جمعية المنتدي للأعضاء

[allarinja]

أخوتي الأعزاء ..
كلنا نعاني في هنا أو هناك في السودان
ومادمنا تحاببنا في الله أحب أن أطرح هذه الفكره
علها تجد القبول فيكم ..
حين يكون لك أخ في السودان فأنت تفعل المستحيل لترسل
له ( فيزا ) ليبني مستقبله هنا ..
حين يكون صديقك يبحث عن نقل كفالة فإنك تفعل المستحيل
لتجد له كفيلا ..
حين يكون أخوك بلا عمل فإنك تبحث له عن وظيفة ..
طبعاً إخترته القسم ده عشان خاص بس مالي حاجة تانية
المهم فكرة البوست كل واحد لو بقدر يساعد واحد من خلال عضوية المنتدي
بمعني الداير فيزا والداير شغل والداير نقل كفالة يعني نخدم بعض

وجزاكم الله خير

[عبدالله محمد نابري]

خير يا اللارنجا ..
بس دي برضو اعلانات .. عرض حال يعني !!
لكن والله بالجد فكرة في غاية الاهمية وذي ما بقولو اليد الواحدة ما بتصفق ..
منذ مدة ليست بالقريبة ابحث عن فيزا لاحد اقاربي ارجو ان اجد من يدلني عليها ...

[allarinja]

الغالي عبد الله نابري
عشق كوم بتدفق واصل طرفك ثوب الريد ..
الإعلان هو تسويق لفكرة أو منتج وإيجاد مستهلك
ومخاطبته حسب المنتج مع الحرص علي إختيار لغعة التخاطب
وهو بهدف الربح المادي او المعنوي علي ما أعتقد ..
ولكن إن كنت أعلن عن خدمتي لأخي فهنا يختلف المعني ويبقي
أخي هو المستهلك ..
أعجبتني مداخلتك وتفاعلك حقاً نحتاج أن نؤسس مملكة الجريف
ويجب أن تكون إعلانتنا هي الغيره والحب وتكون فكرة الإعلان
في الجريف كل زول بنقولو حاضر وديل أهلي ...
يجب ان يسعي الجميع عشان يجي قريبنا وقريب نسيبنا ويكون أول
مغترب من منتدي الجريف والصورة تطلع حلوة ..
فيزا منتديات الجريف

[وليد عثمان علي سنقد]

الوجيه الأمين لارنجا .. والمساند دوماً عبد الله العريس ..
الله يكرمكم شباب ..
فكرة مية المية ..
أها أنا بدور لي كرت زيارة للبلد الطيب أنا وعيالي ..
بدور إجي أزور النبي الطيب .. وازور بلده ..
حتى بعد داك أكوس ناس الطيب الإمام والعريس والهندي واللارنجا وناس عمر وعييييييييييييييييك ..
لاني بالجد عندي نية أعمل لي معارضة من الخارج .. ولو ظبطت معاي بعمل لي حزب وبطلب اللجوء السياسي ..
وكمان عندي نية أفعل فكرة وصف لي بيتكم بغادي ..
وروني ودلوني عليها .. ممكن ولا لا ؟؟

ودمتم لنا ...

[الطيب الامام الطيب الامام]

احبتى واخى اللارنجا اويد الفكرة ومادام كلنا كوم واحد مايكون شعارنا محبة بالشخم فقط لازم كل واحد يكمل الثانى وايضا نحب الخير لبعض ونحل مشاكل بعض وبهذا يكون التكاتف وسابقا ازكر هنالك اشخاص بساعدوا الواحد مجرد عرفوه من الجريف ولاتربطهم علاقة به ولكن افتقدنا هذا الشى الان وكل شخص يقول يانفسى وبس وعايزين نكون يد واحده مكملين لبعض وبهذا نكون جد شعار الكوم الواحد ماشى على الطريق السليم واقترح بان يتم تشكيل لجنة لعمل بيت يخص الجرافة فى جده كى نقدم شى الى اهلنا الذين ياتون ولايجدون ماوى فى جده وكمان الواحد لو دفع فى السنة مائتين ريال بندفع ايجار سنة مع تاسيس البيت كى يكون مقر لجمعية ابناء الجريف بجده واقترح على البروف والقنصل الهارب الاسراع فى وضع دراسة كى نبدا العمل فى جمع مبلغ الى ايجار دار تخص الجريف ونحن الوحيدون من كل السودان ليس لدينا رابطة الا رابطة الرياض فقط واتمنى تحقيق الحلم هذا وارجاع شى من الذى كانوا يفعلوه اخواننا زمان