هل الجريف جزء من السودان ام السودان جزء من الجريف

[اسماء]

تقدمت السفيره سيده صباحي بدعوه خاصه لي لزيارة منطقة الجريف شرق تلك المنطقه التي لم تطاها قدمي من قبل فكنت سعيده جدا بهذه الدعوه لاني سوف ارى الجريف على ارض الواقع بعيدا عن الخيال الذي كنت ارسمه لها فكنت كل يوم ارسم لها صوره جديده وعندما اقراء بوست من البوستات التي تتحدث عنها ارجع الى تلك الصوره المرسومه واعدل فيها الى ان صارت لوحه خاصه تحمل عنوان ((مدينتي)) وصرت اسال نفسي كثيرا هل الجريف جذء من السودان ام السودان جذء من الجريف . وتبينت الصوره الحقيقيه عندما وصلت الجريف في تمام الحاديه عشر صباحا"ووجدت السفيره تنطظرني في اول الطريق وكلها فرح بقدومي ولكن المفاجا اننا لم نذهب الى منزلهم مباشره بل تجولنا في المنطقه وزرنا مسجد الشيخ عبدالله نابري وبعدها رجعنا تناولنا وجبة الفطور وذهبنا فورا للتعرف على باقي المنطقه وكان البحر مقصدنا ولكن شاءت الاقدار ان نمر بمنازل بعض الاعضاء :: ابتدا" بمنزل ايمن السر ورحال ( ايهاب ) ومن على البعد منزل صديق النعمه ولم تتوقف المسيره حتى وصلنا منزل عبدو كمبيوتر ((((((((بس كمبيوتر ده اتوقعت انو ازبح لينا خروف وبالعدم واحد من العيانين العندو ديل وخصوصا" كلهم عندهم انفلونزا الخنازير ))))))))))
في اعتقادي شبه حددنا المنطقه ولم نحس بان الوقت قد سرقنا واشارت الساعه الى الرابعه عصرا فرجعنا الى المنزل لتناول وجبة الغداء وسط احتفال اسري رائع بروعة الجريف ....
ومعظم هذه الرحله مدعم بالصور بما فيها ميادين الكره والكمائن الطوب والبحر سوف ترونها انشاءالله .
واحب ان اعترف اعتراف صريح انني اتيت الجريف وانا احمل من احزاني مااحمل ولكن رجعت مليئه بالافراح ونصيحتي من يحس منكم بضيق فاليتزكر انه من الجريف مدينة الاحلام والواقع والخيال والروعه والبحر والخضره والالفه والزوق والطيبه فهذه هي الجريف بل هذا السودان .
وفي الختام اشكر السفيره على هذه الدعوه واشكرها ايضا" على انها اضافت يوم الى عمري.....................

[وليد عثمان علي سنقد]

الأستاذة / أسماء ..
لكم كنت أتمنى ان أكون حضوراً بصحبة الأخت الأستاذة بت بلدي بت صباحي ..
حتى أنل شرف لقاءك واتقاسم معها شرف تشريفك لنا وخدمتك بما يلقيق بمقامك الطيب ..
لعل تلك الليلة قد زادت الجريف شرفاً وتيهاً وبهاءاً على بهاءها بزيارتك الطيبة التي حظينا بها ..
فالجريف يا سيدتي تفتخر بأن وطئت أرضها أقدامك ..
فلكي التحية والتجلة وأنتي في زيارة كريمة لأرض الخضرة والجمال والكرم والشهامة ..
لكي التقدير وأنتي تتجولين بين أزقتها الدافئة .. ومعالمها الطيبة ..
وكم نتمنى أن لا ينقطع حبل الود بينكم ..

ودمتي لنا وللجريف ...

