأمر الإلاهي فيها هي لحظة سحورنا في الطريق حيث أن الطيبات التي فاضت عن حاجتنا لها .. أصر أخونا الهميم بدر عبدالماجد إلا أن يعطيها لعمال المحطة التي توقفنا فيها ... ومدى الفرحة التي بانت على وجوه هذه العمالة ... أوعلمتم إخوتي الخير القادم من الخيرين أين يكون مداه... وتشئ أرادة المولى عز وجل أن يحكي لنا عمر حامد لحظة خروجنا من داره عن قصة ضرس المتوفي والذي وجد بداخله حبة عيش منذ سنوات طويلة .. وإذ بالقوم يتناقشون حول هذه الحبة أتاهم شخص وخطف هذه الحبة ووضعها داخل فمه فكانت من نصيبه بعد أن إنتظرت كل هذه السنوات .... وعليكم أن تقارنوها مع عمال المحطة بأن أتاهم الزاد من الدمام بمسافة تبعد الـ 150 كيلوا...
14- شكراً أخي عمر حامد وأسرته الكريمة ... شكراً أهلنا في الشرقية .. على هذه الجلسة الما منظور مثيلها ...

ويدوم الود ... وتدوم المحبة بين الجميع...

[الهندي بشير نابري]

http://i27.servimg.com/u/f27/11/77/43/79/158710.gif (http://servimg.com/image_preview.php?i=41&u=11774379)
الحبيب أبو مازن والله اللقاء بكم كان غذاء الروح وتولت أم أحمد وأبو أحمد غذاء الجســد .. فرحنا كتير لشوفتكم .. ولو كان غذاء الجسد بس قراصة أبو تراجي لكان فرحنا ايضاً بلقاكم وهاهو عمل يثير في البقية حب اللقاء ببعضنا وحب الاجتماع دوماً على المحبة والنية البيضاء الصافية .. وهاهو لقاء أشرف عليه عمنا عمر حامد سجل نفسه في لوح التاريخ بلون الذهب ونقش على الحجر ..
شكراً ليكم أهل الشرقية وأهل الغربية وأهل المملكة والسودان وفرنسا وقطر وكندا والهند والله كنتم جميعاً حضور بالبال .. أطلقنا العنان لصوركم تجوب خيالنا وأفكارنا .. وكانت النتيجه أسماء تخضع لها وأمامها قامات الرجــــال ... شكراً لكل الحضور وشكرا لكل الغياب وشكراً للقراب والبعاد وهاهي سنة وكل سنه عندنا جيه على الشرقية لو ربنا مد في العمر والمره الجايه معانا عبدالله نابري والذي حكمت عليه الأقدار ان يفارقنا متجها لقص جميل ومرحلة أخرى في الحياة ... ويبقى عمنا عمر حامد نبراس الليلة وفارس هذا العام وتبقى أم أحمد برهان حفاوة وتكريم ودليل قاطع حقاً على الاصالة والكرم والجود .. ويبقى الجميع جرافة تريانين حنين .
وأبقى بعافية يا ابو مازن بس تاني عليك النبي ماتجي قسم النواعم تكتب ليك أي وصفة .. "عصام قال ليك أكشحها ودفقها يعني عملت شنو مابرضو حأكشحها ههههههههه "

[الهندي بشير نابري]

http://aljraif.com/vb/mrsa_rmdan/misc/quotes/quot-top-left.gifاقتباسhttp://aljraif.com/vb/mrsa_rmdan/misc/quotes/quot-top-right.gifhttp://aljraif.com/vb/mrsa_rmdan/misc/quotes/quot-by-left.gif http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=6950#post6950) المشاركة الأصلية كتبت بواسطة ياسر العاقبhttp://aljraif.com/vb/mrsa_rmdan/misc/quotes/quot-by-right.gifhttp://aljraif.com/vb/mrsa_rmdan/misc/quotes/quot-top-right-10.gifاهلا بالعم بشير والاخ الهندي ..... املين لكم زيارة طيبة و عودا سالما http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif




الحبيب ياسر العاقب أصحابك وزملائك الجو فطرو معاك وحرمونا
شوفت ان شاء الله الفطور مايكون نفعهم بس كده كيتاً عليهم .

[الهندي بشير نابري]

http://aljraif.com/vb/mrsa_rmdan/misc/quotes/quot-top-left.gifاقتباسhttp://aljraif.com/vb/mrsa_rmdan/misc/quotes/quot-top-right.gifhttp://aljraif.com/vb/mrsa_rmdan/misc/quotes/quot-by-left.gif http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=7006#post7006) المشاركة الأصلية كتبت بواسطة الطيب الامام الطيب الامامhttp://aljraif.com/vb/mrsa_rmdan/misc/quotes/quot-by-right.gifhttp://aljraif.com/vb/mrsa_rmdan/misc/quotes/quot-top-right-10.gifالف مليون مرحبا بى شيخ القبيلة وابنه والتجهيزات مستمره بقدوم السيد الرئيس ووزير خارجيته وكيتنا كدى الى القنصل المعارض الايام ده الشرقية مزدهره ومنوره والترتيبات بتنقلب على القنصل المعارض ومافى اى طريقة الى حرب الجواسيس وبى قليبك تقولى تعال وتعال وبى عيونك تقولى مافى مجال http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif



