الليييييييييله يا السودان فركش

[ايمن السر بابكر]

تعالوا كدى براحه بغض النظر عن الانتماءات السياسه نكتب عن سيناريو السودان والمأساه المنتظر فى حالات فوز اى واحد من المرشحين النتيجه حتكون شنو؟


تفتكروا لو فاز غير البشير ناس المؤتمر الوطنى حيهنوا الفائز كدا ؟

انا بس داير اعرف سبب الغاء نظام المتوسط واسماء الشوارع والمدن الجديده معناهو شنو؟؟

معناهو انو تاريخ السودان بدا فى 30 يونيو89

وناس حنتوب وبخت الرضا وسوق الخرطوم والسوق العربى دا كلو اتبدلوا بالواحه ومدرسه الشهيد وكبرى الانقاذ وترحيل المدن من الضفه الغربيه لى غزه لاحوله من الشبه الشديد كتبت غزه والضفه هسه ديل الجابن شنو؟



يعنى غسيل بى صابون بدره للتاريخ و تايد يغسل اكثر بياضا............
يجى يفرطوا فى مكتسبات الحاضر بكل سهوله ويسيبوا السلطه والبترول والوظائف وماليزيا؟؟اكيد مستحححححيل وحكايات الديمقراطيه دىفلم هندى نهايتو معروفه. زى انا موافق اذن انا اغلبيه.............
يعنى برمجوا البلد على ويندوز اكس مؤتمر وطنى يجى يفرمطوه كدى بحجوه الانتخابات؟

طيب لو فاز المؤتمر الوطنى بحصل شنو؟؟؟؟؟؟
اكيد ما عالم سعيد حتكون اللبانه نحن جينا بانتخابات والسماحه والطيبه الهسه كلها بتروح............
يعنى البوتاسيوم برميت حيكون بصوره رسميه جدا واظنكم فاهمين ................

وطبعا زى ما قال اخونا فلان الاحزاب من هسه تحفر قبورا والله انا ما عارف العنتريات دى حدها وين وكـأن السلطه دايمه ودمعه مع الصلاه خلاص بتكفى...........

طيب الحركه الشعبيه لو خسرت الانتخابات بتسوى شنو؟؟؟؟؟

اصلا الحركه الشعبيه ما حتزعل شديد لو خسرت ولو دايرين الرئاسه وراجينها ابدا ما كانو رشحوا عرمان وهو شمالى و اثنتو دى بتهدم فكرة السودان الجديد......

طيب الحركه الحنك بتاعا شنو؟؟؟؟؟؟؟؟

الحركه دخلت الانتخابات والكاش ما خسرانا فوقوا حاجه يعنى زى معسكر المريخ فى كسرانى اعداد ساى. هم عارفين السمينه فى الاستفتاء وفصل الجنوب ودا واضح من انتخاب سلفا فى الجنوب يعنى حظهم فى البترول مضمون وانتخابات الرئاسه مجازفه ما خسرانين فيها حاجه ...................



احزاب الشمال طبعا بكل بساطه زافين الطيش والحريف طوالى اتكتل مع المؤتمر الوطنى واحسن ليهم جراده فى الكف...............


الشعب السودانى وين فى الحوليه دى:

طبعا لو فاز المؤتمر يكون رجعت ريما لى حكومتى القديمه ولايضر الشاه السلخ بعد الضبح......
لكن المشكله انو الحركه الشعبيه بتكون مافى وياسر عرمان مافى تانى مافى زول بقول بغم يعنى كنا بنستجير من الرمضاء بالنار ودى برضو حتتفقد
وضرب الظالمين بالظالمين بروح فى ظل انتو انفصلتو وما جابكم الصندوق والبفتح خشمو ....و اصلا الخطاب دا ما غريب على المؤتمرجيه عهدناهو من اندلاع حرب دارفور الى اليوم.....


يبقى السيناريو شنو ؟ فى كلمه واحده سودان فركش وربنا يغفر ليهو

[عادل مختار الزين]

