مشاهدة النسخة كاملة : مولودة الريس
بشير عبدالله نابري
06-14-2009, 12:06 PM
( الشينة منكورة )
جملة مكونة من مبتدأ وخبر فقط كانت هي التي افتتحت بها مكالمتي مع الاخ عصام عبدالصادق عندما اتصلت عليه بالأمس لأبارك له المولودة الجديدة. ضحك الاخ عصام ملء فيه لأنه أدرك سريعا بحضوره الذي لا يفارقه أن الشمار وصلني من صديقه اللدود الاخ حاج علي ابراهيم . المهم في الأمر أنني حاولت نشر خبر المولودة للأخوان في الرياض كالمعتاد عن طريق رسائل الجوال stc وللأسف وجدت النظام لا يعمل وأدركت وقتها أن صديقه اللدود لن يهدأ باله وسيعاود الاتصال بي اذا لم تصله الرسالة وحتى لا تكتمل فرحة الاخ عصام بكتمان الخبر طلبت من الابن الهندي وضع هذه السطور في قسم المناسبات والتراحيب بالمنتدى
( ويلا خليها على الهواء).
حبيبي الاخ عصام / سعادة الريس ،، ألف مليون
مبروك قدوم المولودة الحلوة وربنا يجعلها من
الطيبات المحفوظات بنات المستقبل..
واسمح لي باسم ( أبو التومات ) ؟؟؟
وأن أكون أول من يقدم لكم التهاني.
أترك للقارئ الفطن التعرف على ما بين القوسين من يكون ؟؟؟
الهندي بشير نابري
06-14-2009, 12:11 PM
العم عصام (أبو البنية).. وأنا حبيت أكون تاني المهنئين وألف مليون مبروك البنية
وربنا يجعلها من بنات البلد البارات ويجعلها قرة عين ليك ان شاء الله
لكن ياعمنا عصام إنت الكلام الزمان داك غالبك
وغاتس مننا في المنتدى ليك زمن مالك الحكاية شنو؟!
صديق النعمة الطيب
06-14-2009, 12:33 PM
شنو يا جماعة حكاية شينة و منكورة و أبو التومات،،،
ألف مبروك يا عصام و الشجرة الظاهر كبرانه و ماشة زايدة و دا فرع جديد ظهر،
إنشا الله ربنا يحفظه و يخليها ليك عشان "تتكلك" بعدين، و صدقني البنات أحسن من الأولاد ما تسمع كلام الناس ديل ساي، الأولاد بعرسوا و يطشوا لكن البنات بتلقاهن جنبك وقت العوزة و المرض،،
و بعدين ياخي أسه البنات زاتن بقن متفوقات على الأولاد، المهم يا خوي خلي الموضوع عادي، نحن ما صدقنا عقدة المنتدى القديم انفكت، الناس ديل دايرين تاني يعملوا ليك عقدة و لا الحاصل شنو،،
معذ السماني الحاج ياسين
06-14-2009, 02:51 PM
الروائي عصام الف مبروك
وانشاء الله تتربه في غزك
والف الف مبروك
وذي مابقول ود سنقد
مليون .........مبروك
ولينا عوده
معز السماني
ابو تراجى
06-14-2009, 06:02 PM
التهانى للريس والرئيس والافراح المتتالية
خوفى البنية تشبه ابوها (دى المصيئه بعينها )
والمنكوره دى اكيد تشبه ابوها ربنا يستر
لكن الخبر المهم فى افراح عصام
انو ولى العهد مصطفى احرز 90.6 فى الشهادة السودانية
يبدو عمنا الرئيس داسى الاخبار عشان ما يعمل السمايه
وكرامة للابن مصطفى
مبروك يا عصام بهذا الافراح
ابو تراجى
عادل مختار الزين
06-14-2009, 06:40 PM
الأخ عصام
تحياتي وألف مبروك المولودة ربنا يجعلها من الحافظات وألف مبروك نجاج الولد ربنا يجعل جميع أيامكم أفراح ويجعلهم غرة عين لك ولوالدتهم ولجميع الأهل (ومزيداً من الولادة والنجاح) وماشاء الله العين باردة
هيثم الباقر دفع الله
06-14-2009, 10:06 PM
العم عصام
الف مبروك لك ولحرمك وجعل الله مولودتكم قرة عين لكم .. واصلحها الله ونفع بها
مبروك ألف مبروك نجاح أبنكم إنشاء الله دوم من الناجحين وعقبال الدكتوراه
ابو تراجى
06-14-2009, 10:28 PM
الملاحظ انو خبر المولوده جابوا اخونا بشير عبدالله بس المصدر للبشير مشكوك فيه
