تحج انشاء الله................

[ايمن السر بابكر]

قالوا الساده الكرام القاده ماشين الحج وطبعا بغض النظر عن انو حج اكرامى ولا من استطاع اليه سبيله ولا انشاء الله حج مرور أبيي دى حصل شنو عليها يارب اهم الحج ولا البشتنه اللحنا فيها دى
اظن ماشين يحلوها بزمزم ولا يكونوا دايرين يبكوا عند المقام بدل البكا فى القاعه
عليك الله الشيطان ورجموا دا دايرلو حج مامعانا كل يوم والله انا انا خايف فى الرجم الشيطان يستغرب
انتو الاسلام دا حج وسنه بس.
يا حاجين يا معرسين .
يمكن يكونوا كايسين العفو والمغفره
ولا ماشين مداح .
انتو حج زى دا من ناحيه شرعيه كيف؟
زيو زى جامع ابو فلان الفى كافورى مسجد ومول فى ان واحد زى البلسم والشامبو صاح؟

[الشفيع حسن الفاروق بابكر]

الله يديك العافية

[ابوالاء]

والله بالجد يا أيمن زي ما قال الشفيع الله يديك العافية ( إنت في شنو والناس في شنو؟ )

يا صاحبي خليك في عرسك الراجيك ده و أقطع شوط الجماعه ديل شوية خليهم يحلوا مشكلة الإستفتاء دي أولاً وبيتخارجوا منها كيف وبعدين الباقي هين .

[الهندي بشير نابري]

حج ياعريس ...
يا اخوي الجماعه مشوا الحج ورجموا ا بليس وقضوا تب ... الكلام انت مع منو ؟؟؟

تحج ان شاء الله ... عريس ...

[الطيب حسن الفاروق]

الاخ العرس بقى يعمل هضربة . كدى قول بسم الله والعن ابليس واتوضاء والرايدة الله فى الحجر بتقوم . وقلوبنا معاك

[وليد عثمان علي سنقد]

قالوا الساده الكرام القاده ماشين الحج وطبعا بغض النظر عن انو حج اكرامى ولا من استطاع اليه سبيله ولا انشاء الله حج مرور أبيي دى حصل شنو عليها يارب اهم الحج ولا البشتنه اللحنا فيها دى
اظن ماشين يحلوها بزمزم ولا يكونوا دايرين يبكوا عند المقام بدل البكا فى القاعه
عليك الله الشيطان ورجموا دا دايرلو حج مامعانا كل يوم والله انا انا خايف فى الرجم الشيطان يستغرب
انتو الاسلام دا حج وسنه بس.
يا حاجين يا معرسين .
يمكن يكونوا كايسين العفو والمغفره



حبيبنا العريس النفض الكيس ..
تحياتي وربنا يوعدك بحجة قليدة ..
لا أرى أي غضاضة في حج هؤلاء القوم ..
والإسلام ليس بحج و كما تدعي .. إنما الإسلام مبني على خمس انت تدركها تماماً ..
فلا ضير من حج هذا أو ذاك .. .. ..
خليهم يحجوا إمكن الله يهجمهم ويلجمهم ..
وربنا يجعلنا موحدِين موحدَين سالمين غانمين ..

ودام الود ...