مشاهدة النسخة كاملة : لو ما لقيتا من زي ديل
ايمن السر بابكر
06-08-2009, 07:12 PM
احبتى مصدر فخرى وامتنانى واعتزازى الاشاوس الف تحيه
للذين همهم امر غيابى وسالوا عنى وتتداعوا بالسهر والحمى
لم اكن اعلم باننا قد بنينا صرحا شامخا يسمى منتدى الجريف والان فتحا يسمى موقع الجريف ما اعظمكم فردا فردا الربان
الهندى بدر البدور عبدالماجد اصيل الدواخل عبدالله نابرى الجميل الخال الخضر والخلوق سنقد والفاضل الدسم جدا قريبى عثمان عبد الصادق والحبيب يحى والعزيز معز السمانى والسفيرة سيدة واسماء التى فاحت وابو تراجى والمنقو والحسن حسن عوض والصادق صديق النعمه والعامر عبد الوهاب والزين محمد زين نابري والسليم تساليه …….
والجميع الجميع لكم عشقا ابديا
وخفقا وزكرا
فلنهم القادم اصعب والامتحان شاق والطريق مهلك هلموا نتعاضد ونبدع فأنها الجريف
شكر ا
هندى وعبدالله وبدر ومصعب عمر حسن والمنقو ومعز سمانى فقد تشرفت بسؤالكم الشديد عنى ومنحنى انتماء ونوافذ
و لو ما لقيتى من زى ديل كان اسفاى و................................
حسن عوض عباس
06-08-2009, 10:14 PM
حمداً لله على سلامتك أخي أيمن
الطيب الامام الطيب الامام
06-09-2009, 12:12 AM
-اى ----بركة الجيت بركة الجيت بركة الجيت ----------الف حمد لله على العودة الحميد ومنتظرين قلمك الساخن بشرنا عنك اخونا ايمن
يحيي عثمان عيسي
06-09-2009, 05:46 AM
عاد الحبيب المنتظر عودا حميدا مستطاب
تراحيب المطر وشوق الارض
نحن في انتظار الابداع
عصام عبدالصادق
06-09-2009, 07:20 AM
الحبيب أيمن السر
ألف حمدا على سلامة العودة
عموماً أخذ راحتك على بال ما أمشي للموقع القديم وأجيب مداخلتي عن غيابك ...
وحا تقول براي سويته في نفسي ... وبرضو تقولي دسم..
عثمان عبدالصادق
الهندي بشير نابري
06-09-2009, 08:05 AM
حمدا لله على السلامة يا ايمن وعوداً حميداً
وعليك الله لقيتنا كيف ؟؟؟!!! هههه
وليد عثمان علي سنقد
06-09-2009, 09:07 AM
الف حمداً لله على سلامتك يا ايمن ..
شرفتنا اليوم بطلتك الجميلة ..
ونورت منتدانا الجديد .. ونرجو منك إثراءه بما هو مفيد للكل وللجريف ..
ودم بيننا ابد الدهر ...
عصام عبدالصادق
06-09-2009, 09:59 AM
أخوي أيمن مشيت الأرشيف في الموقع القديم وبعد صعوبة ومطاردات مع الحرس القديم قدرت طلعت بالحصيلة دي:
عصام عبدالصادق كتب:
أتاريهو أيمن ود السر مفقود وأنا ما جائب خبر ... بالله
... وعشان كدة انا بقول الجو الأيام الفاتت دي رائق والكتاحات وقفت شوية ... ما عدا رياح مستكا الموسمية ومنخفض عوض حسن عباس الحراري ... أيوا .. أيوا ... أنا كده يا دوب فهمت ... أصلو بعيد عنكم أنا مرات مرات فهمي تقيل...
ووالله لو ما خائف من سيدة بت صباحي تنط لي في حلقى كنت قلت يا الشيخ الامين يا صقر البرزن ويا أبونا ود بدر بي جاهكم وبركاتكم ترجعوا لينا ود السر ود حميدة..
