مشاهدة النسخة كاملة : السلام عليكم ورحمة الله عااااااااجل يا جرافة ...
عاطف عبدالملك فضل المولي محمد
10-18-2010, 08:36 PM
التحية والاجلال للاخوان في المملكة العربية السعودية ،،،،
قبل ما ارفق السيرة الذاتية للتعريف .. طبعا انا حاليا في المملكة العربية السعودية بجدة لي ذي شهرين بفتش لعمل وبفتش علي الاهم من العمل ان اكون وسط كوكبة من الاهل من الجريف شرق ... ارجو الانضمام الي اي مجموعة من اهلنا الجرافة ... والعندو فرصة لينا للعمل ما يبخل علينا .. 0564972129
سيرة ذاتية
المعلومات الشخصية
الاسم عاطف عبدالملك فضل المولي محمد
تاريخ الميلاد 19/9/1981م
الجنس ذكر
الحالة الاجتماعية غير متزوج
الديانة الاسلام
الجنسية سوداني
اللغات (اللغة العربية الأم – اللغة الانجليزية جيد)
المؤهـــــلات
علوم الكمبيوتر من جامعة امدرمان الأهلية (السودان)
دبلوم في صيانة الحاسب الألي من معهد السفير للحاسب الألي (السودان)
دبلوم في المحاسبة الإلكترونية من شركة رؤية العالمية(السودان)
الخبـــــرات
عملت كمبرج حاسوب في وزارة التربية والتعليم – ادارة التخطيط التربوي والإحصاء في العامين (2006م – 2008م)
المهـــــارات
التعامل مع برنامج الاوركل
التعامل مع برنامج المايكروسوفت اوفيس
التعامل مع البرامج المصممة لدي الشركات والمؤسسات
التعامل مع الانترنت بطلاقة
للإتصـــــال
العنوان الحالي :
حي مشرفة – شارع المكرونة – جدة
هاتف : 00966564972129
بريد إلكتروني: Atif81@hotmail.com (Atif81@hotmail.com)
Qadisiyah
10-18-2010, 08:47 PM
وعليك السلام أخي عاطف ومرحب بيك في دارك
وربنا يوفقك في حياتك العملية وإن شاء الله نسعى
والتوفيق من عند الله وحده
عاطف عبدالملك فضل المولي محمد
10-19-2010, 09:19 AM
تسلم والله يااااا عزيزي qadisyah وربنا يوفقنا جميعا ان شاءالله
كونك رديت علينا والله انا في قمة السعادة وربنا يدوم المعروف
وليد عثمان علي سنقد
10-19-2010, 09:53 AM
حبيبنا ود عبد الملك ..
تحياتي يا غالي ..
أسأله ربي أن ينعم عليك بتمام الصحة والعافية وشغلانية محترمة .. تجني من خلالها الريالات ..
وتعود لاهلك سالم غانم بمشئية الله تعالى ..
وتكون زول عرس سااااااااااااااااااي ..
ونصيحتي ليك في الغربة (لاتنسى زكر الله تعالى ,, وعليك بالإستغفار فإنه مخرج لك من كل ضيق) ..
وربنا يصلح الحال ..
ودام الود ...
عاطف عبدالملك فضل المولي محمد
10-19-2010, 10:01 AM
ياااااااا صديقي ولد والله افتقتك كثير كيف عامل واحوالك ان شاءالله عافية وكيف الجريف علي حسك ... الريالات سااااااهلة ،،، بس انت شوف ليينا العروس السمحة ... هههههههههه
ودام الود ،،،
الهندي بشير نابري
10-19-2010, 10:27 AM
الغالي عاطف ..
موفق ان شاء الله وماتشيل هم ربك حيسهلها قريب .
