مشاهدة النسخة كاملة : البشير لن يرشح نفسه في انتخابات الرئاسة السودانية (كلمة خطرة)
الهندي بشير نابري
02-21-2011, 10:08 AM
http://i77.servimg.com/u/f77/11/77/43/79/436x3210.jpg (http://www.servimg.com/image_preview.php?i=694&u=11774379)
المصدر : موقع العربية نت : البشير لن يرشح نفسه في انتخابات الرئاسة السودانية (http://www.alarabiya.net/articles/2011/02/21/138519.html)
قال ربيع عبد العاطي المسؤول الرفيع بحزب المؤتمر الوطني الحاكم في السودان الاثنين 21-2-2011 إن الرئيس عمر حسن البشير لن يسعى لترشيح نفسه ثانية في انتخابات الرئاسة ضمن حزمة إصلاحات لإرساء الديمقراطية في البلاد، ووفقا للدستور السوداني الحالي فإن انتخابات الرئاسة المقبلة من المقرر أن تجرى خلال أربعة أعوام.
وكان البشير اقترح في وقت سابق أمام أعضاء شبان في الحزب الحاكم تقاعد السياسيين عند سن 60 عاما، موضحا أن ذلك سيشمله شخصياً إذا تبنت قيادة حزب المؤتمر الوطني الحاكم الفكرة.
وقال حامد ممتاز الأمين السياسي للشباب في حزب المؤتمر الذي حضر الاجتماع إن الرئيس تحدث عن وضع سن لتقاعد السياسيين وهو 60 عاما، وقال ممتاز لوكالة "رويترز" إن الرئيس السوداني قال إن هذه الفكرة في حال تطبيقها سوف تتضمنه شخصياً.
والبشير (67 عاما) الذي جاء في انقلاب عسكري عام 1989 هو رئيس الدولة الوحيد المطلوب أمام المحكمة الجنائية الدولية لارتكاب جرائم إبادة جماعية في إقليم دارفور الذي مزقته الحرب. وينفي البشير هذه التهم.
وحقق البشير فوزا كاسحا في الانتخابات التي أجريت في عام 2010 والتي قاطعتها عدة أحزاب معارضة بدعوى التزوير.
وقال شهود عيان على الاجتماع الذي عقد في وقت سابق من هذا الأسبوع طلبوا عدم الكشف عن هويتهم إن الشباب في الحزب وبخوا الرئيس على تفشي الفساد الذي يعرقل الاقتصاد وإن المحادثات استمرت حتى وقت متأخر من الليل.
وقال ممتاز ان البشير وعد بتشكيل لجنة لمكافحة الفساد وهيئة لمساعدة الشبان حديثي التخرج في العثور على عمل وزيادة مشاركة الشبان في الحزب والحكومة.
واضاف ان هذه السياسات ستكون خطوة ايجابية على الطريق الصحيح وسوف تساعد على تطوير حلول للمشكلات الحالية.
وفرقت قوات الأمن السودانية مستخدمة العنف عشرات من الاحتجاجات الصغيرة في شمال السودان هذا العام حيث احتدمت الأزمة الاقتصادية واستلهم الطلبة نجاح الانتفاضات الشعبية التي تجتاح العالم العربي والتي أطاحت بالرئيسين المصري حسني مبارك والتونسي زين العابدين بن علي، لكن الطلبة لم يتمكنوا من كسب التأييد وضعفت حركتهم مع سجن العديد من قادتهم.
وقلّل مسؤول رفيع في الحزب الشيوعي السوداني المعارض من قيمة الإصلاحات وقال إن الخرطوم تهرول فزعة وهي تراقب الاحتجاجات في الشرق الأوسط.
وقال صديق يوسف إن كل القادة في الوطن العربي ينظرون الى ما حدث في مصر وتونس وإن هذه ليست سوى محاولة لتهدئة الناس حتى لا يحتجوا. وأضاف أن أكثر من 40 من مسؤولي حزبه ما زالوا محتجزين بدون تهم.
وقال صديق إن الحكومة السودانية لو كانت جادة في الإصلاح لأطلقت سراح المعتقلين السياسيين وسمحت للناس بالخروج في احتجاجات سلمية.
وقدم الحزب الحاكم في السودان عروضا تصالحية منذ اندلاع الانتفاضات الشعبية في الشرق الأوسط من بينها دعوة المعارضة لمحادثات تشكيل حكومة وطنية.
