مشاهدة النسخة كاملة : حوار ساخن بين العروكة والديانا
الطيب الامام الطيب الامام
06-02-2009, 12:40 PM
[العروكة/جالسة تبكى وتنوح على حالها فى الايام ده وتقول مخير الله على بنات الزمن ده الواحده تشوف وشها تقول مراة ولما تنزل تحت شويه الله لايورك الباقى اواحده عامله زى الفحمه الوقعة فى لبن وقالن دى العولمة والتطور وخلنى وجدعن الكورة والعجب لما يجى المطر الواحده وشها كلوا جداول وهناء سمعت الديانا حديثها وجات الديانا هى هى هى انا الديانا البخلى الرجال تتجارة انا اسهل واسرع فى التجميل فى ظرف يومين اخلى الوش كل من يشوفوا يجى يجرجر وتعالى شوفى الحنك وهناء قاطعتها العروكة مخير الله شوفى الجات ما معروفة من وين دى والله زمان الواحدة لما تختنى فى جلده كلوا يبقى زى الحرير تجى تقوللى الوش بس ياحليل زمنا ويحليل حبوبتان من الصباح تقوم تجهزنى وهاك يالجيران يجوا كلهم وتعالى شوفى الونسه مع العروكة والقهوة ياحليل زمان وفى اللحظة هدى يتدخل اخونا الزيت ويقول والله ثم والله ثم والله من جيتى انتى يالبسموك الدوده خليتى البنات زى الببسي والميراندا انا كنت راكب الحافلة ماشى مشوار وهاك يالبت السوداء من تحت وعاملة الدينا طبعا الحافلة كل الركاب ساكته وفى راجل كبير قاعد وراء البنت وقامت البنت ختت ايدها على وشها وطبعا اليد لون والوش لون تانى انت يا الراجل قوم لفوق وادى البنت فى يدها ضربة فى يدها وقال انت ماعندك اخوات شوف العب ده المسكين قايل اليد يد واحد بعاكس فيها تجى تقوللى ديانا الله يقطع يوم الجابك ويرجع لينا زمننا وجات بعد كدة اراء الجماهير وطبعا كلهم رجال مارايكم فى البنت التى تستعمل هذه الكريمات ونظرتكم ليها شنوا هل الكريمات هدى تجعل الرجال قريبين الى البنت هل الجمال المزيف يدوم هموا معنا وخلون نحمى بناتنا من هذا البلاء
saida sopahi
06-02-2009, 01:09 PM
الاخ الطيب ربنا اديك العافيه ياطيب المشكله مامشكله ديانه مشكله مرض نفسى وهاجز وشبح يطارد البنات جميعا الحاجه التحير انو فى بنات لونهم ابيض بيعملو ديانه وببقو بمبيات الديانه مشكلتها هينه ومابضر بالبشره كتير لكن تعال شوف حاجات تانيه اسمها الصباعات لوكسيد ار وطب جيل وموفجيل كلها جاجات مصنوعه لاغراض تانيه مثلا الوكسيد صنعا خصيصا للحروق اى بزيل الطبقه الخارجيه المشوه نتيجه حرق نار البنات بيستخدمه فى الوجه لازاله الطبقه الخلقه ربنا الاوله فى الوجه وكل ماتستخدم اكثر بيزيل طبقه والوجه يبقى احمر وبدون طبقات (الوجهه يبقى ميرندا وباقى الوجه كولا)
فعلا يا اخ الطيب الوحده لما يكون وجهها اسود ومليان حبوب نفسيا مابتكون مرتاحه وبتتخيل انو الشباب ما بتعاين ليها ولو كانت فى الخط بتحس البوره جات
اصلا استعمال الكريمات بيبدا فى فتره معينه عند البنت يمتلئ الوجه بحبوب الشباب البنت بتدخل فى حاله نفسيه سيئه هنا بدل ماتمشى لى طبيب جلديه ويعطيها علاج تتجه الى التقليد الاعمى فلانه عملت الكريم الفلانى وجهها بقى رهيب كان فيه حبوب اكتر من دى وبقى واحسن وهنا بتكون المساله ضربت حظ يا صابت والوجه اتعدل ياخابت والوجهه خرب تماما وتبدى تجرب حاجه تانيه . وهنا المساله بتبقى ادمان يعنى وحده جربت كريم وجهها بقى سمح استحاله تسيبه ويرجه يتخرب تانى اما بخصوص نظره الرجال للوحده البتعمل كريم دى بسيبها ليكم انتو وياريت الاجابه تكون بى صراحه
الطيب الامام الطيب الامام
06-04-2009, 07:48 AM