[saida sopahi]

تسلمى والله ياغاليه دا اقل واجب بس فى حاجات كتيره حزفتيها من الزياره لكن بديك الفرصه عشان تحكيها براك عشان ما افضحك يلا قولى الباقى ههههههههههههههههههههه

[معذ السماني الحاج ياسين]

الاخت اسماء التحيه لك والتحيه لسيده صباحي
التي قامت بدعوتك
واقول لك يالهوا من يوم
ويالهو من شي جميل سوف انظر الي الموضوع من زاويه اخري
اختي اسماء فاعزرني
هل تعرفون معني ان يسمع احد بالجريف وبعد
ان يسمع بها يزورها وده كلو من خلال المنتدي
يعني المنتدي (مشهور ) ودي في حد زاتها
تعتبر طفره
وبالجد يا اسماء (حسدتك ) علي الزياره دي
وكم تمنيت هذه الزياره لكي اشتم رايحت بلدي
فلكي مني كل الود وللسفير سيده ود الود
لهذه الزياره التي اسعدتنا
ويا اسماء عليك الله كرري الزياره وخلي ناس
وليد وكمبيوتر ونبيل يكونو في الانتظار
ولنا عوده
معز السماني

[ايمن السر بابكر]

اسماء فى حياتنا
فى حياتنا وجزء من
تاريخنا
ثبتوا البوست دا
يجب معاقبه سعادة السفيره
لانو زياره اختنا اسماء فى حياتنا حدث تاريخى كان يجب الاحتفال به وتوثيقه
اسماء انت بيننا ميلادا ووجود

[الهندي بشير نابري]

الوريفة أسماء ... تحياتي أقصى ماتراه العيون
شكراً ليك كلماتك الجميله في حق جريفنـا وهاهي كل
يوم تزداد نضار ..
الإنتماء للبلد والوطن من أجمل الأحاسيس والجرافة بالذات متفوقين شديد في الاحساس الجميل ده
لكن الأجمل إحساس انتمائك ليها وفرحك بزيارتك ليها ..
شكراً ليك كتير كلماتك وشكرا أكتر لزيارتك مسجد جدنا المرحوم حاج عبدالله نابري بس ياريت لو سيده أعلنت عن الحدث ده ان قبل زيارتك علشان تتلم الشله .... ومازلنا في انتظار الصور لتحكي لنا

[عبدالله محمد نابري]

يا سلام يا اسماء .. مشكورة كتير على الزيارة وانشاء الله نجيك في البسر الباااال ويخلي الولد خال ..
بالجد احسست برعشة عندما تخيلتك تتجولين في الجريف وداك بيت ناس صديق وداك بيت ناس كمبيوتر "عندهم كلب" وديل دكاكين عصام الفي الزلط ...
ومشكورة على زيارة مسجد جدنا حاج عبد الله نابري وجزاك الله الف خير ..
واعتقد انو زيارتك دي اجمل هدية للمنتدى الجديد ..
والمنتدى ده شغال يا ناس ..
شغال شغل قرف !!

[حسن]

الاخت اسماء مشكوره للحضور الانيق وتتشرف الجريف بزيارتكم الكريمه
كانت مفاجا الزياره للجريف .. وكان كلمتنا كماذكرا الاخوه كنا فرشنا السكه ورود وجميل انها كانت مفاجا عشان نرى الجريف شرق بعيون الاخرين دون مجامله
التحيه للاخت السفيره سيده صباحي للدعوه الكريمه وعكس وجه الجريف شرق وعقبالنا ماندعوه الاخوه العرب والاجانب

[البــ ع ــد الثالث]

الشكر والتقدير لكى والتحية والعرفان لمن دعاكى والاثنتين معا أكتبها لكى من شارع النص لانكى لامحال لمحتى بطرفة ام عينكى عتبة بيتنا الكائن جنح الطرق
ولكى كل ودى وتقديرى للخلاصة الادبية التى سرتى بها مضمون الزيارة ونهديها لكى نيشانا للاخاء ونكتب فيه
(نحن منكى وأنتى منا)
وكلنا معا سنرتقى لمعانى سامية ذات قيم رصينة، وتفصيليا تصبح الاخوة اكثر قدسية بين أسماء والسفيرة القديرة بت صباحى من شق ، وأسرة المنتدى من شق اخر.... لما؟
لانكم متهمين بعشق تراب تلك الارض وتهجمكم عليها فى العصارى سائحين ومتنعمين بما هبها لها رب العزة والجلال من جمال
وحينها ستحكى كل صورة ماخوذة حكاية لكل عين نظرت لها من قرب قصة لزمان مضى ونقش يومها تزكارا لاناس مازال معا
ويسعدنا كثيرا أن تكون الزيارات بين أعضاء اسرة المنتدى ميدانية وعلى أرض الواقع.أكثر من أن تكون بين سطورة انتقادا وتباعدا فكريا.
ولكى عبق الذكريات من مدينتى حلما اتمناه ان يساوركى كل مساء والى أرزل العمر
حلم تحكيه كل صباح لمن تصطفيه من عباد الله ،وان كانت القلوب عند بعضيها
القصد (من أحببتهم)