الهندي بشير نابري
02-21-2011, 10:22 AM
(البشير لن يرشح نفسه في انتخابات الرئاسة السودانية)
الكلمة دي اي واحد قالها تعرض للسقوط .. وانشاء الله بشيرنا لو ربنا كاتب ليه سقوط نتجاوز المرحلة الحرجة النحنا فيها بالأول وبعديها يتنازل بهدوء حقناً للدماء وكفاية الدم السال وروى اراضي الجنوب .
عبدالله محمد نابري
02-21-2011, 12:38 PM
عارف يا هندي السودانين ديل تعساء الحظ فالشعوب حولنا تتظاهر وتعدل وتغير الا نحن ، والله بالجد اشتهينا لينا انقلاب !!!
عصام عبدالصادق
02-21-2011, 02:58 PM
عارف يا هندي السودانين ديل تعساء الحظ فالشعوب حولنا تتظاهر وتعدل وتغير الا نحن ، والله بالجد اشتهينا لينا انقلاب !!!
والله يا ود أمحمد بتبالغ عديل كدة وأول مرة أشوف لي زول يتشهى إنقلاب ..
ويا خوي إنت ما شائف البصات السفرية القاعدة تحصد في الناس اليومين ديل ... والموت اصبح بالجملة ... وتجي إنت تقول مشتهي لي إنقلاب ...
وكان يكون أجمل لو قلت غلابة وخصوصاً مع نسمات هواء الرياض هذه الأيام ... أو قلوبية لترجع بك لذاكرة الماضي وصيد الطيور ...
وعموماً الله يسامحك ... قال مشتهي قال ...
وبله إنقلب....
مضوي محمود
02-21-2011, 04:33 PM
عارف يا هندي السودانين ديل تعساء الحظ فالشعوب حولنا تتظاهر وتعدل وتغير الا نحن ، والله بالجد اشتهينا لينا انقلاب !!!
والله يا عبد الله أكبر إنقلاب حيحصل في حياتك هو لمن تصحي إن شاء الله بعد أيام قليلة وتكتشف إنك بقيت أب .
مضوي محمود
02-21-2011, 04:41 PM
(البشير لن يرشح نفسه في انتخابات الرئاسة السودانية)
الكلمة دي اي واحد قالها تعرض للسقوط .. وانشاء الله بشيرنا لو ربنا كاتب ليه سقوط نتجاوز المرحلة الحرجة النحنا فيها بالأول وبعديها يتنازل بهدوء حقناً للدماء وكفاية الدم السال وروى اراضي الجنوب .
الأخ الهندي ..
البشير لن يرشح نفسه لانتخابات الرئاسة السودانية لن يكون كافياً في هذه المرحلة الدقيقة .. يجب أن تكون هناك إصلاحات عميقة وكبيرة في بنية الدولة .. وكسب ثقة المواطنين بإجراءات تحارب الفساد وإصلاح الوضع الإقتصادي .. لأنه لو حدثت أي إضطرابات فعلي ما يسمي بالسودان السلام
ياسر العاقب
02-21-2011, 04:50 PM
السودان قبل كل شئ يحتاج الي انقلاب في طرق تفكير الناس وصحوة ضمير و اعلاء الهم الوطني و التفريق بين مفهوم الوطن والحكومة ن بالاخر
يحتاج الي اشاعة ثقافة التسامح والتدافع بالافكار لا السلاح ....
يحتاج الي الايمان بالاخر ....
لان البشير حتما سيذهب يوما ما
الذهاب الاختياري او الاضطراري او الالهي ....
لان سنن الله ماضية
مدحت حسب الرسول
02-22-2011, 08:48 AM
الله لاجاب الانقلاب نحنا بس عاوزين نعيش وعاوزين وطن يحقق كل طموحات الشعب السودانى ويساعد الفقراء والمساكين ويسارع فى التنميه ويحسن العلاقات مع دول العالم ونعيش زى باقى الناس الايام دى العالم فى مشاكل وربنا يجيب العواقب سليمه
ابوالاء
02-22-2011, 09:55 AM
عارف يا هندي السودانين ديل تعساء الحظ فالشعوب حولنا تتظاهر وتعدل وتغير الا نحن ، والله بالجد اشتهينا لينا انقلاب !!!