عاطف عبدالملك فضل المولي محمد
10-19-2010, 10:32 AM
تسلم يااااا مدير ان شاء الله تفرج قريب ،،، ربنا بعدلها
سرحانابية
10-19-2010, 10:34 AM
السلام عليكم وفقك الله وسهل طريقك واتمنى ان تساعدني في بعض الامور التي تخص صيانة الكمبيوتر والبرمجة اصلآ انا خريجة علوم الحاسوب ونشاء الله ربنا يرزقك بالوظيفة البتكفيك انت واهلك المساكين والله يعين واعمل بنصيحة اخونا وليد
ابوالاء
10-19-2010, 11:05 AM
الاخ عاطف وفقك الله في بلد الحرمين وما تنسانا بصالح الدعوات كلما ذهبت للحرمين وربنا ينور ليك طريقك ويسهل ليك . . . .
وكما قال لك الأخ وليد سنقد :
بعد الشغل ما باقي ليك إلا البنت السمحة
عاطف عبدالملك فضل المولي محمد
10-19-2010, 11:31 AM
وعليكم السلام سرحانبية ،،،،
ربنا يوفق الجميع ويفتحها علينا جميعاً ،،
اما بخصوص الصيانة انا في الخدمة علي طول ما نبخل عليك بعلومة ابدا ....
ودام التواصل ،،،،
عاطف عبدالملك فضل المولي محمد
10-19-2010, 11:36 AM
عزيزي ابو ولاء لك التحية الحاااااره ،،،
كيفك يا ملك مشتاقين والله كتير ،، والدعوات والله دعيت ليكم قبل ما تسأل وربنا يستجيب الدعاء ان شاءالله ،،
ونصيحة وليد دي جاريا في دمنا من زمااان والحمد لله ،،، لكن المهم العرس .. ههههههههه
مضوي محمود
10-19-2010, 02:55 PM
بسم الله الرحمن الرحيم
الأخ عاطف
سلام من الله عليكم
لا أريد أن أكون تقليديا جدا والقي علي مسامعك جملة أو جملتين من التمنيات أو التعاطف ثم أذهب .. بعد ما اطلعت علي سيرتك الذاتية ومؤهلاتك ومع رغبتك الواضحة جدا في العمل .. أسفت والله للظروف التي تجعل أمثالك يضربون في بلاد الله يبحثون عن العمل وذلك بسبب الأحوال التي تمر بها بلادنا والتي يعلمها القاصي والداني.
نصيحتي ليك لا تصر انك لازم تبدأ من حيث انتهيت .. ياما أصحاب مؤهلات عالية بدأوا بدايات متواضعة ثم بالعزيمة انفتحت أمامهم كل الأبواب المغلقة بعد أن أثبتوا لمن حولهم انهم يستحقون أكثر من ذلك.. فوجودك في ساحات العمل مهما كان متواضعا فهو ضروري لاستمرار الحيوية والتفاؤل والكفاح .. أنا شخصيا أعرف عشرات من أصحاب الدرجات الرفيعة وهم يبحثون عن الوظيفة التي تناسب مؤهلاتهم شهور وسنين ولا يجدوها ..
نجي لضرب الأمثال .. قبل حوالي 10 سنين لما جينا السعودية لقيت واحد زميلنا ما في داعي للاسم ليه 6 شهور يبحث عن وظيفة مناسبة .. وبعد شهرين من حضوري يئس من ذلك ورجع نهائيا .. وشخصيا بعد أن استسلمت للأمر الواقع رضيت بأن أعمل براتب متدني جدا .. والحمد لله بعد ذلك تحسنت الامور وصارت أروع حتي مما كنت أتمنى ..
انشاء الله القادم اجمل ... ومرحب بيك مرتين .. مرة في المنتدى .. ومرة في وادي الدواسر ....
عاطف عبدالملك فضل المولي محمد
10-19-2010, 03:12 PM
وعليك السلام استاذنا مضوي محمود ،،،،
كلامك جميل ونصايحك في محلها ولازم الواحد يعمل بيها ،،، واذيدك في الشعر بيت انا من النوع البشتغل اي شغل ،،، وان شاءالله ربنا يفتحها علي الجميع قول امين ،، يزيدك من نعيمو ..
