الشاكوش وأثره علي المتلقي

[احمد عثمان حاج حمود]

الشاكوشية هي علم منطق وبما

انها كذلك فقد قمنا بدراسة الشاكوش وانواعه واثره علي المتلقي ....

ويبد أ الشاكوش بدرجه نسميها

(سلاخية يا اهل الله )

وهي من اخف الضربات ضررا

وبعدين الحمي بتاعته خفيفة.......

وتليها درجة الفلقة البتكرضم وتورم شويه وبعدين بتفش غبينة المشوكش سريع ودي ما

بتاخد ليها زمن بس مسألة

(تمرايام وتتعدي ) ....
وتليها مرحلة اكثر جدية و خطورة وهي درجة

(الحي حي الفي اللحم الحي)
ودي حارة شديد واثارها النفسيه تدوم وتدوم وتمتد لي

(سنين وايام قضيت عمري )
ولاتفوقها في فداحة الخسائر الا اقسي الدرجات وهي درجة

(عبدو الادوهو الشريط وقام تاني جاب سيرة البحر )
وتكمن خطورة المرحله في تسببها للأذي الجسيم وغالبا ماتنتهي بي

صاحبها في بطن حوت اوصينية حركة وزي النوع دا لو ما لحقوه سريع بالفقرا والدواية

والمحاية ويردو ليهو رويحتو الهناك هايمة بروح فيها
....

[احمد عثمان حاج حمود]

http://www.ii1i.com/uploads4/f912fd6e04.bmp (http://www.ii1i.com)


وقد قامت الدراسه ايضا عن نوعية الشاكوش وخاماته المختلفة ...

واول نوع هو نوع خفيف ولذيذ واحن علي رأس المشوكش وهو شاكوش من النوع

الخفيف والظريف ويشبه لعبة الاطفال التي هي عبارة عن صفارة علي هيئة شاكوش

بلاستيكي ملون بالالوان الزاهية كما انه يصدر ضوءا وصوتا خفيفا له رنة عند الضرب

علي الرؤوس بحنية ودا شاكوش الزول الما حاسم امرو وقرارو وبالتالي هو بين بين

يعني عصا نايمة وعصا قايمة او النفيسه فيه والقليب ما بيها ولسان حالو يقول و يغني

( بي قليبك تقول تعال وتعال وبي عيونك تقول لي مافي مجال )


فهو لايقفل الباب في وجه المحبوب بل يتركه متركش ودي فيها معني

( متين العودة تاني يا سمح الريد نساني) )



ولنا عودة ,,,

[اسماء]

الاخ احمد عثمان الموضوع جميل بس مشاكلو كتيره والمثل بقول الباب البجيب الريح سدو واستريح ........
انا في تحليلي الشاكوش لغة :اله حاده تقوم بتثبيت الشي المراد تثبيته في المكان المناسب .
واصطلاحا": ضربه قويه تصيب صاحبها بحاله هستيريه وتجعله شبه مصاب بمرض نفسي لفتره وبعدها يتم العلاج وطبعا" بوقفة المشوكشين من قبل .

[الطيب الامام الطيب الامام]

الاخوان احمد باداب والسيدة سفيرة الجريف باامدرمان التحية لكم وغاتوا انا اسدنى ماجربت الشاكوش لكن بعرف كترين من الذين ادمنوا على الشاكوش حتى بقوا فلاسفة فى علوم الشاكوش والشكاوش هدى بقى عادة عند البنات يعنى كان ماعملت حسابك واديت قلبك الرهيف الى امرة الله قال بقولك ولك حل واحد اما تلقط فى الاكياس والورق او تجلس وتنخس فى الارض او تحوم فى الشوارع بدون ملابس ودى اصعب مرحلة واحسن طريقة من تفادى متل هدى الشواكيش دوما خلى كلامك من الخشم ولى فوق ولاتترك العواطف والكلام ينزل الى تحت خشمك وبالاصح يعنى كلام خشم ساى وخليك مثل المصرين بياع كلام وبس وبجيك صاد لانى حاسى بيك ياباداب وماتخاف بقيف معاك حتى تتعدى المرحلة الخطرة ولايلدغ مومن من جحر مرتين لكن للاسف فى ناس صلوا اثنتى عشر مرة ونص

[احمد عثمان حاج حمود]

http://www.pc4up.com/2009b/7d-2009/Rlk09825.jpg (http://www.pc4up.com/)


اما النوع التاني من خامة الشواكيش ...