تعال قول الكلام ده يا عبدالله وانت جوه السودان ومعاك أولادك ، ، ، لكن ما ممكن تتمنى ليك أمنية وانت مع الريالات والعقالات
الهندي بشير نابري
02-22-2011, 10:33 AM
عارف يا هندي السودانين ديل تعساء الحظ فالشعوب حولنا تتظاهر وتعدل وتغير الا نحن ، والله بالجد اشتهينا لينا انقلاب !!!
ازيك ياشاب يامنقه.
انت الظاهر عليك داير تودينا في داهية ههههههههه.
الهندي بشير نابري
02-22-2011, 10:35 AM
والله يا ود أمحمد بتبالغ عديل كدة وأول مرة أشوف لي زول يتشهى إنقلاب ..
ويا خوي إنت ما شائف البصات السفرية القاعدة تحصد في الناس اليومين ديل ... والموت اصبح بالجملة ... وتجي إنت تقول مشتهي لي إنقلاب ...
وكان يكون أجمل لو قلت غلابة وخصوصاً مع نسمات هواء الرياض هذه الأيام ... أو قلوبية لترجع بك لذاكرة الماضي وصيد الطيور ...
وعموماً الله يسامحك ... قال مشتهي قال ...
وبله إنقلب....
والله ياعمنا عصام الخوف من بله الانقلب ..
كدي اسه قول معاي الله يقلب القذافي الماسك عووووود دا
الباقي هين والله بله الانقلب زاتو هين .
الهندي بشير نابري
02-22-2011, 10:36 AM
والله يا عبد الله أكبر إنقلاب حيحصل في حياتك هو لمن تصحي إن شاء الله بعد أيام قليلة وتكتشف إنك بقيت أب .
والله دي احلى قلبه ..
عموماً ياعبدالله انت لو مادايرها اديني ليها عليك الله . قالوا البت خال.
الهندي بشير نابري
02-22-2011, 10:45 AM
الأخ الهندي ..
البشير لن يرشح نفسه لانتخابات الرئاسة السودانية لن يكون كافياً في هذه المرحلة الدقيقة .. يجب أن تكون هناك إصلاحات عميقة وكبيرة في بنية الدولة .. وكسب ثقة المواطنين بإجراءات تحارب الفساد وإصلاح الوضع الإقتصادي .. لأنه لو حدثت أي إضطرابات فعلي ما يسمي بالسودان السلام
عمنا مضوي ازيك
أمبارح في التلفزيون شايف لقاءات مع شباب من المؤتمر الوطني والحزب الاتحادي والدموقراطي بيتكلموا وبيطالبوا بتفعيل دور الشباب داخل الحوكة وبيطالبوا بمناصب استشارية وقيادية في الحكومة ولابد من استماع قادات الاحزاب لهم ووووو .. يعني كلام واضح نحنا شباب وممكن نجوط الحكاية ادونا سريع سريع .
ياخي نحنا مصيبتنا في الوطنية المعدومه والله بس ربنا يستر بحالنا .. همنا كله في مصالحنا الشخصية !!
الهندي بشير نابري
02-22-2011, 11:22 AM
السودان قبل كل شئ يحتاج الي انقلاب في طرق تفكير الناس وصحوة ضمير و اعلاء الهم الوطني و التفريق بين مفهوم الوطن والحكومة ن بالاخر
يحتاج الي اشاعة ثقافة التسامح والتدافع بالافكار لا السلاح ....
يحتاج الي الايمان بالاخر ....
لان البشير حتما سيذهب يوما ما
الذهاب الاختياري او الاضطراري او الالهي ....
لان سنن الله ماضية
ازيك ياياسر يازول معتق كلامه ..
أولاً اشتقنا لتواجدك بالمنتدى وحمداً لله على سلامة عودتك من جديد .. وزي ماقلت البشير ماشي لامحال. في اعتقادي ان الخيبة الحصلت على حسني مبارك بشيرنا ماحيوصل مستواها لأنو برضو فينا شوية نخوة أو احتمال ماضقنا الضاقوهو المصريين في 30 سنه .. لكن بالجد نحنا محتاجين للبشير يكون في الشارع مع الناس .. حكاية ماكنت عارف !! وماقالو لي !! والبطانه فاسده !! مابينفع الكلام دا .. ولنا في أحمد عز خير مثال الراجل طلع عنده 60 مليار من اموال البلد ومبارك عنده 70 مليار ودولار كمان ... والمصريين جعانين ومرضانين راقدين جنب المستشفيات راجين الدور بالشهور . بالله العظيم داخله فيهم خُلعة وجوعه واسه حسني في رقبته حردان وعامل فيها زعلان وماداير ياخد علاجه وداخل في غيبوبه وقالوا صادم ليه كم يوم . بالله دي حاله دي !!