مع خالص احترامي ،،،،
محمد علي
10-22-2010, 07:06 PM
الأخ عاطف عبدالملك
لك التحية والتقدير
ربنا يوفقك إن شاء الله في تحقيق أهدافك ، وتأكد ما دام وصلت إلى هذه البلاد بعزيمة وإصرار فإن التوفيق سيكون حليفك .
وعليك العمل بنصيحة الأخ مضوي فإنها نصيحة غالية جداً لأنني عملت بها أول ماحضرت للمملكة وفي جدة بالأخص ، وإياك أن تعتمد على غيرك في سداد المصروفات مثل الميز والإيجار وإياك أن تسكن مع بعض العوائل مهما كانت درجة القرابة .
أخي الكريم .. أنت بجوار الحرم المكي والحج على الأبواب ولا يكلفك ذلك أكثر من مئة ريال ، فتوكل على الله وقم بأداء فريضة الحج وأدعو الله بنية صافية أن يوفقك في العمل .
وما التوفيق إلا من عند الله
عاطف عبدالملك فضل المولي محمد
10-25-2010, 11:50 AM
ياااا سلام عليك يا اخي العزيز محمد علي والله من غير مجاملة كلامك ريحني جدا ودخل في قلبي السرور وغير فكري مع انني قد عزمت الرحيل الي السودان ... وكلامك دا خلاني اعيد حساباتي من جديد ... مشكور كتير يا عزيزي
ودام الود ،،،
اسماء
10-26-2010, 08:30 AM
الاخ عاطف ربنا اوفقك
ومشاءالله حظيت بنصائح اخويه فاعمل بها وسوف يكون النجاح حليفك ان شاءالله.
اللهم رد غربتنا جميعا" سالمين غانمين.
الشفيع حسن الفاروق بابكر
10-28-2010, 04:35 PM
الأخ عاطف عبدالملك
لك التحية والتقدير
ربنا يوفقك إن شاء الله في تحقيق أهدافك ، وتأكد ما دام وصلت إلى هذه البلاد بعزيمة وإصرار فإن التوفيق سيكون حليفك .
ابو ستو
10-28-2010, 06:51 PM
الأخ عاطف عبدالملك
لك التحية والتقدير
ربنا يوفقك إن شاء الله في تحقيق أهدافك ، فتوكل على الله وقم بأداء فريضة الحج وأدعو الله بنية صافية أن يوفقك في العمل .
وما التوفيق إلا من عند الله
شوف يا زول
كلام محمد على بتاع الكوتشينة دا كلام قيم .. ولسع محيرني بسؤاله : اللعب بدون عوض حرام ؟ (عوض) دا منو المنتظره واللعب بدون حرام ولا حلال !! ما لعب يا مسنفك يا (سيك) .. شابكنا (عوض) .. فأعمل بنصحه !
فاتقوا الله عباد الله وتوكلوا على ربكم فالتوكل من أعمال القلوب وهي عبادة لا يجوز صرفها لغير الله وهي اعتماد القلب على الله وثقته به وأنه حسبه وكافيه واليقين بأنه لا يعطي ولا يمنع ولا ينفع ولا يضر إلا الله سبحانه وتعالى.
وقد أمر الله جل وعلا بهذه العبادة قال تعالى: [فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ].
بعد موسم (الحج) بإذن الله .. للاجابة على الآتي :
مع احترامي لمؤهلاتك العلمية ..
.. هل لديك خبرة في عمل السكرتارية ..