لكن برضو نحاول نجيبوا ببركات شيوخ منتدانا... وبدعوات أستاذنا الخضر وبركات أخونا على ود الأمين وشيخي ود ريا الفي الشرقية وسماحة أخلاق أحفاد شيخنا وأبونا ود نابري وبي نية أبو تراجي ... بان يرجع لينا أيمن ود السر.. وإنشاءالله يرجع وجيوبه كلها مليانه كسار وحصحاص ( ياربي كلمة حصحاص دي صاح؟) وعشان الشك وكمان أسماء بنت أمدر ما تضحك فينا نستبدلها بكلمة (حصى)
بس يا جماعة هنالك ناس قالوا شافوهوا في الدمازين ... وفي رواية أخرى قالوا شوهد في منطقة أبو جبيهة ... لكن أخر واحد قال شاهده في صينية المك نمر وشائل ليهو كيس دوم ولافي الصينية ... ولكن إزداد خوفي عندما علمت أنه عاكس إتجاه الصينية .. ولكن الحمدلله ... الحمدلله أخونا ود السماني معز طمأننا شوية وقال قابلوا ولكن لم يحدد أين قابله ... وده برضو زاد من خوفني وخلاني أقول:
الليلة وين ألاغيك تاني يا ود السر ... ويا حليلك يا الما كملت دينك ( انا بقصد العرس .. العرس وتفكيركم ما يمشي بعيد يا جماعة ) ويا حليلك الخليت ود نابري يتلفت للهندي ... ويا حليلك يا أيمن الطويل وما قصير ... والليلة وينك يا أيمن يا البتمشي طوالي للنمر وتسيب الحلة... ويا حليلك يا بالتشق سوق قمر وهب النسيم وما بتخاف... ويا حليلك يا البضحي بي شارع أم دوم... والليلة ووب ... ووب .. وووووب علينا ....
ترجع لينا بالسلامة يا أيمن.. ونتمنى تكون فترة غيابك دي ما هي إلا ..
إستراحة محارب..
مصعب عمر حسن كتب:
واحد يمشي يشوف الزول ده مالوا
بدر عبد الماجد كتب:
إنتوا عارفين ياجماعة لو أنا ما تصلت على أيمن السر هاتفياً وإطمئن قلبى أنه بخير وعافية وفى أمان الله والحمدلله ، قلت الزول الاسمو عصام ود عبد الصادق إنتهى عددددددديل كده من الراجل ولكن الله ستر وكان الجو مطر . والشكر الخاص للبرعم مصعب عمر حسن لحسن الاهتمام
يحي عثمان كتب:
أيمن أيها الغائب عد
ها قد عرفت ما بنا من وجد
وعرفت قدرك العالي فجد
لو ان صخر نشادته اسماء وسيده لهد
الهندي بشير كتب :
والله العظيم ياجماعه عمنا عصـام ده حقو نديهو جائزة كبيرة .. يمين بالله ياعمنا عصــام أنا قعدت أقرقر من الضحك وغلبني البقولو على النواح والبكا بتاعك ده وأيمن والله حقو يجي جاري ومخلوع كمان ... والأعجب من ده كلو مصعب عمر حسن والله انا حنيت في حالو وحسيت بيهو انخلع شديد لما قال ياجماعه واحد يمشي يشوف الزول ده مالو وكأنو في مشكلة حقيقية حاصلة لأيمن ... والخلا مصعب ينخلع جنس الخلعة دي بس ياهو عمنا عصام ونواحو ده والله حقو أيمن يجي مارق مقلع سريع سريع قبـال ماباقي الناس تنخلع والدخلت فينا بعد نواح عمنا
عصام يمرقا الشديد القوي.