الحبيب الطيب الإمام شكرا ليك كتير وابتسامة الدهر التي كانت على محياك دخلت قلوبنا فعلاً واسعدتنا
وقلت ليك عمنا عصام في الرجعه قالوا مسكتو كضمه وسكته خشمية وبقا ماقادر ينضم من فرحته بالجيه دي
والزيارة دي ياربي أم أحمد تكون كترت السكر في كراع الجداده المغشوشه لأن عمنا عصام كتر منها شديد وبعد ماوصل الخامسه كان قايلها كراع جداده وربنا يحلي أيامكم زي ماحليتو أيامنا

[الهندي بشير نابري]

http://aljraif.com/vb/mrsa_rmdan/misc/quotes/quot-top-left.gifاقتباسhttp://aljraif.com/vb/mrsa_rmdan/misc/quotes/quot-top-right.gifhttp://aljraif.com/vb/mrsa_rmdan/misc/quotes/quot-by-left.gif http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=7017#post7017) المشاركة الأصلية كتبت بواسطة ابو تراجىhttp://aljraif.com/vb/mrsa_rmdan/misc/quotes/quot-by-right.gifhttp://aljraif.com/vb/mrsa_rmdan/misc/quotes/quot-top-right-10.gifوالله دى مؤامرة واضحة جداً للجميع
كيف تم التنسيق ؟؟؟

فجأه وفي لمح البصر

وما الهدف من هذه الزيارة الغير معلنه ؟؟؟

انقلاب على القنصلية ههههههههه كع كرع

هل الزيارة شخصية ام شىء اخر

خطوبة الهندي

وبعدين ناس الشرقية ما كلمونا وعزمونا لية ؟؟؟

أقليات

الاستاذ عمر حامد مجذوب امس كنت معاه فى التلفون ما جاب لية سيرة !!!

لزوم السرية وعملية الانقلاب على القنصلية

والطيب الامام بغازل فينا (جاى عمرة وماشى السودان وماعارف شنو !!!!
دى كلها تاكد ما ذهبت الية وكان ما عرفنا السبب البخلى الجماعة ما يجو العمرة ويمشو الشرقية شنو؟!!!

الطيب الإمام سوا لينا طبخه في قسم النواعم كان داير يلحقنا أمات طه انت بتصدقو ؟؟؟!!!

حنعلن انفصالنا التام عن الانضمام تحت لواء (جمعية الجريف الكبرى) بالسعودية
ونعرف مصاريف الرحلة من اين ؟؟؟سوف نعمل الى تحويل المراجع القانونى (معز عبدالمنعم )
الى الرياض لمراجعة الحسابات والمنصرفات للجمعية (مدخولات شوال السكر )

ياساتر ياساتر فيها معز عبدالمنعم ؟!!! ياساتر ومراجعه قانونية كمان الله يكضب الشينة لكن عبدالله نابري شال القروش وهرب نحنا ذنبنا شنو ؟؟؟

وكان ما اخونا بشير معاهم كنا قلنا دى حركة من الريئس عشان يخمس فى المنامه ويشرب ليه مشروبات روحية (مع انو هو زاتو ما بعرف المشروبات المعنية )لكن اقصر الطرق الى اليقين هو الشك !!!!!!!!!
فانا اشك اذا انا مظلوم

أها وجود بشير ده خرب علينا الانقلاب وربنا لطف بيكم ناس الغربية

وياريت لو كلمونى كنت جيت وعملته عمرة فى المنامه
وضربنا قزازة باردة من المشروبات الغازيه واكلنا فطور (ام احمد قريبتى )
فلها التحية
متظرين عزومتنا !!!!
والله يكضب الشينه
http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif



والله يا ابو تراجي نحنا عارفين أصلك ومعدنك ولم تغيب عننا لحظه ومع كل لقمة ياسلام ياحليل ابو تراجي وفي كل لحظه ياسلااام وين ابو تراجي وبالذات لما جات مواعيد صلاة المغرب ههههههههههههه

[الهندي بشير نابري]

http://aljraif.com/vb/mrsa_rmdan/misc/quotes/quot-top-left.gifاقتباسhttp://aljraif.com/vb/mrsa_rmdan/misc/quotes/quot-top-right.gifhttp://aljraif.com/vb/mrsa_rmdan/misc/quotes/quot-by-left.gif http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=7020#post7020) المشاركة الأصلية كتبت بواسطة عمر حامد مجذوبhttp://aljraif.com/vb/mrsa_rmdan/misc/quotes/quot-by-right.gifhttp://aljraif.com/vb/mrsa_rmdan/misc/quotes/quot-top-right-10.gifترحب الشرقية بزوارها الكرام سلسيل الكرام البشير و الرائد الذى لا يكذب أهله إبننا الحبيب الهندى و نترقب على أحر من الجمر وصول حادى الركب الرئيس و أركان حربه البدر و المفاجأة عصام حسب النبى و أبت الطبيعة فى أن تكمل فرحتنا بالتنازل عن رطوبتها العالية و لا أملك إلا أن أستعير جملة الرائع هندى بأن أقول لهم مرحبا بالحضور الفخيم.
............
و ختاما أقول لضيوفنا الكرام حللتم أهلا و نزلتم سهلا و أقول :
يا ضيفنا لو زرتنا لوجدتنا نحن الضيوف و أنت رب المنزل.
http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif






