اهتمي ببشرتك سيدتي

[اسماء]

قومي بوضع ثلاثه ملاعق كبيره من الزبادي الطبيعي وملعقه من عسل النحل الاصلي وملعقتين من الكاسترد وملعقه من الخميره
الطريقه :
يتم الخلط جيدا في اناء نظيف ويترك في الثلاجه لمدة 30 دقيقه وبعدها قومي بغسل وجهك جيدا" ثم اضعي الخليط وبعد 15 دقيقه من وضع الخليط على الوجه قومي بتقشيره اولا" ثم اغسليه بالماء الفاتر كرري العمليه اسبوعيا" وسوف تري تغير واضح .
اهتمي ببشرتك فهي عنوانك وتزكري دوما" ان الله جميل يحب الجمال

[الهندي بشير نابري]

الأخـــت أسماء رغم علمي بأنه قســم مخصص للنســاء فقط .. لكن انتي عارف
مرات الواحد بيحرقو الشمار وبيجي خاشي خلســة ... وعايز أعلق على الموضوع
لكن داير ادي عصام عبدالصادق القلم ليكتب هنا ويعلق

وحول كل حديث شكرا لكي مشاركتك وانضمامك هاهنا ايضا وانتي فرد منا

[عبدو(كمبيوتر)]

اسماء

الوصفة دى الواحد يعنى لو داير يجرب
نصيحتك
ليهو شنو..........؟

وبعدين يا الهندى دايرلنا
قسم بعنوان (الخشووووونة)

[saida sopahi]

الاخت اسماء مرحب بيك وكترخيرك كتير على الوصفه الجميله دى الغير مكلفه وطبيعيه 100% واهم حاجه انها رخيصه وتعطى نتائج باهره
والحاجه التانيه الاخواه الاعذاء هو قسم فعلا خاص بالمراه بس اكيد كل واحد فيكم عندو اخت او زوجه او حبيبه لانو حواء دى داخله فى كل شئ وانشاء الله ترقبو مننا كل ماهو جميل ومفيد

[الطيب الامام الطيب الامام]

الاخت اسماء زى ماقل الهندى الشمار حرقنى شديد ودخلت توش لقيت نفسى مابراى كمبيوتر والهندى صبقونى لكن مابطلع ساكت اديك وصفه قشرى اربع كيلوا خيار وقوى بوضعه على كل الوجه لفترة ساعتين بعد غسل الوجه بالماء الدافى وبعد الساعتين اغسلى الوجه بماء بارد هذا لكى حواء الجريف والى اخونا ابو صلع احضار سته ربط من الجرجير وتنشيفهاء بالشمس وبعد ان تنشف يتم سحقها وخلطها بالماء ووضعها على المكان الذى يتساقط منه الشعر لفترة اسبوع على الاقل ومنتظر انتايج طبعا المرة الجاية الوصفات غير مجانيه

[مصعب عمر]

بعد السلام
الاخت اسماء
كلامك جميل موضوعك فى غايئة الاهميه بنسبه للبنات
لكن ارجو منك الاستمرار فى مواضيعك لانوا انتى عارفه فى هذا الايام ظهور الكريمات التى تضر بصحه ارجو ان تعملى على افادة الاخوات

شكر ليك على هذا الموضوع ربنا يجعلوا ليك فى ميزان حسناتك

[مصعب عمر حسن حمزة]

أتمنى ان تلتزم بيها كل إمرأة تهتم بنفسها

[هيثم الباقر دفع الله]

يا ناس في التبادي السلام عليكم
جاي خاشي أتلبد و اتلفت زي مروحت التربيزه لكين لقية الشله كلها هنا قوية قلبي و دفرت لقدم عجبني الموضوع ده
( قال الاخ الكريم ود الامام :
والى اخونا ابو صلع احضار سته ربط من الجرجير وتنشيفهاء بالشمس وبعد ان تنشف يتم سحقها وخلطها بالماء ووضعها على المكان الذى يتساقط منه الشعر لفترة اسبوع على الاقل ومنتظر انتايجخلي باك يا حبيبنا ( الهندي & ود العبيد & منير المهل ) انا قلتها و الزارعه الله في الظلط تقوم
هههههههههه هاهاهاهاهاهاهاهاهاهاهاهاهههههههههههههههه

[مصعب عمر حسن حمزة]

السلام عليكم جبت ليكم خلطة جديدة وبسيطة وهي مكونة من عسل بس

يكون عسل أصلي و خميرة الطريقة :

تخلط العسل والخمير ومسحي الوجه كامل

وبعد نصف ساعة قومي بتنظيف وجهك بالماء البارد
وشكرا

[اسماء]

الاخوة الكرام الهندي ودنابري وعبدوكمبيوتر والطيب الامام ومصعب عمر وهيثم الباقر
والسفيره سيده اهلا ومرحبا بكم وانتم تنورون البوست البسيط ومشكورين على المرور وذي مابقول الهندي اعيش المنتدى وادوم خيرو
وياجماعه مافي داعي للتحسس فالبوست للاطلاع ليست للنساء فقط
والرجل اخ للمراة وابن وزوج ووووووالخ يعني ممكن الواحد منكم اشيل الوصفه واوديها البيت