منير السماني
06-09-2009, 10:35 AM
أهلاُ بالرفيق العزيز
نعم فقدناك لكن نعلم تماماً
بتكون ساديلك حتى تانية
وقافلك ثغرة كبيرة
نورت يا بقة جهز عكازك
سوري (قلمك)
مصعب عمر حسن حمزة
06-09-2009, 12:54 PM
بعدما جفت الأرض
أمطرت علينا بأيمن السر من جديد
حمدالله على السلامه
ويالهليت نورت قلوب ناس المنتدى وسكت عويل الاحباب وكتمت نفس الشمات
تحياتي واشواقي اليك
بدر عبد الماجد بله
06-09-2009, 03:47 PM
بى قدومك بتنا نور وكله زينة يا أيمن السر ( ود أختى )
حمدلله على السلامة وما أشقى الحياة بدون امان وما أقبحها إذا كانت ترقباً وإنتظار ولا أقول مجهول بل علماً وقلماً سنيناً محفور بإسم أيمن السر وجميلٌ جداً أن يحبك الناس وأنت تثق فى نفسك وقبيحاً جداً أن تحرمنا منها واهون من أن يحبك الناس ها هنا فى بيتنا السعيد (منتديات الجريف شرق) ويا عصام مضى زمن النواح واشرق الصباح بقدوم أخونا أيمن السر .
اخى ايمن عودا حميدا
وفعلا كما قال عصام كان الهدوء يلف المنتدي بغيابك
ولكن منتدانا لا نريد له هدوء خاصة بعد تدشين الموقع الجديد من قبل الاخوة المشرفين مشكورين على جهودهم
مرحبا بعودتك مرة ثانية
الهندي بشير نابري
06-10-2009, 07:14 AM
الأحباب أبشركم .. أيمن الســر هلّ علينا من جديد
بس هلال رمضان .. وجاي والكل يترقبه ..حضور
فخيم .. ودا ياجماعه تمن الناس الغاليين زي ايمن
ومنتديانا مليان عظمة وفخامه .. واسماء تناطح
السحاب .. سحان من كساهم القبول في نفوس الناس
صديق النعمة الطيب
06-10-2009, 11:48 AM
إنتو يا جماعة أيمن دا خلعتو لمة الناس و الجوطة و الهيلامانة و هرب تاني و لا الحاصل شنو، بس جا تاوق و حجز مكانو بكم كلمة كدا و عاود الغياب، و الخوف يتحول البوست من ترحيب بالقدوم الميمون إلى مناداته بالرجوع مرة أخرى،،
في هذه الحالة لا بد من اتخاذ قرار جرئ و هو "إلقاء القبض على أيمن و الإتيات به مصفداً بالأغلال إلى ساحة المنتدى حياً أو ميتاً"، و من ثم تشكيل محاكمة علنية على أيدي قضاة من المنتدى، و تكليف من يقوم بعملية الإتهام، و له كامل الحق في الدفاع عن نفسه أو توكيل من ينوب بالدفاع عنه، و لا أعتقد أنه يحتاج فلسانه قادر و لكن في كل الأحوال و ما شاء الله المنتدى مليان بالفصحاء و المطوعين الذين يمكن أن يدافعوا عنه،،،،
و يمكن أن تكون المحكمة دائمة لكي تتناول كل القضايا التي تحتاج للفصل و البت فيها بمعنى أن تكون دائرة اختصاصها كل خلاف أو مطالبات لها علاقة بالمنتدى أو بأعضاء المنتدى بصفتهم "العضوية" ،،
و الله نحن في شوق إليك يا أخي العزيز فهلا أطللت ثانية و ثالثة،،،
احمد عثمان حاج حمود
06-10-2009, 12:28 PM
فقدناكم تمنينا في الاحلام رؤياكم
وحشتونا ولا ندري ان كنا وحشناكم
نورت المنتدى اخى ايمن
معذ السماني الحاج ياسين
06-10-2009, 07:26 PM
ايمن السر ياخي حمد الله
علي سلامتك
ياخي تعبتنا شديد انحنا من المنتدي القديم بنسك فيك مالك انشاء الله خير
اوع يكون هبشوك
ولا دقوق والخوف يكون سكوك
ههههه هههههه
المهم حمد لله علي السلامه وانشاء الله ماتنقطع عننا تاني
ولينا عوده
معز السماني
عبدو(كمبيوتر)
06-11-2009, 09:18 AM
احبتى مصدر فخرى وامتنانى واعتزازى الاشاوس الف تحيه
للذين همهم امر غيابى وسالوا عنى وتتداعوا بالسهر والحمى
لم اكن اعلم باننا قد بنينا صرحا شامخا يسمى منتدى الجريف والان فتحا يسمى موقع الجريف ما اعظمكم فردا فردا الربان
الهندى بدر البدور عبدالماجد اصيل الدواخل عبدالله نابرى الجميل الخال الخضر والخلوق سنقد والفاضل الدسم جدا قريبى عثمان عبد الصادق والحبيب يحى والعزيز معز السمانى والسفيرة سيدة واسماء التى فاحت وابو تراجى والمنقو والحسن حسن عوض والصادق صديق النعمه والعامر عبد الوهاب والزين محمد زين نابري والسليم تساليه …….