بارك الله دياركم عمنا عمر حامد وبارك في رزقكم ونور طريقكم وأسعد حياتكم وأيامكم وجعل الخير فيكم اينما كنتم وترحيبك لينا شهدت عليهو الأ{ض والسماء وأعلن المنادى الله أكبر كلمة الحق حينها وربنا لطف انو ماكان في يدك سلاح

[الهندي بشير نابري]

اقتباسhttp://aljraif.com/vb/mrsa_rmdan/misc/quotes/quot-top-right.gifhttp://aljraif.com/vb/mrsa_rmdan/misc/quotes/quot-by-left.gif http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=7021#post7021) المشاركة الأصلية كتبت بواسطة بكرى الطيب هديةhttp://aljraif.com/vb/mrsa_rmdan/misc/quotes/quot-top-right-10.gifاحتجهاج شديد اللهجة وبالصوت العالي ولو ما عمنا بشير معاكم كان قلت كلام كثير لكن منتظرين جيتكم وبعدين نتفاهم وعلى العموم مبروك لناس الشرقية والله يعينكم على قضاء حوائجكم بالكتمان دائما مش زي ناس قرعيتي راحت http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif





الحبيب استاذنا بكري الطيب هدية والله لم يفارق اسمك الحضور
وكنتم معنا حضور وفي السودان حضور ومع فرحات النساء
حضور وربنا يحلي أيامكم زي ماحليتو ايامنا بالسكــــــــــــر
شكراً لتواجدك بهذا البوست أيها الفخيم أستاذ بكري سليل الكرام

[الهندي بشير نابري]

اقتباس http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=7044#post7044) المشاركة الأصلية كتبت بواسطة احمد عثمان حاج حمودhttp://aljraif.com/vb/mrsa_rmdan/misc/quotes/quot-top-right-10.gifعوووووووووووووووووووووك
الليلة الشرقية غييييييير

بزيارة الرئيس والعم بشير
ومليون مرحب بالضيوف الكرام
ويا ابو تراجى والله برسالة وسائط ما تلحقنا
http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif
والله يا ابو تراجي النصيحة بيني وبينك ليك حق تحسدنا والنوريك عينك لو حارة ولا بارده اتلاقينا واتلمينا وشوف عوووووك دي جات كبيره كيفن وغايتو ربنا يصبرك ويقويك ان شاء الله
ويعيش المنتدى ويدوم خيره

لاحوله ولاقوة برسالة وسائط مافي ليهو طريقه هههههههههه
ههههههههههههههههههه والله يا احمد بالغته عديييييييييل

[الهندي بشير نابري]

http://aljraif.com/vb/mrsa_rmdan/misc/quotes/quot-top-left.gifاقتباسhttp://aljraif.com/vb/mrsa_rmdan/misc/quotes/quot-top-right.gifhttp://aljraif.com/vb/mrsa_rmdan/misc/quotes/quot-by-left.gif http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=7029#post7029) المشاركة الأصلية كتبت بواسطة عادل مختار الزينhttp://aljraif.com/vb/mrsa_rmdan/misc/quotes/quot-by-right.gifhttp://aljraif.com/vb/mrsa_rmdan/misc/quotes/quot-top-right-10.gif
ألف مليون مرحب بالأخ الأكبر بشير وبالمشرف العام الأخ الهندي ونقول لهم حللتم أهلاً ونزلتم سهلاً كما نرحب بالأخ عصام حسب النبي لإنتقاله للعمل بالدمام
وفي إنتظار وصول بقية العقد الفريد كل من عصام عبدالصادق وبدر عبدالماجد ومحمد السيد وكما ذكر أخونا عمر حامد الدعوة مفتوحة للكل ، البقدر يجي الليلة بختو والما بقدر باقي آخر جمعة في رمضان حقو يحصلها في الدمام لأن العيد في الدمام غييييييييييييييييير ، وتعالوا وشوفوا براكم.



وألف مرحب بالجميع
http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif
الحبيب عادل مختار ترحابكم كان شاهد ودليل ..ابهج نفوسنا وفرح قلوبنا ولقياكم كانت الدواء بعد أعاصير الألم المتواترة وهانحن نحزن يوم ونفرح بلقياكم ألف يوم .. أبقى بعافية يالغالي وشوفتك يمين بالله نفديها بالعمر وربنا يجمعنا تاني وتاني وتاني من جديد وربنا يجمعنا في حرمه الشريف ونمشي لأبو تراجي نبرد بطنو .. ويمن بالله اشتقنا ليهو يمين بالله .

