مللودى تتحدى الملل

[ايمن السر بابكر]

سؤال او خاطره والله تطير الدماغ
الا وهو
يارب سبب الغياب بتاع الناس دى من المنتدى يكون الملل اتسلل ليهم
بطبعهم السودانى البمل من نفسوا زاتو
حقيقه نحن مفروض نطرح السؤال دا بقوه
وكيفيه الاستعداد لمواجه امر زى دا لو حصل
لانو ممكن الزول يمل او يكسل او ينشغل
والايام دا جابت بى صراحه كدا زعل.
يبقى السؤال المهم
كيف نواجه هذا الفيروس الرباعى الدفع
كسل ملل زعل انشغال
جد عايزين افكار
همه
حيويه
نشاط
حب
شان الموضوع انو دا ما منتدى عادى
دا الوعاء البجمعنا كجرافه
وبجمع كلو طلاب لاعبين مغتربين وووووو
شان كدا لازم ولازم نبنى البيت.
المقبول لدى انو الزول يزعل او يصيبه الملل لمن يكون بكتب فى منتدى عام
لكن نحن هنا كلنا بتعارف
شوف مثلا فى كم بوست الناس ضربت مثال بى عصام عبد الصادق
او الكلام اتوجه ليهو لانو الناس عارفه عصام خلقه وواخلاق و كمبيوتر وناس كتار
انا اتمنى انو الزول البخش دار ابوسفيان تانى ما يطلع منها
والما خش نجيبو ندخلوا
وبعداك البوستات تكون تجديديه
المهم انو الافات الاربعه ما تهد العزيمه
يعنى مثلا لازم نشيل زعل بره
ولو نفسك خلاص ما أتحملت اتزكر انو ايمن ما المنتدى لو زعلت من ايمن خلاص يا سامحوا او تجاوزوا
واتزكر انو فى ايهاب واخناتون وعامر والخضر ورنالدو وحافظ ووووووووووووووووومستكا وكمبيوتر وعم بشير و الحاج
وسيده .........
ولو زعلت من الاداره
فى الاعضاء ولو من الاعضاء فى
نحن نمثل الجريف
وانها الجريف يا ساده

[معذ السماني الحاج ياسين]

اخي ايمن التحيه لك
اخي ارجو ان تعمل نظره سريعه لحجم الغايبين
ومدي تاسيرهم علي المنتدي هل غيابهم من اجل الزعل
نجد ان بعض من الاخوان كان غيابهم بسبب الزعل من مواقف
ونجد البعض الاساس عندهم ان المنتدي ماقاعد يادي الدور المهم
ونجد البعض منهم يرون ان المنتدي ليس لديهي اداره تسيره
والكثير الكثير
لكن الاساس ان كل الناس (دايره ) المنتدي وهمها المنتدي
لن اقول لينا عوده لان
لينا عوده بدات تفقد حيويتها تدريجيا
معز السماني

[صديق النعمة الطيب]

أنا عندي سؤال برئ جداً...
هل المنتدى هو شخص معين يمكن أن نلومه على تقصيره، أم أن المنتدى هو مجموعة إرادات تلاقت و تحاببت و تعاهدت على أن تقدم شيئاً للجريف،،،
المنتدى في النهاية يعبر عن طموح و إرادة المشاركين، لذلك اللوم أول ما يقع يقع على من يلوم المنتدى،،،
ممكن الابتعاد يكون بسبب المشغوليات و هذه ظروف الكل معرض لها دون استثناء، و ربما يكون لبعض الظروف التي تمنع الوصول للمنتدى و هذه مقبولة، أما أن يكون بسبب الزعل فهذا يعني أننا يا سادة ننقل بحرفية و أمانه و صدق كل علات و مساوئ مجتمعنا التي يفترض أن المنتدى وسيلة لتغييرها،،،،
علينا أن نعي جيداً أن المشاركة في المنتدى فرض عين على كل من يستطيع الوصول أو العطاء و لو بالكلمة "ففي البدء كانت كلمة"، المنتدى يتيح لنا فرصة للترويح عن النفس و لكن هذا ليس الهدف الأساس على أهمية الترويح و و التنفيس، فالمنتدى اليوم أصبح ضرورة للجريف و عندما ذكرت سابقاً أن المنتدى أصبح عبئ و مسؤولية كنت أعني أن على كل عضو حتى و لو كان "خارج الفورمة" و مزاجو معكر أن يعلم أن حضوره و مشاركته تعني بث الروح و الحيوية في المنتدى، المنتدى بشكله الحالي يقوم بدور خطير في تجميع الناس من شتى أصقاع العالم، و هو وسيلة للتواصل و لم شمل الناس و ربما يكون السبب في أشياء باهرة حدثت نحن لا نعلم عنها شيئاً، لذلك علينا أن ننظر للمنتدى بعين العقل قبل العاطفة،،،
نحن مازلنا في فترة تخلق و تشكل لذلك علينا أن نصبر قليلاً حتى يأتي من يحمل عنا الراية، أما أن نتساقط و نحن في بداية الطريق فهذه معرة ستلازمنا طويلاً،
أنا عندما أكتب شيئاً لا أزعم أنه الحقيقة التي ما بعدها حقيقة و لا أفترض مسبقاً أنه سيلاقي القبول و الرضا و لكني أجزم أنني قد عبرت بصدق عما يجيش في خلجاتي و خاطري، و من رورد الأخوة إما أن أزداد قناعة بما أكتب و إما أن يتبين لي خطأ ما أكتب، و في كلا الحالات أنا الرابح الأكبر، فلماذا يا ترى نزعل و نحرد من بعض، أم أن قدر السودان أن يعيش الزعل على مستوى الأفراد صعوداً إلى مستوى القادة و الساسة،،
يا ناس المنتدى الناس في الجريف تنتظر منكم الكثير و تتوقع منكم المثير فمازالت الطريق طويلة و مازالت فكرة المنتدى وليدة و بمقارنة بسيطة مع باقي المنتديات سيتضح حجم الانجاز و الإعجاز، نعم هناك تقصير كبير و لكن أيضاً هناك عطاء وفير و الشغلانة في النهاية نسبية، و لك ألف شكر يا أيمن السر الدفين في نفوسنا،،

[ايمن السر بابكر]

والله يا صديق
كلامك دا مفروض يتزاع بعد خطبه الجمعه او نشرت الاخبار
انت عارف مفروض يترسل فى بريد اى زول شان اقراهوا
لك الف تحيه وكلامك دا عندى فوقو قعده

[ايمن السر بابكر]

الاخ الهندى
تتذكر مثل المركب
ياهو دا كلام صديق زاتو لكن بالعربى الدرابى الفصيح
مترجم ومكندش

[ايمن السر بابكر]

الاخ معذ السمانى
والله
لعلمى وثقتى بك
اكتب اليك
نحن دايرين نبنى
البناء دا يعنى طين
وطوب
وتحت الطوب عقرب
وبعد العقرب مستشفى
وبعد المستشفى
تانى نجى مكان الطوب ونشيل منو
كان تحتو عقرب مالو
عارفين طعم القرصه
كان تحتو دبيب
نمش المستشفى ونجى تانى
المهم البناء
نحن محتاجين
ليك معانا
اكتب وكورك دا ما عجبنى
انت المنتدى
وانا المنتدى
واتذكر موقف بوست اعدام البشير
واتذكر تعليق الناس
وشوف بعداك الحصل
مليون الف صديق
واكتسبت انا شخصيا شجاعه اكبر
واحترام اكبر
عليك الله شمر وشيل مسطرينتك
ولو فى زول هدم طوبه نخت نحن الف طوبه

ونمش نجيب الناس كلنا سوا
جر تساليه ومنير وتعال
فالمكان متسع
وجميل بك وتساليه ومنير
وعشان ناس ناس خالد مستيكا لمن اكبروا يلقونا
على الاقل حاولنا

[الهندي بشير نابري]

ينصر دينك يا أيمن .. فيلسوف بصحيح ..
كتبت هذا البوست في وقت نحن في امس الحوجه له

ثقافة المنتديات : المنتدى ليس إلا عالم اسفيري مقياس نجاحه في عدد اعضائه وزواره والمواضيع التي تطرح فيه والانجازات التي ينجزها .. فلا يمكن ان نحصر كل الانجازات التي تتحقق على المستوي الاجتماعي على اعتبار انها كتابة فقط وتبادل آراء ووجهات نظر وتعارف لايسمن ولاتغني من جوع .

نجاح المنتديات : الحضور الدائم والمشاركة الفاعلة وخق الجو الذي يجعل كل الزوار ينضمون ويستفز اقلامهم للمشاركة والتسجيل ..