[Sudania]

اسماء كما زكر غيري زيارتك للجريف حدث تاريخي كان لابد من تسجيله
نشكرك على هذه الزيارة وان شاء الله زيارتك القادمة (في القرريب العاجل)
تكون بصحبتي وهي دعوة مني لكي وللسفيرة سيده صباحي
لكي التحايا ولسيدة ولجريفنا الغالية ولكل من يعشقها

[صديق النعمة الطيب]

أسماء ذات الترحيبتين،،
بنعرف إنو العضو الناس بترحب بيهو مرة لما يدخل المنتدى، لكن الظاهر الناس مقامات و الكبار لا زم الناس ترحب بيهم مرتين، و أنا بقول ناس كبار عشان خصلة الوفاء دي من أنبل ما عرف الانسان و هي تعملق من يتصف بها في نفوس الناس،،،
فمرحباً،،،،

[ام احمد]

يا له من حديث يثير فى النفس شجوناً .. الميادين-الكمائن-ومساجد الجدود.. هذه هى حياتنا التى اخذتنا الظروف بعيدا عنها !!!!!!!!!!!!!!
والله الفرحة كبيرة جد بزيارتك للجريف لانو شفنا بعينك الطوُلنا منه .....
ولك الآن ان تعلمى كيف هو البعد عن الجريف وكيف يكون الحنين اليها..
التحية للأخوات سيدة وسودانية وهن مصدر فخر و الهام لنا.

[اسماء]

الاخوه الكرام وليد ومعذ وايمن والهندي وعبدالله وحسن والعبد وسوداني وصديق والاخت سيده ابناء البلد الاصيل الجميل لكم من وافر الشكر والتقدير
وانتم ترحبون بي فوالله قد اخجلتموني فانتم السودان والامان والحنان ......
لم اتخيل يوما" ان بالسودان اناس مثلكم فانتم مثلي الاعلى وانتم تاج احمله على راسي واتزين به امام الناس جميعا" فانتم فخري وانتم اهلي
فدمتم للجريف زخرا" وفخرا" واعتزازا"........
ام بالنسبه للحقيقه المخفيه الاتكلمت عنها السفيره ((((((((هي زيارة البيت المسكون الودتني ليهو )))))))) وااخليها تكمل الحكايه ولو ابت برجع ليكم فالتفاصيل ........

[اسماء]

ام احمد مرحب بك ومشكوره على المرور
وانشاءالله تشوفي بعينك وتتمتع بخضرة ونضارة الجريف وحنيه وطيبت اهلك .....

[منى]

الاخت اسماء شوقتيني انو اشوف الجريف واشوف ناسا كيف والبحر والوقوف قرب القيف واحترامن كماسمعنا عن الضيف
السفيره سيده متى ستعزميني

[saida sopahi]

يامرحبتين الاخت منى حبابك عشره بلا كشره تتفضلى طوالى الجريف بيك تذداد نورا بس ماتسمعى كلام اسماء تقولى فى بيت مسكون ماتجى نحنا حتى شياطينا بترحب بالضيوف ياهلا بيك دى اعتبريها دعوه منى ليك

[اسماء]

