الشلوت البصح بصح

[ايمن السر بابكر]

ظهرت النتيجه المتوقعه

البشير اتحصل عى اقل من سبعه مليون
عدد سكان السودان اكثر من اربعين مليون
المسجلين للانتخاب اقل من سبعتاشر ميلون



لو افترضنا الصحه وعدم التزوير

العدد دا استفتاء حقيقى لمكانه عمر البشير

قبل ما تفرحوا ساى
امشوا كدى اقعدوا فى الووواطه وراجعوا العدد دا كويس

فى رأىالخاص الشعب السودانى قال كلمتوا فى البشير.

العدد دى فيها كم عسكرى ومجند؟

الشغالين فى الوزارت كم ؟
فى الانتخابات يقرر عوام الناس مصير النخبه
لان الناس فيها تحصى كرؤوس الماشيه.

[ايمن السر بابكر]

طيب يا أخوننا
الشلوت وين

الشلوت فى التاريخ

ووصمه العار فى جبين هذا الحزب الذى سيشهد عهده انفصال الجنوب
والذى فى عهد برلمانيه وعهد حكومته فقدنا جزء غالى من وطنا
اللهم ارحم على عبد اللطيف وعبد الفضيل الماظ

وياى بلدنا وكلنا اخوان

[ايمن السر بابكر]

ايها الفائز ب سبعه مليون صوت
هل لك ان تجيب
كيف ولماذا
مات ابناء الشعب السودانى فى الجنوب؟وما كان الهدف من ذلك؟

[ايمن السر بابكر]

اولم تسأل نفسك اين بقيه الخمسه واربعين مليون
او اين بقيه السبعته عشر مليون؟

ولماذا سته مليون فشلوا فى وضع البطاقات بالطريقه الصاح؟

[خالد السيد]

اخى ايمن احترم عقلنا شوية...بس
اولا انت قلت(عدد سكان السودان اكثر من اربعين مليون) طبعا كلهم كل الشعب اعمارهم 18 سنة السن القانونية يعنى كلامك دا انه السودان مافيه شافع واحد..هل كلامك دا منطقى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثانيا الما سجلو ديل .... كان يسجلو.... ويدو بصوتهم احد غير عمر البشير !!!!!
اخى ايمن الحق كل الحق اولا واخرا (الملك لله يوتيه من يشاء) ,قلناها قبل كدىالكلام دا وعسى ان تكرهوا شيئا وهو خير لكم
وتقبل خيار الشعب...
http://productnews.link.net/general/News/03-01-2010/alaa_main.jpg

[خالد السيد]

http://dc05.arabsh.com/i/00685/kfcmsb2hrtn4.jpg


http://www9.0zz0.com/2009/06/15/09/778294056.jpg

[ايمن السر بابكر]

الاخ خالد
والله انا محترم عقلك شديد
بس ورينى عدد الناس الوصلوا السن القانونى كم؟

شان انا اوريك انو انا بحترم عقلك
انت عارف عدد التالف كم؟
قريب للعدد الفاز بيهو الريس
زول ما بعرف يرشح تفتكر بكون عارف اختار المرشح لى شنو؟

بنفس طريقه اجيب واحد دى
البشير دا الجابو منو ؟

[خالد السيد]

المهم شنو ياجماعة؟


اولا الدين الاسلام ثم الاسلام ثم الاسلام البشير خير ام يقول البار جنب الجامع؟؟؟!!!!!

البشير فى ضيافة اهل القران...

http://www.suna-sd.net/file.asp?ID=618628http://alraed-sd.com/portal/thumbnail.php?file=bashir_150311355.jpg&size=article_mediumhttp://aljazeera.net/mritems/images/2010/3/16/1_978551_1_34.jpg

[ايمن السر بابكر]

يا خالد
شان تكون معانا على الخط وسيبنا من دغدغه المشاعر بكلام اصلا ما مقنع
مافى زول قال اخير بتاع البار وطريقه الخطاب دى فيهو عدم احترام لعقولنا

القصه من الاول قيام الانتخابات يعنى انفصال الجنوب او الاستفتاء على الانفصال
الذى كان يجب ان يحدث هو البحث عن الطريقه الصحيحه للخروج بالسودان من هذا النفق المظلم

اما حكايه البار دى بس امش العصر تحت كبرى الجريف المنشيه واتمشى لحدى سرحان بعد داك تعال ورينى شفت شنو؟؟؟؟

[خالد السيد]

اولا واخرا:ليكن هدفنا الاول الاسلام وكيفية الزود عن شرع الله ....
وكما قال الشيخ العلامة محمد سيد حاج فى اخر خطبة قالها:
ان من اتى بكم اللى الحكم رب العالمين وهو بتوفيق الله ...
لن يحكم احد فى ارض الله الا بامر الله, وليكن همنا الاول حفظ الدين...

