قلب السجم

[allarinja]

وافق شن طبقه
وقلبها قبلة للضالين
انت ماك عارف الظلم عند البنات شىء عادى

كلمات الشاعر إبراهيم ابنعوف
غناء ود البركل

يا قلب السجـم يـا المـا لقيتلـك هـادى
برغم الحصل ليـه فـى الغـرام متمـادي
كر قبلك وبراك ياالليـل زمـن ماعـادى
قول لى شن وداك فى قبضـة الصيـادى
يا قلبـى العنيـد لمتيـن تصيـح وتنـادى
والتهواهـو منـك راح مقـبـل غــادى
فات خلاك وحيد فوقـك همـوم متـرادى
لى محنا متل سحـب الخريـف متقـادى
ان كان ماك شقى وداير عذابى وراضـى
آيه لاقيهو فـى حبـوا الدرعتـو قـلادى
تنسج فى الأمانى وفـى خيوطـا تسـادى
فى واديك تتوه والنـاس بعيـد فـى وادى
جاك صايبا جديد عكـر صفـاك الهـادى
ولاّ ده جن عديل الجـاك ده منـو مبـادى
انا ما غلبتنـى وغلبتـا معـاى أجـوادى
خليتنى أشكى لى خلقوا القريب والغـادى
وصيتك كتيـر وكتيـن دحيـن ماراضـى
اتعذب براك وانا تانى ليـك مـا فاضـى
انتا يا الضيع عميرك كلو حاصل فاضـى
فى دى عيون جميلـه وداك خديـدا نـادى
قبيل وكتين نصحتـك ولـى تابـا تلاقـى
انت ما عارف الظلم عند البنات شىء عادى

[allarinja]

حين يعشعش فيك البؤس يصبح الفُتات رضاء
لماذا الظلم عند البنات شئ عادي !!!
وقفت في هذا السؤال كثيراً وأخذت أقلب في أوراقي
هل مركب العقد النفسية هو السبب حين يتساوي
قانون الغاب ...
أنا لا أنصف الرجل ولكن أتعبني هذا الإحساس
وأتعبتني هذه الأغنية قلب السجم فأعلنت قلب للبيع

[saida sopahi]

والله يالارنجا البنات ما ظالمات بل مظلومات .. انا بتكلم عن البنات البعرفهم فى نوع كدا ماتعتبرو بنات وماتحسبو معاهم

البت من ديل شن عايزه غير قلب حنين يحبها ويضلل عليها وتعيش معاه اياما الجايه فى ستره حال ... كل وحده عايزه ود الحلال تعيش معاه فى سبات ونبات

فى بعض الشعراء من تجربتهم الشخصيه او من خيالهم بيوضحو انو البنات ديل وحوش منزوعه من قلوبهم الرحمه ... مع انو الرجال هم السبب الاساسى فى تغير البنات

لانو بعتبروهم سلعه رخيصه تياع باتفه ثمن .. هم البيغروهم وبجو يبكو عليهم

[allarinja]

أنزعي حزنك من جواي ..
أختي وأخت أخوي الغاليين
____________

أبونا آدم سن المعاصي وعلمنا مفارقة الجنان
حين تثور الأم وترفض أن ينبض قلبك بالحب الأول
فيتأكسد في الحب الهواء ..
تصبح الأم قلب السجم ..
حين ترتبط البنت التي رفضت أمك نبضها الأول تصبح قلب السجم ..
حين تظل تحبها ويتملكك إحساس أنك متزوج ود عمك يصبح قلبك سجم
لي في خضرة يراعك حق الضل والمقيل

[بريقع]

كتب اللارنجا :
أبونا آدم سن المعاصي وعلمنا مفارقة الجنان
__________________________________________________ ___




{‏فوسوس اليه الشيطان قال يا ادم هل ادلك على شجرة الخلد وملك لا يبلى، فاكلا منها فبدت لهما سواتهما وطفقا يخصفان عليهما من ورق الجنة وعصى ادم ربه فغوى، ثم اجتباه ربه فتاب عليه وهدى‏}‏
روى الائمة واللفظ ‏[‏المسلم‏]‏ عن ابي هريرة عن النبي صلى الله عليه وسلم قال ‏{‏احتج ادم وموسى فقال موسى يا ادم انت ابونا خيبتنا واخرجتنا من الجنة فقال ادم يا موسى اصطفاك الله عز وجل بكلامه وخط لك بيده يا موسى‏:‏ اتلومني على امر قدّره الله علي قبل ان يخلقني باربعين سنة فحج ادم موسى ثلاثا‏