[الهندي بشير نابري]

http://aljraif.com/vb/mrsa_rmdan/misc/quotes/quot-top-left.gifاقتباسhttp://aljraif.com/vb/mrsa_rmdan/misc/quotes/quot-top-right.gifhttp://aljraif.com/vb/mrsa_rmdan/misc/quotes/quot-by-left.gif http://aljraif.com/vb/mrsa_rmdan/misc/quotes/viw.gif (http://aljraif.com/vb/showthread.php?p=7176#post7176) المشاركة الأصلية كتبت بواسطة احمد عثمان حاج حمودhttp://aljraif.com/vb/mrsa_rmdan/misc/quotes/quot-by-right.gifhttp://aljraif.com/vb/mrsa_rmdan/misc/quotes/quot-top-right-10.gifياااااااااا ابو تراجى



الجوووووووومة راحت عليك

http://aljraif.com/vb/mrsa_rmdan/misc/quotes/quot-bot-left.gifhttp://aljraif.com/vb/mrsa_rmdan/misc/quotes/quot-bot-right.gif






غايتو مغايس ودغايس

[احمد عثمان حاج حمود]

بارك الله دياركم عمنا عمر حامد وبارك في رزقكم ونور طريقكم
وأسعد حياتكم وأيامكم وجعل الخير فيكم اينما كنتم



بس كانت ناقصة ابو تراجى ,,,,,

[عادل مختار الزين]

الأخوان الأعزاء


نتقدم بالشكر للأخ الفاضل عمر حامد وحرمه المصون السيدة : أم أحمد الذين أتاحوا لنا فرصة اللقاء بأحبة لنا أتوا من مدينة الرياض في زيارة أخوية خالصة لله وكان الرابط بين جميع هؤلاء الأكارم هي تلك البقعة الغالية علي نفوسنا جميعاً ألا وهي منطقة الجريف شرق وأيضاً ذلك المننتدى الذي كان له الأثر الأكبر في توطيد أواصر تلك العلاقة التي تربطنا جميعاً ، ولولا هذا المنتدى لما سنحت مثل هذه اللحظة الفريده التي جمعت هؤلاء الإخوة تحت أي مسمى آخر لإختلاف أعمارهم وأفكارهم ولبعد المسافة التي بينهم ، ولكن عندما خلصت النية لله وترابط أهل الجريف ترابطاً وثيقاً بإسم هذا المنتدى نشأت الصداقات والعلاقات الأخوية الصادقة وأصبح كل منا يحن للقاء أخيه لذا كان اللقاء الجامع في مدينة الرياض والذي تكبد فيه أخونا أبو تراجي مشقة السفر من مدينة جدة ليكون بين أخوته وأحبته ولا أظن أن أحداً يقطع كل هذه الفيافي والمسافات وفي قلبه مثقال ذرة من شك في أن هؤلاء الإخوة يبادلون الحب بالحب والإخوة بالإخوة،
وكذا هو الحال في إخوتنا الذين تشرفنا بزيارتهم لنا في مدينة الدمام جاؤوا وهم صيام لا لشئ سوى ليثبوا لنا حقيقة ما ذكر أعلاه وبالرغم من قصر فترة الزيارة وبالرغم من أن بعض الإخوان لم يتقابلوا وجهاً لوجه من قبل وكان تواصلهم عبر هذا المنتدى فقط إلا أن اللقاء جاء صافياً نقياً ثمثلت فيه المحبة الخالصة لبعضنا البعض ولتك المنطقة التي تربطنا ونسأل الله أن يديم المحبة بيننا جميعاً وأن يجزي عنا كل خير الأخ عمر حامد المجذوب وزوجته الأخت أم أحمد ونسأل الله أن يحفظهم ويحفظ أسرتهم لما قدموه لنا منك كرم الضيافة كيف لا وهم عمر حامد وأم أحمد.
من بعض المواقف الطريفة يالهندي والتي لم تذكرها هي أن أخونا محمد السيد ( ليه يا شمعه سهرانه )طبعا الرجل يمتاز بخفة دمه وسرعة البديهة في التعليق على كل شئ يلمحه ، طبعاً أختنا أم أحمد مد الله في أيامها لم تقصر في شئ حتى التمر اللي نحنا بنعرفو زي جوع بطنا بالأمس تنكر لنا لما فيه من زينة وأشكال وأنواع مختلفه في طريقة تقديمه. لحظة توزيع التمر بأشكاله المختلفة كنت بمزح مع ود السيد قلته ليهو خلاص فطرتو ا بعد ده قوموا أمشوا قال لي لسه أنا والله غير تمر العقد ده ما أكلت حاجه ، وطبعاً التمر كان أول حاجة.
الطرفة التانية عندما أتى أخونا الفاضل عمر حامد وهو يحمل أوصال اللحمة المشوية في صحن كبييييييييييييير ما شاء الله ود السيد قال لي والله زي المسلسلات الدينية ، وكان له في كل موقف طرفه.
مرة أخرى نشكر الأخ عمر حامد ولأم أحمد لتمثيلنا خير تمثيل والذان أتعبا من قدم دعوة بعدهما لأن لا أظنها ستكون بمثل هذه الروعة كما أتقدم بالشكر كله للأخ الأكبر بشير عبدالله نابري وإبنه المشرف العام الهندي ولعصام عبدالصادق وبدر عبدالماجد ولمحمد السيد
ودمتم

[عمر حامد مجذوب]

