ابناء الجريف وتمرين يوم الجمعه الموافق 26/6/2009 واحداث جميلة

[الهندي بشير نابري]

تفاصيــل جميلة .. ويوم ساحر من ليلته السابقة
ولقاء ابناء الجريف شرق على مباراة كرة قدم تحكي عن تفاصيلها الصور ... أقوان تخش وتمرق ومافي زول جايب ليها خبر ..
بدأت الاحداث في قرابة الساعة الحامسه من عصر يوم الجمعة الموافق 26/6/2009م في ميدان بحي الجرادية (قريب من بيت ناس عمر حسن)
وكنت انا وعبدالله نابري وبدر عبدالماجد ومعز عمر كمال الدين أول الحضور .. وأول ماوصلنا عبدالله نابري قال ياجماعه انا موش قلت ليكم جينا بدري شدييييد وبعد قليل زين المكان حضور عمنا ابراهيم الحبشـي وأبنائه ثم حضور شلة من بين شلليات الرياض بقيادة سامي الشيخ (المايسترو ) ومعه كل من محمد السيد وتسالية وعامر والمعز السماني
وبعد قليل وصل مصطفى الحسـاني وبعض الحضور منهم الاخ الصادق وآخرون أفضو في المكان جمالاً مشهود ... وكان ابطال المباراة البراعم ومنهم ابن عمنا ابراهيم الحبشي الذي كسر صمت شباك ناس معزعمر بحوالي سته أو سبعه أقوان والله أعلم يمكن أكتر ولما جا الشوط التاني برضو هز الشباك الكانت في القون التاني برضو .. ماشاء الله
وبدأت الاحداث وانا شايل الكاميرا وإليكم صورة الفريق أو مزيجاً من المجموعتين مع بعض

http://i87.servimg.com/u/f87/11/77/43/79/dsc04010.jpg (http://www.servimg.com/image_preview.php?i=248&u=11774379)



* محمد السيد بدأت المبارة وبدأ معها في تسخين ونشاط وخلته يسجل خمسه أهداف مع كبر القون .. لكني تفاجأت بأنو رسلوهو للدكان وفاااات والكوره لاعبه وماظهر إلا في نهاية الكورة واستغربته سألته قال لي أنا قاااااااعيييد .. (طبعا الكلمة السابقة مجروره)
http://i87.servimg.com/u/f87/11/77/43/79/dsc04011.jpg (http://www.servimg.com/image_preview.php?i=249&u=11774379)


بدأت المباراة وهجمه سريعه ومباشرة استلمها معز عمر بالحضـن ولمست الكورة يديه الاتنين وهنا تدخـل عبدالله نابري زي القدر وأبدى الاستعداد لأن يحكم المبارة وليزيل الظلم الكائن واقع بين تضارب الأقوال وانا قلت ليهم الزول ماقاصد مشوها ليهو وعبدالله تدخل وحسبها ضربة جزاء ضد فريق عمر حسن ولصالح فريق المايسترو ومحمد السيد (ليه ياشمعه مساهره) وكان حارس المرمي عمر حسن وكان مصير الكورة معروفاًَ في قلب المرمى والدوام لله .. قون رقم واحد .
http://i87.servimg.com/u/f87/11/77/43/79/111.jpg (http://www.servimg.com/image_preview.php?i=250&u=11774379)

* اكتشف عبدالله نابري ان تسجيل الأهداف أمراً سهلا وأطلق كلمته المشهورة للفريق الآخر ياجماعه انا داير ألعب وطبعا حالياً هو حكم المباراة ولما وجد معارضه قال ليهم بشكل يحنن والله ويقطع القلب "ياجماعه انا والله آبسوي شوي خلوني النلعب ساي" لتختل الكفة حسابياً لكن واقعياً حالها كما هو واصبح الفريقين في عراك وعبدالله نابري قاعد في الجناح اليمين ماسكه مسكه شديده مايفرفر لاجاي ولاجاي .. جاتو الكوره الأولى وسكاها وربنا ستر ماوقع على وشه ربنا لطف الحمد لله .. وجات الكوره التانية وانتهت معاها لياقة عبدالله نابري لأنه بذل فيها مجهود كبير جدا في محاولة جاده للتصدي للكرة وإليكم الصورة لتحكي لكم

http://i87.servimg.com/u/f87/11/77/43/79/212.jpg (http://www.servimg.com/image_preview.php?i=251&u=11774379)

