عودة سنبل [الأرشيف]

وليد عثمان علي سنقد

07-11-2009, 06:27 PM

الاخوه الاعزاء
كثر الحديث عن الإخوةالمفقودين من قبل وكتب الحبايب .. منهم أخونا الأ خ/ يحيى ومنهم الفاضل / أبو تراجي ومنهم ومنهم ومنهم ..
ومنهم من سأل عنهم دون أن يرفع صوته بالمنتدى ..
فكان لزاماً علينا أن نقوم بعملٍ ما .. فكانت فكرة اخونا / أيمن السر .. والتي تقوم على :
القبض على المفقودين بمنازلهم أو بأماكن عملهم الذي شغلهم عننا وعن منتدانا المحبب إلى أنفسنا والذي سنبزل أقصى ما بوسعنا لإحيائه .
وبالفعل فقدتم القبض على المشرف الهارب / عامر عبد الوهاب بمنزله .. بالصورة والقلم ..
مما يدعم المنتدى ويدعم سيرته .. والمضي به قدماً إلى الامام ..
والذي إستمعنا إلى إفادته وأسباب غيابه عن المنتدى ..
فرأينا أن يطرح أسباب غيابه بنفسه على أن يكتب تعهد على عدم غيابه وأن لا يكرر هذه الفعلة الشنيعة ..
فهيا يا عامر إدلي بدلوك ..

ودمتم ...
http://i87.servimg.com/u/f87/11/77/43/79/new_bi10.jpg (http://www.servimg.com/image_preview.php?i=269&u=11774379)

عامر عبد الوهاب

07-11-2009, 06:36 PM

اذا اردنا الاعتزار فلن تكفي سعة هذا المنتدى بحقكم اخوتي الاعزاء ولكن اتعهد وانا بكامل قواي المنتدية ان لا اتغيب عنكم اعزائي مهما حصل ولو ادي ذلك بالمجازفه بحياتي

خضر حسن الفضل

07-11-2009, 06:41 PM

حبابك يا عامر
وسلام تعظيم للرائد أمن/ وليد عثمان على سنقد من جهاز أمن المنتدى

وليد عثمان علي سنقد

07-11-2009, 07:02 PM

بعد نجاح عمليه القبض على عامر
تحركت القوه صوب منزل الهارب نبيل احمد واليكم تفاصيل القبض

وليد عثمان علي سنقد

07-11-2009, 07:08 PM

من منزل الهارب نبيل

http://i87.servimg.com/u/f87/11/77/43/79/uousu10.jpg (http://www.servimg.com/image_preview.php?i=271&u=11774379)

نبيل احمد علي

07-11-2009, 07:17 PM

السلام عليكم اخوتي الكرام
بعد الحملة التي قام بها الاخ وليد سنقد اتقدم بخالص اعتزاري لكم واعدكم بعدم التغيب مره اخري ولكم مني خالص الود وفي الختام الشكر الي العزيز ود سنقد والمحترم ايمن السر والمقبوض عليهو عامر البيجو

الهندي بشير نابري

07-11-2009, 08:34 PM

الجميل في الأمر أنو ده حيكون مصير أي زول يراوده التفكير في الغياب عن المنتدى سيجد عصابة تهجم عليه في عقر داره وفي الرياض الدور ماشي على عوض حسن عباس وآخرون لو لم يكشفو الحجاب سريعاً ....

الاحباب نبيل وعامر اشتقنا لكم كثيراً وعندما اتانا الغالي أيمن الســر بفكرتة الهجوم المباشر بمعاونة اللواء أمن المنتدى وليد بوركت الهجمة والنتيجه نرجوها تواصل مستمر فالشوق اليكم ينحر فينــا ..

الفكره جميلة جداً والبغيب يشيل شيلته المره دي كانت العصابة مكونة من اتنين المره الجاية حتكون أربعين يعني أحسن الزول يجي مارق على المنتدى مما يجوهو أرعين نفر في البيت يدقو النوبه ويكشفو حاله ....وأيمن الســر وأخونا اللواء أمن بيعملوها
وعليكم بالمفقودين واحد واحد ...