بسم الله و الحمد لله الذى جعلنى منكم أحبتى و أهلى و عشيرتى , الحمد الله الذى ربط نسبى و إسمى و إنتمائى إليكم يا من أعتز و أفتخر بكم أينما كنت و أينما حللت و الله أسأل أن يجعلنى خادما لكم و أن يجعل دارى الصغيرة داركم و مستقرا للجميع.
بدءا أشكر هذا المنتدى الرائع حيث كان له القدح المعلى فى أن جعل تواصلنا متاحا و سهلا و عليه شكرى لا يفوقه شكر إلا أن أسأل الله الجزاء لأبناء الحاج عبدالصادق و نجمة و سودانية أصحاب اللبنة الأولى و الإدارة الحالية و على رأسها الإبن الحبيب إبن الحبيب الهندى.
لم يترك لى الأخوة الذين سبقونى فرصة لأن أبدى رأى, و لكن ما أسعدنى حقا حضور أحبة على النفس أعزة علينا جميعا لدارنا المتواضعة, حيث إنتابنى إحساس لا أقدر على وصفه بوجود هذه المجموعة الطيبة فى منزلى ,و لم أجد ما أقوله سوى جزاكم الله عنا خير الجزاء و سامحونا إن كان هناك قصور.
الإبن هندى أشكرك كثيرا و أقول و بكل صراحة لانستحق ما سطرته و دا أقل واجب و كم تمنيت أن تمتد هذه الزيارة و لو لعدة أيام .و خفت إنك تكرر لينا عملية العيد قبل أكثر من عشرين عام.
الرائع بشير حضورك أضاف ألقا على على ألق الزيارة و أنا طماع و أملى أن تتكرر.
الرائع الرئيس يعجز لسانى في ماذا أقول لك و عنك و لكن لسان حالى يقول لك:
يا ريسنا و فارسنا لينا زمن نفتش ليك و جيتنا الليلة كايسنا.
الحبيب الأديب سلسل الكرام بدر البدور دمتم لنا و دام بكم عزنا يا ود المصارين الجوة.
ليه يا شمعة فايتانا ,ليه يا شمعة سايبانا , ليه يا شمعة تاركانا ما أروعك يا محمد و خاصة عندما تستعدل للصور.
جزاكم الله خيرا تشرفنا بكم و زدنا بكم فخرا و أحسسنا بقيمتنا بالإنتماء لكم فلا تحرمونا هكذا زيارات و لقاءات.
أكثر ما أعجبنى حالة إنعدام الوزن التى ألمت بأى تراجى حيث تلقيت منه حوالى 25 إتصال بداية هل الأذان أذن فى الدمام و لا لسه حتى أكلتوا التحلية ولا لسه حيث كنت التحلية يا أبوترجى و نعم من تحلية إنت.
الشكر لمن كانوا معنا بالتلفون نعمتنا الرائع إبن النعمه و الأديب و صاحب الزوق الرفيع الأستاذ بكرى الطيب. و كم تمنيت أن أتصل على الإبن هيثم الباقر و الذى أعتذر له و لكن فليعش معانا عبر المنتدى.
تحية خاصة لعريس المنتدى الذى كان من المفترض أن يكون من ضمن المجموعة لكن ناس الرياض عملوا خيانة عملوها بعد سفروهو, لكن يا عبدالله ليك عندنا واحدة زى دى بعدما ترجع بالسلامة و فوقك الملائكة.
تحيتى لكل أعضاء المنتدى و أوجه الدعوة لكل قادم للشرقية أو البحرين و أقول للجميع يشيلكم الرأس قبل البيت.
الأخوة أبناء الشرقية أجمل ما أحسست و رأيت فى العيون أن هذا المنزل الذى نحن فيه هو منزل عادل مختار ,الطيب الإمام,ود ريا, إيهاب,حافظ,أنور,أحمدباداب, محى الدين,عبدالباقى,ود العشاى,بابكر,يوسف, أم هو منزل أحمد باقير بل هو منزل الجريف و منزل كل منتمى للجريف فى كل أصقاع الدنيا.
أحبتى لسان يعجز عن شكركم و لكل المتداخلين و بإذن الله قريبا لنا دعوة للقنصلية و أستاذنا بكرى و ناس جدة,و أشكر من خلالكم ربة المنزل التى رفعت هامتى عاليا بينكم و بكم و لكم .
و أخيرا أقول:
و أسفاى و ا زلى لو ما ما كنت من ناس ديل.

[عمر حامد مجذوب]

الطيب الإمام ليك التحية يا أخى مالك مع أبوتراجى باقى ليهو فى حلقه , أنا خايف بعد كدا يفتح فيك بلاغ عند عصام عبد الصادق أو يكلم ليك كفيله بكرى .
معليش سامحوهوا يا أسياد جاهل وصغير . خلاص يا الطيب تانى ما تعمل كدا.

[عمر حامد مجذوب]

غررررريييييييبة فى نــــــــــاس مـــــا شـــــــــــــــايفهم و هم عارفين نفسهم و إذا ما ما ظهروا خلال الست ساعات القادمة حيكون فى كلام خـــــــــــطــــــــــــيـــــــــــــــــــررررر ررررررررر.

[الطيب الامام الطيب الامام]

غررررريييييييبة فى نــــــــــاس مـــــا شـــــــــــــــايفهم و هم عارفين نفسهم و إذا ما ما ظهروا خلال الست ساعات القادمة حيكون فى كلام خـــــــــــطــــــــــــيـــــــــــــــــــررررر ررررررررر.