ثانيا انت قلت زول ما بعرف يرشح تفتكر بكون عارف اختار المرشح لى شنو؟
زكرتنى بقول احدهم ان امرأة طاعنة فى السن اتى بها ولدها لمركز الاقتراع وبعد ما انتهت من الاقتراع سالها ولدها انتى يايمة اديتى منو قالت ليهو:كان يابسة اديتها!!!!هههههههههههههههههههههه الهم اصلح الراعى والرعية

[خالد السيد]

قال الشيخ البرعى فى اخر انتخابات فى السودان فى التسعينات لحيرانو قوموا امشو ادو السيد الرئيس البشير وكل اهل القران بايعوه وادو شوف عينى حفظة القران اقول ليك حاجة ويكفى دعائهم وكفى شرفا للسيد الرئيس ان جعل حافظ القران بدرجة البكالريوس ...العملها منو قبل كدى وهذا اكرام للقران واهله ودا كلام كبار المشايخ.
والله اكراموا للقران يكفى والدليل انهم كرموه حفظه الله من اجل القران اميييييييييييييييين

[ايمن السر بابكر]

وفى واحده برضو رشحت وزغردت وقالت البشير دا الا يشوف ليهو ناس غيرنا يقول ليهم الكلام البقول فيهو ليل ونهار وقالت قولوا ليهو الشجره جات بتريحنا منك

انها يا خالد حكاوى الفقر والجهل............

[خالد السيد]

انت قلت(الذى كان يجب ان يحدث هو البحث عن الطريقه الصحيحه للخروج بالسودان من هذا النفق المظلم)البشير متمسك بخيار الوحدة انت ساااااامع كلامواوعااااارف وقال كلاموا دا فى الجنوب ناس الانفصال,اخى ايمن فى الاسلام هنالك بندا هاما اسموا الولاء والبراء للحاكم حتى لا تتولد الفتن وتكون الفتن سببا فى خراب بيوت الله وصد الناس عن سبيل الله وعلينا اولا واخرا نحن كمسلمين ان نتمسك بكتاب الله وسنة رسوله صلى الله عليه وسلم.
يوم القيامة انا وانت لا البشير ينفعنا ولا غيره ينفعنا والله والله والله ربنا عظيم وماالذى جعلنى اقسم بالله العظيم الذى يوتى ملكه من يشاءهو المهم فى قضية السودان الاسلام ,فى( راى الشخصى )البشير خير حافظ لدين الله وربنا يقويه.(واقول قول جمال حسن سعيد فى دراما)
ياود السر عذبتنا!!!!!!!!!!!!!!!!!!!!!!!!!!!! هههههههههههههههههههههههههه
المهم اخى الحبيب ود السر ان يكون السودان فى امن ورخاء جزاك الله خير واسال الله ان تكون من باب النصح للحاكم مع انه ناس العلم قالو يجب ان تكون فى السر ياودالسر.مع خالص التحايا.....
اخوك خالد

[الطيب حسن الفاروق]

الاخ ايمن كلامك عديلك ومنطقى بلغة الارقام
واللة دخلت لاكتب نفس الموضوع ولك التحية على هذا السبق
والمسالة محتاجة لدراسة وافية من اهل الانقاذ لمعرفة موقعهم من الاعراب

[صديق النعمة الطيب]