شكرا ليكم يا أيمن ووليد على تفاعلكم مع الفكرة التي أروت عرقنا فرح وسعادة ... شكرا ليكم حتى ترتو كما ارتويت

الهندي بشير نابري

07-11-2009, 08:45 PM

راودني الحنين حين اطلاعي على هذا البوست بعد الرسالة التي أتتني من أيمن السـر تخبر عن انفجار هذه القنبلة بالمنتدى واتصلت هاتفياً على عبدو كمبيوتر أسأل عنه بشوق وحرقة وضحكت معه حتى ارتويت وقلت ليهو ياعبدو المنتدى بقا فااااااضي والمساحات الكبيرة الكنت بتعملها والوجوه والابسامات الكتيره الكنت بتعملهن اشتقنا ليهن . وقلت ليهو والله العظيم لو ماجيت حنرسل ليك أربعين واحد من ناس المنتدى يطبو عليك في البيت ويدقو النوبه قدام باب بيتكم آخر الليل ويكشفو حالك .. قال لي لاااااا اله الا الله محمد رسول الله
خلاص خلاص أنا بكره من سبعه صباحاً في المنتدى
ولقيت نبيل سرب ليهو الخبر وقال ليهو ألحق ألحق والله لو ماظهرته الجماعه بجوك ويكتبوك تعهد فزولنا حيجي من بكره ان شاء الله ....
وتناولنا اطراف الحديث وعزيته في الشاكوش الحصل عليهو وقلت ليهو ان شاء الله ياعبدو الأدت شاكوش تشرب ماتروا وتطيييير ماترق وتفور وتبور .... وانا قايل رقبتي بأرفع في معنويات زولي .. قال لي والله ياهندي دا الحال الحاصل علي أنا اتغدرته غده شديده وبقيت انا القاعد أشرب ما أروا وأنا الطاير وماراكي وانا الأدوني طلقه وانا الاتكتله كتله ... الحمد لله على مراد الله .

سيبقى المنتدى يزيد بينا تواصلاً وترابطاً .

ايمن السر بابكر

07-12-2009, 07:32 AM

الاخوه المروره
والجميع
ستظل قوات هذا المنتدى المسلحه بكم
على رهن الاشاره وقادره للوصول الى كل من تسول له نفسه بمجافتنا بسبب او دون سبب
عليه اكد السيد رائد امن المنتدى السيد /وليد بأن حاله الطورائ قائمه ستظل حتى يتم القبض على الجميع
وهذا بعد اعلان السيد /عامر والاخ نبيل التوبه صدر قرار بتعينهم فى القوه
وقد وضع الاخوان نبيل وعامر خطه للقبض على
كبش كبير سيعلن عنه فى حينه وكان رجع براهو الله مرقوا
شان نحن بنحب الستره رفضنا انو نبث صوره عامر وهو بيبكى عشان ماش يدفع مبلغ هائل لشراء كامه وتوعدنا انو بخلص القروش مننا بوستات .
وطبعا نبيل قال من هسه ماش يشوف حل
نؤكد تعميم الفكره وحتى لاقدر الله لو غاب الخال الخضر قادرين للذهاب لفرنسا
ملحوظه
وردتت لى رساله فى بريدى الخاص تناشدنى تترجانى بأن اقوم انا وسياده الرائد بالبحث عن مفقوده اول حرف منها د. ونحن قادرين على كف دموع الغلابه والجرسلين دا بنشوف ليهو حل وروسيا ما بعيده

وليد عثمان علي سنقد

07-12-2009, 07:33 AM

اعزتي الكرام الأفاضل ..
الشكر والتقدير للغالي ايمن صاحب الفكرة الجهنمية ..
ونفيدكم احبتي أن الغايبين عننا غيابهم لا لشئٍ سوى المشغوليات التي لا تخفى عليكم ..
ولكن .. وبرغم ذلك لن ندع الظروف تحرمنا من طلتهم البهية ..
وسنتربص لهم .. ونوزع كل قوتنا لمداهمتهم في منازلهم .. في اماكن عملهم .. في الشارع ..
في كل مكان يمكن أن نجدهم به ..
والغالي نبيل وعامر .. رقمان لا يمكن تجاوزهم بالمنتدى ..
كما هو معلوم لديكم .. فعامر أحد مشرفي المنتدى القديم بالقسم الرياضي ..
وقد كان لهم حضور لا يستهان به ..
وعامر نجده قد أبدع في قسمه .. وكانت له بصمة وااااضحة به ..
فلهم التحية والتجلة ..