شيخ الدمام والله من قبيل عايز اخش لكن خفت اشوف لى صورة من صنع اكل ام احمد اقوم اتجهجه واجوع لكن ياشيخ القبائل انت عايز تشوف الناس بى جى البدخل كلوا بتقضم ويمتنع من الكلام هو الهندى ترك شى عشان الناس يلقوا شى يكتبوا وكان لى ناس الغربية مامعروف الحاصل عليهم شنوا كدى ياعمر اتخيل منظر ابوتراجى ولله من امس كل مااتزكر اللمه الحلوة ده اموت من الضحك على الحصل على القنصل المعارض وكان ماجاء عمنا بشير كنا عملنا الانقلاب والله ستر

[ابو تراجى]

انت قاصدنى عديل يا عمر اخوى
سمح بجر السبحه
وبختك فى اللسته

لكن بالله ما عندى حق ازعل بدون مفاوضه
لا عزومة ولا يجينى حقى (لين او ناشف )
بس كلام ما بعيدو
كان الناس ديل ما جونا فى جدة اى واحد كان موجود فىافطار
الدمام
على الايام اعمل لى انقلاب لا لا انشقاق
اولا نعمل منتدى واسمو جاهز
والتسجيل فيهو بالشكل والخط (يعنى معاينة واملاء )
واضمن تماما هناى ما بجى عندنا
تانيا والله نفتش لينا رئيس اسمح من رئيسكم
وكان داير زيو والله نوعية ده موجودين فى جدة بى كثرة
وبعدين نشوف الحشاش البمله شبكتو منو
واللهم لقد بلغت اللهم فشهد
قدامكم الايام الباقية دى بس

[ابو تراجى]

ناس طق فالحين فينا بس
ما تشوف التاخى بين
الاوس والخزرج )سورى
الدمام والرياض
والله جنس ناس

[عمر حامد مجذوب]

والله يا أبو تراجى لو أقول ليك ما قاصدك أكون كاذب و كمان معاك بكرى , لكن كثر خيرك و إستحقيت القنصلية.
وين هيثم الباقر وين.

[الطيب الامام الطيب الامام]

الرياض والدمام وطريق التحدى وكمان بورسودان الجديد وابشرك بافتتاح قنصلية الشرقية عما قريب لان السفر من عندنا ارخص واسهل ويمكن الواحد ياخد لهو غشوه فى البحرين وانا خايف ناس جده يجوا يسافروا من هناء وكمان ماننسى ابواحمد شيخ الدمام وام احمد امنا موجودين فى الدمام والجاى احلى

[الهندي بشير نابري]

والله انتو سمحين شديد وبوستكم ده يسر الروح ... أبقو بعافية طول العمر ..
ابو تراجي .. لك ياسيدي مايرضي نفسك ويبهج روحك ..

[ابو تراجى]

والله الجماعة قاصدننا على حد قول
شيخهم
وداير يعملو قنص ليه
وده كلو كويس معانا عشان نتمرد
ومافى زول يلومنا
والله من الليله انا دخلت الغابة
واصبرو يا ناس الدمام
اول صاروخ حيقع عندكم بس ابعدو
الاطفال واخواتنا
وما بنفعكم المفاوضات
ومن هسه المعانا يمرق
ود الامام الكان حوار شاف ليه شيخ
وكان ناس الرياض ناصروكم
بجيب الزين دفع الله بدل الرئيس
الانقلابى
والله يعينا على مقصتكم
ومن هسه اى واحد داير يجى العيد
فى جدة التذاكر علينا (طيران وحاتكم )
من نصيبنا فى السكر والثروة

[ابو تراجى]

انت يا شيخ عمر حامد
انا عارف انت قاصدنى لية
بكرى الدخلو شنو ؟؟؟؟
والله جنس بشر
(دى زى انعل ابوك لابو الاحوص الجنبك )

[ليه ياشمعه سهرانة]

في الحقيقة كانت جلسه جميلة جداً وربنا اجمعنا في ساعة خير والاخ عمر بالجد كان الوالد والاخ والصديق والحبيب وربنا اشد ضراعو وضراع ام احمد والاخوه المتواجدين كانت جلسة جلسه بمعنى جلسة لكن الهندي ما ريحني تاعبني شديد الله اعيني واعين عصام عبد الصادق .

[allarinja]

تندلقي حن.... مرات جفاكي بلا اذن ..
شن تلقي إن ماتت عيون اللهفة ...و الشوق داير يجن
غنيت لهن .. لمن موهدب فزت بن .. ختيت لهن رغم المخاوف أمنهن ..
ناديت لهن فهمني شي .. وشابيت لهن اضحك و ائن ..
وانا اقسى كيف.. اقسى كيف .. ما ياني فيهن ومنهن..

شكرا للرائع الاخ عمر ولأم أحمد احساس بالتواصل معكم من أقصي الشمال
حتي التمر وأوصال اللحم ريحة التراب اللمة الكرم ......
والقلب بشوف قبل العين ومعاكم بالدعوااااااااااااات ليكم وللبلد

[بشير عبدالله نابري]

الإخوة الأحباء بمنتدى الجريف شرق،،،

سوف تكون مشاركتي هنا فقط مجرد اقتباس لحديث الأخ / عادل مختار وأرجو أن تتمعنوا في هذه العبارة الممتلئة بالصدق والصفاء فهذا الرجل والله ( غير )

( ولولا هذا المنتدى لما سنحت مثل هذه اللحظة الفريده التي جمعت هؤلاء الإخوة تحت أي مسمى آخر لاختلاف أعمارهم وأفكارهم ولبعد المسافة التي بينهم ، ولكن عندما خلصت النية لله وترابط أهل الجريف ترابطاً وثيقاً بإسم هذا المنتدى نشأت الصداقات والعلاقات الأخوية الصادقة وأصبح كل منا يحن للقاء أخيه ) .

