مادايرين رجال عديل كدا

[ايمن السر بابكر]

خبر عجيب وغريب
استطاع علماء بريطانين اجراء تجارب اوليه على انتاج حيوان منوى فى المعمل دون الحوجه للرجال
امانا ما لفينا صنيه يعنى الواحده تمش البوتيك تشترى دسته بنس ودسته حيوانات منويه ويفقد الرجال عرشهم
طيب ناس المعمل ديل مادام فالحين كدا ما يعملوا معاهو قفه شان نرتاح تماما.
طبعا الموضوع هو احد البحوث التى تجرى على الخلايا الجزعيه والتى تؤخذ غالبا من الحبل السرى اى قبل ان تتكون فتشكل كما يحتاجها المعمل لتكون نواه لعضو فى جسم الانسان هذه التجارب نجحت فى علاج الشلل وسرطانات الدم زى اللوكميا .لكن كونو نرجع تانى بى طريقه غير مباشره للاستنساخ دى مصيبه اخلاقيه ودينيه وبئيه جديده(يعنى الجنى دا هولو منو هولو يعنى سيدو منو او ابوهو منو) .
الغريب لماذا دوما هذه البحوث تمضى لنزع المورثات البشريه العامه والاخلاق وتقود الناس لفهم الاهم المصلحه وقانون الغاب .
ماهى الفائده من دا يعنى الناس ديل لواستعملوا نصائبن ديل لعلاج العقم بحصل شنو غايتو زى ما قال المثل الصينى(ات تعيش ات تشوف)
يعنى بالعربى كدا البعيش ياما يشوف

[خضر حسن الفضل]

الأوربيون يعانون من قلة المواليد وعليه فإن الدولة تشجع البنات على الإنجاب و حكاية أبوه مين دى ما لها أهمية عندهم المهم أمه مين؟ و عليها رعايته ويعطوها فلوس لترعاه حتى يصل عمره 18 عام و فى بريطانيا الملكة تتبرع باللبن لكل الأطفال وفى كل بلد هناك مزايا لمن ينجب اكثر؟ ورغم ذلك تجد النساء يفضلن ا لتأخير فى الإنجاب بسسب حبهن لحرية الحركة والسفر والسهر وغير ذلك تجد البنت أن صديقها قد تخلى عنها بعد ان صارت حامل لأنها لاتستطيع أن تساهر معه نهاية الإسبوع فى الديسكوهات وعليه تكثر فى أوربا جرائم قتل الأطفال لأن المرأة تكون حاقدة على صديقها الأول والد الطفل وكذلك نجد الصديق الجديد يعتبر أن الطفل يقيد ويحد من حريته فيبحث عن صديقة بلا قيود.
لذلك هم يبحثون بكل الطرق لتعويض النقص فى المواليد وهذا هو السبب الذى جعلهم يلجأؤون لزيادة عدد السكان عن طريق قبول اللاجئين وفى أمريكا أيضاً عن طريق اللوترى. وبعد أحداث سبتمبر انتبهوا إلى أن البعض ولائه لوطنه الأول أكبر من ولائه للوطن الذى إستقبله ورعاه و أواه.
لهذه الأسباب يلجأ العلماء للبحث عى طرق أخرى لإستمرارية الجنس البشرى ومهما عملوا فإنهم بالطبع لن يكونوا قد خلقوا شئ من عدم بمعنى أنهم يستفيدون من خلايا مخلوقات الله وفى النهاية لونجحوا سيكون الناتج ضعيف ولن يتحمل أمراض العصر وتكون صفاته الوراثية سيئة. وفى الختام نقول لهؤلاء العلماء وما تشاؤون إلا أن يشاء الله

[الهندي بشير نابري]

عزيزي أيمن تبقى الطبيعة البشرية كماهي ويبقى اعجاز الخالق في مخلوقاته ..
دور العلم اكتشاف كل وسائل تنمية الانسان لأن أول مانزل من القرآن "اقرأ" لكن يبقى تناول الغرب للعلم لختلف عن نظرتنا وتناولنا له في التزام الاسلام لتعاليم الدين الحنيف وحفظ الحقوق ومراعاة الحدود
أما الغرب فقد يتجاوزو الحد ولاحدود لهم .
محاولات الاستنساخ دوما تبوء بالفشـل والضعف وبقى سيدنا آدم هو وسيدنا عيسى معجزة الله في الأرض رجلين بلا أب وسيبقى الأمر لله من قبل ومن بعد ..
أما عن موضوع قفة الخضار فدي لو قبلو عليها بشتى الطريق ما بتغلبهم ههههههههه .

