بت الأقرع
07-18-2010, 02:34 AM
قرأت في أحد أعداد جريدة الراية القطرية موضوعاً فكاهياً جميلاً في مرفق استراحة يوم الجمعة الجميلة و التي تحتوي على منوعات لها نكهة فريدة فأحببت أن تشاركوني قراءة قصة أم راشد الطريفة
أم راشد الخراطة
من يقول أن الحريم يحبون الكذب ؟؟؟ أكيد غلطان و انسان حاقد ، تعالو نشوف أم راشد من تصبح لين تمسي كم مرة تكذب ! أم راشد توها قايمة من النوم و بو راشد جالس يشرب شاي في الصالة
أم راشد : تصدق بو راشد هذولا العجايز خرفوا مساكين .
رد عليها : ليش حبيبتي ؟
قالت : البارحة في العرس وحدة عيوز قالت لي تعالي اجلسي حذاي ، و سالتني انتي من بنته ؟
قلتلها انا بنت بو راسين ، قالت : ايه و النعم احنا بنجيكم بكرة نخطبك حق ناصر ولدنا توه مخلص الجامعة و مشتغل و ادور له بنت الحلال و يوم شفتك فز قلبي و قلت الحمد لله لقيت له بنت الحلال ( الله اكبر ما اكبر الكذبة صاروخ كيماوي ) و اللي يقهر ان الرجال صدقها ، و عصب و صرخ هذي مجنونة تخطب لها واحدة متزوجة ؟ و الله محد مجنون إلا انت اللي صدقت .. ما تشوف الويه اللي كنه ويه خفاش توه طالع من مغارة لكن هي من داخلها مبسوطة تكذب الكذبة و تصدقها .
في الدوام أم راشد جالسة مع زميلات العمل قالت لها وضحى أم ناصر شكلك ما نمتي البارحة ؟
يختي وين أنام هالريال يخليني أنام ؟! كل يوم و الثاني عازمني على مكان ، مرة سهرة و مرة عشاء و مرة عيد ميلادي ، يقول لي حبيبتي انا كل الايام عندي عيد ميلادك ، البارحة حاجز لي طاولة في الشراتون و اغاني تلوع الجبد جايبين مطرب لبناني يغني طول الليل عور اذني و كل ما قلت له يلا نروح البيت قال لا حبيبتي انا مبسوط وياك ، هذي مب كذبة هذي زلزال لان بو ناصر امس من المغرب و هو جالس عند الربع لعب ورق لين الساعة وحدة ، يختي لا تنظرين نفسج و قولي الحمد لله ، هو اللي لازم يحمد ربه لانه خذني و انا صغيرة ياهل ، ذاك اليوم في المحل البياع شافني انا و بنتي سالنا ادري انتوا خوات بس من فيكم الكبيرة ؟!!
هذا و هي يوم تتزوج مخلصة الجامعة و مشتغلة ست سنوات و كله ياهل ؟
شرايكم الحريم يحبون الكذب .. في كل الأحوال كذبهم حلو .
أم راشد الخراطة
من يقول أن الحريم يحبون الكذب ؟؟؟ أكيد غلطان و انسان حاقد ، تعالو نشوف أم راشد من تصبح لين تمسي كم مرة تكذب ! أم راشد توها قايمة من النوم و بو راشد جالس يشرب شاي في الصالة
أم راشد : تصدق بو راشد هذولا العجايز خرفوا مساكين .
رد عليها : ليش حبيبتي ؟
قالت : البارحة في العرس وحدة عيوز قالت لي تعالي اجلسي حذاي ، و سالتني انتي من بنته ؟
قلتلها انا بنت بو راسين ، قالت : ايه و النعم احنا بنجيكم بكرة نخطبك حق ناصر ولدنا توه مخلص الجامعة و مشتغل و ادور له بنت الحلال و يوم شفتك فز قلبي و قلت الحمد لله لقيت له بنت الحلال ( الله اكبر ما اكبر الكذبة صاروخ كيماوي ) و اللي يقهر ان الرجال صدقها ، و عصب و صرخ هذي مجنونة تخطب لها واحدة متزوجة ؟ و الله محد مجنون إلا انت اللي صدقت .. ما تشوف الويه اللي كنه ويه خفاش توه طالع من مغارة لكن هي من داخلها مبسوطة تكذب الكذبة و تصدقها .
في الدوام أم راشد جالسة مع زميلات العمل قالت لها وضحى أم ناصر شكلك ما نمتي البارحة ؟
يختي وين أنام هالريال يخليني أنام ؟! كل يوم و الثاني عازمني على مكان ، مرة سهرة و مرة عشاء و مرة عيد ميلادي ، يقول لي حبيبتي انا كل الايام عندي عيد ميلادك ، البارحة حاجز لي طاولة في الشراتون و اغاني تلوع الجبد جايبين مطرب لبناني يغني طول الليل عور اذني و كل ما قلت له يلا نروح البيت قال لا حبيبتي انا مبسوط وياك ، هذي مب كذبة هذي زلزال لان بو ناصر امس من المغرب و هو جالس عند الربع لعب ورق لين الساعة وحدة ، يختي لا تنظرين نفسج و قولي الحمد لله ، هو اللي لازم يحمد ربه لانه خذني و انا صغيرة ياهل ، ذاك اليوم في المحل البياع شافني انا و بنتي سالنا ادري انتوا خوات بس من فيكم الكبيرة ؟!!
هذا و هي يوم تتزوج مخلصة الجامعة و مشتغلة ست سنوات و كله ياهل ؟
شرايكم الحريم يحبون الكذب .. في كل الأحوال كذبهم حلو .