وأبشرك شبابنا فيهم الخير وممكن ينظموا ثورة زي ثورة 25 يناير وأكبر ويصلوا درجة ان يسقطوا النظام وميه نظام زيه وهنالك الكثيرين جاهزين لتقديم الدم مُقابل الحرية أو تحقيق المطالب والتي لا سقف لها اساساً والخوف من أوكامبو ..خصوصاً بعد ما نتذكر ان الشعب كله بقى عساكر (ناس خدمه وطني ساااااي) والعاطلين عن العمل لأنو ماعندهم وساطات .. غير الناس الروحهم محرقاهم ... نحن زي ماقلت محتاجين توعيه علشان ما نصبح ألعوبه في حبال الاجندات الاجنبية الكتيرة شديد ومستهدفانا بشكل واضح جداً لكن في نفس الوقت بقلة الوعي دا ممكن نهيج من غير تركيز ونمسك في كلمة (ارحل) .. رغم ان الكل مؤمن بالدور القدمته الحكومة في الفترة الفاتت ولا غبار عليه .. كباري .. وشوارع .. وزيادات في السكر والدقيق . وفصل اجنوب بعد استنزاف الكثير من الدماء .. لكن بعد دا كله حتماً الفســاد موجود وبالكوم مع أن توجهات البشير حالياً في محاربة الفساد شيئ مشهود .. اها بس الفساد دا ياهو المجنن بوبي ومعاه الناس مجننهم جن عديييل جبايات وضرائب وبنزين غالي النار النار وصالات الافراح بقت غالية شديد ياخي الفنانين اسعارهم زادت وجابت ليها شاي لبن العريس كمان .
قضية شعب السودان اعتقد انها ليس فيمن يحكمهم في شخصة مادام مسلم .. يعني البشير ممكن يستمر حتى يأتي الأمر الإلاهي لكن يجب ان يحصل التغيير لابد لابد ..ولو تغيرت سياسته وجاء الأمر الإلاهي مين بعده ؟؟!!
ياخي فكرة تغيير وزير الداخلية من وزارته بعد استقالته الى وزارة الدفاع داااااااااا حكي يمحن عديل ويجب ان لا يتضح بوضوح أن الحكم لدى عُصبة فقط أو ان البشير لجماعته والبعض من حزبه فقط وليس للسودان أو للشعب .. تبقى قضية الشعب السوداني في كيف يحكمهم حاكمهم او البشير نفسه ؟؟!! وفي الآخر نحن شعب مُسالم لكن برضو في دمنا الثورات ولما نثور حكايتنا بتكون صعبه شديد .. خصوصاً في اوضاعنا الحالية ومواجهتنا للمطامع الدولية والخطط الصهيونية لتقسيم السودان ووووو الكثير الكثير ونهر النيل الجايب لينا المصايب اكتر من الفوائد. والله لو بيقدرو يشيلوا النيل دا كله على الاقل يستفيدو منه كويس ويجيبو لينا نحنا البحر الميّت المافيه سمكه حايمه دا .. اعتقد كان حيكون افضل.
يحتاج الحزب الحاكم ان يُراجع الكثير من الحسابات ويُعيد ترتيب الأوراق بهدوء وبشكل سريع ويعمل اصلاحات تظهر للعلن ويأتي مردودها سريع وسريع جداً موش زيادات في السكر أو وزير المالية يقول اكلوا الكسره .. نقعد لبتين ناكل الكسرة الناس تطورت وبقوا يأكلو فطائر بالسمنة واللبنه والقشطة .. غير البتزا والحاجات التانية بيعرفها عمي عصام ..