هذا مادفعنى للاتصال بمصادرنا بالجريف للتاكد من الخبر وليس شك فى مصداقية البشير نابرى
(لانو الجماعة الجابو الخبر للبشير ما مضمونين ) اخبرنى المصدر بالنجاح الباهر للابن مصطفى ولى العهد
ولسه اخونا الرئيس ما قال حاجه
بكون ياربى ما عندوا علم بهذا الاحداث (كعدم معرفته بما يجرى فى الجمعيه التى انقلب على ادارتها ؟؟؟؟؟
بدر عبد الماجد بله
06-15-2009, 06:11 AM
الفرحة فرحتين والحمدلله ألف مبروك قدوم عروستنا من سلالة أخوات نسيبة للمجاهد محمد بدر وجعلهم الله من الابناء الصالحين بإذنه تعالى . وزمان بقولوا بعد ما فى الكراع بتبقى فى الوشى والان مع عصر العولمة بقولوا بعد ما فى التلفون بتبقى فى النت سبحانه الله ، ومبروك نجاح الابن مصطفى إنشاء الله دائما فى أعلى الدرجات ، ويا أبوتراجى البت كان شينة كان سمحة محجوزة من هسة لا شوفة شرعية ولا حاجة دا ماعونا ونحن بنعرف كيف نغطيهو . وفى الختام تحاية خاصة لراع الخبر الذى كان حصرياً على والدنا البشير عبد الله نابرى .
دبل مبروك
مبروووووووووووووووك اخونا عصام المولودة ( وانشاء الله تكون جهزت البيت ) ومبروك النجاح الباهر لابنكم
والان عرفنا سبب اختفاءكم
الاخ الفاضل بشير عبد الله نابري ابو التومات دى حاجتين اما ان تكون تقصد اخونا العزيز صديق النعمة
او تقصد انو اخونا عصام لديه بنتين فى اخر ولادتين لاسرته الكريمة
المهم الف مبروك المولودة والنجاح لابنكم فى وقت واحد
وايضا حسب ما وصلنا من الرياض من ابو تراجى انو الشهر انو عصام اعطوه مكافاة من العمل
ابسط يا عم عصام ماشية معاك حلاوة الشهر ماشاء الله لكن ما تضيع ناس الرياض من الخروف وخاصة انو الاجازة على الابواب
A7MED
06-15-2009, 07:22 AM
الف مبروك المولوده ...وتتربا فى عزكم انشاء الله .
http://www.arab-box.com/up/uploads/db07307290.jpg
بكره بتمر السنين ونشوف اولاد الصديق وبدر على الباب واقفين
واحد دكتور والتانى مهمدس لى يد ست الجمال طالبين
وعمنا عصام حالف لو ما خلصت الدكتوراه اصلو ما موافقين .
http://www.arab-box.com/up/uploads/725c71fbf3.jpg
ربنا اخليك ليهم وتشوف اولاد اولادم
الهندي بشير نابري
06-15-2009, 09:52 AM
ألأف مبروك عمنا عصام عى نجاح مصطفى
وعقبال الدكتوراه وربنا يوفقه وليقدام ان شاء الله
عصام عبدالصادق
06-15-2009, 10:52 AM
أحمد الله كثيراً وأشكر نعمه عليا بأن رزقني الله هذا البنية وأحمد الله بأن كان بشير عبدالله نابري أول المهنئين في المنتدى مما زاد من تفاؤلي بقدومها.
لك التحية أخي بشير ... وأن يجعلك الله زاد لنا نستزيد به من هجير الغربة ..
الهندي الإنسان لك التحية وأنت تواصل في إبداعاتك وشاحد ربي الكريم أن تنال الفي مرادك وبيهو تفرح ونفرح معاك ... بالنسبة لإعلان الخبر حاولت بقدر الإمكان أن أعمل تشفير على البنية خوفاً من عيون المناشير .. ولكن فات على أن الهنود قطعوا شوط كبير في التقنية الحديثة لذا تمكنوا من فك وتحليل الشفرة ونشروا الخبر... ليك مليون تحية....
أبو التومات أخوي صديق النعمة ... لك شكري وتقديري على المداخلة والتهنئة المباركة .. وبالنسبة لأبو التومات الذي أتى ذكره في مداخلة أخونا بشير عبدالله فالمعني به حاج على حاج أبراهيم المنشاري ... والذي أتى بخبر المولودة ... والهندي ما صدق أن المعلومة أتت إليه داخل داره .