فهو الشاكوش الخشبي ويشبه شاكوش القاضي الفي المحكمة فهو خفيف ولكنه ذو هيبه

وسلطان وتخضع له الفرسان ودا شاكوش العقل والمنطق وهذا يعني الموضوع ما نافع

والعلاقة ماعندها مستقبل لي قدام ودي بكتشفوها العاقلين بدري بدري

ومافي قسمة ..

مافي ياروح قلبي حتي ..

حتي بصيصة امل ..

ماقدرته اقرب من ضراك..

وماقدرتا لي فراقك اصل ..

عشان كدا من المستحسن للطرفين لملة الجراح

والخضوع لحكم العقل ومسايرة منطق جحا عندما سئل عن أمواج البحر

( حاولت اعدهم لقيت الجايات اكتر من الرايحات )
فأكيد بكرة ياقلبي الحزين تلقي السعادة وعيني تشبع رقاد بعد ما طال سهادة ......

ولنا عودة ,,,

[الطيب الامام الطيب الامام]

باداب المعزب الهائم اسائلك بالذى خلقك اى نوع من الشواكيش اخذت ومنتظر الرد كان اعالجك اصلى دكتور فى علاك متل حالتك

[احمد عثمان حاج حمود]

الاخ احمد عثمان الموضوع جميل بس مشاكلو كتيره والمثل بقول الباب البجيب الريح سدو واستريح ........
انا في تحليلي الشاكوش لغة :اله حاده تقوم بتثبيت الشي المراد تثبيته في المكان المناسب .
واصطلاحا": ضربه قويه تصيب صاحبها بحاله هستيريه وتجعله شبه مصاب بمرض نفسي لفتره وبعدها يتم العلاج وطبعا" بوقفة المشوكشين من قبل .



أسماء ... سلام من الله عليك
هناك نوع من الشواكيش اتمني ان تفتينا فيه وهو الشاكوش الذي يحدث ولادخل للطرفان
فيه كان تتدخل احدي الاسر وترفض الامر ليس للطرفين ذنب فيها
ودي وتحياتي

[الطيب الامام الطيب الامام]

هههههههههههههههههههههههههههههههههههههههههههههههههه ههههههههه اخوى الباداب ده شكلوا اخر شاكوش اظن كلامى فى محلوا ومتل هدى الشاكوش بقول قرب تعال ماتبتعد والقادم احلى مرنى بعدين العلاج موجود ودى المشكلة الحيرت بوبى موش

[احمد عثمان حاج حمود]

باداب المعزب الهائم اسائلك بالذى خلقك اى نوع من الشواكيش اخذت ومنتظر الرد كان اعالجك اصلى دكتور فى علاك متل حالتك

واحد بس 000000بس الله لا ضوقيك ليه

[احمد عثمان حاج حمود]

هههههههههههههههههههههههههههههههههههههههههههههههههه ههههههههه اخوى الباداب ده شكلوا اخر شاكوش اظن كلامى فى محلوا ومتل هدى الشاكوش بقول قرب تعال ماتبتعد والقادم احلى مرنى بعدين العلاج موجود ودى المشكلة الحيرت بوبى موش


ود الامام ياخى ما كتلتنا
الحمد الله شدة وزالت ..
والله يا الطيب اخوك قوى عوووووووده

والله ضرب تقيل
مشكوووووور ويديك العافية
الشواكيش دى حقت الرجال

[الطيب الامام الطيب الامام]

انت عارف علاج حالتك هدى امشى الى وادى الحدوا وجيب ليك سته كور حنظل ونشفها وبعد داك اسحنها وجيب ليك عدى بتاع بقر صافى واخلتن مع بعض واستعمله صباح ومساء بمسحها على الراس لمدة اربع اسابيع وثلاثة ساعات وعشر دقائق وربع ثانية استعمل الوصفة بدقة اكيد بتتعلاج