[ايمن السر بابكر]

يا خال المشكله فى اوربا
الانتاج ولا التربيه

[ايمن السر بابكر]

الاخوه المرور
الجميل فى الامر ان كل هذه البحوث تدلل على ان الخلق بداء ب خالق ما اوجد هذه النفطه
يقودهم تتطور العلم الى الالحاد بينما يقودنا الى الايمان
السؤال المهم
هل سيتبع زلك نظره جديده الى قوانين الاحوال الشخصيه ؟
اذا انه لايمكن ان يساوى بين منتج ومولود له ابوين وقبيله وثقافه ودوله
غايتو بقى فى كترت جنيات
1-جنى ناس فلان
2-جنى العنبه
3-جنى الباباي
4-جنى الجدى
5-جنى المعمل
6-جنى الحرام
وووووووووووواخيرا
مره بس قبل جاى

[خضر حسن الفضل]

اقتباس : المشاركة الأصلية كتبت بواسطة ايمن السر بابكر [ مشاهدة المشاركة ] (http://aljraif.com/vb/showthread.php?p=3198#post3198) يا خال المشكله فى اوربا
الانتاج ولا التربيه
التربية فى أوربا تقوم بها الدولة ويحكمها القانون
1/السكن
أ/ كل المنازل لها أرقام والرسائل تصلك على عنوان منزلك المُرقم.
ب/ بلدية الحى لها سجل يحوى كل مواطنى الحى وكل مولود جديد وكل مواطن له شخص مسؤل عنه وعن ملفه بالبلدية. ويبرمج معه إجتماعات من فترة لأخرى مع زيارة مسكنك سنوياً.
ج/ صندوق الرعاية الإجتماعية هو الذى يصرف لك مبلغ شهرى مُحدد لكل طقل لديك حتى عمر 18سنة ويدعم الإيجار. الرقابة مُحكمة بتقارير ربع سنوية يوقع عليها المواطن ويرفعها للصندوق.
2/ العمل
مكتب العمل الذى تُسجل فيه هو من يتابع معك البحث عن العمل ويدعمك ماديا فى فترة العطالة . الرقابة تكو ن بالمقابلة مع المسؤل عنك شهريا.
3/ العلاج
المظلة التأمينية تغطى كل المواطنين ويختلف مدى التغطية حسب الشرائح ــ عطالة ــ عمال ــ أرباب معاشات.
4/ الدراسة
* المدرسة إجبارية للجميع إبتداءاً من عمر 6 سنوات والدراسة مجانية.
** للطفل حق الشكوى إذا تعرض لأى عنف من قبل اى شخص حتى من والديه. والمعلمة فى المدرسة هى من يراقب ويسجل حالة الأطفال.
*** المدرسة هى التى تعلم الطفل السلوك من عبور الشارع إلى كيفية المعاملة مع الآخرين
**** للدولة الحق فى نزع أى طفل تجد انه لايجد فى المنزل الرعاية المناسبة وتسليمه لآسرة بديلة وهناك دور يقيم بها القاصرين الذين توجد مشاكل بين أبويهم او بينهم وبين أبويهم أو افراد الأسرة .
الأسر الأوربية المثالية تجدهم متحركين دائماً مع أطفالهم بعد فراغهم من المدرسة يمشون معاً للأسواق والملاعب والرحلات وبالتالى يغرسون فيهم كل ماتعلموه هم. ويكون الأب والأم والأطفال عبارة عن أصدقاء وذلك حتى سن ال 18 وبعدها يمكن للطفل أن يختار حياته ولكن فى الغالب تكون على نمط ما رباه عليه والديه.
إذن مشكلة أوربا ليست التربية فالدولة تقوم بكل شئ والتركيز يكون على الأم وسلاماتها وسلوكياتها لتعطيهم أطفالاً.
عشان كدى يا أيمن يا ود أختى جنا الحرام فى اوربا اسمه جنا الغزلان .وحمانا الله

[عبدو(كمبيوتر)]

خبر عجيب وغريب
استطاع علماء بريطانين اجراء تجارب اوليه على انتاج حيوان منوى فى المعمل دون الحوجه للرجال
امانا ما لفينا صنيه يعنى الواحده تمش البوتيك تشترى دسته بنس ودسته حيوانات منويه ويفقد الرجال عرشهم
طيب ناس المعمل ديل مادام فالحين كدا ما يعملوا معاهو قفه شان نرتاح تماما.
طبعا الموضوع هو احد البحوث التى تجرى على الخلايا الجزعيه والتى تؤخذ غالبا من الحبل السرى اى قبل ان تتكون فتشكل كما يحتاجها المعمل لتكون نواه لعضو فى جسم الانسان هذه التجارب نجحت فى علاج الشلل وسرطانات الدم زى اللوكميا .لكن كونو نرجع تانى بى طريقه غير مباشره للاستنساخ دى مصيبه اخلاقيه ودينيه وبئيه جديده(يعنى الجنى دا هولو منو هولو يعنى سيدو منو او ابوهو منو) .
الغريب لماذا دوما هذه البحوث تمضى لنزع المورثات البشريه العامه والاخلاق وتقود الناس لفهم الاهم المصلحه وقانون الغاب .
ماهى الفائده من دا يعنى الناس ديل لواستعملوا نصائبن ديل لعلاج العقم بحصل شنو غايتو زى ما قال المثل الصينى(ات تعيش ات تشوف)
يعنى بالعربى كدا البعيش ياما يشوف


مشكور سعادة الرائد/

يا اخوى ما لك علينا نحنا ناس مساكين على بال ما
يصلنا يكون غيروا...