لأننا فعلاً في القائمة والثورة منذ أن مات (البوعزيزي) أعدى بمرضه من حوله وأصبح المرض يتفشى لايمكن الخلاص منه يعني قادم قادم بلا محال .. علشان كده حقو نتجهز كويس ونرتب الأوراق في خطوات سريعه .. ووالله مابيغلبه زي حسني مبارك أقال حكومته في دقايق ورتب حكومه جديدة في دقايق وعمل نائب بعد 30 سنه حكم من غير نائب .. وماتبقى قضيتنا زي قضية القذافي الذي ضرب شعبه بالطائرات والقنابل . ومندرع في الكرسي اندراعه شديده .. والله الزول دا عنده نفسيات مساهر بينا الليل كله للساعة اتنين صباحاً مع قناة الجزيرة وظهر لينا عشره ثواني لغلغ فيها مافهمنا ليه اي حاجه وفات قال المطره صابه وقبل يومين طلع ولده تحلف تقول لا قرا ولا بارى ليه طلبه.
أو تبقى علينا السواها حسني مبارك الذي دهسهم بالسيارات والجمال والخيول والسيوف .. وكفاية دم صرفناهو نحنا في الجنوب وفي النهاية بترنا الجنوب بناسه وأهله وترابه غير اننا صرفنا الكثير الكثير الكثير في السنوات السته الفاتت .. ونسأل الله ان يلطف بالحال .. والله يبادرني احساس ان الامريكان استعجلوا في تصفية جون قرنق لأنو كان كده كده ماشي على انفصال بس بأدب وذوق وكان حيخم اكتر وأكتر مننا وكان حيعرف يستغلنا كويس لحدي مايبني مقومات لدولته الجديدة .. ياريتهم لو خلوهو كان على الأقل اطمئنينا على الجنوب وناسه.
بس ربنا يستر ويلطف بالحال ...
وريف أمنياتي واسعدني الحديث معك .
الهندي بشير نابري
02-22-2011, 11:35 AM
الله لاجاب الانقلاب نحنا بس عاوزين نعيش وعاوزين وطن يحقق كل طموحات الشعب السودانى ويساعد الفقراء والمساكين ويسارع فى التنميه ويحسن العلاقات مع دول العالم ونعيش زى باقى الناس الايام دى العالم فى مشاكل وربنا يجيب العواقب سليمه
ازييك يامدحت والله انت زول حنيييين وأمرك هيّن ..
بس داير تعيش بسلام وأمان ههههه .. اها مصعب عمر حسن مايسمعك الزول دا داير النضال والمعارضة والحاجات دي هههههه.
الهندي بشير نابري
02-22-2011, 11:53 AM
تعال قول الكلام ده يا عبدالله وانت جوه السودان ومعاك أولادك ، ، ، لكن ما ممكن تتمنى ليك أمنية وانت مع الريالات والعقالات
أبو آلاء وشلونك عساك طيب .
الريال يا اخوي اليومين ديل ماشي لاحق 860 جنيه كيف الطريقة لو لحق 5000 جنيه البنزين في السودان حيلحق الجالون 40000 جنيه علشان بعد كده السودان كله وانت زاتك اول زول تتمنوا وتتشهوا وغصباً عنكم ونشوفك في قناة الجزيرة شايل ليك عكاز كبيييير في المظاهرات وكاتب في جبهتك (تسقط لجنة المسابقة) لأنو الجائزة برضو طارت عليك .. والله فالح داير تفوز وتتصور معاك ناس وليد يسلموك الجائزة طيب الحيصورك منو يعني !!
ذكرتني قائد الثورة الشبابية المصرية (وائل غنيم) .. قال غالبية الشباب الماتوا ديل مرتاحين مادياً وعايشين حياتهم بأحسن صورة وماقاعدين يواجهو مصاعب وعايشين في الخليج وشغالين ومستقرين .. غير ان وائل غنيم نفسه هو (مدير قطاع الشرق الأوسط لشركة قوقل) المعروفة يعني زول مروّق تب لينا بحاله . ومع ذلك انتبه لقضية الوطن ورجع لينظم ويوقود تلك الثورة العظيمة والتي أسقطت رموز الفساد في البلد وغيرت النظام الحاكم ..
والله المصرين حكايتهم بايظه شديد قالوا حسني مبارك اصوله (لبنانية) واسه قائد المجلس العسكري الاعلى اصوله (نوبية - سودانية) يعني ليهم 30 سنه معلقين بين السما والواطه ورئيسهم مامنهم.