{‏ قال المهلب قوله‏{‏فحج ادم موسى‏{‏ اي غلبه بالحجة‏.‏ قال الليث بن سعد انما صحت الحجة في هذه القصة لادم على موسى عليهما السلام من اجل ان الله تعالى قد غفر لادم خطيئته وتاب عليه، فلم يكن لموسى ان يعيره بخطيئة قد غفرها الله تعالى له، ولذلك قال ادم‏:‏ انت موسى الذي اتاك الله التوراة، وفيها علم كل شيء، فوجدت فيها ان الله قد قدر علي المعصية، وقدر علي التوبة منها، واسقط بذلك اللوم عني افتلومني انت والله لا يلومني وبمثل هذا احتج ابن عمر على الذي قال له‏:‏ ان عثمان فر يوم احد؛ فقال ابن عمر‏:‏ ما على عثمان ذنب لان الله تعالى قد عفا عنه بقوله‏{‏ولقد عفا الله عنهم‏}‏ال عمران 155‏]‏ وقد قيل‏:‏ ان ادم عليه السلام اب وليس تعييره من بره ان لو كان مما يعير به غيره؛ فان الله تبارك وتعالى يقول في الابوين الكافرين‏{‏وصاحبهما في الدنيا معروفا‏}‏لقمان 5 1‏]‏ ولهذا ان ابراهيم عليه السلام لما قال ل ابوه وهو كافر‏{‏لئن لم تنته لارجمنك واهجرني مليا‏.‏ قال سلام عليك‏}‏مريم‏:‏ 46‏]‏ فكيف باب هو نبي قد اجتباه ربه وتاب عليه وهدى‏.‏

واما من عمل الخطايا ولم تاته المغفرة؛ فان العلماء مجمعون على انه لا يجوز له ان يحتجا بمثل حجة ادم، فيقول تلومني على ان قتلت او زنيت او سرقت وقد قدر الله علي ذلك؛ والامة مجمعة حلى جواز حمد المحسن على احسانه، ولوم المسيء على اساءته، وتعديد ذنوبه عليه‏.‏

قوله تعالى‏{‏فغوى‏{‏ اي ففسد عليه عيشه، حكاه النقاش واختاره القشيري‏.‏ وسمعت شيخنا الاستاذ المقرئ ابا جعفر القرطبي يقولك ‏{‏فغوى‏{‏ ففسد عيشه بنزول الى الدنيا، والغي الفساد؛ وهو تاويل حسن وهو اولى من تاويل من يقول‏{‏فغوى‏{‏ معناه ضل؛ من الغي الذي هو ضد الرشد‏.‏ وقيل معناه جهل موضع رشده؛ اي جهل ان تلك الشجرة هي التي نهي عنها؛ والغي الجهل‏.‏ وعن بعضهم ‏{‏فغوى‏{‏ فبشم من كثرة الاكل؛ الزمخشري وهذا وان صح على لغة من يقلب الياء المكسورة ما قبلها الفا؛ فيقول في فني وبقي وهم بنو طي تفسير خبيث‏.‏


قال القشيري ابو نصر قال قوم يقال‏:‏ عصى ادم وغوى ولا يقال له عاص ولا غاو، كما ان من خاط مرة يقال له‏:‏ خاط ولا يقال له خياط ما لم يتكرر منه الخياطة‏.‏ وقيل‏:‏ يجوز للسيد ان يطلق في عبده عند معصيته ما لا يجوز لغيره ان يطلقه، وهذا تكلف؛ وما اضيف من هذا الى الانبياء فاما ان تكون صغائر، او الاولى، او قبل النبوة‏.‏

قلت‏:‏ هذا حسن‏.‏ قال الامام ابو بكر بن فورك رحمه الله تعالى‏:‏ كان هذا من ادم قبل النبوة، ‏{‏ثم اجتباه ربه فتاب عليه وهدى‏{‏ فذكر ان الاجتباء والهداية كانا بعد العصيان، واذا كان هذا قبل النبوة فجائز عليهم الذنوب وجها واحدا؛ لان قبل النبوة لا شرع علينا تصديقهم، فاذا بعثهم الله تعالى الى خلقه وكانوا مامونين في الاداء معصومين لم يضر ما قد سلف منهم من الذنوب‏.‏ وهذا نفيس والله اعلم‏.‏ قوله سبحانه وتعالى :{ وعصى آدم ربه فغوى}[طه :انظر ( اضواء البيان) [121] فقد فصل المسألة تفصيلا رائعا قد لا تجده في مكان آخر

[allarinja]