اشكر مرورك اختى السفير اكيد بجاوب بصراحة لنى لسانى متبرى منى انا واحد من الناس اى بنت بشوفها مستعمله الكريمات بشوف انها عندها احتجاج فى خلق ربنا يعنى الواحد و ماعاجبوا شى اكيد بغيروا كذالك البنت لو عاجبها شكها مابتغير فيه وهذا يقود الى الشرك والكفر وكمان ماتنسى بنات الزمن دى بقن فنانات فى تركيب الكريمات والبساعدوهم اصحاب البوتيكات قدر ظروفك يعنى ملعقة من كل نوع من الانواع الزكرتيها ويقومن بوضعا كلها فى علبة واحده شوفى المفعولات الكمواية اتى بهذه الكريمات تمشى مع بعض او لا وتعالى شفى جنس تجليط الواحد بالليل تلقى وشها ريحته تكره وكان جايهم زيارة تندمى على الدخلك من ريحة العفنه الخاتها فى وشها والمشكله هى ولا هميها اين الحياء والخجل ياخى اقل شى الواحده التخاف على جسمه الجمال ليس هو جمال الوجه فقط والشكل اهم شى الواحدة تكون جميلة بخلقها بمعاملتها كدى عرسيلك واحد يكون جميل وغنى يكون سى الا خلاق ويكون بسكر ولمى كل شى سى اكيد بتكونى تعيسه كذالك البنت البتخط الكريمات مهما عملت مابتكون جميلة هى تضحك الناس فيها بس وقال تعال جعلنكم شعوب وقبائل يعنى كل شعب له لونه وشكله ولغته وكذالك كل قبيلة وماتنسى الطقس الميط بالسودان حار والطبقة الخارجية هذه بتحمى من الشمس الحارقة يعنى بعد ان تعمل الكريمات وتنزع هذه الطبقة بالنهار مافى طلعة الله يكون فى العون ويرجعهم الى الطريق المستقيم
saida sopahi
06-07-2009, 07:11 AM
مع احترامى الشديد ليك اخ الطيب وقد تكون دى وجهه نظرك وهى سليمه ميه الميه بس والحق يقال فى كتير من الشباب هم بشجعو البنات على استعمال الكريم
هم دايما بهتمو بالبت الشكلها نظيف ومجلبطه بالبدره وجهها زى الكانت فى طاحونه واذكر موقف مره بى وانا فى مناسبه وراى تلته اولاد من اولاد الجريف كانو بعلقو فى بنات وانا سامعاهم كانو بعلقو فى وحده لونه اخضر وفى وشها نمش وحبوب فواحد فيهم قال عاينو البت دى وشها زى طربيزه اللحام . التانى قال ليه لحام شنو دى وشها التقول منقدو ليها طيرا ابابيل . الثالث قال دى ما قروها معمر والا شنو ماتشوف ليها اى مصيبه زمان تجلبط بيها وشها وتبقى زى البنات وقعدو يضحكو ( طبعا معمر دى ببيع كريمات فى كركوج حى الصفاء ) ممكن يكونو اولاد سطحين وتافهين بس اهم بمثلو جزء من الشباب .
انا لما بقول كدا ماقصدى اايد فكره الكريمات وانما بس حبيت اوضح ليك سطحيه الرجال . ودى نكته صقيره بتكون سمعت بيها
قالو فى مره كل يوم بتصحى من انوم بتلقه وشها فيه مويه فستقربت ورت جارتا فجارتا نصحتا قالت ليها اعملى فيها نايمه الليله عشان تعرفى وشك بيكون مبلول من شنو .عملت بنصيحه جارته وسهرت الليل اتضح انو راجلها بيكون مساهر فى الدجتل بشوف الفنانات والبنات السماحت ويقوم يتف ليها فى وشها (تف انت مره وديل نسوان هسى )
الطيب الامام الطيب الامام
06-07-2009, 07:31 AM
اشكرك على المرور والنكته وايد كلامك ان الشباب بعض منهم وليس كلهم فى عدد منهم وهم اصحاب النفوس الضعيفة والمرضاء النفسين هم الذين ينظروا الى المراة فى لونها ولكن تغير اللون ماهو البيجعل البنت تكون جميله وكمان الطقس فى السودان بطبيعته الحارة يجعل لون البشرة مايل الى السمار واقولك لو مالليل لما كان النهار واللون المايل الى لون الليل جميل والبنت لو اهتمت بمظهرها وتنسيق ملابسها بتكون منظمه وكذالك استعمال الكريمات الاسرة والاخوان ايضا يلعبون دور كبير فيه تلقى الاخ يمشى هو يجيب الكريمات والافظع تلقى عدد من الشباب بستعملوا الكريمات ايضا والله والله اعرف عدد وليس بالقليل بقوم بوضع متل هذه الاياء البنت عرفناها بتستعملها لتكون ناعمه ولو سالنا الشباب لماذا يستخدموها والواحد لايكلف نفسه بنصح اخته وبل يستملها من نفس العلبة التى تستعملها هى صدقونى جمال النفوس احلى واغلى وبجيك صادى
اسماء
06-07-2009, 04:25 PM
الرائع الطيب الامام عساك طيب
الموضوع جميل بس المشكله انو العروكه والدينا الاتنين بقن قديمات شديد وطالع واحد جديد اسمو البيوكلير ده جاه من نيجيرا منتشر جدا في السودان وفي كل مستشفى عندو عنبر خاص والمصبيه بعد الحاصل ده كلو عندو شعبيه
بس نقول شنو غير الجهل مصيبه ...........