القضية يا أبو آلاء وقفه حقيقية مع النفس ومراجعة الحسابات والله بالجد حكاية تبوظ الاعصاب شوف حال اليمن والجزائر وليبيا والمغرب ومصر وتونس والبحرين ولبنان يعني باقي السودان وسوريا والدور ماشي عليهم وجاييهن بمزاج ورواقه .. حقوا ننتبه فعلاً وحقو الحكومة تنتبه لأنو دمّنا خلاص كمل تب ومافي حيل نخسر دم تاني كتير في تجربة زي تجربة الثورة المصرية والتونسية والليبية دي. وبيني وبينك الظلم حار النار النار النار النار
أنا غايتو داير لي (عشرة مليار دولار بس بالجديد) مايطلع الدولار كمان فيه قديم وجديد.
والله اسكت وتاني وما اقول أي حاجه.
يحيي عثمان عيسي
02-22-2011, 11:58 AM
الاحباب جميعا لكم التحايا والود
عام 2005 وقف على عبد الله صالح معلنا أنه لن يترشح مرة اخري لرئاسة اليمن ولم تمضي سوي ايام قلائل ورشح نفسه مرة اخري وكالعادة 99.9% وقالها مبارك وسيقولها غيرهم لكن الحقيقة أن هؤلاء لن يتخلوا عن الرئاسة لاحد فلم تعد هذه التصريحاته نلقي لها بالا ولا أهمية .
كان ما جور زمان وناسا فهمها قليل
شرك أم قيردون كيفن بقبض الفيل
الهندي بشير نابري
02-22-2011, 12:04 PM
الاحباب جميعا لكم التحايا والود
عام 2005 وقف على عبد الله صالح معلنا أنه لن يترشح مرة اخري لرئاسة اليمن ولم تمضي سوي ايام قلائل ورشح نفسه مرة اخري وكالعادة 99.9% وقالها مبارك وسيقولها غيرهم لكن الحقيقة أن هؤلاء لن يتخلوا عن الرئاسة لاحد فلم تعد هذه التصريحاته نلقي لها بالا ولا أهمية .
كان ما جور زمان وناسا فهمها قليل
شرك أم قيردون كيفن بقبض الفيل
استاذنا يحي إزييك
كلمة لن اترشح دي فقدت قوتها وبقت ماليها قيمه لأنو مما الرئيس يقول لن اترشح!! الشعب حيقول ليه بس ارحل اسسسسسسه .. أما صاحبنا على عبدالله صالح الحكاية برضو حارة بالنسبة ليه لكن لو ناس ابو يمن شدوا حيلهم معاهو شويه وعدلوا الراس (بالقات) حيقلعوهو يعني حيقلعوهو . وعرفت عن اليمن نظام القبع والكبت الشديد وهضم الحقوق والتفريق بين القبائل والعنصريات وبلاوي متلتلة ومامعروف صالح دا كمان يطلع عنده كم مليار دولار.
الطيب حسن الفاروق
02-22-2011, 12:48 PM
ازيك ياياسر يازول معتق كلامه ..
أولاً اشتقنا لتواجدك بالمنتدى وحمداً لله على سلامة عودتك من جديد .. وزي ماقلت البشير ماشي لامحال. في اعتقادي ان الخيبة الحصلت على حسني مبارك بشيرنا ماحيوصل مستواها لأنو برضو فينا شوية نخوة أو احتمال ماضقنا الضاقوهو المصريين في 30 سنه .. لكن بالجد نحنا محتاجين للبشير يكون في الشارع مع الناس .. حكاية ماكنت عارف !! وماقالو لي !! والبطانه فاسده !! مابينفع الكلام دا .. ولنا في أحمد عز خير مثال الراجل طلع عنده 60 مليار من اموال البلد ومبارك عنده 70 مليار ودولار كمان ... والمصريين جعانين ومرضانين راقدين جنب المستشفيات راجين الدور بالشهور . بالله العظيم داخله فيهم خُلعة وجوعه واسه حسني في رقبته حردان وعامل فيها زعلان وماداير ياخد علاجه وداخل في غيبوبه وقالوا صادم ليه كم يوم . بالله دي حاله دي !!
