دندنة

[محمد علي]

جـربـت هـواهـم وقليبي إنكـوى
تاريهم جاروا وما صانو الهوى
** ** **
الريــد جـوا قلبي بحبـك بـدا
يا طيبة حياتي يا قطر الندى
ما كان في خيالي تتنكر كده
أيـامنـا الجميـلة ليـه بتنكـدا
** ** **
حاولت أسيبك وأتناسى المضى
أيامــك معاي ســاعات الرضــا
المكتـوب علي أنـا قلبي إرتضى
يا ريـت الليـالي عطفه يعوضــا
** ** **
الكلمـة الحنينــة مشــتاق أسمعــا
روحي خلاص جفيتا الشوق لوعا
الدمعـات عيـــوني كيفـن تمنعــــا
وأنا شــايف سنيني جورك ضيعـا
** ** **

[محمد علي]

مسامحك يا حبيبي
مهما قســيت علي
قلبك عارفه أبيض
وكلك حســــن نية

[محمد علي]

أعيش في ظلمة وإنت صباحي
إنــت طبيبي أمـوت بجـراحــي
بشـعري رفعتـك أسـمى مكانـة
يا الجازيتني بكســر جنـاحــي

[محمد علي]

فرحة
***
قالوا بتحبه
قلت ليهم مالو
إيده على إيدي الهنا مشينالو
حققنا أحلامنا كل عاشق عقبالو
******
بين الريد والهوى
عشنا أيامنا سوا
ما قاسينا النوى
ما أحلاك يا هوى
الهم راح وإنطوى
عش ريدتنا إستوى
بين إيديه هنايا
في عينيه منايا
حققنا أحلامنا
كل عاشق عقبالو
******
بيني وبينه حكاية
ما ليها نهاية
هو أحلام دنيايا
لو شفتوه معايا
حبه الحالم آية
يروي ما حاسه جوايا
كم طول دنيايا
نور دربي برايا
حققنا أحلامنا
كل عاشق عقبالو
******
أنا بحبه أكثر
يا ما هوانا بيكبر
رغم مشاعري بتسكر
حبه النامي الأخضر
راعيناه أزهر
في قلبينا نور
والعزال سبناهم
في لحظة نسيناهم
حققنا أحلامنا
كل عاشق عقبالو

[محمد علي]

يا زمـن
وقف شوية
وأهدي لي لحظات هنية
وبعـدها
شيل باقي عمري
شيل شبابي
شيل عينيَ
شيل عينيَ

[الهندي بشير نابري]

لا لا لا الحكاية أقوي من دندنه ...

[محمد علي]

لا لا لا الحكاية أقوي من دندنه ...





الدندنة وليدة الإحساس والشعور

[نادر الشيخ]

يا أستاذ يا كبير

[محمد علي]

شكراً كثير يا نادر
وياريت لو دندنت معانا شوية بحاجة من الحقيبة

[محمد علي]

واحشنى

واحشنى يا الخليت ملامحك ..

فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنابحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وانت لما بتسيبنى وتسافر
خت فى إعتبارك ،
انو دنياى فى مدارك
وجد لفافات الصبر دخنتها
وكل المقاطع فى غناى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة جد وأجتزتها
ولسة واحشني

[عمر عبد الرحمن ابو ساجدة]

أكتب لي يا غالي الحروف
واحكي لي ياما الدنيا نوره وفرحتها
صارت بلاك غيمة شتاء
تنسج طيوف وتجيب طيوف
والشوق جدار بيناتنا يحجب بهجتها
يا سكة الزول البعيد يا حليله لما اتوارا غاب
خليته يمشي وفي العيون دمعات الم ودمعات عذاب
أتمني وعده يكون حقيقة وعهده ما خدعة سراب
أتمني في لهفة محب شال الصبر لما الصبر في قلبه داب

[محمد حسين الناظر]

من اوصاف عديدة ظهرت بى قوافى وفنون جديدة افكارى تايهة
__________________________

تطربنى القمارى فى غصنك نشيدة
يا الحزت المحاسن يا المنية الوحيدة
انا يانور عيونى محبتى ليك اكيدة
يا الصاين جمالك حسادك تكيدة
________________

قربك لى سعادة وشوفتك لى مفيدة
بشكى ليك حظوظى وظروفى العنيدة
يا الناعسات عيونك لى عينا سهيدة
بى حالى وسهادى نجوم الليل شهيدة
____________________

يا حبيب انت جافى نيرانى بتزيدة
شايل قلبى عندك والروح انت سيدة
يا عقد الجواهر يا معنى القصيدة
تضرب بى سهامك ارواحنا وتصيدة

[محمد علي]