الطيب الامام الطيب الامام
06-07-2009, 05:28 PM
الغالية اسماء الجرافية اشكر مرورك والله يكون فى عون حريمنا زمان الاب يجى من الشغل ويلقى زوجته تلمع تقول مودينها الدلاله ولكن للاسف الان الواحد يرجع وشوك مايشوف الا النور وتعالى شوفى بالليل الواحد تشبه الشبح الوش ابيض مع وضع الكريمات ولباقى يستر الله ولو الكهرباء قاطعه الا تجرى من الخلعه بجيك صادى واحجزلى معاكم فى البوديكير وماتنسى فى انواع من الحبوب لكل الاجزاء فى الجسم
الطيب الامام الطيب الامام
06-19-2009, 06:11 PM
ياحاجة سيدة بت جدى صباحى اسالك الله شوفى لى حاجة اسماء كان عندها لخوخه بدور اعمل عروكه وكان اخاف الكضب ماتقوم ماتعرف اللخوخه هى شنوا كان انتى وهى ماعرفتوها امشى اسالى الجد عصام ودعبدالصادق باقى قديم من حفروا البحر اكيد بوريك ليها ههههههههههههههههههه
saida sopahi
06-22-2009, 05:16 PM
معقوله ما اعرف اللخوخه براك قلت حاجه سيده يعنى مره قديمه ساكنه الجريف حيث العراقه والاصاله بس بت ام درمان دى حنكوشه اكيد مابتعرفه عشان كدا بوريها ليها وفى زيارتها الجايه بعمله ليها
الطيب الامام الطيب الامام
06-23-2009, 02:53 PM
هى هى هى هى هى والله ده المشكلة الكبيرة لو طلعت بت ام درمان حنكوشة انتى طلعتى منها واتخارجتى من لسان الجد عصام كده امشى شوفى لينا بت ام درمان وكلمان سريع خلينا نلقى شى عليها اصله ماقادرين عليها كل مانجيها من هناء تجى من هناء عامله زى الموية اصلنا ما قادرين عليها انشاء الله تطلع ماعارفها وكان عرفته بديكم شى تانى والله يخارجك ويخارجه مننا
اسماء
07-12-2009, 01:05 PM
سلام بلا كلام ود الامام كيف اخبارك وازيك ياسيده
ياختي دي ماالمحريه فيك وياود الامام والله بعرفه جنس عرفه كان ما العجين المر الزايدنو دقيق بس ياجماعه ماتحكوها شديد نحن قلنا نواعم والكلام ده ماعندو علاقه بالنواعم كلو كلو .......
لحدي هنا ياسيده والطيب انا ماشه منكم انتو بتبقوني خشنه سلاااااااااااااااام.
الاخ ود الامام الجمال من الله وانا واسماء من امدرمان وناس امدرمان ديل سمحيييييييييييييييييييين ومادايرين لخوخه بس كان لقينا بخور تيمان كفايه
الطيب الامام الطيب الامام
07-13-2009, 06:42 PM
انتى من زمن بخور التيمان هو دكان التيمان اعلن افلاسوا والايام دى فى بخور جديد برسلك منوا انتى واسماء الجرافية والخوف انك تكونى مابتعرفى نوعه وكان لى اسماء اكتشفناها طلعت من زمن حفروا البحر اشكر مرورك يابت ام درمان
اسماء
07-14-2009, 01:47 PM
ود الامام اصبر شويه لحدي مالم فيك اسي المن زمن حفرو البحر منو انا ولا انت الشغال تفتش في الحاجات الاندثرت ذمان
عشان كده انا قلت ليك انت وسيده مابتنفعو معاي انا ماشه للنواعم وانتو ناس قدام ههههههههههه.
وحااكلم ليكم الهندي واقول ليهو الناس ديل بوظو منتدى النواعم شوف ليهم منتدى جديد اسمو العجايز بس انا خالص مامعاهم .........