ايمن

جنك(لبش)
لاكين لبشتك لى (ابو نسب) ( وبلبل)
كانت جاااااااااااااااااااااامدة؟؟؟

[saida sopahi]

الكلام دا قلناهو ذمان انو الرجال ماعندهم لازمه الحمد لله العرفتو براكم هههههههههههههههههههههههههههههه
الاخ ايمن السر بالجد انت بتجيب الكلام دا من وين الله يكون فى العون دا من علامات الساعه اللهم احفظنا

[الطيب الامام الطيب الامام]

كمبيوتر والسفيرة الرجال ما كلهم ماعندهم زمة والرجل مهم الى المراة زى ما المراة مهم الى الرجل والاطفال اذا كان ابوهم مسافر بتاثر بى سفره وكتي من الاطفال يضيع مستقبلهم لبعد الاب عنهم وتجى تقووا اطفال انابيب وان جينا الى ايمن ود السر جنوا تبحت وبجيب مواضيع تشيب الراس اخوى ايمن خلى التبحت وخليك وراء ابو المريودة وود سنقد وبجيك صاد نتفت ريش الرجال بمواضيعك هدى

[ايمن السر بابكر]

عبدو
ياخى انت الاستاذ
وجحورك خطره خطره
ولبشك صعب ما بنقدر واسأل العنبه الراميه عند ناس ابو نسب
سعاده السفيره
مافى طريقه لصقه نحن ما قلتو ما بتقدروا تمشوا حفايه
يا ود الامام
النسوان ديل بحتاجوا للرجال بس فى المناسبات الرسميه

[ايمن السر بابكر]

لو فى امرأه
حكمت العالم تفتكروا
اول قرار حتعملوا شنو

[بكرى الطيب هدية]

حا تقطـــــــــــــــــــــــــــــــــــــــــــــــ ــــــــــع رأســــــــــــــــــــــــــــــــــــــــك الماكــــــــــــــــــن ده عشان تاني ما جيب المصائب أنت ما قالوا ليك ما تحفر في الجحور بتقرص
بالمناسبة أنت صحي رأسك ماكن ولا أنا بتخيل ساكت على العموم أنت هربت مني في موضوع الإملاء وعملتها سكر سكر وبعد السكر ما هو الجديد ؟ أتحفنا

[الهندي بشير نابري]

حتخفض أسعار الدهب والملايات والعدة
وسيستمتع باقي النســاء

[ياسر محمد هارون]

بسم الله الرحمن الرحيم قال تعالي في كتابه العزيز { وَمَا أُوتِيتُم مِّن الْعِلْمِ إِلاَّ قَلِيلاً} (85) سورة الإسراء
صدق الله العظيم
فكل من امر ربي

[بدر عبد الماجد بله]

تفتكر هناك فى شىء مهم وشاغل المراة أكثر من راجل المرأة



منع تعددية الزواج ( لا يحق للرجل إلا زواج إمرأة واحدة )

وفى الحالة دى بتكون هى عاجباها نفسها !!!

[ايمن السر بابكر]

يا الاستاذ
ياريتك لو قريتنى شان تشوف الراس دا فيهو شنو
والله يا استاذ كان نخليك تتفرج ساى بس غايتو حظك


الهندى
انشاء الله يرخصن ومن بكره بنرشح الهوانم

انت قايل غير التلاته الفوق ديل المخلى نص البلد عزابه شنو


اوجزت اخى ياسر وكملت


الخال والله افتقدناك
ما تبالغ فى تغلى سعر الرجال انكشفنا واللى كان كان

[عمر حامد مجذوب]

دا شنو البتسوى فيهو دا؟ يا أيمن و الله لو عملوا كدا يكون فكونا من الدوام التانى , لكن بينى و بينك هن بيرضن الكلام دا, و السؤال دا موجه لسيدة و أقول ليها إذا الرجال ما عندهم لازمة كدى جربى و أثبتى إننا ما لينا لازمة و ما عندنا مانع نعمل إنسحاب تكتيكى مع إنه أفضل أغنية عند البنات راجل المرة حلو حلا!!!!!!!!!!!!!!!!!.
خلونا نعمل إستفتاء و نشوف النتيجة النهائية كيف, و ،نشكيك لى منو يا أيمن إلا عصام عبد الصادق.