مشتاقين

طال علينا فراقكم والله يا غايبين

قدر ماننسى العلينا برضو مشتاقين
والله مشتاقين
الخدود الشاربة من لون الشفق عند المغارب
دي خدودك سيدي سيد الناس ياسيد الحبايب
العيون طرتني زول من أهله غايب
والشعر في كتيفه بتهادى السبايب
والله مشتاقين
في عينيك تظهر لي دنيا دنيا شوقك فيها ظاهر
الأماني الحلوة هايمة زي بحور ما ليها آخر
الكليمة الطيبة منك ذاتي وحياتك لباكر
والأمل فارد جناحه ديمة زي عينيك مسافر
والله مشتاقين
الغروب يسألني منك أمسياتنا في شوق إليك
الرمال الناعمة مشتاقة لمشيك
الطيور الراحلة في كل المساء بتسأل عليك
كيف تفارق الضفة والنيل هان عليك
والله مشتاقين

[محمد علي]

أكتب لي يا غالي الحروف





تسلم يا غالي
مشكور على المرور والمشاركة الجميلة

[محمد علي]

من اوصاف عديدة ظهرت بى قوافى وفنون جديدة افكارى تايهة


تسلم يا ود الناظر
مشكور على المرور والمشاركة الرائعة

[محمد علي]

حبيب قول لي راجع .. راجع لي تاني
تبدأ معاي حياتي ... وتبني معاي اماني
**********
اهديتك محبة خالدة مع الزمان
من خفقات ضلوعي وهبتك كل حنان
ليه تنكر هواي .. وتنسى البينا كان
***********
وين زمن المحبة وين غالي العهود
وينو شريك حياتي وين املي الودود
انا ما زلتُ آمل .. تعطف يوم تجود
*************
بكرة الدنيا تفرح لما تعود إليّ
والكون يبقى بهجة ناير في عينيّ
يعود الماضي تاني .. يزيد الحب عليّ

[ابوالاء]

المستحـــــــــيل


لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

**********

غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية ..
انت عارف وانا عارف
لو بإيدي كان هديتك

**********

أصلو حبي أقوى وأكبر من إرادتي
وانا حاسس في جحيم نارك سعادتي
واللهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت يا الصابر عند الله جزاك

[ابوالاء]

بعد ايــــــــه


بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه

انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما بقسو عليك

جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك

[ابوالاء]

لوبهمـــــــــــــــــــــسه



لو بهمسه ..... لو ببسمه ........ قول أحبك ..

لو بنظره ... نظره حتى عابره .. قول أحبك ..

لو بتحلم في منامك .............. قول أحبك ..

لو ترسّل لي سلامك ............ قول أحبك . .



كل كلمه من شفايفك أحلى غنوه ..

كل نظره من عيونك فيها سلوى ..

كل نسمه من ديارك فيها نجوى ..

كل همسه يا حبيبي عندي حلوه ..



يا حبيبي عمري كلّو .... كلّو أهديتو لحبك ..

يا حبيبي انت عارف والغرام يشهدبو ربك ..

يا بدوري في الظلام والظلام يحجب لي دربك ..

ناري بُعدك ............ والحنان والجنّه قربك ..

والزهور الحلوة .............. تتفتح فى قلبك ..

انت عارف .............. أنا يا روحي بحبك ..



خوفي منك خوفي تنساني وتنساها الليالي ..

يا حبيبي أنا خايف ياما بعدك أنسى حالي ..

أبقى تايه والغرام يصبح حكايه ..

والأماني الحلوه دي الكانت بدايه ..

تبقى أشواك في طريقي في النهايه ..

[احمد سعد]

يا ستهم
حسنك يفوق حد الخيال
كيفن محاسنك اعدهم
السمحه يا ستهم

حسدوك هم يا ستهم
لما الصفات عددتهم
لو ما الظروف وخوف الملام
في هواك كان كلمتهم
كان قلت إسمك للأنام
وبُحت بي سر الغرام
وعشت الليالي العشتهم

شافوك هم يا ستهم
غنوك معاي في سرهم
عرفوا الجمال وأحلى الخصال
كل المعاني الردتهم
قالوا المحال رقه ودلال
والجيد طويل وعيون غزال
والبسمه فيك يا ستهم

وين الحروف يا ستهم
صعبن عليّ ما عرفتهم
ارجع وأقول دونك تحول
سجع القوافي الشفتهم
لو قلت زول ما زيو زول
مابوفي زول او ليك اقول
والله ستي وستهم

[محمد علي]

تسلم يا أبوآلاء يا رائع
لقد أحسنت الإختيار وأمتعتنا بروائع الموسيقار وردي

[محمد علي]

تسلم يا أحمد سعد يا فنان
رائعة هذه الأغنية الجديدة لكمال ترباس