حبيبنا وغالينا ود السر


لك كل الود ، إفتراضك لهذا السيناريو هو ناتج عن قراءة مظلمة لمستقبل السودان وهو ناتج أيضاً عن قناعتك التامة بأن المؤتمر الوطني فائز لا محالة ونتمنى له ذلك وطبعاً هذا قد لا يرضيك لذا أجد لك العذر يا عزيزي لوضعك لمبررات الفوز من الآن ،ولكن يا عزيزي أرى ما لا تراه ، فإن فركشة السودان فقط ستكون في حال عدم فوز البشير في هذه الإنتخابات ،أما إذا فاز البشير فسيكون الحال بإذن الله أحسن مما هو عليه الآن والدلائل تشير إلى ذلك من مشاريع وخطط مستقبلية سيتم تنفيذها وبإذن الله سينعم المواطن السوداني من ورائها زيادة على ذلك وطنيته التي لا نشك فيها والتي تفوق وطنية جميع منافسيه ( رأي شخصي ).
لا يوجد في كل العالم برامج لحكومة ما كامل من كل نواحيه ولا بد من نقص في بعض المناحي التي تخص الدولة ، ولكن إذا نظرنا إلى جميع الأحزاب التي تقدمت لرئاسة الدولة فحسب وجهة نظري المتواضعة لا أرى أي من مرشحيها أضلع وأنسب من الرئيس عمر البشير وحزبه ،لأن الأحزاب التي من المتوقع فرضاً أنها قد تفوز هي معروفة لدينا وقد جربناها من قبل وإكتوينا بنارها ولم نر فيها خيراً ولا في قياداتها التقليديون.
أتمنى أن يتسع أفقنا جميعاً ونرى مافيه مصلحة الوطن الحبيب ونسأل الله أن ينصر ما فيه الخير لنا ولسوداننا الحبيب ، قول آمين (ما بتقول عشان عارفو منو ههههههههه)

[ايمن السر بابكر]

الحبيب عادل
اصلا ما اختلافنا فى حاله عدم فوز المؤتمر و عدم الفوز دا شئ غير وارد او ما محسوب حسابو الناس ديل انا قلت ما بسلموا السلطه ابدا وحيكون فى الف سبب وموجابى ما احرف من البشير ولكم فى حكام افريقيا اسوه.............
لذلك بتجيط اكتر من ماهى جايطه...............
الانجازات البترول صاح طيب استفدنا منو شنو سعر جالون البنزين بى كم؟هل الموصلات مدعومه من البترول لا اذا الانتاج ما بغطى التكلفه دى بى لغه البلى تجاره خاسره الانجازات بتاع البترول دا يا عادل مفروض يفرحوا بيهو الفرحانين بيهو اصلا يعنى الصين وماليزيا والعاملين عليها...............ز
وعليه قس الانجازات بعدين مساوى مافى الانقاذ قارن بين الاتنين.................................

[صديق النعمة الطيب]

يا ربي السودان دا فريق حله،،،
إن تكن الانقاذ شر و قدعاثت فساداً،،،
فهل هذا شرط من شروط الفركشة،،،
فأين أصحاب النهى من أهل السودان، الذين يسيل لعابهم لالتهام موائد الايتام،،
لقد ذكرت موغابي، فاكمل القصة لترى ماذا فعل مورغان تشانغراي إزاء تعنت موغابي حين يكون النظر للوطن،،
الحنكة ليست في الهدم.. إنما الحنكة في البناء رغم الهدم،،
العقلية السودانية ذات جذور مشتركة،،،
فلا أمل بدون رؤى علمية و أسس منطقية،،،
لا بد من فترة تهيئة يتنازل فيها الجميع حباً للوطن،،
و إلا فالساقية لسه مدورة، و احمد غالبو البسوي،،

[ايمن السر بابكر]

ياريت لو كان السودان فريق كوره
ويدار بعقيله ادارين الكوره الذين يذوبون عشقا فى فريقهم ويدفعون دون تردد ولاياخذون يعيبهم الوعى ولكنهم يحاولون .....
ولكن كيف ندار بعقيله منو التنظيمات والمصالح الشخصيه والتجاريه والنهب المؤسس.......
اصحاب النهى استسلموا منذ جوله المعاش الاجبارى الاولى.....
موجابي خسر فى صندوق الاقتراع فنزل الجيش الشارع ولا وجه للمقارنه فهنا ستنزل كل الملشيات والاسلحه يا عزيزى التى صارت متوفره اكثر من البندول.
يا صديقى اى دوله تخوض حربا اهليه فى عالمنا الثالث فذلك يعنى فركش .نحن والصومال رفقاء منذ الازل فى الشكل واللون والفقر والجهل
لو كانت العواطف بطوله الالفه والادمان قد فرضا علينا حب والينا المعظم فذلك ليس غريب على شعب سب نميرى واقتلعه وخت حد المهزله كما غنى واليوم يا حليل نميرى والبكائيه التى لا تنقطع والنحيب
هذه الانتخابات ياسيدى امنيتى فيها وهذا مستحيل ان يفوز احد فالكل هنا خاسرbig loserحتى الشعب الذى صفق واحمدالله ان جعل لى عقلا لكى اقاطع هذه المهزله................
اوقفنى قولك فتره تهدئه هل تقصد انتقاليه ام عشرون عاما اخر؟لن يرضى احد ان يتنازل عما كسب ليقبل تهدئه يا سيدى القصه كلها انها مجرد كعكه .