المفقودون

[يحيي عثمان عيسي]

ـ الرومانسي
ـ أم أحمد
ـ ايمن السر
والعندو زول مفقود يضيفو الي القائمة
والعندو خبر يطمنا عليهم

[معذ السماني الحاج ياسين]

من المفقودين ا خي يحيي
الفنان احمد عوض طال غيابه
والوليد وليد سنقد الرجل الهميم
ونبيل احمد علي
واسماء مره في ومره
وعبدو كمبيوتر مره في ومره مافي
وايمن السر ده خليهوا ساكت انا تعبته عديل من السوال عليهو
والكثير من الاخوان
ولينا عوده
معز السماني

[احمد عثمان حاج حمود]

عبدالله نابرى كمان لا حس لا خبر

[يحيي عثمان عيسي]

الرائع اخناتون مفقود مفقود مفقود
والله لو العرس بيسوي كده ما حنعرس
محمد زين مره مره واسمعنا مره وحاتنا عندك اسمعنا مره
ابو تاجي المنتدي راجي

[ابو تراجى]

موجود انت راجى يا عم تراجى
الغائبين كتار
سعيد عثمان /تسالية /حسن عوض عباس /الشفيع الجزولى (كل ناس قطر )عدا الوجية الصديق النعمة
جقلو /نونو /بكرى هدية /حطى / القائمة اطول من يوم السبت
الله المستعان
ابو تراجى

[الطيب الامام الطيب الامام]

افتقدنا عزاز علينا فى المنتدى الجديد ومامعروف السبب عن هذا الغياب الحاج ود الرشيد وود النور وكما قال الجد ابوتراجى القائمة طويلة جدا ولنا شوق بحر لهم وشوفولى ودنابرى المنطط عويناته وين

[يحيي عثمان عيسي]

بت قضيم
يا قضيضيمه يا الفي بالي ديمه
غايبه وين وعلو راء الريم تبقي لام

[وليد عثمان علي سنقد]

أحبابنا الكرام ..
يحيى .. معز السماني ..
تحياتي قدر ما استطيع ي اشباب ..
الإخوة الأفاضل مبروووك عليكم وعلينا الموقع الجديد ..
وربنا يسعد أيامكم وسنين عمركم ..
وتشكروا على سؤالكم عنا .. والذي ينم على وفاءكم ..
وإعلموا أنما هي مشاغل الحياة التي ابعدتنا عنكم ..
ولكن ظل قلبنا معلقٌُ بك أينما تاهت بنا في متاهاتها الضيقة ..
ولنا لقاء وحضور جميل بحضرتكم يا شباب ..

وإلى حينها دوموا لنا في أمان الله ...

[اسماء]

الاخوه الرائعين بروعة الجريف والسعوديه سلام من الله عليكم
مشكورين على السوال عني وتفقد احوالي مامنعني عنكم الظروف المرضيه التي امر بها
وانشاءالله لنا عوده كما قال الرائع جدا" معزالسماني
وانشاءالله موفقين ومتقدمين الى الامام دوما"

[معذ السماني الحاج ياسين]

اسماء يا اسماء التحيه لكي اولا
وكفاره وسلامتك وكل
الغايبين كرامتك
وبالجد ماعارفين انك عيانه لو كنا عارفين كان الواحد جاب ليك (كيس برتكان علي قول واحد اخونا )
نتمني انك تكوني بلغتي الصحه اختي اسماء
ولو مابقيتي كويسه وريني اخلي عبدو كمبيوتر يجيب ليك الجماعه ومع الخروف عشان يكون كرامتك

الوليد وليد سنقد
هلا والله كم افرحنا دخول المنتدي وانشاء الله تاني ماتنقطع
وياجماعه شوفو لي نبيل ده وين ياكمبيوتر شوف لي الزول ده وين
اما اخونا ايمن السر انا خلاص فاض بي الصبر شوفوا الحاصل عليهو شنو
وكتار المفقودين
ولينا عوده
معز السماني

[الهندي بشير نابري]

الأحباب المفقودين .. نناديكم بشوق ولهفة

الحاضرين ابتداءاً من صاحب البوست
أ. يحي .. تحياتي جزافاً جزافاً لك ولكل المارين
دعونا نسأل عنهم بشوق ولهفة حتى تصلهم أشواقنا
نسيم جميل

شكرا لكم جميعاً ذلك الألق ...

