اللابسه الخمار

[allarinja]

ياحلوه ياللابسه الخمار
لابساه حشمه موش عشان تتجملي
نظرات عيون فيها العتاب والله كيف تتحملي
وياحلوه قلبي ضاع وكان عرفتي الفيهو بس تتهولي
وماك زيهن بي درب الحب تضعفي وتتزللي
جميلة حارت فيك عيوني حلوه وجمالك مابتتصوري
لا ديانا ليها تمسحي لاخلقة الله فيها تغيري
ودار الزمن
وشك بقي بالكريم متحجري
مليان حبوب حيرتي حتي السمكري
وخشمك بقي بس ميضنه الناس تأذن ومر مره تكبري
وبقيتي زي قطر السفر ركاب شقي وتتأجري
شفع صغار وكلاب نهار حرسوك وتعبتي انت من الجري
جاك الضغط وملاريا هدت رويحتك وآخر مطافك سكري
وعدمتي من العافية تب عود حطب في نار جهنم بتهري
وجبتي الولد في زحمة الناس الكتار بتجرجري
وحدتي البلد وولدك صبح بس عنتري
من كل زول حته حته تقطري
غلبك تقولي أبوه مين ولدك بيطلع مفتري
في كل بيت يلقي الأهل .. وخوفي من ناس !!!!!!هوي ماتهظري

[البــ ع ــد الثالث]

وفى علاه شافو سواد اليل والنجم البعيد
وناس قاله البدر اوصافه
وشه ناير بالسعادة داشلر الريدة من جواه
لما مرة بجوارنا الظلام اتواره بوراه
مقسومة ليك المحبة
والريدة لابساها توب
ادينا من الريدة حبة
نغرسة جوه القلوب
تبقى وردة للفراش
فى الصباح نصيبة قبلة
واصبح الحب واقع معاش
ذى ايام عنتر وعبلة

[allarinja]

حليل عنتر عبلة كان مستهتره
وعبله هسي مهستره
لكن برجع وأقول سودانا
فيهو الفنجره
نسوان رجال مابيعرف طريقهم لاوري
قدام عديل لا لفته لافي مهاظرة
والبنشوفو في السودان هناك
ما مننا دي بنات عميله مؤجره
وأسترنا ياسابل الستر
في يومنا ويوم الآخره

[محمد زين نابري]

اختاه يا امة الاله تحشمي
لا ترفعي عنك النقاب فتندمي
صوني جمالك ان اردت كرامة
كي لا يصول عليك ادني ضيغم
لا تعرضي عن هدي ربك ساعة
عضي عليه مدي الحياة لنتعمي
ما كان ربك جائرا في شرعه
فاستمسكي بعراه حتي تنعمي
ودعي هراء القائلين سفاهه
ان التقدم في السفور الاعجم
حلل التبرج ان اردت رخيصة
اما العفاف فدونه سفك الدم
لا تعرضي هذا الجمال عل الوري
الا لزوج او قريب محرم
ان لا اريد بان اراك جهولة
ان الجهالة مرة كالعلقم
فتعلمي وتثقفي وتنوري
والحق يا اختاه ان تتعلمي
ولكني امسي واصبح قائلة
اختاه يا امة الاله تحشمي

[allarinja]

جزاك الله خيرا ياود نابري
وأسترنا ياسابل الستر
في يومنا ويوم الآخرة

[الطيب الامام الطيب الامام]

ياحليل الحشمه والزوق والجمال وقليبى وعقلى للحب اتحجروا

[allarinja]

ياحليل الحشمه والزوق والجمال وقليبى وعقلى للحب اتحجروا

حليل العندو بيت وللرزيله مأجروا
حليل السافرو لاشافو دين لا أظنو في يوم كان قرو
حليل الشاب يصلي بالنهار وليلو قلبو مخيرو
درب الحرام البمشو فوقو بيفترو
وآخر المطاف يوم الحساب بتحسرو
والبت زمان رد السلام ما أظن أكيد بتعبرو
الليله تديك في الخدود كلب السكك بتقدرو
والدنيا فيها بنات أصول بالدين دوام بتشكروا
البيت أساسو الأم دوام لي وليدها بالمحبه تفطروا
تسقيهو موية الدين شراب وبالمُثل بتكبروا

[عادل مختار الزين]

اللارنجا أخوي البقت في بنات سودانا أكيد ما بنحملا
نست العفاف والشرف الكان لابساهو هدم ومجملا
تمسح كريم وتشيل حواجب وتخت رموش مظللا
الوش مبرقع مليان بقع بس تقول كديسة خلا
كانت زمان مضرب مثل وحلاوتها فاقت سلا
تهمس بحلو الكلام والصوت ندي تبداهو بي بسملا
خطواتها في الشارع رزان وما بتعاين لي ورا
يا أختنا ويا بتنا ويا أمنا عاوزين تكوني مأصلا
سيبي الخداع والإنسياق والمظاهر الجايبه البلا
تكوني للعرسان هدف وبين بنات حوا الأولا
اللهم يا ساتر العيوب ولي نبينا ألف صلا
أحفظ بناتنا من الفتن ومن قولاً يجيب التلتلا

[بابكر العشاي]

[QUOTE=allarinja;5699]ياحلوه ياللابسه الخمار
لابساه حشمه موش عشان تتجملي
نظرات عيون فيها العتاب والله كيف تتحملي
وياحلوه قلبي ضاع وكان عرفتي الفيهو بس تتهولي
وماك زيهن بي درب الحب تضعفي وتتزللي
جميلة حارت فيك عيوني حلوه وجمالك مابتتصوري
لا ديانا ليها تمسحي لاخلقة الله فيها تغيري
ودار الزمن
وشك بقي بالكريم متحجري
مليان حبوب حيرتي حتي السمكري
وخشمك بقي بس ميضنه الناس تأذن ومر مره تكبري
وبقيتي زي قطر السفر ركاب شقي وتتأجري
شفع صغار وكلاب نهار حرسوك وتعبتي انت من الجري
جاك الضغط وملاريا هدت رويحتك وآخر مطافك سكري
وعدمتي من العافية تب عود حطب في نار جهنم بتهري
وجبتي الولد في زحمة الناس الكتار بتجرجري
وحدتي البلد وولدك صبح بس عنتري
يقولون عن حجابى........لا وربى لن ابالى ..يقولون عن حجابى .......انه يفنى شبابى........وليبالغوا فى عتابى...ان للدين انتسابى.....لا وربى لن ابالى..........همتى مثل الجبال....اى معنى للجمال.....ان غدا سهل المنال......فليقولوا عن حجابى..........حاولوا ان يخدعونى..........صحت فيهم ان دعونى.......سوف ابقى فى حصونى..لست ارضى بالمجونى......لن ينالوا من ايبائى.....اننى رمز النقاء.......سرت والتقوى ضياء.......خلف خير الانبياء..........ان لى نفسا ابيه.......انها تأبى الدنيه......

[allarinja]

ود مختاااااااار نبض قلبي
حتي لايقف قلبي وتستقيل أضلعي أرد عليك قسراً
فقد توافق حرفك حين حاصرني في دائرة عشقك ...
فسكنني الخوف لا لا ترحل ...
ود مختار أخوي ببدأ قولي دوام بالبسملا
يومين بتلبس في البودي ولبسو عاد بالتلتلا
يظهر جسيمها خلقة الله وتبقي فينا البهدلا
قفل عيونك يافقير أقرالها صورة الزلزلا
دعواتوا في النار الجحيم تقعد عديل متمهلا
البت تقول عادمه العضام خطواتها جد متحللا
تجري ليها كلاب لهب للفارغة جد متعجلا