وما زال البحث والمداهمات جارية ..

فقط كونوا بالقرب ما امكن ...

ايمن السر بابكر

07-12-2009, 07:42 AM

الله يا هندى
كمبيوتر دا كان صيد الليله
وعملنا تصريح النيابه وكنا ماشين المستشفى نقبضو لو قاعد يركب فى درب
غايتو كان ظهر الله مرقو كان ما ظهر والله كان نجيبو بى سماعتو وعنبرو

الهندي بشير نابري

07-12-2009, 08:29 AM

لا اله الا الله محمد رسول الله والله البيقع في ايديكم يحله الله

وكمبيوتر قال يالهندي تلحقني وتفزعني وانا لحقته وفزعته بتلفون سريع
وقال لي أول حاجه حيجي يحجز مساحة ارض كبيرة في بوست طويل وعريض زي
ماكان بيعمل زمان ويضع لينا الوجوه الكتيره الزمان ديك..
وخليته دموعه تغالب شوقه لكن لو ماظهر اليوم
اريقو دمه وانتهو لينا منه مره واحده ههههههههه

بالنسبة لعمنا الخضر في فرنسـا لو بس فكر نحنا عارفين نسلط عليهو منو
من جهاز استخباراتنا بفرنســا وصدقني حتكون وقعته وقعة أسد
خليهو يجرب بس ... بعد مانعمل عملتنا الجايه في عمنا عصام عبدالصادق
وده ولا حنتعب معاهو كتير غير نرسل ليهو الضبان .. صدقني حيجي جاري براهو

نبيل احمد علي

07-12-2009, 09:20 AM

وليد عثمان علي سنقد

07-12-2009, 12:18 PM

السلام جاكم
صدق ياهندي بليل ماقدرة انوم وانا بتزكر في وليد سنقد وايمن السر وعامر البيجو وكنت متمني متين الصباح يطلع وامشي ادخل المنتدي والحمد لله غايتو بس لازم نقيض علي الباقين انشاء الله

عشان تاني تغيب ..
ات عارف يا نبيل المرة دي خسرناك كباية شاي ..
المرة الجاية عارف لحا نخسرك شنو؟؟
لو داير تعرف بس غيب عن ناظرينا وات تعرف ..
ولو عندك معزة لعبده .. قو تتصل عليه وتوريه ..
قبل ما نحررامر القبض التالي ضده ..

فقط دوموا لنا في اماني الله ...

صديق النعمة الطيب

07-12-2009, 06:49 PM

الهندي بشير نابري

07-13-2009, 07:54 AM

أيمن السر غايتو رتبته عقيد عميد ركن مشير فريق حاجه زي دي غايتو
يعني قائد تنظيم وفي النهاية رتبه فخيمة جدا لكونه صاحب الفكرة ومنفذها
ولكونه صادق فيها ونفسو يلم الناس ديل كلهم في بوست واحد يفتح ليهم موضوع
من مواضيعه البتجنن ويمارس الفلسفة الجميلة بتاعته معاهم ويقعد للردود
وكل يوم يطلع بحاجه جديدة يفور بيها المنتدى ويخليك بس الشمار حارقك تطلع من
المكتب يارب توصلني البيت اخش المنتدى ومرات مرات في الاشارة وانت واقف
تفتح الجوال وتخش على المنتدى تشوف أيمن قال شنو ..وتنوم يارب الصباح يصبح
ومرات نص الليل تلقاهو حايم من ثقافي لعام لسياسي لجريفنا .. عليك الله موش مفروض يدوهو
رتبة (عفقمشير ركنين ) .