الاعلان للمنتدى : أغلى سبل الاعلان وانجحها وهي ما يعلن عنه الشخص المجرب فلو تحدث لآخر عن منتدى معين وأناس معينين تعيش وسطهم ستلفت انتباهه وستزيد الشوق في داخله للانضمام .. وهنا يكمن النجاح ولدينا دليل وهو تسجيل وانضمام أسماء ومنى وهن صديقات سيده صباحي وسارعن بالتسجيل بالمنتدى بعد ان أثارت سيده صباحي فيهن الفضول للالتحاق بركب المنتدى وبهدها أدمن المنتدى وأهله أكثر من سيدة صباحي نفسها وهنا تحققت قيمة عظيمة جدا لا تتلخص في انضمام شخصين فقط وانما في انضام قلمين وعقلين ورأيين آخرين يمكن ان يأتي منهم الصواب وهذا مثال بسيط .. فلو قيمنا هذه الفائدة لقيّمنا انفسنا وقيمنا المنتدى ..

[الهندي بشير نابري]

الغالي معز أمنياتي حبيبي .. ان سمحت لي ان اناقش كل النقاط التي تلوت عبر هذه المشاركة المقتبسة .
اقتباس :
اخي ايمن التحيه لك

اخي ارجو ان تعمل نظره سريعه لحجم الغايبين
ومدي تاسيرهم علي المنتدي هل غيابهم من اجل الزعل
نجد ان بعض من الاخوان كان غيابهم بسبب الزعل من مواقف
الاختلاف في الآراء ووجهات النظر شيئ وارد لكن يبقى العقـــل الذي يميز ويقيم هو الحكم في اتخاذ القرارات .. ولا استطيع ان اقول ان الذي يتجاوز مرحلة الانضام للمنتدى في حياته بهذه السهولة لم ينضم اساساً لأجل هدف سامي وانما انضم لأجل غاية نفسية وليثبت شئ في نفسه ويعكس رأي في خاطره وحين يجد من يخالفه ويختلف معه يهرب مسرعاً ويترك البقية ولا يهمه شئ ولايحرك فيه ساكناً كل ما بنى في زمن قديم ....
عذرا فقد قلت انني لا اتسطيع ان اتهمه بهذا الاتهام ؟
لكني أعتقد ان الابتعاد لزمن قليل وفترة محدوده يجدد في النفس الحيوية للعودة اجمل من السابق ..
ونجد البعض الاساس عندهم ان المنتدي ماقاعد يادي الدور المهم
هنا تطال هؤلاء الســادة اسئلة متلاحقة ماهو الدور المهم في نظرهم ؟ وهل تنفيذ الدور المهم واجب ساقط عنهم وعن كاهلهم أم القضية تكسير للهمم فقط أم هي طريقة لاستفزازها لتقوم بشي أفضل ؟
ونجد البعض منهم يرون ان المنتدي ليس لديه اداره تسيره
والكثير الكثير
وهنــــا أفرد المساحة بحكم اني في ادارة المنتدى وافتح الصدر رحب باستقبال اي انتقاد وتوجيه بأي شكل وان كان غير لائق لأني أيقن أن كل نقد يزيد من همتي ويضيف إلي الكثير .. مع العلم أني لم أجد ولم اسمع عن ماقلته من قبل .. فهل أعتبر أن الرأي الذي يقول ان الادارة غير قادرة على تسيير المنتدى رأي ركيك وهزيل منزوع حنكة وحكمة وهو رأي ووجهة نظر تتوارى خلف رصانة الحديث أم انه رأي لايعرف معاني البذل والعطاء . ليته رأي يشتم الصعداء ويولح بثبات .
لقدم لنا ولاستفدنا منه دون ان يحس ويقصد ان يبذل ويعطي ..
وألخص المهام الإدارية لإدارة المنتدى في هذه الفترة فقط في المحافظة على تجمع الاعضاء ومراقبة مايمكن ان تنجزه هذه العقول وتبنيه هذه الطاقات
لكن الاساس ان كل الناس (دايره ) المنتدي وهمها المنتدي
أشكك في هذا الكلام يامعز لأن من كان المنتدى همه بصدق يبني كل يوم ألف طوبه مكان طوبه انهدمت الزعلان يراجع رقبته وحقو يعرف انه هو الخسران الوحيد لأن الركب غادي به وبدونه وانفتح الطريق لكل من هو صادق فعلاً في البذل والعطاء والمتخلف عن الجماعة خسر فرصة الغنيمة .

أما الباب مفتوح للنقد والتوجيه ليس للمطالبة بالمستطاع والغير مستطاع فقط . ومن يعتبر ان المنتدى لا يؤدي الدور المهم فقد غاب هو عن المنتدى وخلف ورائة منتدى فاشل .. وحرم المنتدى منه ومن امكانية عطائة ... ومع كل هذا سيتنازل المنتدى ويقول انه خسر قلماً من أقلامه وجندياً من جنوده أو جندية من جندياته ....
لن اقول لينا عوده لان
لينا عوده بدات تفقد حيويتها تدريجيا
معز السماني
هنا تاني بقول الله يستر من لينا عودة دي لو فقدت حيويتها وانتهت حنموت ونعرف السبب شنو ؟؟؟وقتها ستكون الاجابة صعبة جداً لذا بالله عليك دعك عن هذه العبارة المحبطة والمكسرة للهمم وابقى كما كنت بكل ذلك الألق .. ولك من الامنيات ما ينعش نفسك ...

[خضر حسن الفضل]

فى البدء الشكر لجميع الإخوة المتحاورين فى هذا البوست والذى يناقش أسباب غياب بعض الأعضاء الأعزاء والشئ المؤسف أن الغائبين لم يتكرموا بشرح أسباب غيابهم رغم العلاقات الوطيدة والودودة التى ربطتهم مع بقية الأعضاء والذين سألوا عنهم وناشدوهم فى أكثر من بوست وبأجمل الوسائل.
1/ الغياب بسبب الزعل : ـــ
من يغيب بسبب الزعل ومن دون أن يوضح السبب أو حتى الرد لمن يسألون عنه فى البوستات التى تم فتحها خصيصاً للسؤال عن الغائبين يجعل الجميع يأخذ عنهم وعليهم إنطباع غير حميد كما ذكر الأخ الهندى .
2/ الغياب بسبب الكسل أو المشغوليات: ـــ
هذا النوع من الغياب يعتبر شئ طبيعى ومؤقت.
3/ الغياب بسبب الملل : ــــ
هنا الغياب يتعلق بسبب يمكن أن يُعتبر إيجابياً إذا تكرم من ينوى الغياب بتوضيح نوع الملل وتقديم المقترحات التى يراها كافية لبث الحيوية ولكن أن يغيب من دون أن يوضح لإخوته شيئاً ويهمس خارج المنتدى فإنه يظلم نفسه قبل أن يظلم المنتدى.
النقطة التى يجب أن ننتبه لها جميعاً هى تعريف كلمة منتديات والتى منها نصل للأهداف التى أنشئت من أجلها المنتديات.
المنتدى لايعتبر شخصية حقيقية بل شخصية إعتبارية تحكمها قوانين إستخدام خاصة بالنشر على الشبكة العنكبوتية ويختلف مدى الحرية المتاحة من دولة لإخرى وفى نفس الدولة من وقت لآخر حسب المقتضيات الثقافية والتراثية والسياسية.
وتختلف المنتديات بإختلاف أهدافها ويهمنا هنا المنتديات الجغرافية الخاصة بموقع جغرافى معين ويحمل اسم مدينة أو قرية أو قبيلة ..إلخ
وأهداف هذا النوع من المنتديات هو إجتماعى وثقافى فى المقام الأول حيث يقوم بربط الأعضاء ببعضهم البعض وبوطنهم. مع ملاحظة أن المنتديات ليست لها إثر سلطوى أو تنفيذى مثل الوحدات الحكومية المختلفة أو الأحزاب أو الشركات أو الأندية و عليه كل المشاريع التى يكن لمثل هذه المنتديات القيام بها على أرض الواقع هى 1/ خلق و نشر الوعى الثقافى فى المنطقة { مثل قضية المقابر } 2/ المشاركة فى المشاريع الطوعية و الخدمية إذا تمكنت المنتديات من الحصول على تبرعات من الأعضاءأو غيرهم.
مثلاً منتدى الجريف شرق ومشكلة الكبرى فى الواقع نلاحظ أن المنتدى لا يستطيع أن يلزم السلطات بتنفيذ الحل الذى يراه لماذا؟ لأنه لا يملك آلية التنفيذ ولايملك المال الكافى وإن إمتلك المال فالتنفيذ سوف يكون بيد السلطات .
وإن تطوع بعض الأعضاء المقيمين بالجريف بتشكيل آلية لمراقبة التنفيذ ومتابعته فإنهم سوف يصطدمون بالتسلسل الهرمى لتفويض السلطات والمهام المتبع من قبل الدولة من لجان ومحليات ووحدات إدارية ومحافظات...إلخ.
*** فى المدى الطويل بعد أن تنموا الثقة بين الأعضاء يمكن للمنتدى إنشاء شركة أو الدخول فى مجال إستثمارى لفائدة الأعضاء المشاركين وبالتالى يكون لديه المقدرة المالية لتنفيذ كل المقترحات الجميلة والهادفة كدعم المدارس مباشرة والأسر الفقيرة وخلافه.
بحمد الله المنتدى إنتقل من المرحلة المؤقتة إلى الدائمة بفضل مجهود الإدارة بتدشين الموقع الجديد والذى لمس الجميع مدى الفرق بينه وبين المواقع المؤقتة.
ختاماً لكم الشكر جميعاً ونسأل الله أن يوفقنا ويجمعنا لما فيه خيرأهلنا وأمتنا.