الطيب الامام الطيب الامام
07-16-2009, 10:49 AM
سيدة بت صباحى الحقى بنات امدر عرفوا اللخوخة كدى امشى اساليهم من السحارة والمشعليب والنقاع وكان عرفوا اديهم الجائزة والجنسية وغلفيها ليهم كمان
اسماء
07-16-2009, 11:02 AM
ود الامام انت وسيده والزمن ده كتير علي
المشلعيب بعرفوا بعلقو فيهو الاكل
والسحاره كان ما البعاتيه ماعرفتها وياريت توريني ليها .
والنقاع دي المويه البتنقط من الزير مش .
ياود الامام انا قلت ليك ماتحكها شديد لانوالناس ديل فاكرني من النواعم بس بالطريقه دي انا الخسرانه لاني بصبح كرت محروق
قايتو انت وسيده من وراكم ابلقى خير فكوني شويه وشوفو منى .
الطيب الامام الطيب الامام
07-16-2009, 11:05 AM
سيرة الجريف بام در ماتخافى الجائزة طلعتى منها لكن انتى عارفة منى ده نومتا انكشفت زمان قبل مايحفروا خور ابوعنجة
عصام عبدالصادق
07-16-2009, 07:56 PM
ود الأمام أخوي ...
يا أخوي هدي شوية والله إنت براك بتورط نفسك مع قبيلة النواعم ... وما صدقنا أنك أتفكيت من أختنا بت صباحي سيدة في بوست الفتنة المدفونة ... عشان كدة يا أخوي ما تفك ورقك كله ... وبعدين يا خوي فك سيرتي ... إنت ما كنصيح ولا شنو ...
عموماً أنا ما عاوز أطول عليك لأني واصل سوق الإثنين أشتري لي جردقة ومحريب وحرجل وحنظل وسلبه..
الطيب الامام الطيب الامام
07-17-2009, 10:01 AM
هههههههههههه وجد جدى عليك الله جيب لى معاك محريب وحسكنيت وسنة سنة عندى خلطة شعر بعمل فيها بدور اعلاج بيها صلع ناس الهندى واحمد ودالنمير وباداب منتظرك ماتتاخر
عبدو(كمبيوتر)
07-19-2009, 08:30 AM
ابو الامام
صباح يا مان ::::::
خالى من الكليسترول
وغير ناقل لانفلونزا الخنازير.
الموضوع شيق ومهم ...
ولكن !!!! معزرة اسمح لى
بمداخلة بسيطة:
المراة فى السودان وفى باريس تظل تبحث عن العريس وهزا حقها المشروع....!
فى الشرائع ليس ممنوع ولكن طريقة البحث عن زوج باستخدام ( الروج ) هزه هى المشكلة بالتحديد وهى بيت القصيد.
ودم بخير
saida sopahi
07-19-2009, 11:02 AM
الاخت اسماء انا فعلا من العجايز خلاص زمنى فات وغناى مات واتذوجت وربنا يرزقنى زريه صالحه الكلام الناس العارفين المشلعيب واللخوخه يعنى عجزو وما انجزو .. ود الامام كان منى او اسماء الاثنين عجايز واى شئ بعرفنو بس عايزات يتحنكشن ساى . السحاره يا اسماء هى صندوق كبير من الخشب بيستخدموه كخزانه حاجه بمفهوم الدولاب هسى شوفى حبوبتك ماعندها سحاره كانت
الطيب الامام الطيب الامام
07-19-2009, 01:13 PM
تسلم ايدك بت صباحى وانا عارف بنات ام در وحنكشتن من زمان بتحنكشن والواحده تقولك جرحتنى بسكوته وخنقتنى تورته واسماء كشفنا عمره وكمان منى اشتركت مع حواء الطقطاقة فى طرد الانجليز مع ناس العطبراوى وكان فتشتى بتلقيهم مصورات مع الازهرى وكمان افيدك بانهم خططن لحفر خور ابو عنجة ويجن يقولن حنكشة العنكشة دى دوروسها كتيره ولها اصول وقوانين وجامعات البلد دى عملوليها اغنية كدى انا ماشى لحاج عصام بدور افتش لى على عراقى وسروال وتوب عشان كمبيوتر بندور نعرس ليه
اسماء
08-09-2009, 12:03 PM
الرائيعن ود الامام وبت صباحي
مشكورين على المعلومه قصدي السحاره
ياجماعه والله انا ماحنكوشه بس بالجد ماكنت عارفاها لكن الان انا معاكم حبوبه على حق وحقيقه .
وخلطه الشعر العماتها بالحسكنيت دي الا كان تسويه لروحك وتحت باقي الفضل وتنضاف لناس الهندي ههههههههههههه.
عليك الله ادي منها سيده هههههههههه.........