الأخ بريقع ..
عذراً إذ خاطبت أبوجهل فيني ..
ظننت العافية أن الجميع يعرف خبايا هذا النص فلونته بالأخضر
سأتيك بالنص في القسم الإسلامي لتسلخوا جلد هذا الشاعر ..
أتحدث عن قلب السجم وقلب للبيع ضل طريقة عن الحق
حين أغواه حبه فكاتب البوست لايعنيني وإن كان اللارنجا
حبيبي ولدي ولكن إقرأ عنوان البوست فهو قلب السجم
وأعذرني إذ لم أكتب شاعر البيت المرتد في قناعاتكم
فلونته بالأخضر ليكون كالزرع فيحق لكم قطفة وهي ليست نقطة خلاف
في طرحي
___________________
قلب السجم هو قلب فتاة مسيحية أحاول جلب أبيها لأبيعه
في سوق نخاسة العرب فأصبر تجدني وراء هذا الجبل أركض خلفك

[هيثم الباقر دفع الله]

أنا لا أنصف الرجل ولكن أتعبني هذا الإحساس
وأتعبتني هذه الأغنية قلب السجم فأعلنت قلب للبيع
كم من السنين نضيعها ونحن ننتظر أن يأتي الأفضل ... لكن قلما تصنعه أيدينا شيئا يغير واقع الحال فأعلنا و دلنا كل المشاعر ... حد يزود آخر كلام ... بعت العشق ... اه لقد بعت الايام ... بعت الذكريات ... اه لقد بعت الهيام ... بعت المشاعر ... اه لقد بعت الاحباب ... بعت الاصحاب ... حد يزود آخر كلام ... لم يبقى سواك يا قلبي ... لم يبقى سواك يتمزق ... من يحب ان يشتريك ... قلب يتمزق من يشتريه ... حد يزود آخر كلام ... من يحب ان يشتري ... قلبا في اخلاصه لم اجد ... من يحب ان يشتري ... قلبا في وفائه لم اجد ... من يريد ان يشتري ... قلبا في سماحته لم اجد ... من يريد ان يشتري ... حد يزود آخر كلام

[allarinja]

ألا رحم الله المتنبي إذ يقول بلسان حصانه
فدوماً يثير المتنبي التناقضات فما بالك بحصانه
فلك العذر أخي بريقع إذ
أخطاء حصان المتنبي ...

يقول بشعب بوان حصاني
أعن هذا يسار إلى الطعان
أبوكم آدم سن المعاصي
وعلمكم مفارقة الجنان

[allarinja]

حد يزود آخر كلام

عشقي يا أنا ..
مين يشتريك من الملوك الخايضة في الدم القديم
لك الله إذ أصابك جرحي ..
لا تزايد في قلب السجم فمن يشتري الجرح
يجب أن يكون ملاكاً ..
أحببت أن أبادلك قلبي ولكنه معك ..
ليت كبش الفداء ينزل ليعيد قلب المواجع
حين صار الدمع تضحية لأرضاء غاية التواضع
والرضوخ ..
كن بعافية البكاء حين يصادف الحق الرحيل

[allarinja]

قلب السجم ...
1
طاوعته نفسه وساقته الأقدار إلي المسالمه ليجلس في حضرة اللاهوت
وناوشه إحساس الرفض حين أهدوه الإنجيل قربانا للمحبة فتنازع اليقين
بين الرفض والقبول فحمله بيسراه ......
وبعد أن إرتاح القلب في التأمل ..وأسباب السعادة الدنيوية حين يكون الأب
والبنت بقامة المسلمين ولكنهم بلا إسلام وحينها خاطبه قلب السجم لا يهم
فالحق معك في قانون الزواج وحينها كان القلب حقاً سجماً حين طاوعهم
ودخل الكنيسه وكان الجميع في تراتيلهم يبحثون عن الله ولايجدونه إلا في
انفسهم ولكنهم من طيب نفسهم لاينظرون إلا للخير للعالم...
وكان السؤال لقلب السجم وكانت المفاضلة بين المسجد والكنيسة وأيهما
أفضل ليكون التلاقي في الإثنين دور عباده ولكن المساجد لله ...
وكانت الإجابة حين أتت الحلويات والعصير الذي أكسد في الدم قانون
المفاضلة ليصبح حقا قلب السجم ...
وللحديث بقية حين يصبح قلب السجم ينبض قلب للبيع

[allarinja]