ولحدي هنا وخلااااااااااااااااااااااص اللياقة انتهت والتمرين ده عمل فيهو عمايله وجاهو تمزق
وهذه الصورة التالية والتي تثبت حدوث التمزق

http://i87.servimg.com/u/f87/11/77/43/79/311.jpg (http://www.servimg.com/image_preview.php?i=252&u=11774379)


* معز السماني كان لاعب متألق لمدة خمسه وعشرين دقيقة من المباراة التي استمرت تسعين دقيقه وعزينا السبب لعدم تأقلمه مع البلد الجديدة والجو الجديد والصورة التالية تحكي عنه في كامل لياقته في بداية المبارة لكن في نهايتها سبحان الله قادر الله في خلقة بس التقول جاب ليهو قون غير القون الجابه بيضة في عمر حسن لما كانت سايبه في بداية المبارة وجابو بالكعب والكوره دخلت قوت وعمر حسن كان لسه قاعد يعاين في الملعب منتظر الكوره تجيه

http://i87.servimg.com/u/f87/11/77/43/79/511.jpg (http://www.servimg.com/image_preview.php?i=253&u=11774379)


تسالية ... حكم غير نزيه نهائياً .. دخل ليحكم المبارة وأنا الوسواس يلعب في راسي لأني أخاف على الصالح العام وتسالية دوماً يتجاوز الحدود والمشكلة انو مابقدر على المشاكل يولعها ويقعد ينطط ونقعد نحنا نحجز .. وقلنا ليهو ياريت لو لمّ فيك حسن عوض وايمن السر اسه كان نتفو ريشك كويس وعرفو ليك أكان تنبقص وتبطل طولة لسـان كان رده قائلاً والله انا اجر لي كرسي واقعد ليهم مافي زول بيقدر علي ونحنا نشيل ونسخن في المديده وكان ناقصنا عصام عبدالصادق لكن ياخسارة قالوا اصيب في التمرين الماضي لما ابو تراجي عمل عملته قبل مايغادر ارض الرياض في المباراة على شرفه حيث اضطر ابو تراجي لأن يأخذ بالثأر من عصام بعد ان تواطئ الفاتح فضايلوا في الحكم في قضيتهم " الطاقية " وخصوصا بعد ان استغل عصام عبدالصادق سلطاته وهدد الفاتح فضايلو بالاشتراك السنوي في عضوية الجمعية ..
ومنذ ذلك الزمن والى الآن عصام عبدالصادق حرمت عليهو الملاعب .. والله يجازي ابو تراجي الكان السبب .
خلونا نرجع لتسالية وانظرو للصورة القادمة حيث احتسب تسالة ضربه حره غير مباشرة لصالح فريق عمر حســن وطبعاً كانت مغشوشه فلعمر حسن نفوذه في البلد وكلمته مابتنزل واطه والقينان الدخلن عليهو نص النهار لازمهن تعويض شويه وهنا تسالية شالته الهاشمية وحسب ليهم ضربه حره مباشرة ولا غير مباشرة والله مامتأكد المهم ضاعت برضو وماجات قون الظريف في الامر تسالية حسب المسافه برجله للحائط البشري وكما ترون محمد السيد واقف وقفه نص كم يعني واقف وماواقف وبعد ده ماوقفوا في المكان الذي حدده الحكم يعني تسالية قاعد في النقعه ومابعرف أي شئ

http://i87.servimg.com/u/f87/11/77/43/79/611.jpg (http://www.servimg.com/image_preview.php?i=254&u=11774379)


وقام عمر حسن بالتسديد بقوة شديده وكانت الضربة من نصيب ضهر محمد السيد وعجبنا ليهو علشان تاني يقيف عديل



* اما العريس معز عمر كمال الدين (إخناتون ) فكان يجري بحثا عن الكرة في يمين الملعب بينما هي دخلت القون ويدعي انه على لياقة تامه .. كع كرع
وكترنا ليهو في الصور لأنو زي ماقال ده عهد جميل في حياته تاني ماحيتعاد والزول يادوب جاي من رحلة زواج لينا بحاله

http://i87.servimg.com/u/f87/11/77/43/79/711.jpg (http://www.servimg.com/image_preview.php?i=255&u=11774379)