الطيب الامام الطيب الامام
08-11-2009, 04:45 PM
اخت اسماء الحمد لله الاعترفتى وماخليتى السفيرة براها كدى شوية امكن امكن ترجحوا الكفه اها السحارة عرفتوها كدى شوفى لى نظارة عصام كان ختيها فى السحارة الفى القطيع وكان ماعرفتى القطيع ده شنوا اسالى الهندى ود نابرى اصلوا ملم بكل شى وكبيرنا فى المنتدى والجريف ليس بالسن ولكن بالعقل والحكمه اصلوا ماخد الدبلوماسية من جدودوا وبجيك صاد
صديق الجيلاني
08-17-2009, 05:45 AM
عزيزى ابو الطب والله كلامك زى العسل لاكن البقول كده الزمن ده بقولوا عليه رجعى
ولاكن تبقى الاصاله اصاله
وكما قال الشاعر يصنع الصانعون وردا ولاكن ورده الروض لا تضارع شكلا
ومع تحياتى
الصديق الجيلانى
الطيب الامام الطيب الامام
08-23-2009, 08:00 PM
رمضان كريم وربنا ينور وجوهكم بالايمان والتقوى والعباده ففى العباده تبيض الوجوه والف شكر ابومزن على المرور الكريم وانت عارف وانا عارف ان الكلام اعلاه بقولوا تخلف ولكن والله التخلف فى تقليد الغير والعيازة بالله عدم القناعه بخلق ربنا لنا وتغير شكلنا بالاشياء المجلوبه لنا وكل هذا بسبب القنوات الفضائية والاشكال الغريبة التى نشاهدها فى القنوات الخارجية والمشكلة ان الشباب يويدون البنات فى تغير اشكالهم وتلقى البنت الوجه شكل وباقى الجسم شكل اخر اليس هذا التخلف بعينه اللهم اهدنا الى الصراط المستقيم ورمضان كريم ومن هذا البوست حبيت ان يكون الى العودة الى العادة والاشياء القديمه لان الكثيرين لايعرفون اى شى عنها وجدوا الثلاجات ونسوا المشلعيب ووجدوا المستودعات ونسوا القطيع ووجدوا الخزن ونسوا السحارة ووجدوا المحافظ ذات الاشكال الجميلة ونسوا المفحضه والكثير الكثير راح مع الزمن وياحليل زمن الحبوبات
الطيب الامام الطيب الامام
09-10-2009, 01:43 PM
ياناس عووووووووووووووووووووووك ياابومزن رمضان طفش السفيرة وبت ام درمان وخلن البلد خلاء كدى افقدوهم
الطيب الامام الطيب الامام
01-03-2010, 04:47 PM
ود الامام انت وسيده والزمن ده كتير علي
المشلعيب بعرفوا بعلقو فيهو الاكل
والسحاره كان ما البعاتيه ماعرفتها وياريت توريني ليها .
والنقاع دي المويه البتنقط من الزير مش .
ياود الامام انا قلت ليك ماتحكها شديد لانوالناس ديل فاكرني من النواعم بس بالطريقه دي انا الخسرانه لاني بصبح كرت محروق
قايتو انت وسيده من وراكم ابلقى خير فكوني شويه وشوفو منى .
بت ام در تعرفى البوست ده من زمان مادخلت فيه وكانوا البنيات هى النسوان شوية لكن اسع عينى بارده زى ماقال بريقع حقوا الواحد يفتح محل قدر ظروفك وفكرت فى المشروع لكن لقيت النسوان ديل كلهم مغتربات وقروشن كتار فكرت اعمل لى مناديب توصيل يعنى الشركة بتكبر وياحليل العروكة راحت فى خبر كان
اسماء
01-04-2010, 04:29 AM
ود الامام انت كترت النسوان دي مذعلاك ولاشنو خليك دمقراطاي شويه وبعدين انا اختك وعارفه المزعلك شنو
وكان لمحل قدر ظروفك انا ذمان فتحتوا في بيت الحريم بس معليش المكان محظورههههههههه.
الطيب الامام الطيب الامام
01-04-2010, 06:28 PM
الحمد لله الوزعوكم مننا وكفونا شركم ومكركم وكان لى محل قدر ظروفك والله اتعلقتى لان عصر العروكة رجع وبقوا يعلبوها جاهزة ذيها ذى الدينا والكلى دحين حولى المحل اعمله حق سمك او اى ماكولات لان اكتر استهلاك للنسوان هو الاكل وكان مامصدقة اسالى سيدة او ام احمد
اسماء
01-05-2010, 06:07 PM
ده كلام الزول المحرق ياخي روق المنتدى كلو حق الرجال الا المكان الصغير ده زعلك
وكان للاكل ماشيفاكم صايمين والمكر حاشاكم .
بس نحن ماشين بمثل الفيك بدرو.