آخر الكلام
حاتم حسن الدابي

اتحمل لهيب الفرقة لكن ما بعودلك تاني
خلى البيني بينك يبقي ذكري جميله في وجداني
الليله همك فوق هموم منطبقة منها طول حياتي بعاني
طنبورن يدق والصفقه يرقص في رحابها زماني
شفتا سعادتي أحزان فرقه ما بيقبل رصيده أماني
الريد في السفر والمرقه قاصد مع الزمن تنساني
قبلان طول حياتي انا اشقي بس اسعد معاها ثواني
فيها انسي الألم والحرقه وانسج فوق خيالي أغاني
أحبس دمعتي المندلقه واول حاجه وشي التاني
تبرا جروح زمن منفتقه روحي أبلها العطشاني
يا قلبي أنت شن داير تلقي من حواء الضميرها اناني
النظرات تصيدك سرقه تضحك والسهام طعناني
حواء بناتا ظالمات خلقه ربنا جابو نص قرأني
أدانا العلاج في الطلقه والدواء والمرض طلقاني
الليله غيرن نحن صح ما بنبقي ناس مرتاحه ناس شقياني
ريدن يبني اسعد شقه وريدن ياما هدا مباني
المرض البليل مارقه واحيانا تكون صناني
واليقع الأرض تتلقا صابره على حكم رباني.

[allarinja]

اتحمل لهيب الفرقة لكن ما بعودلك تاني
2
هنا تحرك قلب السجم نحو محطة اللقاء ليكون الرجوع للحق
في أكسدة الصراع مابين التربية والإحساس حين تموت الأسرة
حضوراً في المديح وأجراس الساعة آتية لاريب ..
توقف النبض وساد الصمت حتي وصلو لمحطة البنزين
فوقفا بعيداً من بعض خوفاً من الإشتعال أخرج من جيبة منديلاً ليمسح لسانه
من تقرحات الصمت فخرج المنديل رغم جفاف الحلق مبتلاً بعرق يده اليمين
فسألته بالسؤال التي تعودت دوماً أن تسأله حين تكون الإجابة
توقعاً في غياهب عقل التوافق ( بتفكر في شنو !!!! )
فكانت الإجابة بنفس الهمهمة حين يعتريك خوف الفكرة من عدم تقبل
الرد ..
الليله همك فوق هموم منطبقة منها طول حياتي بعاني
أتت الحافلة فتواعدا علي غداً في رحاب الجامعة شرق الطين
ركب الحافلة وكان حريصا علي يده الشمال فجلس وضم يديه
وأحتوي صدرة فتلاقت الأيادي أحس بالرعشة فسحب يده
اليمين ..
طاف بخياله أيام الجامعة والتقديم حين ألتقاها في بؤرة تلاقي
واقع مرير لصديقه وكان الحزن آية الإتفاق بينهم ..
عزمها علي كوب عصير ذلك الإسلوب البرئ بين الطلبة
حين تبدأ عن البؤره الشوم فرفضت بدون تفكير وأصرت علي
الرفض ولكنها عزمته علي فيلم في القاعة فذهبا حينها وكان يمني نفسه
بقصة رومانسية تنسيه كوب العصير المرفوض وحين بدأ الفيلم
ظل يبحث عن البطل حين يتجرد في عبارات الحب عله يجد في نظراته
حرف يمسك به يدها ولكن إتضحت معالم القصة حين كان الصليب
هو البطل فخرج كما دخل ولم يمسك سوي الإندهاش ..

[allarinja]

قبلان طول حياتي انا اشقي بس اسعد معاها ثواني
فيها انسي الألم والحرقه وانسج فوق خيالي أغاني
أحبس دمعتي المندلقه واول حاجه وشي التاني

3
بعد تعدد النبض قفا قلب السجم علي صفحات القدر
وظل يباعد التشاؤم من إيقاع التناقض بالرحيل ..
وبي غفلة محب الوالده تصرخ للعشاء .. قلب السجم
يتشابي بي بطن الكتاب يزحف علي يدوا الشمال عشاك شنو
( مديده بي لبن الغنم ) ياوالده أديني قبضات تمر أوهزيني
كان أتساقط عليك إجهاض مطر ..
بسم الله ياحرقة حشاي .. لكنوا حالف مايفوت شيطان رجيم
عشعش بالتوبة من لبن الغنم شيطان ورل ...
لكنو إتذكر الشبع القبيل في تراتيل العصير وإنجيل حلاوة
الغابرين ..
قعدت مع قلب السجم بت الحلب مسكة الليد الحلال في يدو الشمال
ما يد حرام ..
الواطة صبحت في الدغش سيد اللبن يصرخ علي كلبين زرق في
ضنب الحمار ضبانة وقعت في اللبن لكنو ما غامر كشح ..
لكنو أستاذ فلسفة مرق الضبانه بي شرك التخير في الخيار
مرق الشغل قلب السجم يحاحي في ناس الطريق مرحب حباب
ودعم أبوي ساعة يمش منعول أبوك الشال واطة تراب كتحتوا فيك
يوم القيامة قفران مسيح ..
ركب في حافة زمان تتهاتي بي لسان الولد ( والسفة ) في بدل الدقار
ساعة يقيف تصبح فرامل الزيت فسيخ ..
إتلاقو في قصر الشباب من غير كتاب قاليها نبدأ خطوات المشي والبت هي أصلاً بت حلال
الكبري فووو زي قطر الشمال الناس ركوب ومسطحة لقط تذاكر الملهي في ساعة
فرح شفع بيلعبوا جنب بعض شافع صغير بكاي خلاص قاعد قريب
لكنو ماقادر يقيف ( الجزمه ) في غلط الشمال وإنجيلي برضك بالشمال
شوف الصغير آخر الزمن قلب السجم يربط الفرده الشمال
قبال يتم باقي الجزم الفي الكلام قامت زي مركب يهادي الموج
سرحان مراكبي مع الشراع ساعة جفل من العامود نظر ..
قعدت مع شافع الحنود ساعة زمن قلب السجم ياريت شبط رجلي
الشمال يركب غلط في حلقي الشايل التوحيد من غير عمل ينبض يدق من غير نظام
رجعت زي موج البحر ساعة يلاطم في الصخر قلب السجم
أصبح غريق يشابي للريق القطع حبل العشم يلعن تحت بالدس
لبن الغنم وهوي ياقلب قلب السجم ....