* عمر حسن أبو مصعب أثبت للجميع أنه مؤهل تماماً لاعادة التسجيــــــل ومنافسة الشباب وخلق أزمة في السوق المحلية والعالمية .. بلياقته ماشاء الله واداركه لخطوط سير الكرة اينما كانت وكان يتصدى لها اينما ذهبت بس مشكلته مابيعرف يلعب قون نهائياً وحصلت الأزمة في عهده ..والاقوان نزلت بالهبل .. لكن دا حال الدنيا والزول عليه بالصبر على مراد الله والدايم الله والحمد لله على مراد الله ..وحدووووووووووووووووووووووه


http://i87.servimg.com/u/f87/11/77/43/79/dsc04012.jpg (http://www.servimg.com/image_preview.php?i=256&u=11774379)

[الهندي بشير نابري]

الغالي بدر عبدالماجد يشرف المكان بحضوره الفخيم في منصة الشرف يشاهد ويشجع الجميع ونفسياته تمااااام التمام بعد خروجه من أزمه شديده كانت مستمره لمدة ثلاث شهور والعايز يعرفها يسأله
والله كانت ازمه شديده جدا جدا جدا كدي أسألوهو


http://i87.servimg.com/u/f87/11/77/43/79/811.jpg (http://www.servimg.com/image_preview.php?i=257&u=11774379)


عوض محمد أحمد وبعد ان اشتكاني مرارا وتكرارا لأبوي قائلاً أني أتعمد ما اصوره ولا انزل صورته في المنتدى وأنه الكاميرا بتاعتي بتجيبو شين لكن اصريت المره دي انزل صورته واحداً من الحضور في ذلك اليوم المشهود مع اني بذلت مجهود جبار في خروج الصورة بهذه الشكلية عليما بأن امكانياتي محدوده جدا في الفوتوشوب أما الكاميرا فهي جديده والله يعني لو في اي مشكلة في الصورة والله العظيم وكتابه الكريم لامني ولامن الكاميرا ولامن الانترنت
ولامن الشاشه بتاعت الكمبيوتر

http://i87.servimg.com/u/f87/11/77/43/79/911.jpg (http://www.servimg.com/image_preview.php?i=258&u=11774379)


أحد البراعم ابن عمنا محمد زين برضو سجل كم قون
http://i87.servimg.com/u/f87/11/77/43/79/1011.jpg (http://www.servimg.com/image_preview.php?i=259&u=11774379)

نجم المباراة ومحرز الخمسه أهداف في شباك عمر حسن ومحمد شمعه مساهره

http://i87.servimg.com/u/f87/11/77/43/79/1110.jpg (http://www.servimg.com/image_preview.php?i=260&u=11774379)

عمنا عمر حسن وبجانبه عبدالله نابري وبدر عبدالماجد بله وكان يحكي لهم عن خطته لمسيرة المباراة هذه وكيف سيقود فريقه المكون من سبعه لاعبين قبل تفكير عبدالله نابري للاننضام اليه

http://i87.servimg.com/u/f87/11/77/43/79/dsc03910.jpg (http://www.servimg.com/image_preview.php?i=261&u=11774379)

[الهندي بشير نابري]

اللاعب المتألق سامي الشــيخ ( المايسترو) دوما ما يختلس التواجد بالمنتدى ومسجل قديييييييييييم لكن لايشارك ولم يشارك إلا قليلاً ومتواجد وقارئ ومتابع ممتاز للمنتدى يظهر الآن في الصورة دي في القون .. يعني ياسامي قايل رقبتك مسكت الكوره .. يمين خشت قون ومشيت سكيتها وجبت الكوره راجعه من بعد الظلط ..
http://i87.servimg.com/u/f87/11/77/43/79/1210.jpg (http://www.servimg.com/image_preview.php?i=262&u=11774379)