أخوي معذ ود السماني ... ألم أقل لك بأن قدومك إلينا في الرياض كان وش السعد علينا ... ومعها توالت أفراحنا ... وأسأل الله الكريم أن يجعل أيامنا وأيامكم كلها أفراح.
الغالي أبو تراجي ... كما عهدناك دوماً لم ولن تتأخر عن الركب ... فهنيئا لتراجي وتمارا بشقيقتهم إبنتنا التي أتت إلى الدنيا... وشد حيلك وآتنا بالوليد حتى ينضم إلى ركب إبننا مصطفى وبقية الناجحون ... وإن كان هذا لا أعتقده لأنني أعلم بأن نظامك سيكام بال ...
الحبيب عادل مختار ود الزين... إطلالتك نشتم فيها عبق الشرقية الممزوج بمحنة أهلنا ناس الحوش وما عدمناكم في جميع أفراحنا وأفراح البقية... وربنا يقدرنا عليك.. كمان وكمان...
الحبيب هيثم الباقر..
أحمد الله كثيراً بأنك أتينتنا هنا في هذا البوست حتى تستريح قليلاً من هموم السياسة ... وبإرتياحك في دوحة أخونا بشير عبدالله هذه مع بقية العقد الفريد من المتداخلين ... يتأكد لي بأنك سوف ترجع لمناوشة الأخوان حسن عوض والمينغو وبمزاج رائق تسوده الإلفة والمحبة ويأتي بمردود طيب نستفيد منه نحن الأعضاء ...
وشكراً مرة أخرى وعقبال ما نشارك معك في جميع أفراحك العلمية والإجتماعية.
يا ود عبدالماجد أخوي...
طلتك عزيزة علينا وأنا عارف كلامك نابع من جوى الجوى عندما تقول لي الفرحة فرحتين والحمدلله ألف مبروك قدوم عروستنا من سلالة أخوات نسيبة للمجاهد محمد بدر..
والله كلمة سلالة كنت عاوز أعلق عليها ولكن تذكرت إنو دي بنتي ... يعني آخر العنقود ... أما بخصوص تحديد إتجاهها بإنتظار المجاهد محمد ... أعتقد أنها صعبة شوية لأنو ما عارفين تحوق في منو يعني ناس ود الإمام قالوا داخلين القائمة بحجة المحافظة على رتق النسيج الإجتماعي ... يعني بالمكشوف كدة ما حاتقدر تقاوم الدفارة بقيادة حسن عوض عباس ... عموماً يمكنكم التنسيق فيما بينكم.. وليك كوم من الود.
أخوي معز عبدالمنعم
نشكر تغاعلكم معنا في الفرحة المزدوجة ونسأل الله أن تعم الفرحة في جميع أرجاء المنتدى وخصوصاً أن الأفراح متزامنة مع موقعنا الجديد ...
بالنسبة لأبو تراجي والله حكايته حكاية والحديث عنه يطول...
بالنسبة للسماية ... يا خوي البنت أنا سميتها حاج على .. وبذلك أعتقد أنها لا تحتاج لذبيحة ... يعني السماية سبلناها... ودي جديدة طبعاً .
الغالي جداً أحمد عوض ...
هيا ود النمير أنا زمني ده كلو بقول ود النمير ده عبق الفن ده جايبو من وين ... أتاريهو إنت مشربك شربيك بصاحبنا عمار ود أحمد ... وحرم نظرتنا ما بتقع واطة أبداً...
ليك مني مليون تحية وعقبال ما نفرح بفرحك ....
وبالنسبة للجماعة الواقفين في الباب ... والله ديل مصيبتهم مصيبة كبيرة خلاص وردي ليهم لحظتها ما بيعرفوهوا إلا أبواتهم .... وعاوزك تتخيل معاي حا أقول لي أبواتهم شنو.؟
الزعيم الهندي ...
الله يديك العافية وعاوزك تشد حيلك كدة معانا وخلينا نفرح معاك كمان وكمان ..