منى وسيده اهلا وسهلا
والله يامنى بصراحه ناس الجريف مافي زيهم ولا في الاحلام
بس خلي سيده تبعدك من البيت المسكون وياسيده تحكي القصه دي بالتفصيل ولا احكيها انا ؟؟؟؟؟؟؟؟؟؟؟؟؟؟؟؟؟؟؟؟؟؟؟

[الطيب الامام الطيب الامام]

الاخت الغالية اسماء الف مرحبا بيك وانتى تحومين وسط اهلك وناسك ويابخت الجريف بيك ومن هناء اعاتب السفيرة سيدة بت صباحى لتكتم خبر زيارة سفيرة الجريف بام در عشان يقوموا كل اعضاء المنتدى الذين بالجريف باداء واجبهم تجاه الاخت اسماء والمة الجاى اقترح بالتسيق لزيارة ميدانية الى اسماء ومنى الجرافيات مع اعضاء المنتدى وياريت لو كنا بالجريف كنا شمينا خبر زيارتك قبل ما تتحركى من ام درمان واكرر الدعوة نيابة عن ود سنقد الطى الى زيارة معالم الجريف من القادسية الى فريق التريبة ومن البحر الى وادى الحادو كى يعم النور جميع اركان الجريف بقدومكم وان زرتونا تجدونا نحن الضيوف وانتم اهل الدار ومن خلال كلامك اخت اسماء شوقتينى ان اكون الان فى الجريف من جد الواحد اشتاق الى رايحة البحر وطيبة اهلها وسماع طلبة القران وهم يرتلون ويقراون بعد صلاة المغرب بمسجد ود بدر ومن جد عمل رايع قمتى به تجاه اهلك وهذا ليس بغريب عليك وانتى اهل الطيبة والحنية

[اسماء]

اهلا ود الامام
والله بالجد زيارتي للجريف يوم لايوصف وكما قلتها من قبل فانا ممنونه لسيده ولكم جميعا مانتم اهل البر والعطاء
وانتم اهلي وانا افتخر بكم حيثما وجدت .
وان شاءالله المره الجايه حاتكون اجمل لاني حااصطحب منى اصلها حاتموت كان مامشت وزيارتي هي السبب في انها اشتركت بالمنتدى .

[علي الامين]

تحياتي للجميع ، أنا عاتب عليكما أنت يا اسماء و أنت ياسيده ، لماذا الغياب ؟ كان العشم ان يزداد عدد بنات حواء ، لكن هل هو الحياء أم هل هو همس الخصوصية . لشدة تعلقي ببنات حواء رزقني الله البنات ، له الحمد والمنة ، فلي ثلاثة بنات هم : هالة ، زينب و غادة . طبعاً من هواياتي تدريس البنات . و لي طالبات و تلميذات افتخر و اعتز بهن . و اعلم ايضاً ما يملكن من قدرات و إبداع فرجائي ان لا تبخلن علينا .

[ابوالاء]

اولاً لا نقول مرحباَ بأسماء ومنى بالجريف شرق ولكن نقول لهم نزلتم اهلاً وحللتم سهلاً فالجريف تسع الجميع وترحب بكل زائر لها ونسعد نحن بهذه الزيارة وننصب لها الخيام ونقيم لها الولائم ( ونذبح الخراف) ياعبدو؟؟؟ انا كغيري من أبناء الجريف عاتب على الأخت سيدة صباحي لأنها لم تقم بعمل إعلان في المنتدى حتى يقوم جميع أهل الجريف بإستقبال الأخت أسماء في مدخل الكبري أو مدخل الصينية ..
ولكن نتمنى الزيارة القادمة أن يكون لنا شرف الإستقبال
( محمد صديق عبدالصادق حاج الطيب @ أبوآلاء & إسلام)

[اسماء]

الاخوة الكرام على الامين وابو الاء اهلا وسهلا بكم في هذا البوست وانتم تنوره بمداخلاتكم
واحب اوضح ان انقطاعنا ماهو الا ظروف
وان شاء الله سوف نعلن عن الزياره القادمه ولنا عظيم الشرف بمقابلتكم وشكرا جريلا لكم .