[allarinja]

تبرا جروح زمن منفتقه روحي أبلها العطشاني
يا قلبي أنت شن داير تلقي من حواء الضميرها اناني
4
هوي ياقلب السجم مالك بي بسم الله تاكل بي شره تمضغ
سنونك في العشم والبت قبال تسمي الله تاكل بي مهل
تنحت في الرغيف روح الوجود ساعة يقع فُتفات صغير
طري تركز الواطة يقوم في الحين ملاك ..
قعدت تناضم بي أدب الإكل مامشكلة المائدة أصلاً في السماء
كانت بتنزل بالفرج الليله في أمك تعلمني الفشار والسمسم
المحروق علي علي صفحة وشيك ..
قلب السجم أصبح يهدرب بالكلام البت زي كهارب الواطة ليل
والحب ده قاسم مشترك وإهتمامات في الإساس ..
قعد يقلب بي طرف خشم القنوع والبت غبيانه في الساقية
التدور ..
أي حاجة حامضة الجبنه بي زيتون مخلل البت عديل بتحبني
اللحظة ديك طارن من الفرع المبهدل بالصغار كوم عصافيراً شتر
خلن الجوء ده عجاج عجاج ..
قام قلب السجم وبي يدوا الشمال قامت بت الحور سمك وإتملصت
من أصبعها خاتمين دهب مرصوص قُلاد في راحة الليد الشمال ويمينها
بس ناقص الصلاة ..
إتقاود الفرح في المسير ساعة أذن الآذان خجل قلب السجم
ومد إيدو علي البنية وعانقها الأصبع الآخر طرف وبدو المسير
بي دبلتين ..

[إخناتون]

مت فى قلبى ..
ولم ابكى عليك
فمعين الدمع ..
قد أمضى قديماً
قبل أن أدنو اليك
إن عقلى يتعجب
لا تقل لى ان قلبك من حجر
كيف قلبى فيك يخدع
أنا قد مُزقت قبلاً
وتناثرت بعيداً
مثل أوراق الشجر
وتجرعت كؤوسك
وتوسدت الضجر
***********
مت فى قلبى فدفنتك
هذه القلب الحجر
تربتى أطهر من أن
يدفن فيها من غدر
هكذا الغدر أمرّ
**********
مت فى قلبى..
وأدارى قلبى المكسور
كِبراً قد تبسم
فأغنى فى الربيع الغض
والإشراق فى الآمال مطعم
ذبحت كفاك قلبى
وتوسدت قلباً من حجر
أنت ظلم أنت جور
أنا إحساس وحب وشعور
أنا فى العالم فرحة
أنا فى الظلمة نور

[allarinja]