الصدق في هذه العبارة يكمن في صدق كاتبها ، صحيح يا أخ عادل عندما تخلص النية تخلص أعمال العباد ولقد صدق خير العباد حينما قال " إنما الأعمال بالنيات وإنما لكل أمريء ما نوى فمن كانت هجرته لدنيا يصيبها أو لامرأة ينكحها فهجرته إلى ما هاجر إليه" لقد كانت هجرتنا لكم أحبابي في المنطقة الشرقية لوجه الله تعالى ولربط أواصر الإخاء والصداقة والرحم ولا أحسب أنكم ترحبون بنا كل هذا الترحيب الذي لا نستحقه لشخوصنا ،،، فنحن أقل كثيرا مما قدمتم لنا من الاحترام وحسن الاستقبال والكرم الطائفي ولكن من يستحق التكريم كما ورد في عبارة الاخ عادل هو منتداكم هذا الذي كان سببا في هذا اللقاء الأخوي فقد سألت نفسي بعد هذه الزيارة : كم مرة زرت المنطقة الشرقية قبل ذلك ؟؟ الإجابة (والله كثير) فالمنطقة تحتضن كثيرا من أرحامي وأصدقائي وأهلي من أبناء الجريف وغيرهم ولكن لهذه الزيارة وقعها ومعناها الحسي والروحي (لقد خرجت مسرعا بعد وداع الأخوان في منزل الاخ عمر حتى لا ينفضح أمري .... لقد تساقطت الدموع بعد عناق الأحباب !! لا أدري هل هذا الذي أحسه يحس به غيري .... يقولون عني دائما أنني إنسان مفرط المشاعر ، ولكن يبدو لي أن كل من حولي كانوا كذلك ولكنهم سيطروا على دموعهم / ودعت الاخ حافظ العبيد الذي قابلته لأول مرة في حياتي وكأنني أعرفه منذ وقت طويل وتذكرت وأنا احتضن جسمه النحيل مقولة الشاعر (ترى الرجل النحيف فتزدريه وفي أثوابه أسد مزيرُ فما عظم الرجال لهم بفخر ولكن فخرهمْ كرمٌ وخيرُ ، ويعجبك الطرير إذا تراه ، فيخلف ظنك الرجل الطرير) ثم توالى العناق مع القامات السامقة الأخري كما يحلو للهندي وصفهم ، رجال صدقوا ما عاهدوا الله عليه / منهم عبدالرحيم حطي سيماهم في وجوههم وبعده الاخ / الطيب الامام / الطيب الامام – إسم ( تربيع ) حسب مصطلح الرياضيات ولكنه اسم على مسمى حسب المصطلحات اللغوية ( سبحان الله ) كل البساطة والطيبة تجمعت في قلب رجل واحد ،، أما الأديب الرحال فله مني الود كله ويستحي قلمي هنا التسامي إلى مقامه الرفيع ولا أظنني قادر على شيء غير الصمت أمامه فليعذرني ونحن نقرا مقالاته الرائعة الجميلة ونحن على متن القطار فانطوت المسافات وتقاصرت الساعات الخمس التي تفصلنا من الرياض فأصبحت كانها الدقائق الخمس في عمرالزمان وإذا بنا في لمح البصر في محطة الرياض . ياله من أشتر شق المقابر .