[عبدو(كمبيوتر)]

ود السر الله يجازيك ________
اخوك طبعآ شاف العنوان ونطه طوالى للموضوع ( وقلته فى سرى ايمن السر بعمله)
وقلته الود ده قبل على قناة ميلودى والله الا يشوفوا شعااااااااااااع؟؟؟؟!

تراكه يا اخوى الموضوع
(دردقه) على خفيف....!

ويا ايمن السر
حلوة الصدفة البيك جمعتنا
وخلت عيونا تلاقى صباحا
وزى ما قالوا الصبر جميل
جنينا صبرنا بعد شقى راحة
وشفنا سبايب زى طول ليلنا
وفى عينيك لقينا الراحه..!

مودتى

[معذ السماني الحاج ياسين]

اخي الهندي تحيه وتحيات
سوف اقوم بالرد خلال عدة نقاط

النقطه الاولي :
هل المقياس للنجاح يقاس بعدد المشاركات وعدد الزوار
وكمية المواضيع التي تطرح
لو كان الاساس هكذا فعلي المنتدي السلام
انا شخصيا يمكن ان اكتب لك يوميا اكثر من مليون مساهمه
هل يعني هذا اننا متقدمين الي الامام
بعدين ياعزيزي منو الاساسا نكر العلاقات الاجتماعيه
والاستفاده من القراء والكتابه وتبادل وجهات النظر
انا شخصيا قلت اننا نكتب ولكن علي الاقل من المليون البنكتبه
ننفذ واحد علي الواقع حتي لو كان علي نطاق ضيق

النقطه الثانيه :
القصه ماقصة اختلاف في الراي
القصه قصة ثوابت
لو نظرت للخلاف الذي حدث بين تساليه والمينقو وبين
منير السماني ووليد سنقد وبيني وحسن عوض وحسن عوض
ويحيي
ماذا حدث فيها الكل نظر متفرجا لما يحدث دون حتي
توجيه اللوم للمخطئ
عزيزي انا شخصيا انضميت للمنتدي ماعشان الكتابه والقراء فقط
انضميت عشان انفز مشاريع تفيد المنطقه
ولو كنت ابحث عن القراء والكتابه فهناك منتديات كثيره يمكن
الاشتراك فيها ويمكن ان تكون مفيده اكثر ومميزه اكثر من منتدانا
النقطه الثالثه :
الدور المهم في نظري ان المنتدي لابد له من خطيين
الاول : الكتابه والقراء والتواصل الاجتماعيه
والثاني : تنفيز المشاريع
واظن ان الاول مستمر بصوره جميله ولكن الثاني لاوجود له يزكر حتي
الان
النقطه الرابعه :
انا شخصيا تناقشت معك كثيرا عن المنتدي والهموم والملاحظات وغيرها
واظن ان موضوع المشرفين كان واحد من النقاشات
واظن ان المنتدي الجديد له اكثر من شهرين الان والاداره لم تقم بتعين المشرفين
النقطه الخامسه :
انا شخصيا اري ان المنتدي لم يقدم الدور الذي من المفترض ان يقدمه
الا اذا كان المنتدي من اجل الكتابه والقراء والتواصل الاجتماعي فقط
ملحوظه

ماهو المستطاع بالنسبه للمنتدي
وماهو الغير مستطاع للمنتدي
ولكم ودي
لن اقول لينا عوده لان
لينا عوده بداءت تفقد حيويتها تدريجيا
معز السماني

[صديق النعمة الطيب]

العزيز الغالي جداً معز...
بداية كده ما تعتقد انو الناس دي كلها ضدك،،،،
بس حبيت أقول حاجة مهمة، المنتدى في نهاية الأمر عمل طوعي، يعني الإدارة مشكورة على المجهود المبذول منها، و انت شايف براك زحمة الشغل و جري الحياة، و الله أنا بكتب في الموضوع دا و انا عندي مواعيد مفروض ألحقه، فما بالك بإداري مطلوب منو يقوم بدور الأب و الإبن و الزوج أو الزوجة و كمان جاري لاحق لقمة العيش، أنا شخصياً ما بوافق أكون إداري إلا براتب عشان ما أكذب ساي، و الله حرام علينا نرمي مشاكلنا في الإدارة زي ما رامنها في الحكومات و المدراء و الرؤساء... الإدارة في المنتديات بتم عن طريق الأعضاء أنفسهم لا سيما منتدى الجريف الذي يمثل أخوة و أهل و جيران و حبايب يعني المشرف ما عندو أي دور غير الدور التقني و كتر خيرو ألف ما قصر...
بالنسبة للزعل بين الأعضاء و الله يا معز دي حاجة طبيعية جداً انو الناس تزعل من بعض لكن الشئ الغير طبيعي إنو الناس تمعن في الزعل و تحوله لقطيعة تامة من المنتدى، و بعدين يا خي نحن ما شا الله ناس كباااار و الله العظيم يعني لو زعلت معاك ممكن بكل بساطة أصالحك بدون ما يتدخل زول تالت المشكلة و ين، و فاكر انت مشكلتي مع أخونا و حبيبنا تسالية رد الله غربته، تأسفت له كثيراً و الحمد لله تقبل العذر بصدر رحب و أزعم أن الأمور سارت على ما يرام، أما أن أنتظر بقية الأعضاء ليتضامنو مع سامي الحاج أقصد فلان أو علان دي قضية تانية، لأنو ما تفتكر إنو الناس كلها ممكن تكون متعاطفة مع حسن عوض أو تسالية و الناس دائماً في المشاكل بتأخذ جانب الحياد عشان ما تتطور المشكلة على أمل أن المتخاصمين حا يحلوها بروح طيبة...
يا معز عليك الله هدي اللعب و جر نفس طوييييل كده، الشغلانة بسيطة و ما مستاهلة، و نحن و الله مقتنعين إننا مقصرين في المنتدى لكن أملنا يجو ناس جداد (بضم الجيم عشان ما نعمل مشاكل) و يحملوا عننا عبئ المنتدى و يواصلوا المشوار و يعكسوا وجه الجريف المشرق كتابة و عمل,,,,
عشان كده خلينا نمشي الأمور براحه براحه، و بعدين نحن بننتقد في التقصير يا خي ما نحن زاااااتنا المقصرين،،،،
و لك ألف مودة و رجاء من الأعماق أن تغمد سيف الزعل و نحن ما صدقنا يا خي المنتدى اليومين ديل جاس حلوين و لذيذين و الله أثروا المنتدى و جعلونا نفتخر و نعتز بانتمائنا للمنتدى، خليهم يشوفنا متماسكين و متحابين و صدقني حا يجو ناس أحسن مني و منك و من الهندي و أيمن و القُدام كلهم، و هذا هو التطور في الحياة و صدقني حا يجي يوم و نحس إننا بقينا بنخرف ساي لكن برضو بنكون فرحانين لأنو المنتدى حا يكون حقق نجاح...