معذ السماني الحاج ياسين

07-13-2009, 09:10 AM

تحيه وتحيات للاخوين وليد وايمن
للجهد الكبير ي محاولة لم الشمل
وتحيه للاخوين عامر ونبيل
بالعوده الي دارهم ونتمني انهم
ماينقطعوا تاني
ولينا عوده
معز السماني

مصعب عمر حسن حمزة

07-13-2009, 09:36 AM

في عضو مختفي ألقوه
( محمد زين نابري )

وليد عثمان علي سنقد

07-13-2009, 09:48 AM

في عضو مختفي ألقوه
( محمد زين نابري )

اليك أخي مصعب تفاصيل التحركات ..
تم عمل تيم مكون من العقفخميشر ركنبن أيمن السر .. والباشكاتب عامر عبد الوهاب ..
العميل السري رقم 11 نبيل (ما تكلم زول) لمحاولة وضع خطة محكمة للقبض على ( .... )
وبذلك نجد أن القوة قد نفدت تماماً ..
ولكن .. أعمل انا اليومين ديل في كمين للود زينكوف الهارب ..
واسه انا مشرك ليه بموية السكر .. ومواعده في حلتنا ..
وعندها ستتم عملية القبض عليه ..

فقط الزموا الصبر والسرية التامة ...

نبيل احمد علي

07-15-2009, 10:22 AM

بمناسبة محمد زين نابري دا الا تلقوة في برنامج (مساء جديد ) نحنا زاتنا بنكوس فيهو

وليد عثمان علي سنقد

07-15-2009, 11:11 AM

و الله يا جماعة جهاز الاستخبارات دا بالجد بخوف و كونو يرجع الناس ديل بالسرعة دي، معناها بستعمل أساليب ممكن تودي في داهية، و أعملوا حسابكم ناس حقوق الانسان و المحكمة الدولية متحيلين، بكره نسمع وليد سنقد اختفى و بعد بكره نسمع بيهو في قوانتانامو، أيمن السر علاقتو مع الخواجات كويسة و بعرف كويس يحلق ليهم،،،
ألف مرحب بالعودة أخونا عامر و الأخ نبيل، بالله المنتدى لونو اتغير بعد دخولكم،
لكن يا جماعة ما عرفنا رتبة أيمن السر،،،

تشكر يا أستاذنا على المشاركة اللطيفة والتي جعلتني أكثر قوة ..
وأكثر صلابة ضد ما يُسمى بالمحكمة الجنائية الدولية ..
فلك التحية والتجلة ..
ايمن لو بقدر يحلق للجماعة الخواجات ..
أنا زاتي بقدر احلق ليهم ..
لانو لو بس فكروا فيني ولا جابوا سيرتي ساي بالغلط ..
بكلم ليهم ود البشير .. (هوووووووووووووي يا ناس السياسة .. أوعوا تقلبوا مضمون البوست دا) ..
انا عارفكم .. بس ما تسمعوا بود البشير أو أي حاجة تتعلق بيه .. تقوموا تخرموا ..

وتاني مرحب بالسادة الحضور ...

ايمن السر بابكر

07-15-2009, 11:28 AM

يا سعادتك
الجمعه والسبت قربن
ضرب بالجمله
صيد وتسجلات
امانا بديع القريب ما وقع كبشنا الجاى
وسنحاول تسجيل عاطف ودالحاج
واخرون

الهندي بشير نابري

07-15-2009, 01:24 PM

نحن حولكم في اجواء ساحره دعو لكم من الاعماق بمزاج
ومازلنا نتابع سقوط الضحايا والبتلقو سببو ميت
وماعندو موضوع اريقو دمه طوالي ونفذو فيهو حكم التعهد مرتين
والبيتم تسجيله جديد ما تكلموهو بالاحكام دي بعد ما يسلم تب
ويتوكر قولو ليهو المرقه تاني بقطع الرقبة
خلوهو التبقى عليهو البقت على الجنوبي الدخل الاسلام