أحيي هنا كاتب هذا البوست (أحمد) إبن أخي المرحوم / عثمان حاج حمود الذي تحتضن هذه البلاد جثمانه الطيبة (أرجو من القاريء الترحم على هذا الرجل في هذه الأيام الطيبات وعلى جميع أمواتنا )اقتباس مما كتبه الاخ / عصام عبدالصادق
في الطريق تكلمنا كثيراً وكأننا لم نلتقي من قبل ... وتذكرنا أناس كثيرون رحلوا عن دنيانا فترحمنا عليهم .... وهذه محمدة كبيرة في هذه الجمعة المباركة.
أحمد باداب الإبن الصالح الذي أسال الله ان يجزيه عن والده خير الجزاء فقد قدم مثالا للتضحية والوفاء والبر بالوالدين – معادن أصيلة من أرض الجريف فلا نستغرب منه كل هذا الترحيب والاهتمام / أما الأخ العزيز عصام حسب النبي فهو الأخ الكبير بمعنى الكلمة ولكني ولدت قبله ، رجل كفاح ونضال وتضحية أخو أخوان ، صاحب دار ، خدام الضيوف / فقدناه في الرياض جسدا وما فقدنا روحا فهو معنا دائما وعزاؤنا أنه انتقل لأهله وأحبابه في المنطقة الشرقية فله منى التحية والاحترام .. أما الغائب الحاضر في قلوبنا الذي لم نراه الاخ / ياسر العاقب والذي كان أول المرحبين بنا فتحكي عنه كلماته الرقيقة على صفحات هذا المنتدى ومواقفه الفذة التي حكاها لنا الاخ عمر حامد وحالت دون حضوره الدعوة فليعذرنا على عدم اللقاء لضيق الوقت على موعد القطار وعشمي ان نلتقي قريبا باذن الله .
أما أنتم اخواني في المنطقة الشرقية / محي الدين ، عبدالباقي ، عامر ، بابكر ، يوسف ، احمد باقير ، شرف ، عبدالرحمن ، فلكم منا كل الشكر لحسن استقبالكم وكرمكم واسال الله ان يعيننا على رد جمايلكم..
أما أنتم أهل الدعوة أخي الفاضل عمر حامد المجذوب وأخوانه بابكر ومحمد وأختي الفاضلة أم أحمد فماذا أقول فيكم أو اقول لكم غير قوله صلى الله عليه وسلم ( من أفطر صائما فله أجره لا ينقص من أجر الصائم شيء ومن سن سنة حسنة فله أجرها وأجر من عمل بها الى يوم القيامة ) فقد تشرفنا بدعوتكم حتى الثمالة فجزاكم الله عنا خير الجزاء وجعل ذلك في موازين حسناتكم وتقبل أعمالكم فقد كنتم سببا لهذا اللقاء الطيب .
وأخيرا وليس آخرا اسال الله ان يجمعنا على طاعته وأن يوفق الجميع لخدمة وطننا الجريف تحت مظلة هذا المنتدى العظيم .

[عمر حامد مجذوب]

انت يا شيخ عمر حامد
انا عارف انت قاصدنى لية
بكرى الدخلو شنو ؟؟؟؟
والله جنس بشر
(دى زى انعل ابوك لابو الاحوص الجنبك )
التحية لأبو تراجى أنا قصدتك لأنك كنت معانا بالتلفون لحظة بلحظة و فجأة إختفيت أما بكرى و علشان ما تدى الموضوع سوء نية فقدنا دخلتوا لأن دخلتو ليها قيمة ومكانة خاصة و الله أنا البقول ليك جنس بشر!!!!!!!

[حافظ العبيد الطاهر]

بسم الله الذى لا يحمد الا سواه والصلاة على حبيبنا ونبينا سيدنا محمد وعلى اله وصحبة اجمعين
الحمد لله الذى وفر لنا السبل والطرق لنتعرف برجال ندمنا على عدم معرفتنا بهم وبدون ذكر اسماء ولكن اقول كل اهل المنتدى من الرجال والنساء ، واخص بالذكر ام احمد لا سواها لان يوم التقاء الاحبة بمنزل اخونا وعمنا وكبيرنا ابو احمد كان صحيح من اسبابه ولكن انا ارى ان من تعب واكرم وسهر وهو صائم هم اهل بيت ابو احمد فلها كل الشكر والتقدير والاحترام ونسأأل الله ان يجعلها فى ميزان حسناتها وان يطرح الخير فيها وفى زريتها الى يوم الدين ،
فى الحقيقة انا كنت مقرر ان لا اشارك فى هذا البوست وذلك لاننى كنت مؤقن بانه مهما قلت فلن اوفى اهل الفضل والكرم حقوقهم ، ولكن قررت ان اشارك لاننى قد كنت فى غفلة من امرى حين قررت لان من لا يشكر الناس لا يشكر الله ونحن اجتمعنا فى محبة الله ورسوله الكريم ، فكان لزام على ان ادخل واشكر واخص بالشكر من ضيوفنا الكرام الوالد والعم والخال وكبيرنا ابو الهندى الذى تكبد مشاق السفر وهو فى هذا المقام الا ان يقابل ابنائه ويشد من ازرهم ويجمعهم فى الخير وكذلك باقى الاخوة من وفادة الرياض وعلى راسها اخونا وزعيمنا عصام وفى معيته وزيره بدر عبد الماجد وقائد جيشة محمد السيد . ولا ننسى اخونا الهندى وهو لا يحتاج منا لشكر لانه و اخوته من فريق كندا لهم اجر هذه الاعمال كلها وهى صدقة جارية لانهم وفروا لنا سبل الالتقاء وهذه الصدقة احسبها جارية الى يوم الدين . لاننى احسب ان هذا التعارف والمحبة لا تنقطع ابدا ما حيينا .
لا اطيل عليكم ولكم العتبى ان لم اجزل الشكر والعرفان الى الجميع . ودمتم

[ابو تراجى]

ناس الشرقية
ورونا المواقع الحيوية عندكم
بعد بيت شيخنا عمر
لانو عندنا نية العدوان على مناطقكم
الحيوية
لانو ايهاب سافر ماعندى وازع غيروا
شدو حيلكم

[الطيب الامام الطيب الامام]

زيارة الوفد العالى المستوى واوبما الى الشرقية اتات نتائجها وياابوتراجى صواريخك بصدوها من مشارف الرياض قبل ماتمر بالشرقية وتوزيع المناصب جاء وياوبما ارمى لقدام وراء مامن

[A7MED]

ماشاء الله ربنا اجعل ايامكم كلها فرح وصور جميله والاجمل كل الناس فرحانه
لكم التحيه