[ايمن السر بابكر]

الاخ عبدو
ياريت لو عندو سلبه متينه بتجر الايام
كنت رجعت لى ورى شديد
وختيتك الف
رفيق فى الليل الطويل بس
الجاى جاى

[ايمن السر بابكر]

الاخوه المتداخلون و الخال الخضر
تشخيص الحاله اول خطوه للعلاج الصحيح
مرات انا بعتبر الخطوه دى العلاج
هسه نحنا قدامنا نمازج واقفه بسبب الزعل
انضم اليهم للاسف الفارس المعذ السمانى
والحسن والعوض والمينقو
مع انو اغلب النقاش فى قضايا تقبل الاختلاف موضوعا
سؤال للخال
كيف ممكن ندير الاختلاف بوعى

[ايمن السر بابكر]

معذ
لو اتفقت معك فى انو كل كلامك صاح
واتفق معك صديق والهندى
السؤال الحل شنو؟
تخريمه فى ناس زاغو شان الاداره طلبت منهم يكونو مشرفين وفى ناس قالوا لاعديييييييييييييييييييييييييييييييييل
مابنبقى مشرفين
بدر البدور عبد الماجد
شوقا اليك احن
وحبا وتقديرا
عبد الله نابرى
اغدا القاك وياريت غدا تكون هسه

[إيهاب محمد مصطفى]

حبيبنا أيمن السر

تعرف التعامل مع النت ده أصعب لغات الحوار ... لأنك تتعامل مع شخصيات إسفيرية عبر فضاء واسع .. تتختلف فيهم اللونية والنوعية وسبل التفاهم .. وما لم تكن جدير بتعاطي كل هذه اللونيات برحابة وعقلية إحترافيه ساعتها يصعب عليك البقاء ... من الصعب جداً أن تطرح موضوعاً وتجد الكل متناقماً ومتوافقاً مع أرائك مهما كانت درجة مثالية الموضوع ... ومن الصعب أيضاً أن تحشر مفاهيمك داخل شخص لا يرغب في ذلك ..
فالشاهد إذاً تبادل الثقافات وقبول الرأي والرأي الآخر .

عطفاً على أروع ما كتب من صيغة حوار (رأئي صواب يحتمل الخطأ .. ورأي غيري خطا يحتمل الصواب)

ما يصاحب المنتدى هذه الأيام من ركود ماهو إلا ظاهرة صحية .. أو حالة بيات .

وعن حالتي .. أجد أنني كلما هممت أن أكتب موضوعاً أجده اقل قامة من ساحة الجريف فأعتزل ذلك .. فالكتابة أمانة .. والمنتدى ما هو إلا ميراث لجيل قادم .. فلنكتب ما يليق بشرف الكلمة .. ولنكتب لأجل الجريف .. ولنكتب لجيل قادم

مودتي

[ايمن السر بابكر]

الاخ العزيز ايهاب
كثيرا ما اردد
اننا لسنا محترفين
لكن بطبعنا نحب الكتابه والنقاش والحديث
الموقع دا بقى زى معجزه
وفرت لينا كل ما نصبو
اليه من كتابه وتواصل ووووو
انا معاك انو نحن فى مرحله تكوين او تخلق زى ما قال صديق
لكن التكوين دا لازم يكون اساسو متين وقايم صاح
ستظل جميلا كما انت
ايهاب محمد مصطفى

[ايمن السر بابكر]

برضو
اظن انو الشخص البفتح بوست لازم يرعاهو
لازم يرد على الناس
لانو طرح فكره او موضوع للناس
عليه يجب ان لايتاخر فى الرد
على الاقل بنقض الرد او تأيده
شان الردا دا بزل مجهود ومتشوق يعرف الاثر بتاع كلامو او صحه كلامو

[عبدالله محمد نابري]

الغالي ايمن السر بابكر ،،، ،،
تحياتي واشواقي القربت تنبله ..
انا واحد من الناس المقصرين جدا في حق هذا المنتدى ... واطلب من الجميع المعذرة والسماح
وانشاء الله سوف نتواجد بكثافة شديدة في مقبل الايام
تحياتي لحبيبي ونور عيوني الخضر حسن الفضل
كما ابث تحياتي واشواقي الحارة "للنعمة" صديق النعمة
ونهي كهي قانون ذان دي هي .. دي تحية بعرف صاحبها
ويا الغالي ود السماني لينا وليك عودة وعودة
وعبدو كمبيوتر دائما ما يضع على البوست لمحة بعرفها هو براهو
والراقي ايهاب له منى التحية والتجلة ..
اي زول لو قعد مانفسو وسأل نفسو السؤال التالي : المنتدى ده شنو ؟؟؟ فالاجابة هي : المنتدى ده عسل بس !!!

[وليد عثمان علي سنقد]

يمين يا عبد الله انت العسل ظااااتو ..
المنتدى فعلا بقى لينا مرضة ومرضة جميلة وممتعة ..
وتأكد يا أيمن إنو البغيب عنه غالباً بكون لعزر منطقي ..
وأنا لا أنكر كما زكر معز السماني إنو في ناس بتغيب عنه بسبب الزعل ..
سواءً كان من أحد الأعضاء .. أو من أحد طاقم الإدارة .. أو من رد لم يلقى هوا في نفسه ..
ولكن نجاري أسئلة الشباب ونسأل : ما علاقة هذا أو زاك بحبنا للغالية الجريف ؟؟
كونه نزعل من شخص أو من رده .. ونودع المنتدى غير مأسوفين عليه ..
فإن هذا والله لأراه عين الجبن (عفواً لإستخدام الكلمة) ..
وكما كان سيكون هو حالي في لحظة من لحظاتي بالمنتدى .. والتي لا أحب دائماً ذكرها ..
لما فكرت في لحظة غضب .. أن أنهي علاقتي بالمنتدى ..
ولكن إخوة صادقة .. يمتلكون حب لهذه الغالية .. ولديهم نزعة وله لها ..
أعادوني لصوابي .. فهموني غلطتي عند فقط مجرد تفكيري في ذالك الأمر ..
فعدلت عن رأئي بفضل الله أولاً ثم بفضلهم وبفضل حبهم لها ..
فالفكرة في الأساس .. النهوض بالمنطقة والعطاء لها .. وبزل مابوسعنا ..
وتحاشي ما يغضبنا لأجل إعلاء رايتها وجعلها خفاقة تعلو فوق روؤسنا ..
وجعلها منارة يهتدى بها ..
يعني كان حا أكون جبان .. ولكن كيف تم إنقاذي وممن ..
كيف ؟ كما أسلفت وتقدمت بذكره ..
ممن؟ ممن جمعني بهم المنتدى .. فكان نعم اللقاء ..
أحببت أن أسرد قصتي مع ما يوافق مضمون البوست ..
عله يقصي من فكر أو يفكر في ترك المنتدى لسبب أعتبره يمكن ان نتقاضاه ونتحاشاه ..
فقط .. لاننا جـــــــــــــــــــــــــــــــــــــــــــــــــ ـــــــــــرافة ..

ولنا عودة ...

[ايمن السر بابكر]

ود نابرى دايرين نشوفك اسد
خلى كبكبه العرس بعيد
بهدين هسه نسوى شنو نعمل حسابنا على غيابك كم شهر كدا
يعنى ياعسل
شهر العسل
وبعد العسل
كم
ماتبقى زي حسن شمس الدين
مسك وفكانا

[ايمن السر بابكر]

سنقد
غايتو انا ما مقتنع بمبداء الزعل
لانو المنتدى بى بساطه ما حق زول

[عبدو(كمبيوتر)]

انا زعلان منك يا ايمن السر


:cool::cool:


ومبووووووووووووووز منك !!!!!!

[ايمن السر بابكر]

ليش يا ريال
نحنا ما بدنا نزعل حدا انا حااجيب لك ورده وشكولاته
ولو كررتها حاقولك ما تشربش من البحر اشرب ميه صافيه

[معذ السماني الحاج ياسين]

كتب ايمن السر
معذ
لو اتفقت معك فى انو كل كلامك صاح
واتفق معك صديق والهندى
السؤال الحل شنو؟

القصه ياعزيزي ماقصه دفاع عن شخص معين كما افتكر بعض الاخوان
القصه ياعزيزي هي انني اريد ان يثبت المنتدي ثوابت يتحرك بها الناس
يعني صديق بيقول نحنا كبار وبنقدر نحل المشاكل دون تدخل الاخرين طيب وكت نحنا كبار لشنو مابنقول للغلطان غلطان اظن ان القصه ذي(ديك )
اخي ايمن سالت سوال داير اجابته الحل شنو
اتزكر النقاش الذي دار بينك وبين الهندي في بوست التجربه الاسلاميه بقلم الطيب صالح في الجريف السياسي
ومطالبتك للهندي بعدم تعميم الخطا
يعني ياعزيزي ماعيب يقولو لي زول انت غلطان وماعيب تحديد الخطا واظن انني تناقشت كثيرا مع الهندي كثير في هذا الموضوع
اما بخصوص النقاط التي حددتها للغياب هي عباره عن نقاط حددتها انا شخصيا يعني مافي زول قال لي انا زعلان من كده ماعدا تساليه الباقي استنتاج من معرفتي بالغايبين ولكم ودي
لن اقول لينا عوده لان
لينا عوده بداءت تفقد حيويتها تدريجيا
معز السماني