ايمن السر بابكر

07-15-2009, 09:01 PM

يا احبائى
القوه تحت امركم لو فى اى زول عايزنا نقبض لى زول ما عليهو الا افتح بلاغ هنا ويقول يا ناس جيبوا كدا
برضو لو داير زول نصلوا ليك الف مليون مرحب

عصام عبدالصادق

07-16-2009, 07:45 PM

أأي في شنو مالكم ... في زول جاب سيرتي وضربني في الأنكل وهو ماشي ... وأنا من لحظتها وأنا واقع في الواطة ...
عبدو مالو ... آأي عامر كان بيبكي في شنو
آآي ... آآي نبيل شايفو ظهر ... مالو كان وين وقال شنو
وين آآي ... آآآي .. أيمن ... أيمن وينو ... وليد ود سنبل .. لا .. لا بسم الله وليد ود سنقد
الهندي .. في شنو ... وين آآي ... وين .. كع ...
أنا منو ... تاتا يا تاتا آبوي سافر ماكة وساب لي حتة كعكعة ... والكعكة في الصندوق ... إلخ ... إلخ والمفتاح عند النجار ... والنجار عاوز عروس .... والعروس محجوزة لود نابري عبدالله... يا بوليص ..... وإإإإإإإيه ... بس خلاص. ....

لكم التحية إخوتي في القوى الضاربة أو قوة المهمات الخاصة أو سموها كما شئتم ... ولكن أخاف عليكم من منظمات حقوق الإنسان ... ومن خلال ظهور عامر ونبيل وعبدو ... أتاني إحساس بان هنالك إجراءات كانت تعسفية وحتى طريقة عودة نبيل وعامر إشتميت فيها بأنهم دونوا حديثهم تحت التهديد ... وبالتأكيد من خلال صورة ود سنقد والتي توحي إليك بأن هنالك حميمية ... ولكن عندما تنظر في عيني عامر ونبيل تجد فيها أشياء وأشياء ... وذكرتني بالمقبوض عليهم في أحداث أم درمان ...
عليه نحن جاهزون لأي شكاوي تصلنا من هؤلاء الفتية ...

وليد عثمان علي سنقد

07-17-2009, 09:45 AM

عصام .. تحية ووفاء ..
تشكر على مرورك الذي يبعث فينا إنشراح الصدر ..

إشااااااااااااااااااااااااارة إلى التيم العامل بالمملكة العربية السعودية .. حول ..
لاحظ التيم العامل بالسودان .. ولاحظ بعض الأعضاء الغياب غير الطبيعي للعضو الهارب
منير السماني ..
مما ترك فينا فجوة لايمكن سدها .. وسبب غيابه في إزعاجنا ..
كما تسبب في تركنا لأعمالنا ومشاغلنا والتحول إلى السؤال عنه ..
لذلك حكمنا عليه بالآتي :
يُحرر أمر قبض عليه فوراً ..
يجلد بخمسة وعشرين مشاركة خلال إسبوعين فقط ..
يغرم خمسة مواضيع في غاية الدسامة ..

عليه فقد تم تكليف التيم العامل بالسعودية تنفيذ أمر القبض عليه ..

ودمتم كما انتم ...

الطيب الامام الطيب الامام

07-17-2009, 10:19 AM

فكرة جهنمية ايمن ووليد والف مرحبا بى عامر نسيب ودنابرى وبلبل اخوى برنجية والفردة المحتار يله عودوا للمنتدى رونقعه وياايمن جهز خطة الى القبض على المنطط عويناته ودنابرى ودعم الهندى واحمد الفنان ودالنمير

عامر عبد الوهاب

07-17-2009, 10:24 AM

:mad:ايمن ده يا صديق النعمه النوع داك المكتوب في بطاقته اطع الاوامر ولا تسأل عن الرتبه

عامر عبد الوهاب

07-17-2009, 10:26 AM

الطيب الامام الغالي جدا والله الشوق بحر وتوووووبه من الغيبه تاني وحات نسيبي ود نابري القايل شهر 7 ما بجي سرعه كده