تسالية يتوسط القعده وينضم عربي وافرنجي كلام موزون وكلام ملخوم وملخبط عبدالله قال ليهو انت بس علاجك في المينقو وحسن عوض وانا قلت ليهم لا لا لا الزول ده بيعرف ليهو ايمن الســر كويس بيعرف يعدل راسو تمام وهو ممغوس والقعده غالباهو ماسك الكيس الجنبه ده وبدر عبدالماجد يسخن في المديده عمايل عصام عبدالصادق وعوض محمد أحمد قاعد ورا ماعارف الناس بيتكلمة في شنو والمينقو دا منو وعمل في تسالية شنو وحسن عوض ده منو وعمل في تسالية شنو وانا اشيل واسخن في الكلام وزولنا لما يتعصب وعروقه تنتفخ نحنا نمووووووت من الضحك ...والله قعده بس كان ناقصنا عصام وكان يكون الفلم هندي فعلاً والاحداث كانت تكون أحلى ... بالمناسبة طبعاً بدر عبدالماجد متخصص في تسالية تخصص عديل

http://i87.servimg.com/u/f87/11/77/43/79/1310.jpg (http://www.servimg.com/image_preview.php?i=263&u=11774379)


عمر حسن ومعاويه في لقطه تاريخية بالقرب من القون الذي شهد هزات عجيبه في العاضة والقائم اليمين والشمال وكان عمر حســن رافعاً الراية البيضاء وحاله يحنن بعد غياب عصام عبدالصادق الذي كان يشد من ازره لكن نشكر لعمر حسن صموده الشديد أثناء المباراة وتقبله الكم الهائل من الاقوان الذي دخلت بصدر رحب روح رياضية عالية جدا
http://i87.servimg.com/u/f87/11/77/43/79/1410.jpg (http://www.servimg.com/image_preview.php?i=264&u=11774379)

[الهندي بشير نابري]

محمد السيد طبعا اسمه (ليه ياشمعه سهرانه) وياما علقت ليهو على الاسم وقلت ليهو بدر عبدالماجد زمان عمل بوست في الاسماء المستعارة دي وعبدالله نابري قال أصلو زول اسمو مستعار مابرد ليهو كلو كلو جتى لو الزول جاهو وزاره في اي بوست من بوستاته الشهيره وبعد الكثير منالمحاولات الفاشلة مع محمد السيد انا غايتو سميته (ياشمعه ليه مساهره مالك ) في الصورة دي صاحبنا قاعد يسخن يعني قاعد ينط في الحبل والله انا اسه شايل هم الحبل زااااتو يكون مستغرب استغراب شديد وداخل في اضافريهو والله العظيم جد .. وبعد ده ياريت لو ساي جاب ليهو قون زي حق سامي الشيخ لما طلع من الملعب شرب ليهو خغمة مويه ورجع ؟؟!! وبمجرد دخوله للملعب جاب ليهو قون في عمر حسن .. والله عمر حسن زاتو اتكيف خليك مننا نحنا الجماهير .. والغريبة انو عبدالله نابري كان وقتها حكم المباراة ولم يرى هذا القون لكن طبعا مافي طريقة مايحتسب لأنو قون بالثابته نحنا قبضناهو وما بنتغالط فيهو كلو كلو ...

http://i87.servimg.com/u/f87/11/77/43/79/1510.jpg (http://www.servimg.com/image_preview.php?i=265&u=11774379)
[/URL]

هنا ناس محمد السيد الشمعه المشاهرة الليل كله جابو قون ومحمد السيد قاعد يكاوي في معز ومعز عامل فيها ماداير يقتنع ليهو بالقون ده وطبعا معز محروق شديد لكن برضو ماداير يقيف قون


[URL="http://www.servimg.com/image_preview.php?i=266&u=11774379"]http://i87.servimg.com/u/f87/11/77/43/79/1610.jpg (http://www.servimg.com/image_preview.php?i=265&u=11774379)

الأخ المايسترو سامي الشيخ فيحالة مزاجيه عاليه جدا ومامعروف غايتو ياقاعد يسخن يا ماشي يسك ليهو كوره مرقت قطعت الظلط
http://i87.servimg.com/u/f87/11/77/43/79/1710.jpg (http://www.servimg.com/image_preview.php?i=267&u=11774379)