[عبدالله محمد نابري]

ود سنقد .. من غير مجاملة الجريف الترقد عاااافية طالما فيها ناس ذيك ... مثل هذا الحب والهيام هو ما نحتاجه عشان بلدنا تبقه جنه ..
معز السماني انا ما عارف انت عاوز تصل لشنو بالضبط ؟؟
معليش امكن انا جيت ناطي في النص كده بس صراحة ما عارف انو ليه بدأت تفقد الحماس تدريجيا ؟؟؟
وبالمناسبة الملل في المنتدى شي طبيعي ووارد الحدوث وحتى في المنتدى القديم كنا نشكو من الملل !! لذلك لابد ان نخلق بانفسنا الجو الرائع الجميل الذي نحب ان نتواجد فيه ..
واتوقع انو البوست بتاع الابريق اقصد بتاع ال w.c انتشل الناس شوية من الرسميات والسياسة لذلك اتمنى ان يكون ان تخلق مثل هذه البوستات عشان الناس تتنفس شوية ..
ايمن في ذلك البوست لما مافي زول رد عليه قال : خشو سااااكت ما بتعفنو!!! والله ضحكت في وقت كانت الضحكة فيهو عزيزة شديد!!
ويا مستكا دي فائدة البوستات القلت بتاعت الونسة ووووو ... اقل حاجة بتعملها بتخلي الناس كلها موجودة ومبسوطة ..
وكون انو المنتدى ده جمع بينا بالطريقة دي فما بنخليهو لا حالا ولا تدريجيا ...
في واحد قال لي انا عاوز ارسل هدية لايمن السر ..
قلت ليه :انت موش بتعرف ايمن ده من زمان ؟
قال لي : لا والله اصلا انا ما شفته
قلت ليهو : طيب موش هو قريبك
قال : اي قريبي لكن ما شفته !!
قلت : طيب عاوز ترسل ليهو هدية عشان القرابة يعني ؟؟
قال : ابدا والله بس المنتدى خلانا قريبن لبعض شديد ..
دي واحدة من الحاجات وما عاوز اقول ليك الخضر عمل لاخوي شنو في فرنسا .. عشان هو قال لي ما تكلم زول !!!

[معذ السماني الحاج ياسين]

كتب عبد الله نابري

معز السماني انا ما عارف انت عاوز تصل لشنو بالضبط ؟؟
معليش امكن انا جيت ناطي في النص كده بس صراحة
ما عارف انو ليه بدأت تفقد الحماس تدريجيا


كتبت انا

القصه ياعزيزي هي انني اريد ان يثبت المنتدي ثوابت يتحرك بها الناس

لن اقول لينا عوده لان
لينا عوده بداءت تفقد حيويتها تدريجيا
معز السماني

[الطيب الامام الطيب الامام]

الاخوة المرور والاخ الغالى ايمن من جد المنتدى بقى زى البيت المهجور وفيه كسل غير عادى المشكلة ان الادارة عملت العليها وزيادة وكمان عدد ليس بقليل من الاعضاء جالسين ينادوا الى المنتدى الجديد نعم نسبة الاعضاء المسجلين كبيرة ولكن نسبة الدخول من الاعضاء قليله جدا يمكن تحسبهم باصابع يدك والمنتدى القديم كان يجمع عدد من الاعضاء وصاروا كتله واحدة والان فى المنتدى الجديد تجد نفس المجموعة التى كانت تحى المواضيع فى المنتدى القديم يسجلوا دخول ولكن لايوجد واحد يكلف نفسه بالرد على اى موضوع ويكتفى بالتصفح فقط وهدى نفس المشكلة التى كانت تواجهنا فى المنتدى القديم وايضا الى الان لم نراء اى تقدم او عمل اى مشروع ينفع الجريف خرج من منتدى الجريف والكل يكتب لكن اين من يقراء افتكر الحل اذا جلس كل اعضاء متواجدين فى منطقة ويقوموا بدراست مشاريع تنفع المنطقة بكون فى اقبالية على المنتدى وكمان المواضيع التى تجدها الان دمها تقيل ليس كل المواضيع ولكن الاغلبية وكمان عناوين البوستات زى مقال كمبيوتر هى التى تجذب العضوا الى الدخول الى الموضوع وكذالك الردود كلما كانت سهلة فى اسلوب الكاتب كى يفهمها الجميع طبعا المنتدى هدى شامل عدد كبير من المثقفين وكذالك يوجد عدد شوية اسلوب الكتابة وفهمها له دور كبير وكذالك فى المنتدى الجديد تجد جديه شديد فى كل المواضيع لابد من مواضيع مثل موضوع قضية الطاقة والقنصلية وماشابه ذالك تجد الاعضاء كلها متجاوبة مع الموضوع وكذالك فى تقصير شديد واخص بهذ ا الشيخ عصام والشيخ ابوتراجى والزعيم كمبيوتر لو لحظت الذين تما زكرهم كانوا العجلة المحركة الى المنتدى القديم ولكن فى الجديد ماادرى مالهم وزى مابقولوا الجديد شديد ولكن عندنا الجديد مسيخ وبجيك صاد

[عصام عبدالصادق]

أخي معز لك التحية
منذ أن طرح الأخ أيمن هذا البوست وأنا سعيد به ... لأنه معني بالتوادد والتراحم ...
ولكن لفت إنتباهي مداخلاتك .... من سلبيات لم أعهدها من شخصك وخصوصاً أنت رقم نحترمه ونقدره كثيراً.
عزيزي أجدك طرحت مداخلاتك وهي متشبعة بالزعل .... وحسب علمى أن الزعل هو لحظه ضعف تنتاب الانسان اما برغبه منه في اثبات وجوده أو عدم مقدره لتوصيل أمر ما بطريقة تجعل الناس يفهمون ما يريد.
وكمان الزعل يورث المرض ويجعل من هم حولك اعداء لا أخوه....
لماذا الزعل؟ إذا كنا نسلم دائما للقضاء
لماذا الزعل ؟ إذا كان الأجر مع عظم البلاء
لماذا الزعل ؟ إذا كنت أنا وأنت ضيوف على هذه الحياة
لماذا الزعل ؟ إذا اعتدى علينا أحد وتذكرنا صبر الأنبياء
لماذا الزعل ؟ إذا كان منهجنا إننا نخرج من هذه الحياة أتقياء
لماذا الزعل ؟ إذا عرفنا إن الحياة دار ممر لا دار مقر
لماذا الزعل ؟ إذا كان من أهم صفاتنا تقبل أعذار الآخرين
ولماذا ولماذا ولماذا الزعل إذا كنا نحن من أبناء الجريف ... وأجدك دوماً تبشرنا بمن هم زعلانين كما نقلت لنا زعل أخونا تسالية .... وقبلها وأنت في السودان عندما كان البحث جاري أيمن السر وجدتك تخبرنا بأن أيمن زعلان وإمكن ما يدخل الموقع ثاني...
لا يا أخي ... دعك من زعل الآخرين ... ولك الحق أن تحاول مناقشتهم ومحاورتهم دون أن تعلنها على الملأ ... حتى تترك مساحة للشخص الزعلان لعودته...
والحديث لك أحي معز:
القصه ياعزيزي ماقصه دفاع عن شخص معين كما افتكر بعض الاخوان القصه ياعزيزي هي انني اريد ان يثبت المنتدي ثوابت يتحرك بها الناس يعني صديق بيقول نحنا كبار وبنقدر نحل المشاكل دون تدخل الاخرين طيب وكت نحنا كبار لشنو مابنقول للغلطان غلطان اظن ان القصه ذي(ديك )
اخي ايمن سالت سوال داير اجابته الحل شنو
اتزكر النقاش الذي دار بينك وبين الهندي في بوست التجربه الاسلاميه بقلم الطيب صالح في الجريف السياسي ومطالبتك للهندي بعدم تعميم الخطا
يعني ياعزيزي ماعيب يقولو لي زول انت غلطان وماعيب تحديد الخطا واظن انني تناقشت كثيرا مع الهندي كثير في هذا الموضوع .
اما بخصوص النقاط التي حددتها للغياب هي عباره عن نقاط حددتها انا شخصيا يعني مافي زول قال لي انا زعلان من كده ماعدا تساليه الباقي استنتاج من معرفتي بالغايبين .
أخي معز لا تعليق فعلاً والله يصعب على التعليق!!!