الطيب الامام الطيب الامام

07-17-2009, 10:43 AM

الاخ اللواء اركان حرب عامر لك الود والجنرال وليد و؟؟؟؟؟؟؟؟؟ايمن ود السر افهم الستفهام ده اكيد فهمتنى هنالك مهمه سرية بخصوص زعيم معارضة كبير مشكل غياب مستديم ومن هناء اقوم بفتح بلاغ ضده تحت المادة 130 من قانون الجنايات السودانى لتسببه الى قتل عدد كبير من ااعضاء المشتاقين تحت الارصاد والترصد وهو معتصم وهدى وسيلة الاتصال بهموبايل : 0912653835
تلفون المكتب : 0185336222
فاكس : 0185336230
وكان ماقدرتوا امشوا فندق القصر بالليل وعليكم بعمل غرامة تكون كبير وهى عشاء فاخر على نفقته لعدد عشر اشخاص

عامر عبد الوهاب

07-17-2009, 11:35 AM

ان شاء الله يا ود الامام حنقبضو ليك ده لو ما سلم نفسو براهو بعد موضوع الغرامه العشاء الفاخر ده يا ود سنقد ويا ايموني ويا بلبل ده بلاغ قدامنا واضح وصريح يلا اوضعوا لينا خطة جامدة بقدر جمودية العشاء عشان يتم القبض علي معتصم( بس دي تبقي رشوه)

أبو يارا

الهندي بشير نابري

07-18-2009, 06:02 AM

والله النصيحة حقو معتصم يجلي مارق مقلع سريع براهو
لأنو لو مشو عليهو الجماعه ديل بيخربو بيته وايمن السر
مابيرتا ليهو كلو كلو وانا متأكد حيكشف حاله وحيجيب معاهو
تلاته اربعه يتعشو في الفندق غير باقي الجيش
ألحقوهو بتفون ياجماعه خلو الزول يجي مارق على المنتدى سريع

عامر عبد الوهاب

07-18-2009, 06:31 AM

والله يالهندي يا أخوي انا شخصيا الا افتر من الاكل لكن اشبع دي صعبة شويه كده الله يستر علي اخونا معتصم أما اخونا بلبل كلو لقمة بتوقع شعره من راسو بعد كده انت قيس وكلك نظر وود سنقد بعد عنك بشتغل بالصايدين في الاكل يعني مسجل دبل كاسيت وايموني بقو يشبهو اشعب الاكول بيهو مافي سماية طايره ساكت قاعدة تفوتو والله شلت هم معتصم الا نشيل ليهو عمود معانا ذي حق المستشفيات

عبدو(كمبيوتر)

07-19-2009, 08:52 AM

عامر كتب:_
عمود معانا ذي حق المستشفيات

انته خلاص جيت (للطعين واللكيز)

عامود مناسبات ما ممكن ..............!؟؟؟

ابو المريودة

ايمن السر بابكر

07-19-2009, 11:40 AM

وانت ياعبدو يا اخى
عامر دا كلبشوه عشان يحننوهو
ما لجنس دا

نبيل احمد علي

07-24-2009, 11:38 AM

السلام عليكم والله طولنا منكم وقلنا نجيكم اليوم وانشاء الله كلكم بخير ومافي عوجة وجمعتكم مباركة

هيثم الباقر دفع الله

07-24-2009, 12:27 PM

وسنتربص لهم .. ونوزع كل قوتنا لمداهمتهم في منازلهم .. في اماكن عملهم .. في الشارع ..
وما زال البحث والمداهمات جارية
فاوضني بلا زعل
طمنى أنا عندي ظن
يا سلام يا الشيك أب جمل
يا البلاك ما تم الأمل
متين حبيبي لي يصل
وينقطع جياب الخبر
التحية استاذي صديق و اللذيذ ايمن السر لزكر انسان عزيز علي القلوب رد الله غربته
بأول الامس رفعت دعوة قضائيه الي جهاز امن المنتدي شفاهية فرفضة الدعوة!! فتقدمت بعريضة قبض علي المتهم تسالية ( سلم)
و لقد تم قبول الدعوة ؛و قال لي مدير امن المنتدي ان لجنة مشتركة بين امن المنتدي و الانتربول كونت للقبض علي المتهم. كما طمنني افراد امن المنتدي علي تسريع اوتار القضية و ان شاء الله في القريب العاجل سوف يكون المتهم تحت طائلة القانون