معز السماني في حالة مزاجيه عالية أيضاً لأن النتيجه غير معروفه من الفائز ومن الخاسر وفي أقوان كتيره اتسجلت غايتو .. لكن مامعروفه وبالتالي مافي زول حيسأله .. ياجماعه والله التمرين القاعد يحصل يوم الجمعه ده قاعده تحصل فيهو قصص كتيره الناس ماجايبه خبرها ناس تتوقع من غير سبب وقينان يخشن ساااااااااااي زول بيقوليهن هوي مافي وفي موضه اسمها شد عصبي
وزي محمد السيد القاعد ينط في الحبل لكن ليكم علي
اسبوعياً انا مراسلكم

http://i87.servimg.com/u/f87/11/77/43/79/1810.jpg (http://www.servimg.com/image_preview.php?i=268&u=11774379)

لنا لقاء مع البقية من الصور ان شاء الله

[بدر عبد الماجد بله]

الهندى كتب :

تسالية يتوسط القعده وينضم عربي وافرنجي كلام موزون وكلام ملخوم وملخبط عبدالله قال ليهو انت بس علاجك في المينقو وحسن عوض وانا قلت ليهم لا لا لا الزول ده بيعرف ليهو ايمن الســر كويس بيعرف يعدل راسو تمام وهو ممغوس والقعده غالباهو ماسك الكيس الجنبه ده وبدر عبدالماجد يسخن في المديده عمايل عصام عبدالصادق وعوض محمد أحمد قاعد ورا ماعارف الناس بيتكلمة في شنو والمينقو دا منو وعمل في تسالية شنو وحسن عوض ده منو وعمل في تسالية شنو وانا اشيل واسخن في الكلام وزولنا لما يتعصب وعروقه تنتفخ نحنا نمووووووت من الضحك ...والله قعده بس كان ناقصنا عصام وكان يكون الفلم هندي فعلاً والاحداث كانت تكون أحلى ... بالمناسبة طبعاً بدر عبدالماجد متخصص في تسالية تخصص عديل


لك التحية باشمهندس الهندى دائماً أنت صانع الابداعات وحقيقة يوم كان حافل وجميل جداً جداً وإفتقدنا فيه اللاعب عصام ( شعيرية ) ولكن الجايات أكتر من الرايحات .



نسبة لتخصصى فى الاخ تسالية وجماعته دى شىء طبيعى هذا نهجنا الذى سرنا عليه نحن وقاداتنا وكل الزهور جميلة إلا أن الوردة الحمراء أكثرها جمالاً لانها تزكرنا بدماء الشهداء التى روت شجرة الانقاذ التى ينعم الناس بظلالها الوارفة اليوم وغداً والقادم أجمل .

[عبدالله محمد نابري]

طبعا السبب في انقطاع اللياقة هو هندي نفسه لانو كنا معزومين في بيتهم غداء معي بدر عبد الماجد والعريس اخناتون وجابو لينا بطيخة كبيرة وعويرة .. !!
وبعدين انا نحن كنا لا عبين بخطة 1 - 2 - 3 - 4 - 5 والخطة باختصار كده هي: ( الكيشة قدمو والحقو ).. وقد اتت الخطة ثمارها فقد انتهي التمرين خمسة لواحد بس الواحد حقنا ده جابو عمر حسن في المغربية ويقال انو قوون المغربية احسن من مية ..

[عبدالله محمد نابري]

[center][size=5][color=purple]عمنا عمر حسن وبجانبه عبدالله نابري وبدر عبدالماجد بله وكان يحكي لهم عن خطته لمسيرة المباراة هذه وكيف سيقود فريقه المكون من سبعه لاعبين قبل تفكير عبدالله نابري للاننضام اليه

http://i87.servimg.com/u/f87/11/77/43/79/dsc03910.jpg (http://www.servimg.com/image_preview.php?i=261&u=11774379)

طبعا هنا عمر حسن حمزة كان قاعد يقول لينا : خلو الناس ديل يجيبو خمسة اقوان اصلو ما تسألوهم ... بدر كان مندهش من هذه الخطة ولم يفهمها الا بعد ان قام عمر باحراز قوون المغربية الاحسن من المية..

[ليه ياشمعه سهرانة]

الأخ الهندي والله النصيحة جيهتنى لكن نعمل شنو قسمتنا ... لكن عليك الله انا لعاب وله لا ، ومعز عمر عامل فيها لعاب رايك شنو في اللللفه اللفيته ليهو دي ، إنت عارف يا الهندي قالي شنو المعز قالي : لقيتني معوق وإنت تغشيتني أنا ما كنت عارف حاجة عن اللعيبه ... لكن عليك الله يا بدر إنت بتقول النصيحة ؟ أنا لعاب وله لا بالزمممممممممممممممة لان الهندي ما بمرق النصيحة .

