المساعد الشخصي الرقمي

مشاهدة النسخة كاملة : المســـــــــــــــــــــــــــــــــافة

ود حاج الضو
06-03-2009, 08:44 AM
المسافة
صلاح حاج سعيد

لسة بيناتنا المسافة والعيون ..
واللهفة والخوف والسكون ..
رنة الحزن البخافها ..
تعدي بالفرحة وتفوت ...
وأبكي بالحسرة وأموت ..
**************
الأماني الفي السفر ..
قبل الزمن كايس المواني ..
يوم تجيبني عليك بصدق ..
إنو مرة الحظ طراني ..
واحتواني معاك شجن ..
عذبني قبلك ولسه منك جاي تاني ..
تمشي وين الخطوة منك ..
ما الزمن بالحب بلاك وابتلاني ..
***********
يا عيونك يا مدائن ..
الفرحة والحب والجسارة ..
عندي ليك مليون بشارة ..
ألف طيف .. والكلمة شارة ..
وأنت لما الحب يهون في عيوني ..
وفي عيونك يبقي حائر بالأمارة ..
الفرح منك يجيني ..
ويعتريني الخوف عليك ..
خطوة منك .. خطوة ليك ..
راجي منك بس إشارة ...
كلمة تديني البشارة ...
A7MED
06-03-2009, 08:57 AM
ود حاج الضو .. تسلم ايدك .. طبعاً المسافه من الاغانى المحببه جداً جداً لدى وبالرغم من انو كل اغانى مصطفى جميله
مشكورين جدا لهذه الاغنيه وفى انتظار المزيد .
ود حاج الضو
06-08-2009, 10:43 AM
بكل تأكيد أخي هذه الاغنية في غاية الروعة، فيها احساس غريب جدا تجده يتلمس كل دواخلك وخصوصاً عندما تمتزج الكلمات باللحن والصوت الساحر لهذا الفنان الاسطوره مصطفى سيد احمد ، الا رحمه الله بقدر ما اثلج صدور المكدورين ... من الحزن النبيل .. الى الاحساس بالأمل..
ولك التحية