أيمن السر الدفين في نفوسنا،،،
سأحترم عقلك تماماً...
أولاً و قبل البدء في الكلام هناك قاعدة عندما ذكرتها في وقت مضى قيل أنني من أعداء الديمقراطية،،
لكي تحقق الديمقراطية لا بد من توافر بعض الشروط و التي تؤول إلى الصفر في الدول المتقدمة و تساوي الصفر في الدول المتخلفة،،،
في الدول المتقدمة تكون الغلبة لجماعات الضغط (اللوبيات) بكل أشكالها و في الدول المتخلفة تكون الغلبة (للحِدق)،،
لقد ذكرت في حديثك أن (عوام الناس) حددت مصير النخبة، و هذا كلام أستغربه جداً من من ينادون بالديمقراطية الليبرالية التي تحتكم للشعب (بغوغائيته)،،
السؤال هو.. أين هذه النخبة التي تتحدث عنها،،،
قرأت في دراسة أن 60% من أي شعب (من متوسطي الذكاء) و 20% من (الأغبياء) و 20% من (متقدي الذكاء)،،،
و أن ال 20% من متقدي الذكاء هم من يقضون حوائج الناس وهم عقل الأمة يديرون شؤونها، و يفكرون نيابة عنها، و هذه الفئة هي نفسها التي أطلقت عليها (النخبة)،،،
و في نظرة سريعة للسودان ستجد أن 80% من الشعب تخدم النخبة التي كان ينبغي لها خدمة الشعب،،
لذلك دعنا من الحديث عن النخبة، ففي السودان لا توجد نخبة بالمعنى الذي ترمي إليه في حديثك، فالنخبة هي مجموعة من المثقفين و المفكرين الذين يقع عليهم عبئ تشكيل (الرأي العام) يغيرون عقول ونفوس الناس من أجل مصلحة الناس، يموتون دون أفكارهم ومشاريعهم النهضوية،،،
نعود للديمقراطية التي هدمت أهم ركن من أركانها و هو الاحتكام لعامة الشعب،
سيكون السؤال عندما تنتهي عملية الهدم، و ما هو البديل؟؟؟
مع توضيح دور النخبة التي حددت (عامة الشعب) مصيرها؟؟؟
و في حال إقصاء العامة من المشاركة في الانتخابات من يحق له التصويت؟؟؟
وفي حال عزوف البعض عن المشاركة في الآلية التي اختاروها بأنفسهم هل يؤخذ برأيهم؟؟؟
و هل الديمقراطية (تنبع) من الشعب أم تفرض على الشعب؟؟
إذا كانت نابعة من الشعب فقد ناديتم بإقصاء الشعب من العملية الانتخابية، و إذا كانت (مفروضة) على الشعب فقد هرب منها الشعب (حسب ما جاء في كلامكم)،،
و بما أن الكلام يبدو غير متجانس و غير متسق فنرجو التوضيح فقط حتى تعم الفائدة،،،

[الهندي بشير نابري]

تحياتي كل الحضور .

أنا في تقديري أن النتيجة أصبحت حقيقة وواقع .. وعلينا ان نتعامل مع الواقع ابتداءاً بأنفسنا ...
مثال : لو كانت النتيجة للبشير 51% والمنافس الآخر لو افترضنا 49% حينها الفائز هو البشير
فهل سنظل في سخطنا هذا وماهو حال 49% ممن هم مؤهلين لخوض الانتخابات ... ماهي ردود الافعال
نبقى زي خلف الله القال انا من يوم عشرة في شهر ابريل وقعت في الكورة وكراعي مجبصة ما حأرشح ؟
وحأشاكل أخوي لو فريقه غلبنا ... في النهاية النتيجة هي الواقع الذي يجب علينا التعايش معه

السودان هم الجميع رئيس ومرؤوس حكومة وشعب .. عايزين رئيس يلبي مطالبنا نحنا الاربعين مليون
طيب مين المعين للرئيس دا ؟ ومن هنا سنبدأ نفكر في انفسنا ..
الغالي ايمن انتخابات السودان انتهت بحمد الله ونتيجتها كانت كما يريد الشعب وقبلهم كما يريد الرب
فهكذا هو يشاء فلو كان قدر مسلط علينا فهو من الله ولو كان خيراً لنا فنعمة ورزق طيب .

مانريد ان نسعى له رغم كل تيارات وامواج الغضب والانتقاد والغبينة ان نتقبل الواقع ونتعايش معه
الرئيس البشير في نفسه (إنسـان) ويحمل معاني الكلمة ... ونحن (سودانييون) هل تذكر موقف الشارع
السوداني ايام مطالب اوكامبو ؟ لو كانت الانتخابات حينها لفاز الرئيس ب(اربعين مليون صوت) كيتاً في اوكامبو
الليله نحنا عايزنه يكون فائز نصرة لينا وعايزنه يكون في صفنا ونكون في صغه .. ياخي دا الرئيس عمر البشير .