الطيب الامام الطيب الامام
01-05-2010, 07:09 PM
لا والله يا اسماء لكن حبيت اوضح ليك زمن العروكة رجع وجد صاروا يعملوها معلبة و منتدانا كان يفتغر من العنصر النسائى والان نسبة الحريم ماشاء الله عليه عشان كده اكيد التوجيه بجد محله وتعم الفائدة الى الجميع واشكرك على مشاركاتك وقدر ظروفك هدى طرفى منوا لان النسوان عرفن مصلحتهم ورجعن الى الصواب وياحليل الدينا وتحى العروكة وزيت السمسم والكركار وايضا لاتنسى احتمال يعملوا تصفيه الى الودك ويصير انواع عديدة منها الضان والبقر والابل وكل واحد له جودته واستعماله الخاص
الطيب الامام الطيب الامام
01-23-2010, 05:01 AM
جلست العروكة فى صباح باكر وجدة نفسها مرميه تحت عنقريب هباب فى مخزن وبقت تبكى على حالها الوصلت له من عصر العولمة والتكنولوجا وتتحسر على ايام الماضى الحلوة والعادات القديمة السمحه وتتنحنح وتقول ياحليل امات طه وياحليل ايام سرور وايام كانن النسوان يجتمعن ويقعدن ومع القهوة كل واحده تجيبنى وتجهز حالها والايام ده كل شى اتغير وبقن جاريات وراء قدر ظروفك وياحليل لما الواحد تقدر الظروف جد قال قدر ظروفك قال وعاداتنا ياحليلها لماذا لو رجع الحال الى العادات القديمة الجميلة وجد الحال اتغير والمحنة اختفت وحل محل جمعة الونسة التلفزيون والقنوات الفضائية وتجد الجار مابشوف الجار فترة طويلة ومن الشغل الى البيت والبيت الى التلفزيون ومولدى وسنما تلعب دوره وابسط الواجبات تجاه جاره ماعارفها لماذا مانحيى مامات من عادات جميله ونحاول نصلح الحال وياحليل قهوة الصباح وجلست النيمة
ام مازن
01-23-2010, 01:38 PM
سيدة بت صباحى الحقى بنات امدر عرفوا اللخوخة كدى امشى اساليهم من السحارة والمشعليب والنقاع وكان عرفوا اديهم الجائزة والجنسية وغلفيها ليهم كمان
طبعا اللة يخلي لي بنات ام درمان منى واسماء واللة يديهم لي العافية هم كفو وقدرو عليك ياود الامام انتا وسيدة وزي ماقالت اختي منى بخوووور التيمان من عيونكم واصلا احنا في زمن بتحكمو المظاهر واسي الواحدة لامن تمشي اي مكان وتكون مجيهه زي الواحدة البتكون مبشتنه طبعا لالالالا بالرغم من انها نظرة سطحية ولاكن دا الواقع واسي مافي وحدة كدة مابتعمل كريم حتى لو كان فير اند لفلي وما لازم الوحدة تكون لدرجة المبالغة زي الوصفة ود الامام والا صحي اصلو هو وسيدة من زمن العجايز واما السحاره والنفاع ماضروري لاننا مامحتاجين لاي جايزة
ام مازن
01-23-2010, 01:42 PM
سيدة بت صباحى الحقى بنات امدر عرفوا اللخوخة كدى امشى اساليهم من السحارة والمشعليب والنقاع وكان عرفوا اديهم الجائزة والجنسية وغلفيها ليهم كمان
طبعا اللة يخلي لي بنات ام درمان منى واسماء واللة يديهم لي العافية هم كفو وقدرو عليك ياود الامام انتا وسيدة وزي ماقالت اختي منى بخوووور التيمان من عيونكم واصلا احنا في زمن بتحكمو المظاهر واسي الواحدة لامن تمشي اي مكان وتكون مجيهه زي الواحدة البتكون مبشتنه طبعا لالالالا بالرغم من انها نظرة سطحية ولاكن دا الواقع واسي مافي وحدة كدة مابتعمل كريم حتى لو كان فير اند لفلي وما لازم الوحدة تكون لدرجة المبالغة زي الوصفة ود الامام والا صحي اصلو هو وسيدة من زمن العجايز واما السحاره والنفاع ماضروري لاننا مامحتاجين لاي جايزة
الطيب الامام الطيب الامام
01-23-2010, 02:04 PM
الغالية ام مازن اشكر مرورك وافيدك باننا انا وسيدة ابناء الجريف وكما زكرت لكى عن تاريخ الجريف يرجع الى القرون الوسطى وماتسرعى بنكت ليك ياناس ام درمان بلوه لااسماء ولامنى ولاانتى بتعرفوها وارجوا ادراج بعض العادات القديمة اذا امكن