عصام عبدالصادق

07-24-2009, 06:20 PM

الغالي جداً هيثم الباقر
نطمئنك ونطمئن الجميع بأن المدعو تسالية في أيدٍ أمينة وقد تم التحفظ عليه وهو الأن قيد الإقامة الجبرية وسوف تلتقونه عما قريب.....
وعصر اليوم الجمعة أثناء تمرين أبناء الجريف بالرياض وجدته متواري داخل سيارة سامي الشيخ ... وبعد إنتهاء التمرين غير مكانه ولكن تم عمل كمين له بواسطة الصول محمد السيد (ليه يا شمعة حردانه) تحت إشراف العميد معز عبدالمنعم ( جمعية طق )والمتواجد حالياً في الرياض...
وصدقني لم يتعبنا كثيراً وشركنا له بكباية كركدي وشاي بلبن ولقيمات... يعني يا ناس السودان الشغلانية ما بتحتاج خرفان ولا غيره ...
وعموماً أخطر ما في الموضوع وجدت تسالية قبل القبض عليه بأن قام بوضع ملصق على زجاج سيارتي وكتب عليها الكلمات التالية:
بتذكرك بلباص
في المدرسة بصاص
وكمان فطورك خاص
ولا مرة جيت بالباص
مليون قلم باركر ومليون قلم رصاص
لمن طلعت ... يمين بتصم على الكراسوختم بالآتي:
كلمات محجوب شريف عن الرئيس جعفر نميري..
أها يا جماعة الخير زولاً زي ده نعمل فيهو شنو ؟

هيثم الباقر دفع الله

07-24-2009, 09:53 PM

العم عصام عبد الصادق قائد اركان امن المنتدي
بعد التحية و كل الاحترام

وعموماً أخطر ما في الموضوع وجدت تسالية قبل القبض عليه بأن قام بوضع ملصق على زجاج سيارتي وكتب عليها الكلمات التالية:
بتذكرك بلباص
في المدرسة بصاص
وكمان فطورك خاص
ولا مرة جيت بالباص
مليون قلم باركر ومليون قلم رصاص
لمن طلعت ... يمين بتصم على الكراسوختم بالآتي:
كلمات محجوب شريف عن الرئيس جعفر نميري..
لقد تم القبض علي المتهم وهو في حالة تلبس ( يوزع في منشورات)
لقد تنازلت عن حقوقي في القضية و تركت الامر تحت ايديكم و كلي ثقة في احكامكم

وليد عثمان علي سنقد

07-29-2009, 08:04 PM

حكمنا نحن (............دي بالحبر السر لزوم الهناي وكدا .......) على المدعو تسالية بالآتي :
أولاً : ينزل تمارين تحت الحراسة المشددة .. ولطول مدة التمرين دون أي قعاد في الواطة .. ولا تنية ضهر زي تنية عبد الله ديك ..
ثانياً : المثول امام المنتدى والظهور بأسرع وقت ممكن .. وفي حالة تعزر ذلك .. يتم إستدعاه ببوست عودة سنبل غصباً عنه ..
من قبل أقراد أمن المنتدى بالمملكة العربية السعودية .. وعمل تعهد بعدم الغياب ..
ثالثاً : دي خليتها للمدير العام لأمن المنتدى (عصام) لتلاوة الحكم عليه ..

ودمتم معانا على طول ..
ولنا عودة ...