صديق النعمة الطيب
06-15-2009, 12:51 PM
خبر النجاح طلع بعد ما التهنئة بالمولودة، و الله ألف مبروك النجاح و لا غرو فهذا الشبل من ذاك الأسد، و عقبال نجاح المولودة الجديدة،،
و تقبل تهاني التومات، و التحية لحاج علي و ربنا يحفظ ليهو التومات، و الله تجربة التومات يا جماعة برغم من حلاوته لكن شغلانة صعبة، تخليك تحسب تصرفاتك "بالملي" أي حركة مرصودة من التومة التانية، يعني تصرفاتك معاهم لازم تكون صورة طبق الأصل، حتى الألعاب لو فيها اختلاف بسيط معناهم حا تتكسر و تترمي و تكون مجبور تشتري مرة تانية و ممكن تعيد الشغلانة تلاته أربعه مرات لحدي ما يقتنعوا براهم،،،
عموما رغم اني ما كنت مقصود لكن الرايش ما ختاني،،،
عموماً ربنا يدم الفرحة و مزيد من النجاحات و مزيد من العيال يا رب بسشد حيلك كده و ما تنخ عشان تغيظ العزاب ديل كان يتحركوا،،
الهندي بشير نابري
06-15-2009, 01:50 PM
صديق العزابه اسه السألك منهم منو شفت ليك فيهم واحد بس رفع راسو
انت دايرهم يقعو في الوقع فيهو ابو التومات واخد اللعب مرتين تلاته
عبدو كمبيوتر استلم شاكوش بصدر رحب وقال الحمد لله مرقنا من
فطور العريس
احمد عثمان حاج حمود
06-15-2009, 02:39 PM
عمو عصام
الف مبروك المولودة وتتربا فى عزك وإنشاء الله من
الصالحات والناجحات وربنا يحفظها
و مبروووووك النجاح وعقبال الدكتوراه
الطيب الامام الطيب الامام
06-15-2009, 05:24 PM
الف مليون ديشليون تليريلون مبروك البنية ( ومازن منتظر تكبرها سريع ) وكما ابارك النجاح وجهز حالك نحن جاينك لى البنية
مصعب عمر حسن حمزة
06-15-2009, 05:44 PM
مبروووووووووووووووووووك
خضر حسن الفضل
06-15-2009, 09:09 PM
مبرووووك مبرووووك مبرووووك
ماشاء الله أول عضوة بالميلاد فى المنتدى الجديد ...وكذلك أول خبر نجاح أشعلوا المنتدى بالزغاريد ...
دى أخبار جميييييييلة والله فرحت ليك شديد يا ريس البنت دى كان تسميها نجاح لأنها صادفت نجاح ابننا مصطفى ونجاح المنتدى الجديد
وألف مبروك لمصطفى وإلى الأمام
وتهانينا يا سناتور عصام وحفظكم الله جميعاً
منير السماني
06-16-2009, 05:05 AM
الف الف الف مبروك مرتين ويارب تكون الافراح دائماً معاك!!
تهانينا لكل الاهل دون فرز
وليد عثمان علي سنقد
06-16-2009, 06:49 AM
عمنا عصمام عبد الصادق ..
حاجزين .. جيناكم الليلة خاطبين البنية لمحمد ..
يا اخي الف مليون مبرووووووك المولودة ..
وربنا يحفظها يك من ناس هناي (انا ما قاصدك يا عبد الله) ما تعاين لي كدا ..
ودامت في امان الله ...
ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف
ألف ألف ألف ألف ألف ألف
ألف ألف ألف ألف ألف
ألف ألف ألف ألف
ألف ألف ألف
ألف ألف
ألف
مبروووووووووووووووووووووووووووووووك
المولوده الجديده والنجاح الباهر للنابغه (طوفى) مصطفي وعقبال الدكتوره يارب
مره اخرى مبروك نحن دايرين الكرامه تكون كرامتين ماتملحنا في واحده
منتظرين هنا وفي السودان
اسماء
06-16-2009, 09:45 AM
كل المداين زينوها بقوس قزح الليله عيد ميلاد فرحنا
بقدوم الاموره سيدة الحسن الف الف مبروك عمنا عصام وانشاءالله من المستورات
اهم حاجه ياعصام تعلم البت دي تسمع كلام خالاته اسماء وسيده
علي الامين
06-16-2009, 12:05 PM
الف مبروك نجاح إبنكم ، إن الله عقبال الدكتوراة
علي الامين
06-16-2009, 12:08 PM
آسف جدا ، التهنئة ناقصة في المرتين ( إن شاء الله عقبال الدكتوراة ) ، و ( إن شاء الله من بنات المستقبل )
حافظ العبيد الطاهر
06-16-2009, 12:11 PM
اخونا عصام
الف الف مبروك وانشاء من بنات السودان النجيبات .