الليله غيرن نحن صح ما بنبقي ناس مرتاحه ناس شقياني

5
ياقلب السجم فاكرك تسبح تاريك غرقان في الشكر
لله في دبلة حديد ( وإتجنزر ) الأصبع يمين يضحك براهو
حين بسم قال السجم كيفن ألبس بالشمال والوالدة في باب
الرجوع بتفتشك خليهو يقعد باليمين ساعة السلام يدي الشمال
بتحضن الطرف القميص حليلو مقدود من دُبر ...
جاني هاجس في الصحاب قاعد طرف خشمو الكلام
كيفن تمش بلد المسيح كيفن تسيح القصة زاتها إتلخبطت
والسجم بقي في الودك الناس تقول شافوني رافع لي كلب
بس هو .. تهو فكرته أطلع للجبل والنيل ده بس في صفحتي
الوالده جات صاحب القلب فات بالسجم بالحمد طار مايشوف ليهو رك
قعدت علي طرف السرير شايلالها مفراكة عجين وعلبة الصلصة الحديد
ناقص ليهو صاجن شان يعوس ليها الكلام والوالده مالك تقول داخله الحرب
ياوالده قلبك زمان كاتلو العشق في درب أبوي ضحكت بي خجل وإتنحنحت
وبي أدب مفقود عصا مضروب علي عينو الترف بالإنكسار منعول أبوك لو تابعك
تاعبني زيك بالعناد ومشت تتفتف في الكلام ظنيت بتدعي للكريم
يا خدنا جوز في جوز لحاف ..
قلب السجم صرخة رجوع الوالدة حين قالت حلف بالله أقطع ( للشطر )
وتمرق عديل من حق الشفاعة علي اللبن ..
وإتمطق المسكين ندم في الدنيا نار والآخره كيف يدو الشمال..
والآهة تطلع في النبض تحرق شفايف السجم ياريتني مفطوم في الرحم
ياريتني مفطوم في الرحم

[allarinja]

شفتا سعادتي أحزان فرقه ما بيقبل رصيده أماني

6
الدنيا ضاقت زي رحم زوجة أبوه باقي بس إجهاض فرح
النار دي في قلب السجم دقة النبض الشرار والخطوة مابتقبل تراجع
لي وراء الخطوه تمشي مع الإمام ساعة يصلي الفجر قبال الشمس
والرب ببارك للمسيح ...
والوالدة في قلب السجم زي شافع العرب اليهيم في شوارع الحق
يتيم .. ياريتها بس لو زغردت بالفرحة صبحت زي شليل أستغفر
القلب السجم واللحظة صبحت في الحلق والكون ده بس داير يضيق
بي فجة القبر الرحيل ..
لكنو مشبوك بالضلوع سجانو دين في ناس بتامن بالرسل ..
ياوالدة لو دايره الشهادة بتنطقة مادام بتعبد للإلاه برضك بتامن بالرسل
ياوالدة في حق الدموع لبنك حرام في قلبي دم دمدم رؤاي ..
ياوالده مفطوم باللبن ياريتو سم يمرق رعاف أتغرغرك في الروح
مروق ياوالده بي حق سيد الرسل لو أسلمت للحق بكون في الدين رجاء 00
والوالده زي شافع اليهود في صرخة الناس العرب حجرين والمويه جاز
بي زقاق النار حضور ..
الليله كيف قلب السجم كيفن تنوم الوالده في رحم الزمن ويسهر
النبض البدق بي شوق علي كلمة رضاء ..
إتناوشن في إيقاع حزن دمعات تلاقي البت مع الوالده الشايله
اللبن في صفحته ياتقطع الأمل الفضل يا يموت مع نار الصليب
وكانت مواعيد السجم في قلبوا باكر البيت يضم غصن السلام

[allarinja]

7
ريدن يبني اسعد شقه وريدن ياما هدا مباني
المرض البليل مارقه واحيانا تكون صناني


قلب السجم تلفون دغش نتلاقي في الجامع الكبير
ياريتو لو يقدر يشيل من كل نوع إثنين نتخاوي في
مركب نجاة نتلاقي في الجنات جميع ...
ركبت البت بي فرح الليله رفعت خطوتها تتشابي في رحم الوصول لي خالتها
والدة القلب السجم برفع قدم خيل الوصول لي جامع
إمام المسلمين لكنو حصل قبلها شفع بيجروا علي الرزق
وكوم عساكر بس شتر بيرفعو الشافع الوقف قدام رجل
راجلاً مادفع حق الفطور فات بالرزق جهجه الشافع النده
لي الله ياخد الواقفين ..
وصلت تهادي علي مهل القمره كانت بالنهار تحلف عديل
شجرة سماء بروقها من شدة بياضها يمرقن في الليد
عروق ..
قلب السجم كيفن تسوق البت نهار جنب الشواطين التحوم
أقرالها آية الكرسي كان تحفظها ..
يقراها كيف كيفن تحصن للصليب وإتوكل علي الموقف
رجع خطوات ركوب خلق الله بدون تذاكر دايره تركب جنبها
قبل مايقيف الوصول ..
ساعة صرخ قلب السجم خلق الله هوي زحزح بنيتو علي طرف
الخاص ركبت وراء خشو البلد طوفان عديل الدنيا إتلمت والناس
تبارك عيد مبارك بسم الله للعيد الجديد ..
الوالده تنده للعصير قلب السجم يحمد الله الوالده ماجابت لبن
في سرو قال فترته من سك الكديس ..
قاعد بعيد والوالده تقلب في العيون والبنيه إتضايرت
والحبة السوداء في ( المِش ) تلعن اللون الحليب
وبدأت تحاور أصلها ويتصبب العرق حين تمسك معصم
البنت الصليب تنفض اليد الغبار وهنا تنتفض القبيلة
للوقوف ويحتريك عقاب عابدة الصليب قامت الحرب الصليب
الرفض حتما هو القرار الشمس غابت في المغيب ..