وأبشرك شبابنا فيهم الخير وممكن ينظموا ثورة زي ثورة 25 يناير وأكبر ويصلوا درجة ان يسقطوا النظام وميه نظام زيه وهنالك الكثيرين جاهزين لتقديم الدم مُقابل الحرية أو تحقيق المطالب والتي لا سقف لها اساساً والخوف من أوكامبو ..خصوصاً بعد ما نتذكر ان الشعب كله بقى عساكر (ناس خدمه وطني ساااااي) والعاطلين عن العمل لأنو ماعندهم وساطات .. غير الناس الروحهم محرقاهم ... نحن زي ماقلت محتاجين توعيه علشان ما نصبح ألعوبه في حبال الاجندات الاجنبية الكتيرة شديد ومستهدفانا بشكل واضح جداً لكن في نفس الوقت بقلة الوعي دا ممكن نهيج من غير تركيز ونمسك في كلمة (ارحل) .. رغم ان الكل مؤمن بالدور القدمته الحكومة في الفترة الفاتت ولا غبار عليه .. كباري .. وشوارع .. وزيادات في السكر والدقيق . وفصل اجنوب بعد استنزاف الكثير من الدماء .. لكن بعد دا كله حتماً الفســاد موجود وبالكوم مع أن توجهات البشير حالياً في محاربة الفساد شيئ مشهود .. اها بس الفساد دا ياهو المجنن بوبي ومعاه الناس مجننهم جن عديييل جبايات وضرائب وبنزين غالي النار النار وصالات الافراح بقت غالية شديد ياخي الفنانين اسعارهم زادت وجابت ليها شاي لبن العريس كمان .
قضية شعب السودان اعتقد انها ليس فيمن يحكمهم في شخصة مادام مسلم .. يعني البشير ممكن يستمر حتى يأتي الأمر الإلاهي لكن يجب ان يحصل التغيير لابد لابد ..ولو تغيرت سياسته وجاء الأمر الإلاهي مين بعده ؟؟!!
ياخي فكرة تغيير وزير الداخلية من وزارته بعد استقالته الى وزارة الدفاع داااااااااا حكي يمحن عديل ويجب ان لا يتضح بوضوح أن الحكم لدى عُصبة فقط أو ان البشير لجماعته والبعض من حزبه فقط وليس للسودان أو للشعب .. تبقى قضية الشعب السوداني في كيف يحكمهم حاكمهم او البشير نفسه ؟؟!! وفي الآخر نحن شعب مُسالم لكن برضو في دمنا الثورات ولما نثور حكايتنا بتكون صعبه شديد .. خصوصاً في اوضاعنا الحالية ومواجهتنا للمطامع الدولية والخطط الصهيونية لتقسيم السودان ووووو الكثير الكثير ونهر النيل الجايب لينا المصايب اكتر من الفوائد. والله لو بيقدرو يشيلوا النيل دا كله على الاقل يستفيدو منه كويس ويجيبو لينا نحنا البحر الميّت المافيه سمكه حايمه دا .. اعتقد كان حيكون افضل.
يحتاج الحزب الحاكم ان يُراجع الكثير من الحسابات ويُعيد ترتيب الأوراق بهدوء وبشكل سريع ويعمل اصلاحات تظهر للعلن ويأتي مردودها سريع وسريع جداً موش زيادات في السكر أو وزير المالية يقول اكلوا الكسره .. نقعد لبتين ناكل الكسرة الناس تطورت وبقوا يأكلو فطائر بالسمنة واللبنه والقشطة .. غير البتزا والحاجات التانية بيعرفها عمي عصام ..
لأننا فعلاً في القائمة والثورة منذ أن مات (البوعزيزي) أعدى بمرضه من حوله وأصبح المرض يتفشى لايمكن الخلاص منه يعني قادم قادم بلا محال .. علشان كده حقو نتجهز كويس ونرتب الأوراق في خطوات سريعه .. ووالله مابيغلبه زي حسني مبارك أقال حكومته في دقايق ورتب حكومه جديدة في دقايق وعمل نائب بعد 30 سنه حكم من غير نائب .. وماتبقى قضيتنا زي قضية القذافي الذي ضرب شعبه بالطائرات والقنابل . ومندرع في الكرسي اندراعه شديده .. والله الزول دا عنده نفسيات مساهر بينا الليل كله للساعة اتنين صباحاً مع قناة الجزيرة وظهر لينا عشره ثواني لغلغ فيها مافهمنا ليه اي حاجه وفات قال المطره صابه وقبل يومين طلع ولده تحلف تقول لا قرا ولا بارى ليه طلبه.