وانا متاسف جدا لهذا التاخير ولكن الايام الفاتت دى كنت شوية مشغول بالوالدة ولكن الحمد لله ظروفك ومرت
اخى الف مبروك وعقبال المولود الاف انشاء الله
عبدالله محمد نابري
06-18-2009, 09:40 AM
الف مبروك يا زعيم .. من ربى ثلاث بنات وكبرهن وعلمهن أدخله الله الجنة ..
وكذلك مبروك النجاح لابنكم وتمنياتنا بمستقبل زاهر
بس عاوز ارجع لسؤال البشير عمي عن التومات .. اعتقد انو التومات ديل الدكاكين الفي الزلط !!
محمد كمال الدين
06-19-2009, 11:07 AM
ربنا يجعل افراحك دائمة ، اخي العزيز عصام عبدالصادق ( الريس ) ، تهانينا بالمولوده ونجاح الابن مصطفى . وعقبال الدكتوراه . وانشاء الله تفرح بجديدهم .
saida sopahi
06-19-2009, 01:50 PM
الف مليون مبروك اخ عصام المولوده ويارب تتربى فى عزك ويارب تكبر سريع عشان تدخل قسم النواعم خالتا منتظراها ومبروك نجاح الولد وعقبال الدكتوراه
ابو تراجى
06-20-2009, 07:31 PM
انتو عصام ده ما قال لينا البنية سماها منو ؟
وكمان هسه مضى من قدومها اكثر من اسبوع
زولكم ده ما ضبح ولا فول الحكاية شنو ؟
مع انو فى خطاب كتار (مازن ومحمد ويمكن عبدالله نابرى )
نحن منتظرين نشوف شكلها والبيت الفى الظلط يتم عشان
نتقدم للزواجها لابن من ابناءنا (نحاول تحسين النسل )
مع انى عارف عصام حيقول شنو!!! لكن
حقك يجيك لا فيهو شك يمكن واظن
ويفوتوا هم
والعدل يعم
وتغنى ام
وربنا يدينا عمر للزمن داك
ابو تراجى
على عمر حاج الامين
06-21-2009, 08:34 AM
الف...... الف.......مبروووووووووووووووك الريس عصام بقدوم المولودة .اللهم احفظها وارعاها....
آآآآآمين
انتو يااخونا الريس دا مخلي الناس في الديوان تتونس وتبارك وناس داخله وناس خارجه وهو لا هميهوا مع البنيه وام البنيه بهناك!
يازول تعال مارق وعفيناك من السمايه
ياخوانا السمايه (مسبله) (بلح ومويه) مشكورين للحضور الجميل
عصام عبدالصادق
06-26-2009, 08:58 AM
أحمد عثمان حاج حمود كتب:
عمو عصام
الف مبروك المولودة وتتربا فى عزك وإنشاء الله من
الصالحات والناجحات وربنا يحفظها
و مبروووووك النجاح وعقبال الدكتوراه
العزيز جداً أحمد عثمان
أشكرك جداً يا مبدع وكلمة مبدع دي ما بتطلع منى بالساهل ... ولكن بمتابعتي لمشاركاتك أجد أنك مفعم بالإبداع وأتمنى تواصل كتاباتك لنستفيد منها دوماً... وعقبال ما نشاركك أفراحك.
الطيب الإمام كتب:
الف مليون ديشليون تليريلون مبروك البنية ( ومازن منتظر تكبرها سريع ) وكما ابارك النجاح وجهز حالك نحن جاينك لى البنية
أخوي ود الأمام ديشليون عرفناها ... لكن تليريلون حرم ما عارفتها ... لكن يخيلي أنو ده نوع قماش جلاليب ... ولكن لدى إحساس بأن تطلع نوع عربية كورية..
عموماً لك الشكر الجزيل على هذه المشاركة المليونية على وزن المسيرة المليونية ... وبمناسبة نحن جاينك لي البنية ... ويا خوي للزمن داك إمكن نجيكم نحن للولد حازم ... في ظل متغيرات عالم اليوم...
مصعب كتب:
مبروووووووووووووووووووك
الإبن الغالي مصعب ... ليك مليون تحية وشد حيلك عشان نفرح نحن كمان معاك ....
خضر حسن كتب:
ماشاء الله أول عضوة بالميلاد فى المنتدى الجديد ...وكذلك أول خبر نجاح أشعلوا المنتدى بالزغاريد ...