والجميع الجميع لكم عشقا ابديا
وخفقا وزكرا
فلنهم القادم اصعب والامتحان شاق والطريق مهلك هلموا نتعاضد ونبدع فأنها الجريف
شكر ا
هندى وعبدالله وبدر ومصعب عمر حسن والمنقو ومعز سمانى فقد تشرفت بسؤالكم الشديد عنى ومنحنى انتماء ونوافذ
و لو ما لقيتى من زى ديل كان اسفاى و................................
ايمووووووووووووووووووووووووووووووووون
http://www.youtube.com/watch?v=UYoMFEsN5xU
ابو تراجى
06-11-2009, 02:33 PM
والله بالغت معانا
الله يسامحك
انت ماعارف انو الرضاعة ساهله
المشكلة فى الفطام
ابوتراجى واتباعه
ronaldo
06-12-2009, 04:43 AM
الف حمد الله على السلامه, و في انتظار مواضيعك الساخنه لاحياء روح النقاش مع قدوم الموقع الجديد
علي الامين
06-13-2009, 01:57 PM
حمداً لله على السلامة ، بس يا أخوي في ملاحظتين : اولاً : عثمان عبد الصادق الدخلوا معانا شنو ؟ أنت قاصد عصام عبد الصادق ، ثانياً : سألنا سؤال ، هل أنت أيمن ود السر الحكيم ؟ على العموم مرة ثانية ، حمداً لله على السلامة . و إن شاء الله دائماً .
ايمن السر بابكر
06-16-2009, 10:46 AM
يا عصام حضرتنى بكاى قبل ما اموت الحمد لله الماسبلتنى خليتك لى ود حسونه اورينى فيك يوم يوم بس غايتو عشان حبوبه الله يرحمى يوم حجتك لكن عملتك دى عملت مغترب اتسوحر فى الغربه داير اى حاجه من السودان انشاء الله ثكلى يا اخوى ابقى مارق كان الغربه مره ويا ادارة المنتدى الكشف الاكلو منو اظنو فارق طلعتو كسور وفاصوليا صاح انا عارف من ظهرت الدمغه فى البلد واى حاجه بتطلع فارقة..
بس دايرك يا عصام تورينى الكشف مسكتو لى منو اوع يكون لى .......
شكرا لى المرور الكرام فردا فرد
وانشاء الله يا اخوى وجود دائم
ايمن السر بابكر
06-16-2009, 10:48 AM
عبدو كمبيوتر
يا
ضل ونيمه وسبحه
يا ودالامين
انا هو ياهو ززززاتو ود السر الحكيم و الحكيم ولافخر
ايمن السر بابكر
06-16-2009, 10:54 AM
رونالدينو
نعد فى الايام هجمه هجمه
فى انتظاركم
ronaldo
06-19-2009, 04:13 AM
يجمعنا يوم الاثنين ان شاء الله ليكتمل الهجوم الحقيقي :)