عزيزي أجدك تقول أنك شخصيا انضميت للمنتدي ماعشان الكتابه والقراء فقط انضميت عشان انفذ مشاريع تفيد المنطقه ولو كنت ابحث عن القراء والكتابه فهناك منتديات كثيره يمكن الاشتراك فيها ويمكن ان تكون مفيده اكثر ومميزه اكثر من منتدانا .
أعتقد بأن هذه الفقرة لم يحالفك فيها الحظ كثيراً وهذا يرجع للزعل ... ودعني أقول لك بخصوص ذهابك لمنتديات أخرى مميزة سوف تجد نفسك فيها للكتابة والقراءة ... أعتقد هنا الأمر متروك لك دون أن تعلن عنه ... وبهذه الصورة الفاضحة ... فليس من المنطق أن تقنعني بأنك تبحث عن تنفيذ مشاريع تفيد المنطقة ... أي مشاريع تريد تنفيذها بهذه العقلية ... فإذا كنت متشبع بالزعل في كل صغيرة وكبيرة ... صدقني لن تستطيع تنفيذ مشروع حتى ولو كان مزيرة .... وأجدك ترددها كثيراً مشاريع ... ودعونا من الكلام ... وهكذا ... يا أخي أنا لدي سؤال بسيط جداً ... أنت تحدثت كثيراً حول هذه النقطة ومنذ أن كنت في السودان وقبل أن تصل الرياض ... أرجو أن توضح لي ماذا عملت وفعلت للمشاريع والتي سبق وأن تناولها الأعضاء عبر هذا الموقع .... أذكر لي أي نقطة إيجابية ...
أخي الكلام ليس بفلوس ولكن يا عزيزي البيان بالعمل ... وأنت الأن موجود في الرياض وتطالب بتنفيذ المشاريع ... إذن وضح لى كيفية تنفيذ المشاريع وأي مشاريع ومن الذي يقوم بتنفيذ المشاريع ...
ومن نحن ومن أنت لنقوم بتنفيذ مشاريع ... نعم نحن نسعى ونشجع على قيام مشاريع ....
إذن يا عزيزي أنت جزء من الجماعة .... وما ينطبق عليك ينطبق على المجموعة ... ... أنت تظلم مجموعة المنتدى بتحميلهم عدم تنفيذ المشاريع ... وبجرة قلم أعتبرت كل المشاركات مجرد كلام ... هنالك مثل حقيقي يقول ( تحرك لوحدك إن أردت أن تكون سريع، وتحرك مع فريق إن أردت أن تصل إلى البعيد)

والحديث لك أخي معز وتقول هل المقياس للنجاح يقاس بعدد المشاركات وعدد الزوار وكمية المواضيع التي تطرح ... لو كان الاساس هكذا فعلي المنتدي السلام..
وأقول لك لا يا أخي فقد ذكر الكثيرون بأن هذا الموقع أتاح لكثير منا التعارف والتفاهم وقوى من لغة حوارنا وكيفية الرد بالرد المناسب على المواضوع وانه قرب من أفكارنا ومفرداتنا اللغوية وأعطانا فرصة للتعبير عن راينا وثقة بأنفسنا من خلال الرد على الموضوعات الإيجابية او السلبية ... وتتفق معي أنه جمعنا وضمنا تحت سقف واحد .. وضاعت وذابت الفروقات والمذاهب .. ومن خلاله جمعتنا الألفة والمحبة والمودة .. اكتسبنا صداقات جديدة .. واستفدنا من بعضنا البعض .. وبتواصلنا المستمر والدائم .. وسطرنا لعبارات التشجيع والتعقيب على المواضيع .. وزادت أواصر وروابط الاخوة فيما بيننا .. لدرجة جعلتنا نعشق هذا البيت الكبير ..
نعم تعتبر تجربة الحوار الإلكتروني تجربة مثيرة وبالرغم من حداثة عهدنا بها إلا أنها باتت تجذب أعداداً كبيرة وتشهد ساحاتها يومياً نقاشات وصراعات وخلافات بين أفراد لهم خلفيات ثقافية وآراء مختلفة... حتى أصبحت اليوم من أهم قنوات الحوار وأكثرها استقطاباً ولكل إنسان وجهة نظر تختلف عن الآخر مما أوجد إيجابيات وسلبيات ودعني اقول ان جميع السلبيات أعتبرها إيجابيات لأنها تجعلنا نكتسب تجربة وخبرة من الصعب أن نحصل عليها في حياتنا اليومية بسهولة فنحن لانعرف في محيطنا إلا عدد محدود من الأقارب والأصدقاء أما في منتدانا فقد إلتقينا بأفراد وتعرفنا عليهم وعلى آرائهم وحياتهم وهمومهم ... نعم إستفدنا من هذا التجمع ولا ينكر هذا إلا إنسان مكابر.
ولو رجعت الى مشاركات كل عضو في موقعنا هذا ستجد أن الجميع تحاور بمختلف ثقافاتهم و أجناسهم ومعتقداتهم مستمتعاً بالاختلاف والتنوع حتى أصبح تمهيد جيد ونوع من التدريب الحقيقي وغرس فضيلة الحوار والنقاش والاستماع للرأي الآخر مما خلق مناخ صحي للحوار بين الأطراف وصقل لنفوسهم وتدريب لملكاتهم وقد ساهم في تطوير الأفراد وذلك باطلاعهم على المستجدات من جميع النواحي الاقتصادية والسياسية والعلمية والفكرية والأدبية والدينية والاجتماعية والأسرية .

أعطيك مثال بسيط أن تعلم العلاقة الأسرية التي تربطني بأخي صديق النعمة وقد تربينا في بيت واحد وعلى نمط واحد ... ولكن ما عرفته وزاد من حصيلتي عن شخصية وفكر صديق النعمة من داخل هذا الموقع فاقت كل سنين عمرنا الماضية.

لك الحق يا أخي أن تنتقد ولك الحق أن تتساءل ... وحتى تكون أسئلتك مشروعة نستفيد منها جميعاً أجعلها تصب في ناحية المودة والإخاء ولا للفرقة والشتات وتحبيط الهمم ... ولك الحق أن تتساءل عن يجابيات الموقع وهل ساهم في تطوير الأفراد وهل ساهم في زيادة الوعي الثقافي ؟ وهل ترى أن الموقع يمكن أن يكون وسيلة لتنمية المواهب أم كانت المواضيع التي طرحت مجرد للتسلية ؟ وهل ترى بإن سلبيات موقعنا هذا طغت على الايجابيات أم العكس تماما ؟ وكيف تقيم تجربتك في الموقع ؟.
وحديثك عن الناس فعلت وما فعلت يقودنا إلى الإتكالية على الغير .... إذن لابد من المبادرة العملية وليست بالقول فقط ... هذا إذا شعرت بأنه يوجد قصور من الجماعة.
والاتكالية لا تنحصر بالفرد بل تتجاوزه إلى محيطه وقد تسبب الاحباطات والاخفاقات على الصعيد الشخصي وعلى الصعيد الاجتماعي هناك تبعات كثيرة لها حيث ترتبط بمعطيات مجتمعية أفرزتها بدءا من بنية المجتمع إلى عاداته وتقاليده.

أخي معز أجدك تردد كثيراً لن اقول لينا عوده لان لينا عوده بدأت تفقد حيويتها تدريجيا
حقيقة والله ما عارف المعنى الحقيقي لكلماتك هذه ولا أعرف الرسالة التي تريد إيصالها ... لأنني توقعتك أن تقول وداعاً وربما لنا عودة ... وتترك التفسير لفطنة القارئ ... ولكن طريقتك هذه وفي كل مداخلة أو مشاركة لك مع إختلاف المواضيع ... أعتقد أنها غير مجدية حسب وجهة نظري وتفقدك كثيراً من المصداقية التي عهدناها منك ... لذا أرجو عمل مراجعة دقيقة لهذه الفقرة تحديداً....
أخي معز ... حديثي كان معك من القلب للقلب ولأني أحترمك وأقدرك كثيراً ... وكذلك جميع من شاركوا في إبداء رأيهم ...
ويدوم الود

[بدر عبد الماجد بله]

لك التحية أخى عصام عبدالصادق

لم تترك لنا أى مساحة للتعبير عن ما يجيش بداخل أخونا معز السمانى وأوفيت بموضوعية شاملة ومنطق يتحدى العقول ومن هنا أعتقد انه سوف يختم مشاركاته ودوماً نلتقى أو يتجدد اللقاء بكم .

ويدوم الود

[mistika]

كتب عبد الله نابري
ويا مستكا دي فائدة البوستات القلت بتاعت الونسة ووووو ... اقل حاجة بتعملها بتخلي الناس كلها موجودة ومبسوطة ..