دى أخبار جميييييييلة والله فرحت ليك شديد يا ريس البنت دى كان تسميها نجاح لأنها صادفت نجاح ابننا مصطفى ونجاح المنتدى الجديد
وألف مبروك لمصطفى وإلى الأمام
وتهانينا يا سناتور عصام وحفظكم الله جميعاً
أستاذنا خضر
هكذا عهدناك دوماً وهكذا تلفت إنتباهنا .. وصدقني توقفت كثيراً في الإسم الذي ذكرته ... ولكن البنية إستعجلت القدوم قبل ظهور نتيجة مصطفى وكأنها تريد أن تعلن عن نفسها حتى لا تجد القوم مشغولين بنتيجة مصطفى ... وبذلك ضيعت فرصتها وضيعتنا معها والتاريخ سوف يسجل لها ذلك...
عموماً ربنا يديم عليك الصحة والعافية وعفبال ما نفرح بك ... وفرحتنا بك يوم شوفتنا ليك ...
منير السماني كتب:
الف الف الف مبروك مرتين ويارب تكون الافراح دائماً معاك!!
تهانينا لكل الاهل دون فرز
أخوي ود السماني أشكرك على التهنئة المزدوجة ... وحقيقة فرحنا هو فرحكم ... عليه أنا الذي يتقدم لك بالتهنئة وتقبل تحيات جميع أفراد الأسرة.
وليد عثمان على سنقد كتب:
عمنا عصمام عبد الصادق ..
حاجزين .. جيناكم الليلة خاطبين البنية لمحمد ..
يا اخي الف مليون مبرووووووك المولودة ..
وربنا يحفظها يك من ناس هناي (انا ما قاصدك يا عبد الله) ما تعاين لي كدا ..
ودامت في امان الله
أخوي وليد إت ما كنصيح شابكني عمى ... عمى ... ياخي قولي خالي ...
طبعاً أكيد حا تضحك وتقولي طيب .. عملت شنو يعني .. وبعدين البنية دي تحوق في منو ... والله إلا ننزلها لكم في السحب...
لك خالص الشكر وعقبال ما نفرح معاك بأفراح وليداتك ... قول آمين يا رب
حسن شمس الدين كتب:
ألف ألف ألف
ألف ألف ألف ألف
ألف ألف ألف ألف ألف ألف
ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف
ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف
مبروووووووووووووووووووووووووووووووك
المولوده الجديده والنجاح الباهر للنابغه (طوفى) مصطفي وعقبال الدكتوراه يارب
مره اخرى مبروك نحن دايرين الكرامه تكون كرامتين ماتملحنا في واحده
منتظرين هنا وفي السودان
العزيز جداً حسن ود أخوي شمس الدين
أولا أعتذر لك لأنني غيرت في الشكل الهرمي الذي أبدعت فيه وعملته بطريقة عندما يظلل يعطيك شكل الدرج ... أو السلالم وكل ذلك بسبب أنني مشغول بالينيان وبعيد عنك الأسمنت والسيخ طارو لي في راسي ... عشان كدة بقيت أتهيأ حاجات تانية حامياني.
لك الشكر ... ولك الحق أن تفرح وخصوصاً أنتم لكم الدور الأكبر في تشكيل مصطفى فكرياً منذ صغره ...
وبالنسبة للكرامة والكرامات ... إنت الوحيد الذي لا يحق له الكلام ... وبحسبة بسيطة سوف تجد نفسك مطالب والله يطراكم بالخير يا ناس أحمد هبار وبكري تاج الدين وتيسير ومعتز وحمود وبقية العقد الفريد بقيادة طارق وعبدالصادق.. وخلي طبق السماية مستور ...
اسماء كتبت:
كل المداين زينوها بقوس قزح الليله عيد ميلاد فرحنا
بقدوم الاموره سيدة الحسن الف الف مبروك عمنا عصام وانشاءالله من المستورات
اهم حاجه ياعصام تعلم البت دي تسمع كلام خالاته اسماء وسيده
أختنا أسماء الجرافية بنت أم در
مشاركتك لينا زادت من أفراحنا ... وكانت تكتمل الفرحة لو عديتي على دار عبلة خلال جولتك المكوكية في ربوع جريفنا مع السفيرة أختنا بت صباحي سيدة ... وعلى الأقل كنت سوف أضمن لكي الحلبة والنشاء في عز الهجير ... ولكن ضاعت عليك وضعت معاك أنا لأني كنت سأضمن بأنك سوف تنقلي صورة حية وعلى الهواء مباشرة من قلب الحدث.
ليك مليون تحية....