[وليد عثمان علي سنقد]

والله يا خلق ..
تخلوا الواحد يتخيل إنو محلق في الجو وراكب الطيار السودانية المابتعلق الناس ..
وتنزل في جدة وتركب مواصلات المايقومات بالترعة ..
وتكورك في الكمساري بس خلاص نزلني هنا نزلني هنا ..
ونحط رحالنا بالقرب من ميدانكم العامر بقلوبكم الصافية ..
وتووووووووووووش بعراريقنا نحش الميدان ..ونجهجه ليكم الكبار والصغار ,,
وندرن لعمر حسن .. ونحقق ليه مراده .. وتجبر تسالية والمصوراتي بأنهم لازم يلعبوا زيهم زي الفجاخ التانيين ..
قال بطيخ قال .. إتو ما عندكم عتان ؟؟

لكم أمني نفسي بأن أكون أحد التيمين اللاعبين ..
بس على شرط بعد التمرين ارجع طوالي علي اهلي ..
تشكر يا هندي على نقل الفضائح ..

ودمتم متمرنين ...

[بدر عبد الماجد بله]

بالزمممممممممممممممة والنصيحة كديى إنت لعاب شديد وشوات شووووووووت شديد بس عمر حسن ألعب منك ولسه هو شباب وفى نظرى كان نجم التمرين رقم ال5 أهداف الكانت والشمس قرع والمثل بقول قرع ودالعباس ال5 بيقرش وال10 هوادة .
وراجعين

[معذ السماني الحاج ياسين]

تحيه وتحيات للهندي (الرشيد بدوي عبيد ) هي الهندي عبد الله نابري
لهذا التحليل الشيق والممتع لاحداث تمرين الجمعه
والتمرين كان جيد وممتع
والشي الذي زاده القا" هو حضور العريس المعز عمر والوجيه بدر عبد الماجد و(المصاب ) عبد الله نابري
ياهندي بالغته مع
محمد السيد
ذي ماقال عصام ( ليه يا شمعه حرقانه )
اما بخصوصي فاقول لك وبما انك نصبت نفسك مراسل للمنتدي من ارض الميدان
فانا اطالب بتصوير كامل للميدان يعني تصوير قديو وكده عشان الناس تحلل بعيونه ما بعيون (الرشيد بدوي عبيد )
ههههه هههه هههه
ولينا عوده
معز السماني

[ايمن السر بابكر]

يا الهندى
بس دايرين معاكم لعبه
شنو دا ميدان ولا شركه l.gكلو تلاجات
ونضارات زحوا عمر حسن دا وتعالوا نتحدااااكم

[مصعب عمر حسن حمزة]

صبكتني بيها يا الهندي بس ماعليك حلوة منك

قبلنا التحدي يا ايمن وإستأجرنا لينا طيارة يوم 15 /7/2009 حنكون هناك جهزوا لعيبتكم

[ابوالاء]

والله يا الهندي ماشاء الله لكن ذي ماقال ليكم ايمن عايزين معاكم مبارة وطبعأ دعمنا فريقنا بإثنين محترفين ( أحمد والطيب) أبناء مبارك عبدالصادق الذين وصلوا بالأمس من كندا

[مصعب عمر حسن حمزة]

لا لا لا لا

[مصعب عمر حسن حمزة]

We wish them a pleasant stay in the Sudan

[ليه ياشمعه سهرانة]

والله كانت اكان بدر المابتلحقو جدعو الكديس ؟؟؟؟؟؟؟؟؟؟؟؟؟؟؟؟ اظن فهمتُ اكان إنت أكان الهندي إنت يا بدر أنا ماصاحبك الليله نسيتني وله شنو
أنا اصتفيتك من دون الناس عشان شكرني إن شاء الله كشكش لي بس ... اصبروا لي يوم الجمعة ، ود سنقد إنت عارفني أنا لعاب وله لا ... الله في

[عصام عبدالصادق]

آهـ ... ثم آهـ
غاب أب شنب ولعب أب ضنب..
أها يا جماعة الخير أبشنب منو وأبضنب منو؟

[مصعب عمر حسن حمزة]

الصور التانية وين يا الهندي