تبادل الزوجات

[ايمن السر بابكر]

جابت ليها تبادل زوجات بعد ماتبادل قبلات تبادل تهانى تبادل اسري
الدنيا دى ماشه على وين حيرتنا
الحصل انو الشرطه المصريه القت القبض على زوجين فى مدينه العجوزه وهم فاتحين شقتهم لدعاره غريبه
الشروط الاساسيه فيها انك تجيى انت وزجتك وتتبادل زوجتك مع خايب تانى بل الاغرب انو الاربعه يكونوا فى غرفه واحده
الموضوع انتشر ولقى قبول لدرجه انو فى ازواج جو من خارج مصر العربيه....
لحدى هنا المسأله عباره عن حاله فساد شاذه
القنبله وين انو فى المحكمه فى ناس جوا ناطين قال ليك شنو زى ما قال اللمبى حموم الانسان يعنى حقوق الانسان
وانهم احرار فى شقتم (الاختشوا ماتوا)
حقوق انسان وسجون مصر اعفن سجون فى العالم
الشخص لو حر فى اى حاجه ليه ربنا منع الانتحار وكل قوانين البشريه
يعنى اوربا دى عاجبانا للدرجه دى كويس العمل ودقه المواعيد دى ما شيفنها فى اوربا زاتو تبادل زوجات دا ما بحصل
كان فى روايه للكاتب اساءه عبد القدوس اسمها ابتسامه على شفاء تحترق واتمثلت فلم بطوله شكرى سرحان وطبعا ما شكري بس السرحان
الامه كلها سرحانه انو الزول لمن يكون نايم مع زوجته بتخيل نفسو مع واحده تانيه
دا قبل 40 سنه كان فى مخيله الفكر والسينما المصريه هسه بقى واقع وواقع مرير
وتحيا مصر

[الهندي بشير نابري]

سبحان الله .. ناهيك الرجولة والنخوة
انما الفطرة البشرية لاترضى ذلك ولا تحتمل حتى
الحديث حول ذلك .. هل وصل الحال لهذه الدرجة فعلاً

االنبار بالغرب والخواجات وزي ماقلت مواعيد حواجه بس ... طيب موش المفرض نآخد منهم الشيئ الجميل ومقبل والهو أساساً متأصل في تعاليم اسلامنا مادمنا لا نرضي بتطبيق قواعد الاسلا اتباعاً للأمر ...
خزي على بعضـنا أمة مهند ...
لكن سيظل الخير فينا ماحيينا .... مادمنا انت وأنا وغيرنا يا أيمن يشمأز مما يفعل بعض البشر ...

آخر خبر .. مدينة حيدر أباد الهندية تصرح محاكمها باباحة زواج الرجل من الرجل وتم صدور قانون يبيح ذلك ... عجايب يازمن (حيدر أباد المدينة الأكثر مسلمين بالهند) .... وكيف نستعجب والهنود المسلمين يقرّون أنه لو صام الأب في الاسة سقط الصيام عن الباقين ... والله الشيطان شاطر .. وتحيا حيدر أباد ...
ولسه في العالم هوايل يا أيمن .

والله مضوعك يستفز كل معاني وقيم الانسانية الموجوده في كل قارئ ومنهم من يبكي حسرة

[عامر عبد الوهاب]

يا أيموني تبادل الزوجات ده بدفعوا فرق ولا الشغل مفاتيح . والله العجب!!!!! الله يحفظ امتنا

[ايمن السر بابكر]

الاخ الهندى
انت عارف لو الكلام دا حصل فى اقليم اسيوى نقول ياخى ديل مؤلفه قلوبهم معليش بعاد شويه
وممكن نخت العزر فى الشيعه
لكن دا وين فى مصر
مصر بلد الازهر ووووووووووو
شكلو ياعم البلد بقت بتاعت ليلى علوى
الاخ عامر والله ضحكتنى
ممكن صدقنى تسألوا مرتك دى ماشه كم كيلو

[صديق النعمة الطيب]