علي الامين كتب:
الف مبروك نجاح إبنكم ، إن الله عقبال الدكتوراة
آسف جدا ، التهنئة ناقصة في المرتين ( إن شاء الله عقبال الدكتوراة ) و ( إن شاء الله من بنات المستقبل )
أخوي على ود الأمين
أشكرك جدا وتهنئتك الأصلية والمعادة مقبولات لأنهم نابعين من القلب... وقلبك عارفو مشغول وأسأل الله أن يشغل قلبي بما شغل به قلبك ... لك التحية والتقدير
حافظ عبيد كتب:
الف الف مبروك وانشاء من بنات السودان النجيبات .
وانا متاسف جدا لهذا التاخير ولكن الايام الفاتت دى كنت شوية مشغول بالوالدة ولكن الحمد لله ظروف ومرت اخى الف مبروك وعقبال المولود الاف انشاء الله
أخوي ود العبيد ..
ألف حمداً على سلامة الوالدة وربنا يديم عليها نعمة الصحة والعافية وعقبال ما تفرح معك ومع إخوانك بفرح أولادكم ونحن معكم كمان في وسط الأفراح...
عبدالله نابري كتب:
الف مبروك يا زعيم .. من ربى ثلاث بنات وكبرهن وعلمهن أدخله الله الجنة ..
وكذلك مبروك النجاح لابنكم وتمنياتنا بمستقبل زاهر
بس عاوز ارجع لسؤال البشير عمي عن التومات .. اعتقد انو التومات ديل الدكاكين الفي الزلط !!
أخوي ود نابري
ليك مليون تحية ... ونرجع لمداخلتك وأنا بدوري بسأل وكت إنت عارف إنو البربي ثلاث بنات ويكبرن ويعلمن بيدخل الجنة ... إنت المصبرك شنو حتى الأن .... لكن بيني وبينك خليك وراء الشوفة الشرعية ... لغاية الضحك ما يشغك... آل شوفة آل ...
بالنسبة للتومات والدكاكين الفي الظلط ... والله براي قعدت أضحك ... وطبعاً التومات الائي قصدهم عمك بشير هم تومات حاج على حاج إبراهيم ... والمشكلة عمك بشير ناسي إنو البليلة فيها حصحاص ... والرايش وصل لصديق النعمة ... ولم أتوقع ... أبداً أنك سوف تصل الظلط .... وعموماً عشان أريحك وأرتاح وأريح العباد الدكاكين دي سوف ....................
محمد كمال الدين كتب:
ربنا يجعل افراحك دائمة ، اخي العزيز عصام عبدالصادق ( الريس ) ، تهانينا بالمولوده ونجاح الابن مصطفى . وعقبال الدكتوراه . وانشاء الله تفرح بجديدهم
عمنا ابو المغداد ليك مليون تحية ونشكر تفاعلكم وسط هذا الجيل ... وخصوصاً أنت أبو الأجيال ... وربنا يسعدك دوماً بنجاح أولادك وسعادتك هلى سعادتنا وفرحنا جميعاً
لك مني كل التقدير.
سيدة صباحي كتبت:
الف مليون مبروك اخ عصام المولوده ويارب تتربى فى عزك ويارب تكبر سريع عشان تدخل قسم النواعم خالتا منتظراها ومبروك نجاح الولد وعقبال الدكتوراه
أختنا سيدة السفيرة
أشكر قدومك وسط هذه الأفراح وربنا يجعل كل أيامكم أفراح
أما بخصوص دعوتك بكبر البنت عشان تدخل قسم النواعم ... والله يا سيدة أختى يظهر إنك على نياتك وطيبة طيبة أهلنا الحنان ... لأنني بتخيل في زمنها لن يكون هنالك قسم للنواعم ... بل الموقع كله للنواعم ويومها سوف يتم الإنفصال ... ونحن نقعد نفتش للوساطة عشان ندخل الموقع ....
أبو تراجي كتب:
انتو عصام ده ما قال لينا البنية سماها منو ؟ وكمان هسه مضى من قدومها اكثر من اسبوع زولكم ده ما ضبح ولا فول الحكاية شنو ؟ مع انو فى خطاب كتار (مازن ومحمد ويمكن عبدالله نابرى) نحن منتظرين نشوف شكلها والبيت الفى الظلط يتم عشان
نتقدم للزواجها لابن من ابناءنا (نحاول تحسين النسل ) مع انى عارف عصام حيقول شنو!!!
لكن حقك يجيك لا فيهو شك يمكن واظن
ويفوتوا هم
والعدل يعم
وتغنى ام
وربنا يدينا عمر للزمن داك
ابو تراجى
والله يا أبو تراجي ... حيرتني وما عارف زاتو أقول شنو ...