أو تبقى علينا السواها حسني مبارك الذي دهسهم بالسيارات والجمال والخيول والسيوف .. وكفاية دم صرفناهو نحنا في الجنوب وفي النهاية بترنا الجنوب بناسه وأهله وترابه غير اننا صرفنا الكثير الكثير الكثير في السنوات السته الفاتت .. ونسأل الله ان يلطف بالحال .. والله يبادرني احساس ان الامريكان استعجلوا في تصفية جون قرنق لأنو كان كده كده ماشي على انفصال بس بأدب وذوق وكان حيخم اكتر وأكتر مننا وكان حيعرف يستغلنا كويس لحدي مايبني مقومات لدولته الجديدة .. ياريتهم لو خلوهو كان على الأقل اطمئنينا على الجنوب وناسه.
بس ربنا يستر ويلطف بالحال ...
وريف أمنياتي واسعدني الحديث معك .
والله كلامك يصلح يكون مقال فى جريدة
اتشجع شوية ونشوف كلمة الصحفى الهندى عزالدين . اسف الهندى نابرى
الهندي بشير نابري
02-22-2011, 01:06 PM
والله كلامك يصلح يكون مقال فى جريدة
اتشجع شوية ونشوف كلمة الصحفى الهندى عزالدين . اسف الهندى نابرى
إزيك يالطيب .. واحشنا كتير والله ..
اضحكني حديثك والله حتى الثمالة هههههه
اسعد الله ايامك واشكر مرورك
مجاهد شرف الدين الشيخ
03-09-2011, 04:40 PM
الحديث السياسى عن من يحكم هو حديث ليس من الحكمة فى شى الحكمة فى كيف يحكم السودان وكيف يتم تداول السلطة وما هى ادوار السلطات الاربعه بما فيها الصحافه هذا هو الحديث
مصعب عمر حسن حمزة
03-09-2011, 07:42 PM
الحياة كدااا يمشي واحد يجي واحد كان سمح ولا كعب كان سوى شي ولا ما سوى في النهاية .......
لكن نمسكـ في واحد عشان عمل وعمل و عمل .
دايرين نشوف وجوه جديدة
بدر عبدالماجد بله
03-12-2011, 08:24 AM
السيدالرئيس عمرحسن البشير لن يترشح للرئاسة ولكن سيترشح من بعده غازىصلاح الدين او امين حسن عمر
وفى النهاية هو تغير ......
محمد ابوحوا
03-12-2011, 10:07 AM
السبب يا ابو ريم نحن ماعندنا ميدان زى ميدان التحرير
عبدالله محمد نابري
03-12-2011, 10:27 AM
بس ما تنسي يا ستموني انو عندنا ميدان الامل وميدان الجزائر!!!
عبدالرحيم حطي
03-14-2011, 12:13 AM
يا خالي بدر تغير عمر زعيمكم بغازي او امين حسن عمر
( يعني زي أحمد وحاج أحمد ) المرة الجاية كم سنة
مدحت حسب الرسول
03-14-2011, 10:42 AM
يااخوانى البشير فقد للوطن الماقدر يسويه البشير مااظن واحد تانى يقدر يسويه والشعب بحب البشير والواحد ماعارف الرئيس البيجى تانى حايكون كيف والسودان اوضاعو ماشه لورى يعن لسى نحن فى البيوت الصغيره والرواكيب والدكاكين المبشتنا والجزاره المكشوفه الى متى السودان يتحضر
مصعب عمر حسن حمزة
03-15-2011, 06:40 PM
يااخوانى البشير فقد للوطن الماقدر يسويه البشير مااظن واحد تانى يقدر يسويه والشعب بحب البشير والواحد ماعارف الرئيس البيجى تانى حايكون كيف والسودان اوضاعو ماشه لورى يعن لسى نحن فى البيوت الصغيره والرواكيب والدكاكين المبشتنا والجزاره المكشوفه الى متى السودان يتحضر
ما غصبن عننى يمش عشان البعدو يخت شي جديد
بدر عبدالماجد بله
03-23-2011, 06:27 PM
يا خالي بدر تغير عمر زعيمكم بغازي او امين حسن عمر
( يعني زي أحمد وحاج أحمد ) المرة الجاية كم سنة
إزيك يا ود ريا ، طبعا كم سنة دى بحددها الشب زى ما الشعب صبر برضا على الفترة القليلة السابقة .