وليد عثمان علي سنقد

08-01-2009, 09:29 AM

في أكبر كمين .. عُمل للمتهم الهارب زينكوف ..
تم القبض على المتهم الهارب محمد زين نابري (زينكوف سابقاً) ..
وكان الكمين كالآتي ..
في زيارة كريمة أعتبرها من أخونا القامة الهندي نابري .. في منزلي ..
يشكر عليها وأتمنى أن يقبلها منه ربي عز وجل وأن يجازيه عنا كل الخير ..
قمت بدعوة أخونا زينكوف .. وقد نجح الكمين بصورة فاعلة ..
فإليكم صورة المتهم الهارب ..
http://i87.servimg.com/u/f87/11/77/43/79/img00010.jpg (http://www.servimg.com/image_preview.php?i=272&u=11774379)

http://i87.servimg.com/u/f87/11/77/43/79/img00011.jpg (http://www.servimg.com/image_preview.php?i=273&u=11774379)

محمد زين نابري

08-01-2009, 09:45 AM

الاخوة الاعزاء بمنتدي الجريف شرق
السلام عليكم ورحمة الله تعالي وبركانه وعساكم بخير وبالجد اشتقنا كتير للمنتدي وناسو وبالجد كانت فترة غياب كبيرة لها اعذارها نسبة للمشغوليات في الشغل والجامعة وان شاء الله الظروف تتحسن ونرجع بصورة قوية للمنتدي وناسو ومن هنا اود ان اشكر الاخ العزيز وليد ود سنقد لسؤاله الدائم عنا بالتلفون وبقية الاخوة الا عزاء وكان اجمل كمين من الاخوة وليد والهندي وايمن السر ونتمني للمنتدي كل خير
وفي امان الله

هيثم الباقر دفع الله

08-01-2009, 10:00 AM

اخوي زينكوف ياذخري عزيز المقامي .. صوتك يصحي فيني.. أموات الاحلام!
صوتك..وصوتك.. يبعث الروح فيني .. دمـت ودااااام إبـداعـك .. طـرحك الرائـع . و الشكر كل الشكر الي الاخوان الافاضل و الله ينصركم . ( ينصر دينكم )

محمد زين نابري

08-01-2009, 10:13 AM

شكرا اخي هيثم الباقر ونتمني نكون عند حسن الظن

عامر عبد الوهاب

08-01-2009, 01:35 PM

الف حمدا علي سلامة الرجوع الي الحق يامن نشتم فيكم رائحة الاصاله والعراقه دمت لنا محمد زين

عبدو(كمبيوتر)

08-04-2009, 09:37 AM

ورا ابو المريودة

اهلآ بالمقبوض عليه / زينكوف

وعقبال

ود مريم

وبديع الغريب

وليد عثمان علي سنقد

08-04-2009, 10:22 AM

أبشر يا عبده ..
وستسمع ما يسرك بمشئة الله ..

بس أبقى قريب ..

ولنا عودة ...

الطيب الامام الطيب الامام

08-14-2009, 11:19 AM

يا ناس الامن العام وين بقية المتهمين واشك بان فى تواطى مع المتهم معتصم ولو غلبكم خلونى الحكم والله فى دقائق اجيب ليكم خبروا واتتنى اخبار بان المتهم يتردد فى تمرين فريق العاصفة ههههههههه كدى جربوا ده لو ماقدرتوا تمسكوه فى الفندق

ايمن السر بابكر

09-05-2009, 08:56 PM

الو الووووو الووو
ياسنقد
شارفت حمله السكر على الانتهاء
دحين ابقى مارق على تنفيذ الاحكام

ايمن السر بابكر

09-05-2009, 08:57 PM

الو الووووو الووو
ياسنقد
شارفت حمله السكر على الانتهاء
دحين ابقى مارق على تنفيذ الاحكام

محمد زين نابري

09-05-2009, 09:02 PM

الو الووووو الووو
ياسنقد
شارفت حمله السكر على الانتهاء
دحين ابقى مارق على تنفيذ الاحكام

نصيحة اخوية للاخوة الغائبين عن المنتدي
ارجعوا سريع قبل ما تجيكم قوة النظام العام للمنتدي
بقيادة الجنرالات ايمن وودسنقد لانهم حينتفو ريشكم
وقد اعذر من انذر
متهم سابق