الواحد يغيب ويجي وبرضو يلقاك زي ما انت اسع انا حاشرني مالك وكيتناً عليك البوست ده انا ماشايفوا

[معذ السماني الحاج ياسين]

اخي عصام تحيه وتحيات

اولا :
قبل كل شي هناك نقطه لابد من تثبيتها وهي
ان المنتدي استطاع ان يخلق علاقات اجتماعيه جميله
وبالتاكيد الجميع استفاد من القراء والكتابه في تطوير نفسه
من كل النواحي
ولكن اختلافي الاساسي ينصب في نقطه اري انها مهمه في وجهة
نظري واري انها غير مهمه في نظر الاخرين فلهم الحق في ما اخذوا ولي الحق في
ما اخذ والنقطه هي
العمل واظنني وضحت كلمة نعمل توضيح كامل

ثانيا :
اري اخي انك حللت بانني ( زعلان ) لا اخفي عليك انني
زعلان لان الشكل والصوره التي وضعتها للمنتدي والتي ناقشتها مع
كثير من الاخوان داخل وخارج المنتدي بداءت تتلاشي او اصبحت معدومه
وكل الناس شابكاني المنتدي ده ساحه للكتابه والقراء يعني (ثقافه اكترونيه ) وبدافعوا عن رايهم
طيب انا من حقي برضوا الدفاع عن الفكره بتاعتي بالشكل الذي اراهوا مناسب

ثالث :
سالتني ماذا فعلت او عملت للمشاريع التي سبق وان تناولها الاعضاء
قلت من قبل هذا الكلام للاخ الهندي وسوف اقوله مره تانيه لك
لو كنت استطيع ان اعمل وحدي ماكنت تحدثت هنا
اما بخصوص المشاريع التي طرحت كثيره وكلها نوقشت من خلال البوستات
ومن خلال اللقاء الدوري
ولو رجعته الي الجريف العام سوف تجد انني كتبت موضوع بعنوان
(الي متي ) وهذا الموضوع يتحدث عن كبري المشاه
بعدين ياعزيزي قصة مافي زول يقوم بتنفيز المشاريع
دي ما اظن فيها مشكله لان المنتدي فيهوا الناس الموجوده في الجريف والممكن تنفز
اما بخصوص من نحنو سوف اعيد لك مازكر من قبل
منز متي يحتاج العمل الجماعي الخيري في الجريف الي جهه اعتباريه او مسمي
كما تقول انت ويقول بعض الاخوان

اخي اري ان الكثير من الاخوان يعتبرون انني احاول بث الفرقه
والشتات من خلال كتاباتي التي تجعل كل الاعضاء في استياء
اذا كان كلامي والذي اعتبره في وجهة نظري الشخصيه من اهم
اهداف المنتدي والتي كان (غالبيت الاعضاء يتفقون معي فيها )
يسبب الاستياء ويبث الفرقه والشتات
اذن اين الكلام الذي يزيد من الترابط ولم الشمل

عزيزي لو كان الجميع يراي هذه النظره في كلامي
فانني اطلب من الاداره سحب كل المواضيع التي تدعوا للفرقه
والشتات
اما بخصوص الكلمات التي كتبت في (لينا عوده )
فارجوا المعزره فهي لن تكتب مره اخره
ولك ودي
معز السماني

[ايمن السر بابكر]

الاخوه المتداخلين
الف تحيه
انها محاوله للتطور والقفذه بالمنتدى ودراسه اسباب الغياب
انا لسه اؤمن بان الزعل ليس سببا منطقيا للغياب
لانو لو فى كلام ما عجب زول بكل بساطه يتجاوزو
فى المجموعه اكثر من الف خير
الاخ عصام عبد الصادق والله اوفيت
الاخ معذ
نحنا امامنا اكثر من فكره منها شنطه رمضان للاسر الفقيره
ودا محتاج للدعم المالى اتمنى مساهمتك ومشاركتك للعمل

[معذ السماني الحاج ياسين]

كتب ايمن السر

نحنا امامنا اكثر من فكره منها شنطه رمضان للاسر الفقيره
ودا محتاج للدعم المالى اتمنى مساهمتك ومشاركتك للعمل

اخي ايمن التحيه لك
واتمني التوفيق
وسوف تجدني انشاءالله
ولكم ودي

[ابو تراجى]

الاعزاء دوماً لكم التحية
ورمضان كريم
يمكن انا الوحيد الزعلان من روحى
وارجو من الجميع الصفح لى
انا مسجل غياب شديد وده سبب زعللى من نفسى
وسبب الغياب عدم الاقامة فى البيت وده لانو الاولاد مسافرين
والبيت مسيخ البجيبنى ليه غيار الملابس ان كنت اصلاً فى جدة
والزينا كتار (انا وعصام وهسه اخونا يحيى )
ده كلو كان اولاً ثانياً
عصام ناقش معز السمانى نقاش مستفيض ومافى داعى للتكرار
لكن معز يا شباب داير يكون هناك الية ادارية لضبط العلاقات فى اطار المنتدى
يعنى لوائح وقوانين ترد المخطى والمتعدى على نفسه والاخرين
ثالثا
انا حاعرف كيف انك زعلان منى ؟؟؟؟
اى واحد زعلان مفروض يوضح سبب زعلو !!!!
ورابعاً هو الواحد بيزعل لية ؟؟؟؟

معليش
طالع المدينة ومعاى ناس منتظرين
برجع ليكم بحول الله
ابو تراجى

[معذ السماني الحاج ياسين]

[QUOTE=
ابو تراجى;4352][size="6"]الاعزاء دوماً لكم التحية
عصام ناقش معز السمانى نقاش مستفيض ومافى داعى للتكرار
لكن معز يا شباب داير يكون هناك الية ادارية لضبط الاعلاقات فى اطار المنتدى
يعنى لوائح وقوانين ترد المخطى والمتعدى على نفسه والاخرين

[COLOR="DarkOrchid"]ابو تراجي يمكن ان يكون وضح ما اريد
بنسبة 50% والباقي بجيب المشاكل عشان
كده كفيه
ثالثا
انا حاعرف كيف انك زعلان منى ؟؟؟؟
الزعل كما زكرت من قبل ديما مايحدث في
نقاشات ودي مساله طبيعيه والزعل بيتطور عندما
يحس الشخص بالظلم وفي نفس الوقت السكوت
او المجامله واظن انني وضحت هذه النقطه من قبل

اى واحد زعلان مفروض يوضح سبب زعلو !!!!
ودي هنا يختلف الناس من بعض في الزول الممكن يوضح
زعلان من شنو ويناقش وفي الزول العكس تمام وفي الزول البكتم
الزعل
ورابعاً هو الواحد بيزعل لية ؟؟؟؟
اظن انني وضحت هذه النقطه بنماذج
اخي هل يعرف احد لماذا اختفي حسن عوض عباس

ولكم ودي

[عبدو(كمبيوتر)]

السلام عليكم

يبدو انو الدنيا مولعة نار بى جااااااااااااااااااااااااااااااااااااى
وانا بطبعى خواف . لكن اهو الواحد بزيد ليهو معلومة معلومتين
وبكتب ليهو معلومة .....!

احبتى

نحن لسنا بوزارة
او بحكومة تريد
اصلاح الجريف .......!
نعم كل منا يريد ان تتحقق طموحه تجاه
جريفنا ... ولكن لا يصل الى هزا الحد ...


معز السمانى

عزيزى اعرف كم النشاط والغيرة التى تكمن بداخلك تجاه الجريف وهزا شئ جميل....!

ولكن لا تصل الى حد الجريف بوضهعا فى مقارنة بين الجد والكلام .

دعونا نتلاقى دعونا
نتمنى
دعونا نحلم
ودعونا نتحدث ....

فلا يدرى اى منا ما زا

يخبئه القدر.......!



تحياتى الى الجميع

[معذ السماني الحاج ياسين]

كتب عبدو كمبيوتر

ولكن لا تصل الى حد الجريف بوضهعا فى مقارنة بين الجد والكلام .

دعونا نتلاقى دعونا
نتمنى
دعونا نحلم
ودعونا نتحدث ....


