رايكم شنو فى الكاتب السياسى ياسر العاقب ؟

[شرف الدين الطيب]

رايكم شنو فى الكاتب السياسى ياسر العاقب ؟
...
أنا غايتو الزول دا بروق لنفسى
ان قال كلام سمح .. وان قال كلام كعب
طبعاً حتقولوا لى دا حب
بقول ليكم صاااااااح
______

يا جماعة
البوست دا عملتو عشان أعبر عن مشاعرى صراحة لأعضاء المنتدى
وهو أصلاً ما خاص بياسر .. بس خاص بكل الأعضاء
___

المطلوب من كل عضو يدخل على هذا البوست
أن يشاركنى فى الشعور والرأى نحوالعضو الذى يأتى دوره
______

عايز أبعدكم من قرف السياسة
___

يلا أها خلونا نمشى شوية مع ياسر العاقب
______

والزول الجايى اسمو الهندى
طبعاً ضحكتو أصلو الزول دا فعلاً ظريف
بس ظرافتو دى وراها ................
أصلو الزول دا كمان ...........
خلوها لى دورو الجايى
__

فتكم بعافية

[الهندي بشير نابري]

إزيّك ياشاعرنا شرف ..
البوست جميل وفكرته حلوة وبيترك في النفس بعض الأنفاس الطيبة .. لكن الأعضاء الحلوين 881 عضو وعضوة زي ياسر العاقب وده معناتو حنقعد نعبّر عن مشاعرنا ليوم الدين ... وكل يوم وانت بخير ياشرف وربنا يكرمك ..


ياسر العاقب .................................................. ...................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................



تركت له هذه السطور فاضية ليكتب فيها لنفسه مايشاء.

[تسالية (سلم)]

ياسر العاقب
انسان بكل ماتحمل هذه الكلمة من معانى
وكاتب سياسى مخضرم ولكن ضل طريقه الى اليمين..
ههه ههه


وردة جورية وبجوارها ورقة وردية خط عليها رسالة اعجاب

[ايمن السر بابكر]

فى منتدى الجريف هناك اقلام مهوله تضاهى اعتى الكتاب
وياسر احد الفصوص فى هذا العقد الجميل

حاولت اكتب اسم تقافزت الى الاسماء زى الكتاحه فلان وفلان وفلان
لك منى الف تحيه اخى ياسر

[ياسر العاقب]

مشكور اخي شرف علي الاطراء الذي اتمنى ان نبلغ درجته

العزيز سلم
تسلم ....
وعشان ما تزعل يا عزيز
انا احب جدا شعر اليسار لذلك
انا في الشعر يساري
في الشعر فقط

تخريمة :-

كلمة (لكن) فى اللغة العربية تنفي ما قبلها!!!!
هههههههههه

[شرف الدين الطيب]

إزيّك ياشاعرنا شرف ..


البوست جميل وفكرته حلوة وبيترك في النفس بعض الأنفاس الطيبة .. لكن الأعضاء الحلوين 881 عضو وعضوة زي ياسر العاقب وده معناتو حنقعد نعبّر عن مشاعرنا ليوم الدين ... وكل يوم وانت بخير ياشرف وربنا يكرمك ..


ياسر العاقب .................................................. ...................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................
.................................................. .....................................



تركت له هذه السطور فاضية ليكتب فيها لنفسه مايشاء.


أخوى ود لحمى ودمى
الهندى
ما أطيب مرورك
انت عارف لو سمعت واحد مقبوضة نفسو حتى ولو فى بيتهم
عليك الله أمشي ليهو وخش عليهو حتلقى قبضة نفسو اتفكت وتكون أخدت فيهو اللجر
وما أحلى يا حبيب أن نظل نعبر عن مشاعرنا ليوم الدين
____

صدقنى يالهتدى
كتير ما تلقى نفسك تحمل مشاعر طيبة نحو أخ أو أى انسان تعرفت عليه وهو يجهل هذه المشاعر ... شوف حالو حيكون كيف ؟ وكيف حيكون شعوره نحوك ونحو الحياة .. وخاصة لو كان معترض عليك فى أمرٍ ما ... وكتير من الاعتراضات دى ما بتولد الجفوة بين الأخوان .. ولكن كلمة طيبة وابتسامة مشرقة تحمل كل المشاعر الطيبة نحو المعترض كثيراً ما تولد المحبة والالفة بين المتضادين فى الرأى
____

وهذا الشعور عايز أخليهو القاسم المشترك بين أخوانا كتاب السياسة فى المنتدى السياسى
وكمان عايز جميع الأطراف السياسية فى السودان يحذوا الحذو ده
ودا لو حصل مشاكل كتيرة وقضايا فى السودان حتتحل
_____

يا ريت لو كل المختلفين فى الرأى من الأطراف المتصارعة من أبناء السودان فى شأن السودان
يقدمون أو ل شئ التعبير عن مشاعرهم لبعض
وبصراحة أنا بشعر بالكراهية نحو الأطراف المتخالفة معاى فى الرأى
وعشان كدا من الليلة عايز أغير مشاعرى دى وأحب كل الأطراف السياسية وأقول ليهم أنا بحبكم ودا شعورى الأساسى نحوكم ... بس رأيى انو اختلافكم دا هو العيب الفيكم .. ودا هو الصاح الفيكم
وعشان تكونوا على حال صاح .. تعترفوا أولاً أن خلافكم دا ما بجيب فائدة وحيذيد الطين بلة.. وبعد كدا تعالوا أتلموا مع بعض واتفقوا على رأى واحد مشترك بينكم .. وتقوموا كلكم تخلوهوا دا رأى البلد
___

يلا عبروا عن مشاعركم الطيبة لبعض
ريحونا من العقد وسؤ الفهم

________

طبعاً يالهندى .. تركت السطور فاضية لياسر العاقب يتكلم فيها عن نفسو
لكن أنا قريت السطور الفاضية دى وكل الناس قروها
أصلك نسيت انك كتبتها على سبلات الورد بماء الذهب واضفيت عليها كثيراً من بريق النجوم
____

تسلم يا هندى
ما قلت ليك فى طرفتك كلام جميل ومفيد ؟