الطيب الامام الطيب الامام
01-29-2010, 02:14 PM
ياحليل زمن القطيع والسفروك والنتاق والتكل ومالفرق بين القطيع والتكل اسالوا عصام اكيد بعرف وكان تمتم امشوا لى ودالمجذوب اهل العروبة والمعرفة مابردكم تب
اسماء
03-28-2010, 07:16 AM
ياحليل زمن القطيع والسفروك والنتاق والتكل ومالفرق بين القطيع والتكل اسالوا عصام اكيد بعرف وكان تمتم امشوا لى ودالمجذوب اهل العروبة والمعرفة مابردكم تب
قبل ماتمشو لعصام التكل طبعا المطبخ والكلمه مامرة عليها زمن طويل
والقطيع هو مرور مجموعة من الانعام مع بعض
اما السفروك والنتاق والله مابعرفهم
ممكن الاجابه سريع
saida sopahi
03-28-2010, 09:11 AM
قبل ماتمشو لعصام التكل طبعا المطبخ والكلمه مامرة عليها زمن طويل
والقطيع هو مرور مجموعة من الانعام مع بعض
اما السفروك والنتاق والله مابعرفهم
ممكن الاجابه سريع
يابت ام درمان ياحنكوشه النتاق دى مجرى بتاع المويه بكون خرم فى الحيطه صغير عشان تطلع بيه مويه المطره
واما السفروك دا والله اعلم عصايه محنيه من الامام بيصطادو بيها وبطربو بيها الزول الكلامو كتير زيك ..الله اعلم دى ما متاكده منها
اسماء
03-28-2010, 02:25 PM
يابت ام درمان ياحنكوشه النتاق دى مجرى بتاع المويه بكون خرم فى الحيطه صغير عشان تطلع بيه مويه المطره
واما السفروك دا والله اعلم عصايه محنيه من الامام بيصطادو بيها وبطربو بيها الزول الكلامو كتير زيك ..الله اعلم دى ما متاكده منها
في حياتك سمعتي بعصايه بربطو بيها انتي جنيتي
اسي الحنكوش فينا منو
انا قلت مابعرفه وانتي ادعيتي العرفه وفضحتينا بجي سيد البوست وبشيل حالك
شكرا على النتاق
الطيب الامام الطيب الامام
03-28-2010, 03:17 PM
خلن الفصاحة اها امشوا جيبوا لى شتم من ود المجذوب
اسماء
03-29-2010, 06:07 AM
الطيب عندك حفلة ولا شنو
اها دي فصاحه ولا حقيقه
الطيب الامام الطيب الامام
04-03-2010, 09:36 AM
الطيب عندك حفلة ولا شنو
اها دي فصاحه ولا حقيقه
اى عايز اسير البايرين من المنتدى لى محل الطيب بخيت
اسماء
04-08-2010, 03:35 PM
اى عايز اسير البايرين من المنتدى لى محل الطيب بخيت
الاستاذ يحيى في مقوله له قال ماهذا ياادارة وكان عنوان ولا اروع
وانا حاليا بقول ماهذا ياادارة بس عكس استاذ يحيى قصدي ودالامام ده شوفوا ليه حل انا عارفه هو قاصدني
هو وبت صباحي ال2 حاقدين علي
عاقبوهم
اوقفوهم
افصلوهم
ولو في طريقة عزبوهم
هههههههههههههههههههههههههههههه
الطيب الامام الطيب الامام
04-10-2010, 11:16 AM
الاستاذ يحيى في مقوله له قال ماهذا ياادارة وكان عنوان ولا اروع
وانا حاليا بقول ماهذا ياادارة بس عكس استاذ يحيى قصدي ودالامام ده شوفوا ليه حل انا عارفه هو قاصدني
هو وبت صباحي ال2 حاقدين علي
عاقبوهم
اوقفوهم
افصلوهم
ولو في طريقة عزبوهم
هههههههههههههههههههههههههههههه
ههههههههههههههههههههههههههه انتى ماسمعتى بى خلف الله عزبتنا ادارة شنوا البتقدر علينا ماهو الهندى ظاتوا معاكم شوف ليك بلد ساكت قال يعزبونا قال
ابو ستو
02-06-2011, 10:23 AM
[العروكة/جالسة تبكى وتنوح على حالها فى الايام ده وتقول مخير الله على بنات الزمن ده الواحده تشوف وشها تقول مراة ولما تنزل تحت شويه الله لايورك الباقى البلاء
عمو .. عمو ..
شنو يعني عروكة ؟
وهل تجوز للرجل ؟
الطيب الامام الطيب الامام
02-06-2011, 01:46 PM
عمو .. عمو ..