[إخناتون]

الصافية كما الحليب
الأخت اسماء تحياتي وتحياتي بالأماني الخيرات
لك الشكر أجزله وأنت تمثلين لنا لوحة من التألف والأخوة الصادقة ،
لا أستطيع الكلام ! فقط كوني بخير أبد الدهر
إخناتون

[ايمن السر بابكر]

ما هى المنطقه الفى الجريف
التى توقفت عندها
غير البيت اياه

[البــ ع ــد الثالث]

الشكر والتقدير لكى والتحية والعرفان لمن دعاكى والاثنتين معا أكتبها لكى من شارع النص
لانكى لامحال لمحتى بطرفة ام عينكى عتبة بيتنا الكائن جنح الطرق
***
الاخ ايمن كل عام وانتم بخير
وعيـــــــــديه ســــــ ع ـــــــيده
للاخت أسماء

[اسماء]

الاخوه الكرام اخناتون وايمن والعبدالثالث وكل اعضاء المنتدى الف شكر على مروركم وعلى ماقدمته لي الجريف
وتمنيت لو كنت الان في السودان لكررت الزياره الى وطني وملازي الجريف .

وياايمن ماتسال من الموضوع المخفي لاني لو افشيت هذا السر سوف ترحل السفيره من الجريف وطبعا كده حرام
فقط كونوا بخييييييييييييييير

[محمد حسن الفضل]

بالرغم من أنني لا أعرف من هي سيدة صباحي ولا أسماء ولكن اقول سيدة صباحي من إسمها لها علاقة بالجريف لأن إسم صباحي مرتبط بشرق النيل وهل لكم أيها الإخوة والأبناء الأعضاء ان تعددوا من أطلق عليهم إسم صباحي بالجريف ؟ . عودة إلى موضوعي حقيقة أشكر سيدة صباحي على زيارتها للجريف بالرغم من ان زيارتها شبه خاصة ولمن يود ان يزور الجريف أت يصادق أهلها الطيبون طيبة أهل السودان الكرماء كرم أهل السودان ، الذين يضحوا من أجل الآخرين والذين يسبقوا أهل المناطق الأخرى في عمل الخير في مناطق الآخرين ( ومستشفى أم ضوابان) خير دليل وشاهد على ذلك وكل المساجد التي تشيد بالعون الذاتي داخل وخارج الجريف . الجريف التي دعمت كل الحكومات التي حكمت السودان ولكن للأسف لم تقدم لها أي حكومة دعم ( صحي ، تعليمي وخدمي ) .الجريف المظلومة الجريف التي سلبت حقوقها . فالخير في شباب المنطقة بأن يديروها بكل حب وتجرد من أجلها ولإجلها . فلكم التحية والحب والتقدير من الجريف الأم والأب .

[محمد حسن الفضل]

شكرا أخي وصديقي خضر حسن على التوجيه بمن هي سيدة صباحي وأسف جدا لعدم معرفتها وحقيقة أنا شخصيا طالت غربتي عن الجريف شرق وهي بدأت منذ عام 1969م عندما ذهبت لدراسة الثانوي العالي بحلفا الجديدة . وتصورا حتى عام 2009م أربعون عاما تغسل الذاكرة وتمسح عنها بعض الأسماء وكما أن هنالك غبار متراكم على ذهن كل مغترب لن تزيله إلا العودة النهائية للوطن وأكرر إعتذاري لسيدة صباحي ولأهلنا ناس أبراهيم ضرس ومحجوب صباحي على وجه الخصوص وعمه الهادي وعادل أبناء الخالة كلتوم بنت سليمان

[saida sopahi]

الاخ محمد حسن الفضل التحيه لك اينما كنت ومتعك الله بالصحه والعافيه اسفه لانى دخلت البوست بعد غياب والا كنت عرفتك بنفسى وشكرا للاخ خضر حسن كمان انا فعلا سيده صباحى ابراهم (الضرس) ومابين الاهل اعتزار وربنا يجمعك بيهم جميعا يارب

[علي الامين]

عودا حميدا اختي سيده ، و الاخت اسماء ان شاء الله من الفائزين الغانمين . فانتما من دعائم المنتدى . حفظكما الله و دمتم لنا عزا.