[احمد عثمان حاج حمود]

ود الامام

معقولة دى يا الطيب
جابت ليها وصفات حقات علاج احسن نتخارج

وبعدين اسمع انا شاكوشى خفيف
لا كين انت والله شاكوشك عمل ليك "صلعة"
هههههههههههه

[احمد عثمان حاج حمود]

http://www.ii1i.com/uploads4/204bd0dc0d.jpg (http://www.ii1i.com)


وجاكم الشاكوش

المصيبه وهو شاكوش حديد وذو يد خشبيه ودا بدقو بيه المسامير صحي ضربتو حارة

شديد لكنها ليست بالضربه القاضية او الساحقة فيمكن للمشوكش بعد تلقيه للضربه ان

يطقطق رقبتو ويمشي لي قدام ويواصل حياتو عادي مستعينا ومستندا علي كرامته فهذا

هو شاكوش الاستحقار وتقليل شأن المحبوب حيث يعتقد احد طرفي العلاقة ان الطرف

الاخر ما من مستواه ويشوف ليه شوفه تاني فوق فوق عشان كدا افضل للمشوكش ان

يلملم اطرافو ويزح بعيد ما يجرحوه ..

[الطيب الامام الطيب الامام]

الليله يوم الرجال -------------الليله يوم الرجال باداب ده جلاله حقت الجماعة ايهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والشاكوش مهما ضربوا بيه مابينكسر ويكسر اى شى بنضرب عليه والخوف من المرزبة اعمل حسابك ماتلف صينيه

[احمد عثمان حاج حمود]

ياخى ما قلنا ليك
قوى عووووووووود

[عبدالله محمد نابري]

باداب والله البوست ده ذو شجون والحديث عن الشواكيش لا ينتهي ولا يكمل وذلك لتعدد انواع ومسببات هذا الداء العضال وصراحة انبهرت تماما باسلوبك الساخر في تصنيف الشواكيش واستمتعت حتى الثمالة بتعليقاتك الساخرة مستشهدا بالاغاني واحييك على هذه الروح الحلوة والاسلوب الاكثر من رائع واسمح لي في هذه البوست المشاركة بما اعرف عن انواع الشواكيش :

الشاكوش المنطقي : وده نوع من الشواكيش بتاخدو .. بتاخدو .. خاصة اذا بقيت قاعد تلقه الجوال مقفول طوالي او تقول ليك كنت خاته الجوال في الصامت وما سمتعه ...الخ ..
مميزات هذا الشاكوش : انك بتاخدو حبة .. حبة وعلى مراحل ..

الشاكوش العجيب : وده من خطر شديد لانه قد يؤثر على الخلايا العصيبة وده بتاخدو ولحدي الليلة ما بتكون عارف الحاصل شنو ؟!! وانت بتكون قاعد تصول وتجول وتكدح وتعرق .. وفجأة ..!!! الدائم الله...
عيوب هذا الشاكوش : تكمن خطورته في عامل المفاجأة وضار جدا لمرضي السكري ..

الشاكوش اب راسين : وده من اخطر انواع الشاكوش وفي هذا النوع انت بتكون ذي الدلاهة كدي وبتعيش في قصة حب حقيقة وبالنسبة للطرف التاني انت بتكون عبارة عن مرحلة ما ..
عيوب هذا الشاكوش : مكلف جدا من الناحية المادية لانك بتكون في حالة بتاعت عطاء مستمر وانت مغمض العينين ، ايضا من عيوبه المغسة بتاعتو بتشق عديل كده ..!! وكذلك بخلي ريحتك طير .. طير
مزايا هذا الشاكوش : انو ببقيك عووووود عديل كدا

[احمد عثمان حاج حمود]

اخى عبدالله

اشكرك على المرور الرائع

حقيقة نورت البوست بس خليك قوي عوووووود

والقادم احلي

[الهندي بشير نابري]