[allarinja]

قبلان طول حياتي انا اشقي بس اسعد معاها ثواني

8
الوالده زي حكم القصاص مختوم مرصع بالشهادة
تب مابتخبر رجوع والدنيا ضاقت بالسيف النزل فوق رقبة الحب
التجابد في الخيال .. والبت تعاين للدموع في الزجاج والعين ملصقة بي
الرموش ويدافرن فيها الدموع وقلب السجم يمسح الدمعات رجاء
ويحضن البت والصليب ويبداء يغزل في الوهم غصبا عن الضيق والفرج
غصبا عن العمر الرضاع مفطوم معاك برضع الحب في السنين
والبت يابسه كما الضلوع بتحاصر القلب الأنين يدو اليمين كتاب عشم
في الجنة في كرعين حصان والأم تهاوش في السبق تقرص رجول الجنه
تسرع في الرحيل والبت بتسكن في الشمال نفس القلب
قلب السجم مابين وعود الإنتظار للنار تبُق في الجنه بيت في الدنيا عدمان
السكن والوالدة بس في الحق تقول من قديم عارفه الخبر البيت بينزل
من كبد جوف السماء ياوالده كيف نزل الخبر عندك يقين
وعرفتي من دون البشر
قسمة الحق في العمر ورفضتي لي قلب السجم يمكن مقدر في السماء
تنجب البت آخر رجال الدنيا في المهدي المنتظر ماقالوا في الكتب الزمان
بيجي المسيح من تاني هداك خوف الإنتظار في البيت بتختاري الجنه كيف
ماقالو لي قلب السجم تختار عكس ياوالده أختاري الجحيم في الدنيا
تطلع ليك جنان وكان ربي يجمعكم سوي فوق الصراط تتدافرن ..
قلب السجم يسرح مع الخاطر النده الوالده ماأظن في الرضاع من تاني
كان آخر وليد ومن زمان عقدت رحم باقي الولاد قنعت من الخلف الرضاع
وماأظن تنفذ للوعيد يغشاك ندم

[allarinja]

9

واليقع الأرض تتلقا صابره على حكم رباني.

الله أكبر زي نداء ات الجهاد بدون سيوف آذان العصر
قلب السجم أعلن رحيلو مع القدر لابس خيوط
سعف الجريد ويهز نخلة الإنتظار كان ترمي والدتو في السبيط
والبت مابت السرور داير تودع والدة القلب السجم ياخاله
هااااااااي والوالدة بس ساعة الفراق عيونا مابتحركن
وبي طرف أيدها البترجف قالدت إيد الصليب وإتوادعن بي
حضنة اليد للقنوع وقلب السجم يترجي فيها عشان تبيت
والوالده كان مالصبر تحلف تقد عين القلب وإضايرت في طرف
العنيقريب ومع السلامه ودعتك ... ماتمتها ياوالده أستغفري
كان هناك وكان هنا بتقال صريح إلا الزمن ياريت يبدل حكمو
في الناس الكبار ..
وبداء المسير ساق البت وفي كل زول بيقول سلام قلب السجم
يلعن الغصن البرفرف للحمام منعول أبو البلد التغير في الكتاب
قاعدين في آخر ( الكنب ) والحافلة تأجير للقلب تحلف تقول
ماشين بكاء ( كمساري بس والساق يسوق ) ..
من غير كلام إدلوا في الخرطوم سوي ومن غير كلام ماشين
بدون مايسألو القاع جوه النيل شجرا قلاد من كل جوز قاعدين
يكضبوا في القدر ..
قعدت علي طرف البحر شالت عصا .. زي شقت البحر الدموع
وقلب السجم في الموج أصبح غريق لكنو آمن بالقسم وبي والدتو
ماظنيت يتوب ..
يابت خلاص باكر بجيك لا عند أبوك يا آمن القسيس معاي
يا ...... أستغفر الله قلب السجم
والبت بي حرقة الدين آمنت نطقت شهادة المسلمين
وإتشهدت تحلف تقول في الدنيا يادوب يسمعا جات نازله
بي الإيمان تحلف تقول إنشاء الله غيرها ماينطقها في الدنيا
عشان تقول ديل مسلمين .. قلب السجم بي وراها يردد
زي شفع الخلوه يباروا الشيخ بلا مايفهمون ..
والبت خلاص بي آخر نفس أسلمت لي الله والرسول
وفاضل الختم وورقة الشيخ البسجل ديل مسلمين ..
في اللحظة الوقف قلب السجم وقفت البت وقالدت بي شوق
قلب السجم وإتباكو زين وإتفارقوا باكر نصلي جنب بعض
والواطه بس تصبح متين ..