[اسماء]

الاخوه الكرام اعضاء منتدى الجريف شرق بكل الود والترحاب ارحب بكم في هذا البوست
والبوست بوستكم وانا ضيفه فيهو
بس لسه ناقص وعشان اكتمل لازم في وثيقه تتوقع من شخصين هما
ايمن السر .....................بطاقة شخصية رقم....................
سيده صباحي ................بطاقه شخصية رقم................
لانو في اشياء هم بعرفوها مخفية وفي شاهد هيثم الباقر

[اسماء]

عودا حميدا اختي سيده ، و الاخت اسماء ان شاء الله من الفائزين الغانمين . فانتما من دعائم المنتدى . حفظكما الله و دمتم لنا عزا.
شكرا الاخ على على دعواتك وامين يارب وان شاءالله الكل ارجع سالم غانم

[الهندي بشير نابري]

ايمن السر .....................بطاقة شخصية رقم....................
سيده صباحي ................بطاقه شخصية رقم................
لانو في اشياء هم بعرفوها مخفية وفي شاهد هيثم الباقر

يا اسماء لعلك قاصده ان الإثنين المذكورين اعلاه صوتوا لــ ...... في انتخابات رئاسة السودان .

[saida sopahi]

يا اسماء لعلك قاصده ان الإثنين المذكورين اعلاه صوتوا لــ ...... في انتخابات رئاسة السودان .





ايوه صوتنا .................................................. ..على روحنا

[اسماء]

يا اسماء لعلك قاصده ان الإثنين المذكورين اعلاه صوتوا لــ ...... في انتخابات رئاسة السودان .
ديل مش صوتو بس ديل ...........................................
وكان على بت صباحي دي مجرمة حرب ..........................وعارف انا مهدده من قبلها ان لاافصح بالزيارة كامله.
طبعا انا بخاف منها بس لو شلت منها الحصانه عادي

[saida sopahi]

[quote=اسماء;26085]ديل مش صوتو بس ديل ...........................................
وكان على بت صباحي دي مجرمة حرب ..........................وعارف انا مهدده من قبلها ان لاافصح بالزيارة كامله.
طبعا انا بخاف منها بس لو شلت منها الحصانه عادي[/quote


ليه انا بخليك تنومى وبحزف بوستاتك ........... انتى فاكراها حصانه فى المجلس التشريعى
دا حى الله منتدى ................................. والباقى تمى خيال

[اسماء]

[quote=اسماء;26085]ديل مش صوتو بس ديل ...........................................
وكان على بت صباحي دي مجرمة حرب ..........................وعارف انا مهدده من قبلها ان لاافصح بالزيارة كامله.
طبعا انا بخاف منها بس لو شلت منها الحصانه عادي[/quote


ليه انا بخليك تنومى وبحزف بوستاتك ........... انتى فاكراها حصانه فى المجلس التشريعى
دا حى الله منتدى ................................. والباقى تمى خيال
سيده كوكب الشرق ولادي في فيروس قصدي كوكب الش....

[صديق موسى]

http://ha01.jeeran.com/t0022.gifمرحبتين حباب السمت في بلادنا
والشكر لمن قام بالواجب وابدع
فهذه رفعة لنا ولكى يا بلادي
الجريف................
وسلام لكم اجمعين

[اسماء]

الاخ صديق موسى مشكور على المرور
وجد زيارة الجريف كانت في قمة الروعة
الشكر اجزلة للاستاذة سيده صباحي

[بت التجاني]

اشكر الاخت اسماء علي الزياده
ولكن اعتب عليكم
لماذ لم تقمنا بزيارتي كي احظا بروية
الاخت اسماء
و الله ما عندنا كلب عشان يمنع زيارتكم لنا
و انشاءالله ما اخير زياره
وها انا انتظر زيارتكي لنا انتي و الاخت سيده

[انين الحنين]

الجريف روعـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـة وعــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــزة ^_^
وماتنسي تكملي باقي الجريف والجريف كركوج بي الزات