اللهم الطف بعبادك المسلمين وباعد بيننا وبين أنواع شواكيشهم كما باعدت بين المشرق والمغرب
اللهم اكفنا شرها وآجرنا منها وان حكم قضائك فالطف بنا يارب . اللهم لاطاقة لنا بشواكيشهم أب راسين
والمنطقى والخفيف والحنين والخشبي والحديدي وكافينا شر المغناطيسي والآلي والزي لعب الأطفال .
اللهم عليك بالأعداء سلط عليهم الشاكوش الفولاذي يهدد أمنهم ويزعزع الرؤيا لديهم ويفجر النزيف الداخلي في رؤوسهم .اللهم عافنا ماعشنا ومابقينا وعليك بالنبات البشوكشننا يارب يفورن ويبورن مايتعرسن ولا يهوب زول ناحيتهن يارب اللهم اجعل كيدهن في نحرهن ..
اللهم عليك بالأدت عبدو كمبيوتر شاكوش طفش فات تاني ماعاد لينا يارب .
(أحمد عثمان ) خايف أدعي على الأدتك شاكوش الملك يقول آمين .
اللهم عليك بكل الأدن عبدالله نابري شواكيش يارب هن كلهن اتزوجن ونحنا عبدالله بنقول ليهو سعد البنات ان شاء الله يتشوكشو أولادهن يارب.
اللهم عليك بالأدن تسالية شواكيش مشوكشه والأدن معز السماني ونبيل يارب عليك بهن يارب.



ولنا عودة من بعيد لبعيد
بوست يبوظ الأعصاب .

[الهندي بشير نابري]

أحمد معليش بس حبيت أضيف

الشاكوش الفولاذي :
ده نوع بيخلي الزول ماعارف الدنيا ليل ولا نهار وبيخليك ماشي ساي ومهندل وبيخلي الزول ينضم بره راسه زمن طويل ويقعد يلقط الأكياس الفي الشارع . ويقعد يغني يانيل ياليل ياحنين ياساتر عيون الناس ..
آثارة السلبية : بارد صيفاً حار شتاءاً وخريفاً .. ساهل في البداية ومسخن في النهاية .
دواعي الاستعمال: والله النصيحة مافي ليهو أي داعي .

[احمد عثمان حاج حمود]

اللهم الطف بعبادك المسلمين وباعد بيننا وبين أنواع شواكيشهم كما باعدت بين المشرق والمغرب
اللهم اكفنا شرها وآجرنا منها وان حكم قضائك فالطف بنا يارب . اللهم لاطاقة لنا بشواكيشهم أب راسين
والمنطقى والخفيف والحنين والخشبي والحديدي وكافينا شر المغناطيسي والآلي والزي لعب الأطفال .
اللهم عليك بالأعداء سلط عليهم الشاكوش الفولاذي يهدد أمنهم ويزعزع الرؤيا لديهم ويفجر النزيف الداخلي في رؤوسهم .اللهم عافنا ماعشنا ومابقينا وعليك بالنبات البشوكشننا يارب يفورن ويبورن مايتعرسن ولا يهوب زول ناحيتهن يارب اللهم اجعل كيدهن في نحرهن ..
اللهم عليك بالأدت عبدو كمبيوتر شاكوش طفش فات تاني ماعاد لينا يارب .
(أحمد عثمان ) خايف أدعي على الأدتك شاكوش الملك يقول آمين .
اللهم عليك بكل الأدن عبدالله نابري شواكيش يارب هن كلهن اتزوجن ونحنا عبدالله بنقول ليهو سعد البنات ان شاء الله يتشوكشو أولادهن يارب.
اللهم عليك بالأدن تسالية شواكيش مشوكشه والأدن معز السماني ونبيل يارب عليك بهن يارب.



ولنا عودة من بعيد لبعيد
بوست يبوظ الأعصاب .


الهندى يا سلام والله انت رائع عديل كده

ياخى والله اخجلت تواضعى

والله نورت البوست بادوب ما نور
يديك العافية إن شاء الله
وربنا ما يوريك الشاكوش

[الطيب الامام الطيب الامام]

واحد عريس ليه شهرين وقاعد في البيت ويعاين كتير في عقد الزواج مراته قالت له :بتعاين في عقد الزواج ‏ليه يا حبيبي؟
قالها : مش عارف يا حياتي المأذون كتب تاريخ انتهاء العقد وين ---------اخير كدى وله الشاكوش