الأخ العزيز أيمن...
الشغلانة كلها بقت معارك في غير معترك، و قنابل دخان و حجب للرؤية، فبدل أن يقرأ المواطن عن تعديل الدستور و أهلية الترشح للانتخابات الرئاسية و مشكلة التوريث و مآسي الخبز و طوابير الجمعيات، أصبح يقرأ أخبار المجتمع و مآسي المجتمع و يلعن المجتمع و ينسى الجاني الكان السبب...
زمان كان المصريين بغيروا الواقع بالافلام يعني يدخلوا بعض الممارسات الشاذة على المجتمع عن طريق فيلم "عربي" و يقول ليك دا فن و الفن عالم حر كل شئ فيه ممكن، لكن الظاهر شغلانة الفن زاته بقت غير فعالة أو احتمال هم ما فهموها صاح و الحاصل شنو ما عارفين،،،
مسلسلات الدبلجة التركية و المكسيكية و الخليجية و السورية مسحت المصرية من الخارطة، و الغريب انو المصريين بقوا يقلدوا السوريين و اللبنانيين و كمان بغيروا منهم يعني لم تعد القاهرة هوليود العرب كما كان،،
عشان كده الظاهر قالو أحسن نعمل "أفلام الواقع الحي" و يوفروا على نفسهم المصاريف، و يخلوا حكاية الأفلام و المسلسلات لأنها بقت موضة قديمة،،
المشكلة إنو "أفلام الواقع الحي" بتهدد المجتمع أكتر من الأفلام السينمائية، لأنها بتديك الاحساس بالرعب و الخوف و اليأس و القنوط من أي اصلاح، و انو الظاهرة منتشرة و موجودة في كل شقة و كل زقاق،،
و الدليل على أن هذه الأفلام إنتاج حكومي بالدرجة الأولى، أن أبطال هذه الأفلام هم "الصحافة" و الصحافة إذا لم تكن مملوكة من الحكومة فهي خادمة لمصالح الحكومة بأقنعة مختلفة تختلف باختلاف الحدث، و الهدف في النهاية هو تسطيح العقل و تمييع القيم و فتح الباب لناس حقوق الشيطان عشان يدافعوا عن الشواذ و حقوق الداعرات في العهر لتكون المحصلة أن الإنسان هو مرجعية قيمه و مركز كونه و له الحق في أن يتصرف كيفما شاء و قتما شاء بلا قيد و لا ضبط و بدل أن يكون حراً يكون متحرراً من كل قيمة ليصبح انسان بلا قيمة،،

[الطيب الامام الطيب الامام]

الخليج زواج مسيار ومصر عرفى والان جابت ليها تبادل زوجات هو الواحد لو مامقتنع بقدرات زوجته متزوجه لشنوا اللهم ارفع البلاء عنا وحافظ سوداننا يارب وجد عداتنا وتقاليدنا اذا الواحد عمل بها بتحفظوا من كل المعاصى وتجى تقولوا مايجى بلا وامراض انفلونزا وبواسير والجاى افظع اذا جات ليها تبادل ومقايطه الخوف ماتجيب ليها بيع قطع غيار

[محمداحمدبشارة الصافي]

لا اله الا الله وأشهد ان محمداً رسول الله
الموت حق والحياة باطله
أللهم تستر ولايانا.........................أللهم تستر ولايانا
أللهم آمين

[عبدالله محمد نابري]

ايمن وعااااااامر
هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههههههههههههه ههههههههههههههههههههههه
ههههههههههههههههههههههههههههههههههههههههههههههههه! !!!!!!!!!!!!!!!!!!!

[عامر عبد الوهاب]

يا ود الامام قطع الغيار هينه المشكله تلقي ليك قايم ولا مسطره ولا فوطه وتكون ركبت ماسوره مش ذي ماسوره ايمن الدقوا فيها اللبوه
ود نابري خش موضوع ايموني ده مبالغه

[ايمن السر بابكر]

الاخ صديق
يعنى دا زى فضيحه وتر جيت

[ايمن السر بابكر]

ود نابرى البركه فى شوفتك
زمان كان بنخت السفنجه فى الكوع شان ماتتبدل
هسه فى الزمن دا الحفا خير وبركه

[ايمن السر بابكر]

اللهم امين ياصافى
ود الامام هو العضم خرب اسبيرات شنو تانى
عامر
انت موش الاسهل تعمل تنازل وتانى الواحد اصلو ا مايغير شهاده البحث بس بالتوكيل