[ايمن السر بابكر]

الغالى الهندى يعتى فوز البشير قضاء وقدر؟

[المينقو]

السادة الأماجد...سلام...سلام...سلام

أيمن أولا ...لا أدرى ماذا تريد قد يختلف الكثيرين حول المؤتمر الوطنى لكن الإختلاف حول البشير ينصب فى أمرين مصلحه شخصيه وهذه ممن يريدون الجلوس على مكانه رئيسا(الترابى,المهدى وخلافه) أو يعمل لصالح أجندة غيره مختلفة الأغراض (عرمان,مبارك وخلافه),بمعنى (يا متحرف لقتال أو متحيز الى فئة) فمع من أنت ؟؟؟؟

إذا تحدثنا بلغة الأرقام البشرية والتى هى سودانية بعيدا عن العساكر والمجندين وهم المكتون بنار كل المتحدثين من البشير وكبار الساسة الى المواطن العادى وانت منهم ,,,ماترمى له نعرفه تماما !!!فالأرقام تقول أن عدد المسجلين للإنتخابات كان أقل من 17 مليون كما قلت أنت!!! الناخبين كان (101144310)سودانى البشير له منها(6901694)هل كل هذا الرقم عساكر ومجندين أن صح ذلك فإننا فرحين بأكبر جيش فى العالم!!!!,عرمان (2193826),تاج السر(196688),منير شيخ(40277),جحا(71708)مبارك(49402),المهدى(96868),دي نق

(396139),فاطمة(30562),كامل(77132),عبدالعزيز(34592) ,نقد وكانت حصيلته أخير منها حصيله المرأة الوحيدة وهو(26442),الحصيله تعطى الرقم للناخبين لكن السؤال أين الباقى من عدد المسجلين ؟؟؟هل تعلم كم عدد الذين لم يصوتوا أصلا وهم (آل خلف الله) وأنت وأحد منهم ؟؟؟ وطبعا من حقهم أن نحترم رأيهم, هل تعلم كم عدد الذين سجلوا فى منطقة وحرموا من التصويت لتنقلهم من مكان التسجيل الى مكان الإختراع بالرغم من أحقية التصويت لرئاسة الجمهورية وحرمانهم لجهلهم بحقهم؟؟؟هل تعلم كم عدد الذين توفوا بأمر الله فى الفترة من التسجيل الى الإختراع؟؟؟ هل تعلم كم عدد الذين قدر لهم المولى أن يكونوا مرضى فترة الإختراع ولم يحركوا أصبع دعك من تحركهم هم؟؟؟؟وهل تعلم كم عدد الدوائر التى تم فيها تأجيل الإنتخابات؟؟؟؟ وهل!!!!لناخذ مثال ولاية وأراب وهى تعتبر الولاية الأكثر تحيزا الى الحركة الشعبية والأكثر أمية على مستوى الولايات السودانية بأمر الإنتخابات كانت محصلة الرئيس فيها(7946) ,,,,أيمن من تريد أن يحكمنا عرمان الذى يطبخ لسودان جديد علمانى؟؟ أم المهدى الذى يطبخ لعمل عسكرى مع العدل والمساوة بالقاهرة أمس؟؟أم الترابى الذى يحمل فى كتابه الأسود الثانى دمار السودان ؟؟؟أم مبارك مصنع الشفاء؟؟ أم نقد المستهتر حتى بشعائر الله؟؟ طيب رايك شنو فى فلان ؟؟؟يأخى مازال السؤال قايم متحرف الى قتال أم متحيز الى فئة؟؟؟والقاكم

[خالد السيد]

والله يالشريف الهندى كلامك حلو حلاوة السودانين ومقبول ووسطى ويايمن الحركة والسكون بيد الله والايمان بالقضاء والقدر ركن من اركان الايمان,لو ان الله يورث كل الكرة الارضية للمسلمين مامسه من لغوب(تعب)فامره بين الكاف والنونى هى الحقيقة...الملك لله يوتيه من يشاء.
الايه 26 قوله تعالى {قل اللهم ملك الملك} اسباب نزول الايه
اخرج ابن ابي حاتم عن قتاده قال ذكر لنا أن رسول الله سأل ربه ان يجعل ملك الروم وفارس في أمته والروم وفارس كانوا اشد الناس شراسة وعدة وعتاد ,واعداء الله ورسوله تهكموا برسول الله فأنزل الله تعالى{قل اللهم مالك الملك }