[allarinja]

10
الريد في السفر والمرقه قاصد مع الزمن تنساني

الواطه صبحت والشمس نزلت تكابس في الضليل كان الشعاع
يرتاح علي صفق الشجر وقلب السجم عينو ماشافت غميد ...
والوالده بي كوب العصير ياحليلو كان كوب العصير وياحليل
سجم نوع الخيار ..
قعدت الوالده في قلب السجم وإتحكر الشوق في الكلام
مرات تعصر في الرجول مرات تدافر في الكلام ..
وقلب السجم كايس محاور للحديث ياوالده والعيون بي
كل خجل البت خلاص إستشهدت نطقت شهادة الحق
يقين ..
الوالده زي كل الرجال داك الجبل والسبحة والإبريق
ياوالده كان الفهم في الإختلاف في الدين ونحمد سيدنا
جمعنا في سيد الرسل وخلاص باكر الولاد بتنده حبوبه
بي نغم الحنان .. والوالده ماجابت خبر إتطانشت وإتطارشت
باقي النضم البت أصلاً بت منو !!! وتتلاقو كيف منعول أبو
العلم التفارق فيهو نسوان حلتك أهلك يمين يرجوك زي عشم
الجنان راجين صوابعك بالجريد ..
الوالده بلا ماتخبر كلام نفس الرفض وحلفت مع الحلف القديم
يبراك عدم عفوي وكان لي أبوك قنعان عديل من خلقتك ..
تفت علي قلب السجم باقي الكلام قلة أدب إلا المقامات لي الأهل
البت تدق تلفون صباح ومنو البرد تلفون مساء الخط قطع
والجامعة زاتها بقت فراق يومين والناس نست والوالده
بي عشم الولد كل يوم تجيب بتاً سجم مرات تجيب بت زي
دواليب القصور تحسب تقول عدد الضلف والبت تقول أنا بقره
فوق المدرسة حرام عليك ياوالده جبتي المدرسه باقي الطباشير والعلف
يابت سجم فوق الرماد أقعدي في بيتك يمين أجيب ليك المدير
من ياتو قاسم مشترك أنا زول في الحساب بيعدوني في العود القصب
وإنت إختصار لي كمين بشر إتجمعوا شان الزمن والسعجله ..
وكت خلاص قنع القلب من البنات شال خطوتين من الأمل سافر
سنه سنتين بيحسب في الرجوع يلقي البلاد إتغيرت والوالده زي قطر الحديد
واقفة بتدوس الزمن

[allarinja]

انا الماساتي ما بتتقال
انا الجرب ماسي الغي
تعال شوف كيف حفن كرعي
وانا اتبشتنته يا خلاي .. فوق درب الفريع الني
بقت لي مع العيون قصه
مخلفي فوق جروحي الكي
خيالي الما دوام نافر
يحلق في خلاهو الصي
ولا قادر افيق وارجع
ولا قادر اداري البي
واشوف غيمك انا العطشان
واقول هسع يجيني الري
وافكر في امور الحب
وادور في ساقية غير معني
(تقول لي انا .. انا الماساتي ما بتتقال)
يا حليلي انا
ااااااااه حليلي انا
حليل ايام سعادتي معاك
وقت كان الزمن بسام
يشاور لي دوام ضحاك
يضمنا كان .. هدوء الليل
ولا حس همس لا كوراك
لقيت تب يا قلب زولك .. بعد وجعك لقيتو دواك
اتاريهو الزمن دولاب .. قسا ورجعني الف سنة
(تقول لي انا .. انا الماساتي ما بتتقال)
طريتها انا
طريت السمحه بين اهلها
وقت تنزل
وقت تطلع مع الحب اجتمع شملها
تمد ايديها للمنقا
تداعب للجريد قبلا
ما هماها زولا فات .. يقاسي الغربة من اجلا
ما خلاني ابتليت بي ريده
افتل في حبال رمله
كمان خايف الجنون يحصل
تفوت عقليتي بي عدلا
بوريكم ماسي غرامي
عشتها عمري كان تمنها
مقطع من ود البركل