طيب فالنفرض أنا وافقت على كل كلامك ده ... أها ... ولدك وينو؟ ... عليك الله سلم لي على تراجي وتمارا... والله يحرق روحك ...
علي عمر حاج الأمين كتب:
الف...... الف.......مبروووووووووووووووك الريس عصام بقدوم المولودة .اللهم احفظها وارعاها....
آآآآآمين
آآآآآآ مين يا على ود عمر عمي .... وربنا يسعدك كمان وكمان ... وعلى فكرة يوم قدوم البنية إتصلت على أخواني عشان أطمئن ... تخيل قالوا شنو ... قالوا والله نحن الأن مع ناس عمنا عمر حاج الأمين وقاعدين نفطر في عرس عثمان ود عمنا عمر حاج وقدامنا صحن لحمة كارب ... عليك الله يا علي عاوزك تتخيل منظر الصحن ده....
لك التحية أخوي على وألف مبروك زواج أخونا التكاسي عثمان...
حسن شمس كتب:
انتو يااخونا الريس دا مخلي الناس في الديوان تتونس وتبارك وناس داخله وناس خارجه وهو لا هميهوا مع البنيه وام البنيه بهناك!
يازول تعال مارق وعفيناك من السمايه
ياخوانا السمايه (مسبله) (بلح ومويه) مشكورين للحضور الجميل
حسن أخوي يظهر إنو رأسك دائش والعرس طار ليك في راسك ... كيف أكون سايبكم وأنا آخر صحن لحم ختيتو قدام أخونا على عمر حاج الأمين كدي لاحظ للمداخلة الفاتت دي.
( لحن الختام ... البنية أسميناها لين .... والإسم مأخوذ من الرقة واللين ... وأيضاً يعنى به النخيل ... ) وبذلك أنضمت لركب شقيقاتها بدور وبشائر تحت قيادة الحرس القديم مصطفى وخالد...
أتقدم بالشكر الجزيل لكل أعضاء المنتدى بتفاعلهم مع هذه الأفراح التي عمتنا جميعاً ونسأل الله الكريم أن يجعل كل أيامكم أفراحاً ... والتهنئة موصولة لكل الناجحين والمتفوقين هذا العام وأسأل اللكريم أن يوفق كل الأبناء في حياتهم الدراسية لتفرح معهم كل أسرهم ...
.
إيهاب محمد مصطفى
07-01-2009, 11:06 AM
اقتباس : المشاركة الأصلية كتبت بواسطة عصام عبدالصادق [ مشاهدة المشاركة ] (http://aljraif.com/vb/showthread.php?p=2369#post2369)
... البنية أسميناها لين .... والإسم مأخوذ من الرقة واللين ...
الف مبروك ياريس وربنا يجعلها من الطاهرات المستروات ...
بس بالغت في الإسم .. كان تسميها (جرادية):p
عصام عبدالصادق
07-01-2009, 06:24 PM
إيهاب ده شنو ... إيهاب ده شنو .... إيهاب ده شنو ..
بس خلاص محاربك ... أصبر لي بأدبك ... والله إلا أكلم عليك مرتك وأقوليها إيهاب قالي كان تسمي بنتك الجرادية.....
العزيز الغالي إيهاب ... لك خالص الشكر وفرحنا هو فرحكم ... ونسأل الله أن يسعدكم دوماً
وعلى فكرة توقعتك تقول لي الأفضل كان تسميها ملاذ لأنه الأقرب لحى الملز وخصوصاً عندما ينطق أو يكتب بالإنجليزي ... متزامناً مع تواجدنا في حي الملز منذ أن وطأت أقدامنا أرض المملكة ... ولكن الجرادية دي أسأل عنها عمر حسن وصلاح محمد أحمد ومحمد زين صغيرون.
يدوم الود
يحيي عثمان عيسي
07-02-2009, 06:48 AM
الحبيب الغالي ود عبد الصادق
اخجل كثيرا ان تأتي تهنأتي بعد كل هذه المده ولكن ظروف مرضي حالت دون ذلك وعلمي المتأخر
من قلبي الف مبروك بالمولوده جعلها الله من الصالحات وان يهيها الله عقل ابيها وروحه الطيبه وقلبه الذي يحمل كل الحب والود للجميع
والف مبروك لنجاح الابن مصطفي وعقبال الشهادات العليا باذن الله
اكرر اسفي لتأخري في التهنئة والف مبروك للجريف وللمنتدي
كان جات زي ابوها السمحه مشكورة