اخوي كمبيوتر
انا الكتبتو ده كان شنو
ماعباره عن حلم وحديث
اما المقارنه بين الكلام والعمل
فدي ياعزيزي متروكه لحجم
الانجازات في المجالين معا
وعشان كدي فارجوا المعزره
بالنسبه لي انتهي الحديث عن الجريف مابين
الكلام والعمل ووصلت الي نقطه سطر جديد
ولكم ودي

[عبدو(كمبيوتر)]

برنجية

نقطة سطر جديد
على الاطلال لا انكر ان الهاجس الزى يشدنى
نحو البقاء هو

حضورك الانيق....؟؟؟؟

مخرج

( ما اكلته الكمونية )
رايك شنو

[اسماء]

اهلا ايمن السر : موضوعك جميل والاجمل طرحك لفكرة رمضان ويارب تتنفذ وتكون في ميزان حسناتك .
نرجع للموضوع : لم يتسبب منتدى الجريف في الملل لاي شخص وانا اكاد اجزم على هذا .
والغياب ياايمن ظروف .
واحب ان اوضح للاخ معذ السماني ان منتديات الجريف شرق تحظى بادارة ومشرفين لم تحظى بهم منتديات اخرى ...........
وانا لا اقول هذا لان الاداره ترى في انضمامنا انا ومنى نجاح على العكس نحن لم نضيف الى الان للمنتدى اي اشي ولكن المنتدى هو من اضاف لنا وطبعا الفضل برجع لكم كجرافه .
بس انا شايفه انكم لو اتفقتوا افضل ........
لاخوان معذ والهندي انتما الاثنين اقلام مميزه ....

[عمر حسن حمزه]

السلام عليكم و رحمة الله وبركاته
منذ شهر مايو و أنا غائباً عن المنتدى ........ و بالتأكيد لم يكن غيابي لموقف ماء تجاه المنتدى و إنما للمشاغل وهذا ظني بكل الغائبين ..... أو قد يكون جزء منهم فقد الحماسة .... دون أخذ موقف سلبي و هذا أيضاً مطالباً بإشعال الحماسة في نفسه أولاً حتى تنتشر في الآخرين برداً و سلاما

سعدت أن أعود و أول ما أقرأ ما طرحه أخي أيمن من فكر رائع في هذا البوست و إزدادت الروعة بالمشاركين، وأحسب أن جمعهم كتب بصدق، تلك الروح الصادقة التي تناول بها أخي صديق وهو يترجم مفردات رائعة لأخي معز السماني المشتعمل حماسة لخدمة الجريف و يرغب أن يكون عمل المنتدى فيزيائي. ثم جاء أخي الخضر بكل أريحيه شارحاً عمل المنتديات بشكل العموم كما تحدث القائد الهندي بروحه السمحة عن إنجاز المنتدى الذي أصبح علماً من أعلام جرفنا الحبيبة.
كما اتفق كل المشاركون و أعتقد الذين لم يتمكنوا من المشاركة بأن المنتدى أصبح وعاء يجمعنا جميعاً داخل و خارج الوطن. تختلف الآراء و تختلف المشاركات ولكن الهدف واحد و نحن متفقون عليه تماماً
* طالما أننا متفقون على الهدف فما دون ذلك يعتبر هامشاً.
* ليس بالضرورة أن يترجم عمل المنتدى في كل الأحوال ميدانياً
* كل عمل قائم سوى أن كان بالمساجد أو المدارس أو النوادي أو جميع المرافق سينعكس المنتدى بشكل أو بآخر على تلك الأعمال

للحديث بقية و التحية والتقدير لكل المشاركين ولك أخي أيمن

[معذ السماني الحاج ياسين]

كتب معز السماني

النقطه الاولي :
هل المقياس للنجاح يقاس بعدد المشاركات وعدد الزوار
وكمية المواضيع التي تطرح
لو كان الاساس هكذا فعلي المنتدي السلام
انا شخصيا يمكن ان اكتب لك يوميا اكثر من مليون مساهمه
هل يعني هذا اننا متقدمين الي الامام
بعدين ياعزيزي منو الاساسا نكر العلاقات الاجتماعيه
والاستفاده من القراء والكتابه وتبادل وجهات النظر
انا شخصيا قلت اننا نكتب ولكن علي الاقل من المليون البنكتبه
ننفذ واحد علي الواقع حتي لو كان علي نطاق ضيق

وكتب استاذنا عمر حسن

ليس بالضرورة أن يترجم عمل المنتدى في كل الأحوال ميدانياً

ولكم ودي

[معذ السماني الحاج ياسين]

كتبت الاخت اسماء

واحب ان اوضح للاخ معذ السماني ان منتديات الجريف شرق
تحظى بادارة ومشرفين لم تحظى بهم منتديات اخرى ...........

اين هم المشرفين واين هي الاداره
اختي اسماء
انظري الي المنتدي وانظري الي الاقسام
من الذي يديرها ويعالج بعض الاخطا التي تحدث

اذن القصه ليست انني علي خلاف مع الهندي او غير و
انا شايف انو من المفترض تعين مشرفين وتفعيل دورهم
ولكم ودي

[ايمن السر بابكر]

انتو ياجماعه ملاحظين انو فى تسجيل جديد كتير جدا
لكن كساد مبالغه
برضو ملاحظين انو فى نقله نوعيه فى الطرح والنقاش .

[الهندي بشير نابري]

الغالي أيمن ... أريتك طيب .. والبوست دا جبتو من وين ..
لاحوله ولاقوة الا بالله.
http://aljraif.com/vb/uploaded/2_999999999999.gif (http://aljraif.com/vb)
الشي الجميل الملاحظ يا ايمن أن هنالك اقبال من الزوار للتسجيل والإلتحاق بركب المنتدى ... فالمنتدى حقاً يستحق التقدير .

أما مسألة المشاركة فهي مسألة تقديرها نسبي بين شخص وآخر نظراً لإمكانية الأعضاء في الكتابة والتداخل والمشاركة وطرح المواضيع .. وكما ترى نحن في حال أجمل وأفضل بكثير من السابق ومازلنا نمضي ..

الواجب علينا هو أن نشجع الاعضاء ونتفاعل معهم بقدر ما نستطيع ونبني دروباً للثقة والاحترام والتعامل المستمر بيننا وبينهم وهكذا ستستمر وستتفالع عجلة المنتدى ويتحقق الهدف .

كن بخير يا جميل وللحديث معك شجون .

[ايمن السر بابكر]

الغالى الهندى
المشاركه ليست فرض عين انما تعنى التفاعل مع الموضوع كتير بمر على مواضع واخشى ان اضيف عليها فيختل جمالها لكن نحن نحتاج الجديد والجديد شددددددددددددددديد
الملل يتسلل بسرعه فائقه فينصب على الدخول يعنى لو قلت ما فى جديد بينى وبين نفسى دا ممكن يعجزنى من الدخول للمنتدى رغم ان المنتدى دا عندو (اكوله)عجيبه اول ما نزلت مصر سألت من الmdslتخيل تقول اسبرين.

المشاركه برضو بتنمى المواهب وبتوسع الادلراك وفهم الاشياء...................

[الهندي بشير نابري]

الغالي .. أيمن .. ضو القبيلة
http://aljraif.com/vb/uploaded/2_999999999999.gif (http://aljraif.com/vb)
نحنا في النمتدى دائماً اتعودنا انك تجينا بالجديد فق شكل (مصيبة) منتظرين نصيبتك الجايبها ليها .. لكن خاف الله فينا وبشويش .

[ايمن السر بابكر]

النصايب راقده بس ما تجروا منها
هسه نكت البوست دا براهو ما نصيبه
زكريات ولا شنو؟

[الهندي بشير نابري]

ههههههههه
هههههههههههه
ههههههههههههههههه
لاتعليق

[مصعب عمر حسن حمزة]

الخال أيمن http://aljraif.com/vb/images/icons/icon10.gif http://aljraif.com/vb/images/icons/icon10.gif
http://aljraif.com/vb/images/icons/flash.gif http://aljraif.com/vb/images/icons/flash.gif http://aljraif.com/vb/images/icons/flash.gif http://aljraif.com/vb/images/icons/flash.gif
تقبل مروري

[جبريل الجاك 2009]

الاخ ايمن لك التحية
الواحد في الغربة ما مصدق إنه ليقى وسيلة تجمعه بأصدقاء وأحباب والام (الجريف)
لكل مشكلة حل
السؤال هل المنتدى له مقر في الجريف او في اي مكان ؟
وإذا كان له مقر اكيد اتصلو لحل الملل في المنتدي كما تقول
أنتم القيمين في السودان انتم المنتدى يعنى اقل زعل بينتكم المنتدى في باي باي
لقد قومتهم بإنشاءه وهذا شئ تشكرون عليه وليس المنتدى لشخص إنما لحلول مشاكل المنطقة
فل النظر لجريف لان اي زعل من اي شخص منكم في المنتدى ممكن ترجعكم ورا نحن دايرين تمشو للامام
فسيرو ونحن من خلفكم
بالله التوفيق