علي الامين
10-29-2010, 08:03 AM
تحياتي للجميع و أقول من تجربتي الشخصية في هذه البلد الطيبة هو أن يملك الإنسان رخصة قيادة و جرأة علي الدخول في أي مجال و أن ينسى مادرسه في السودان بمعنى أن يبحث عن عمل في مجال تخصصه . المهم هو إن وجد عمل في أي مجال أن يستفيد من الدرجة الاكاديمية التي حصل عليها أن يستوعب متطلبات العمل الجديد . لقد كنت محظوظاًُ أنني عملت في نفس مجال تخصصي و لا أخفي عليكم الإختلاف الكبير بين خبرتي العملية التي إكتسبتها في السودان و بيئة العمل هنا ، لكن إستفدت من خلفيتي العلمية في التعاطي مع كل المستجدات . و لقد جمعتني بيئة العمل بأشخاص أتوا من بلادهم و هم يحملون شهادات في مجالات مختلفة وجدوا أنفسهم في بيئة عمل بعيده كل البعد عن مجال دراستهم فبذلوا مجهوداً جباراً حتى فتح الله عليهم . و هناك من يعتبر خالي الذهن لكنه اليوم يعد من النخبة ، لماذا لا نكون كاليابانيين يبدأون حيث وقف الناس و يبدعون و يطورون . طالما الانسان اتى من بلده لتحسين وضعه فليضع امامه كيف يجمع المال الحلال . و ختاماً أسال الله لك التوفيق و ما تنسى الجح و العمرة و أكثر من العمرة و عليك بالدعاء
عاطف عبدالملك فضل المولي محمد
10-29-2010, 05:59 PM
اختنا اسماء كيف صحتك وكيف عامله مع الغربة ،،،
واخير سمعنا صوتك بعد غيبه ... وربنا يرد غربتنا جميعا ان شاء الله ،،،
عاطف عبدالملك فضل المولي محمد
10-29-2010, 06:02 PM
الشفيع حسن الفاروق ،،،
كيف يا راجل واخبارك ياااااااا دفعة
ما شيل هم ربنا بعدلها ،،،،
عليك الله ما تنسي تحياتي للشباب كلهم ،،
عاطف عبدالملك فضل المولي محمد
10-29-2010, 06:20 PM
التحية والإجلال للجميع ،،،
السلام عليكم ورحمة الله وبركاته ،،،
أنا سعيد والله جدا علي اهتمامكم ونصا يحكم الغالية ،،، ودا حقيقتا الكنت محتاج ليهو السؤال عننا والحمد لله دعواتكم الصادقة استجابت وربنا وفقني واشتغلت محاسب في شركة في( الباحة). ذلك الفضل من الله ... واطمئن الاخوه الو صوني علي الحج إن شاء الله نويت الحج السنة دي إن شاء الله وربنا ان شاء الله يسهل أمري ،،،
انتو عارفين طبعا البجي جديد للمملكة بكون طافش وزهجان وعايز يرجع لكن والله والله والله وقفتكم معاي وسؤالكم عني غير رأي واستقريت أخيرا الحمد لله ..
(بس بعد دا جايكم بمشكلة تاااااااااااااااانية العرس دايرين العرس،،، ههههههههههههه..)
ربنا يوفقكم جميعا ياااااااااااارب
وتدوم الصداقة والمحبة والاخاء
اسماء
10-30-2010, 10:08 AM
الف مبروك ومذيد من التفوق والنحاج باذن الله.
مضوي محمود
10-31-2010, 07:53 AM
الأخ عاطف...
مبروك الوظيفة .. بس في نصيحة أخيرة .. ما تنسي خروف الكرامة من أول مرتب
علي شرط اكون سواكني .. وتعمل دعوة في المنتدى .. ونحن علي استعداد للحضور
الى الباحة ..