أيمن الســر يبث عبري لكم أشواق أثقل كاهلي عبرها
وبيني وبينكم هو قاعد يمتحن محبتنا ليه .. لكن اتيقن
وجاييكم ان شاء الله
الرائع نبيل كلمة المرور للمنتدى كانت بيننا وبينه حائل
لكن الله يستر علينا منه الليله حيغرق فينا ونغرق فيهو

زينكوف محمد زين نابري مشتاقين كتي روالله العظيم

[يحيي عثمان عيسي]

بت ام درمان الغالية أسماء

الف مليون سلامات وكفارة وأنا اقول مالي الايام دي والله القلوب شواهد
ارجو ان تكوني بلغتي الصحة والعافية والله لو عارفين كان طرنا طيران

من المفقودين الاخ الرائع رحال طمنا عليك يا غالي ومشتاقين
وسيدة مرة ظاهرة ومره غايبه

[معذ السماني الحاج ياسين]

اخوتي التحيه لكم جميعا
شكلو كده الناس لازم نجيهم هنا عشان
يجونا
وينوا عامر عبد الوهاب
وينو عبد الله نابري
ناس اسماء ووليد وسيده صباحي يجو يوم ويزوقوا
والغريبه عبدو كمبيوتر شغال معانه كده وكده
والغريب في الموضوع شديد
استاذنا يحيي
هو ذاتوا شغال معانه (نط الكلب )
يوم في ويوم مافي
ياخوانا عليك الله ماتنقطعو والملاحظ الناس الموجوده
في السودان اغلبه منقطعه
هي نسيت زول مهم استاذنا عمر حسن
والكثير
ولينا عوده
معز السماني

[عبدو(كمبيوتر)]

سلا يا شباب

اشتقنا الى الزينكوف

وود جريف قمر

ودنابرى

اسماء

[معذ السماني الحاج ياسين]

الاخوان الاعزاء التحيه لكم جميعا
الجد ياجماعه المفقودين (كتار )
وللاسف مامعروف السبب شنو
ومن الغايبين عننا هذه الايام
استاذنا يحيي عثمان عيسي
واستاذنا عمر حسن واخونا
تساليه (سلم )
والجرافي يوسف بابكر
وكثير من الاخوان
لكن غياب استاذنا يحيي وتساليه
له الاثر الكبير
عشان كده يا اخوانا المرجو منهم العوده
ولينا عوده
معز السماني

[صديق النعمة الطيب]

سلامات يا أستاذنا، غيابك طال، و ها نحن نناديك من فوق التلة التي وقفت عليها طويلاً تنادي الآخرين،،،
الجميع في ترقب و انتظار و سؤال عن الأحوال،،،
لك من الود ما لا تحتمل أخي يحي، تعال و جيب معاك الباقين،،،

[معذ السماني الحاج ياسين]

حسن عوض عباس
اين انت
عامر عبد الوهاب
وعبدو كمبيوتر
ونبيل احمد علي
اين انتم اخوتي فقدناكم
وغيابكم طال
ولينا عوده
معز السماني

[معذ السماني الحاج ياسين]

حسن عوض عباس اين انت
اتمني ان يكون المانع خير
ولينا عوده
معز السماني

[عبدو(كمبيوتر)]

ابو رياء

بديع الغريب

كم اشتاق اليكم.....

[عامر عبد الوهاب]

انا جيت اخي وحبيبي معز السماني واليك جل اشواقي نديدي كمبيوتر امسك الخشب انا جاي وبقوة الم الضرس

[معذ السماني الحاج ياسين]

حمد الله علي السلامه اخي عامر
ولكن للاسف شغال معانه ( نط الكلب ) وكده
حسن عوض عباس المينقو تساليه
عمر حسن حمزه
منير السماني
اتمني انو يكون المانع خير
ولكم ودي ولينا عوده
معز السماني

[الهندي بشير نابري]

والله العظيم اشتقت لأبو تراجي والشوق داير يفقع مرارتي

[معذ السماني الحاج ياسين]

اين هؤلا
نبيل احمد علي
سيده بت صياحي
اسماء
اتمني ان يكون المانع خير
ولكم ودي

[saida sopahi]

شكرا كتير الاخ معز على السوال وعلى اهتمامك بس الظاهر فى ناس مافارقين معاهم ظهورنا او غيابنا مع انو المفروض انو نحنا اخوانا وقلوبنا على بعض والمفروض نفقد بعض فى غيابهم عموما انا بخير الحمد لله اذمه وعدت ورجعنا تانى

[وليد عثمان علي سنقد]

الف حمداً لله على سلامتك أستاذة سيدة ..

وياناس عووووووووووووووووك وين الشفيع الجزولي ..
وييييييييييييييييين احمد عوض النمير ..
وييين وييين وييين ..


ودمتم معانا ...

[ايمن السر بابكر]

عودوا الينا
فنحن فى الانتظار
اين صاحب البوست
سعاده السفيره واختها
اين واين

[ابو تراجى]

افتقنا الحبيب عامر عبدالوهاب
اين انت ايها العزيز
غيابك طال

[الطيب الامام الطيب الامام]

الحقونا ياناس ود المختار شوف لينا الرجل الهمام حافظ ود العبيد فى غيابك حزن لنا ايه ياترى السبب