عاطف عبدالملك فضل المولي محمد
11-01-2010, 02:24 PM
الله يبارك فيك و تسلمي ياااااا صديقتي اسماء ،،،
عاطف عبدالملك فضل المولي محمد
11-01-2010, 02:28 PM
الله يبارك فيك عزيزي مضوي محمود ،،،
ابشر ان شاءالله نلبي ليك نصيحتك ( دي ما نصيحة دا طلب .. هههههه) بس لازم يكون في حضوركم ،،، اسمع بيني وبينك كدا مايسمعنا زول الخروف السواكني بكم ...؟؟ ههههه
علي الامين
11-01-2010, 03:03 PM
تهانينا و بالتوفيق ، و نصيحتي لك وسع صدرك سوف تقابلك عقبات كثيرة من واقع التجربة يعني عامل الجميع بما يرضي الله و أحتسب الأجر عند الله .
محمد علي
11-04-2010, 11:38 AM
الأخ عاطف عبدالملك
أولاً أهنئك على الحصول على الوظيفة ، ولكن عليك الحذر ، فإن وظيفة محاسب هي من أخطر الوظائف في هذه البلاد .
وحيث أنني أعمل في هذا المجال ، فإليك هذه النصائح والإرشادات الأخوية :
1/ لا تجامل ولا تتساهل في عملك .
2/ راجع المستندات بدقة وحذر ، ولا توقع أو تعتمد أي مستند إلا بعد التأكد التام من صحته .
3/ راجع ودقق المبالغ في سندات القبض والصرف أرقاماً وتفقيطاً .
4/ عليك التأكد من أن أي عملية مالية مدعومة بالمستندات المؤيدة لذلك .
5/ إذا كان معك بعض المحاسبين المصريين فعليك بالحذر منهم ، فإنهم يضحكون معك ويدفنون لك ويطعنوك من الخلف .
6/ إحذر مندوبي المبيعات وبالأخص الشوام .
7/ لا تورط نفسك في أي عمليات مالية مشبوهة ، فتح عينيك وشغل مخك ، هناك عدد كبير من المحاسبين في السجون مدانين في عمليات إختلاس وسرقة وهم أبرياء ولكن أغبياء .
8/ خليك دقيق في عملك ومخلص لأصحاب العمل ، وأجعل علاقتك طيبة مع رئيسك المباشر وبقية الزملاء .
وفقك الله
عاطف عبدالملك فضل المولي محمد
11-04-2010, 03:54 PM
تسلمي ياااااااااا الغالي ،،،،،
شكرا علي النصائح المفيدة وبارك الله فيك عزيزي محمد علي وان شاءالله اعمل بها كمان اعمل بها الان وهذه النصائح الغالية ما تاتي الا من اخو اخوان وقلبه عليك ... لذا بشكرك كتير كتير وربنا ما يحرمنا منك ....
قصة المصريين دي شنو الاخوان حزروني كتير منهم .. ههههههه
الشفيع حسن الفاروق بابكر
11-04-2010, 04:12 PM
الف الف الف مبروك الوظيفة ربنا يوفقك انشاء الله ، سلامك يصل للجميع انشاءالله اعو لينا معاك .....
عاطف عبدالملك فضل المولي محمد
11-06-2010, 07:03 AM
تسلم يا عزيزي واخي وصديقي الشفيع .... ربنا ان شاء الله يتقبل الدعوات ... فول آآآآمين ..
ابوالاء
11-06-2010, 07:41 AM
الاخ عاطف ملياااااااار مبروك الوظيفة ربنا يوفقك انشاء الله ويحقق أمانيك بس نصيحتي ليك أمسك درب الله كويس وأعمل حسابك من أي زول وما تسمع كلام أي زول ساي ...
أها بعد ده بس باقي ليك العروس وطبعاً أكيد اليومين ديل بكونوا واقفين بالطوابير في بيتكم ( عريس مغترب وكده ) .
وبالتوفيق يا غالي
علي الامين
11-06-2010, 08:02 AM
أستاذ محمد علي تسلم لقد أوفيت النصح .
ابو تراجى
06-19-2011, 07:13 PM
الزول ده فى جدة ؟؟؟؟؟
داير تلفون غير المكتوب هنا لانوا مقفول
امل الاتصال بالرقم 0505344310
او 6290064
ابو تراجى