شنو يعني عروكة ؟
وهل تجوز للرجل ؟
ههههههههههههههه عمك معقوله بس طيب ناس اسماء الحناكيش خليت ليهم شنوا وموضوع انها تجوز لرجال دى اسال منها الاغبش عصام بفتيك فيها
ابو ستو
02-06-2011, 02:22 PM
اسال منها الاغبش عصام بفتيك فيها
عصام الأغبش
ابو ستو
02-07-2011, 04:02 AM
خالو عصام : مازلنا في انتظار المفيد والمتعلق اساساً ب(العدة لينة..)
سؤال يحمل بين طياته البراءة : وجه الشبه بين العروكة واللخوخه؟
حاجة تانية الزوول لو قالوا ليه ها (اللخوخة دا) هل شكروه ولا غير !
ابو ستو
02-07-2011, 07:20 AM
[ وفى راجل كبير قاعد وراء البنت وقامت البنت ختت ايدها على وشها وطبعا اليد لون والوش لون تانى انت يا الراجل قوم لفوق وادى البنت فى يدها ضربة فى يدها وقال انت ماعندك اخواتلبلاء
ذهبت الى الصيدلاني وهي تتأفف .. قائلة دايره لي حاجة تبيض وجهى !
تركها الصيدلاني لبرهة من الوقت وعاد يجر أمامه خروف .
ابو ستو
02-12-2011, 05:05 AM
انتو عصام (غبوش) غتث وين منما جابو سيرة (اللخوخة) ما سمعنا ليه خبر (يكون مزكوووم) ولا يستطيع شم الدلكة والتي عبقت البوست !!
ابو ستو
02-28-2011, 06:29 AM
تلاتة قدور محلبية
ثلاثة قدور صندلية
تلاتة قدور سرتيه
نسيبتو قالت شويه حرمان ما يدخلن عليا
كان يصدح بها الفنان صلاح بن البادية في مناسبة بالجريف شرق وبالقرب مني راجل اطال الله عمره منعنش واقف (لط) شارب كركدي ومندمج بصورة غير عادية مع الأغنية صيغة المبالغة وما أن ذكر حرمان ما يدخلن عليا ..
قال : سيبك منها ..
سلا م عليكم ... الكريمات وما ادراك ما الكريمات زمان ويا ريت لو كنا من ناس زمان علي قوله حبوبتي كانو بيستخدمو زيت السمسم والعروكه بس الحين الوضع تغير شديد ولو رجعنا شويه للتسعينات وبدايه الالفيه كانن النسوان بس بيعملن كريمات للوجه وكله مقتصر علي الديانه والروز بس الان الوضع تغير تماما وظهرت كريمات لكامل الجسم يعني زمان ميرندا بيبسي بس هسه الواحده كلها ميرندا المصيبه انه معظم البنات اذا ما قولنا كلهم بيستعملو كريمات الجسم وانا مسمياها مبيدات الجسم .. الشي اللي يقهر الواحده تكون زرقا او سودا ولما تبقي بيضا تقول ده لوني الاصلي .. المشكله الحكايه بقت ادمان وادمان علي الجمال واللون الابيض .. سبحان الله الاجانب يكوسو للتسمير ونحن بيجاي الله يعين بناتنا المصيبه التانيه انه كل فئات النساء اصيبن بالداء ده يعني البنات الصغار 14 سنه والنسوان المعرسات بعد شويه الحبوبات بنلقاهن عملن الكريمات .. الموضوع كبير ويحتاج للمذيد من الكلام والرقي عنه .. اما بالنسبه لانه سبب من اسباب اصياد العريس فده علي حسب البنت وجهلها < جواز السفر> .. اكيد جمال البت بيلعب دور في كده < الماء والخضره والوجه الحسن > بس ده ماكل شئ في حاجات تانيه اهم .. زي ما اسلفت الموضوع كبير جدا واكيد ليه ابعاده الصحيه والنفسيه والاجتماعيه وحتي الاقتصاديه فياريت تتطرقوا للجوانب دي باهتمام لانه جد موضوع كبير
الطيب الامام الطيب الامام
03-02-2011, 10:52 PM
سلا م عليكم ... الكريمات وما ادراك ما الكريمات زمان ويا ريت لو كنا من ناس زمان علي قوله حبوبتي كانو بيستخدمو زيت السمسم والعروكه .. اما بالنسبه لانه سبب من اسباب اصياد العريس فده علي حسب البنت وجهلها < جواز السفر> .. اكيد جمال البت بيلعب دور في كده < الماء والخضره والوجه الحسن > بس ده ماكل شئ في حاجات تانيه اهم .. زي ما اسلفت الموضوع كبير جدا واكيد ليه ابعاده الصحيه والنفسيه والاجتماعيه وحتي الاقتصاديه فياريت تتطرقوا للجوانب دي باهتمام لانه جد موضوع كبير
كما زكرتى ياوردة كل النساء صارن يستخدمن الكريمات لتغير خلقت الله ودا فى حد زاته عدم قناعة بخلقة ربنا الذى اعكنا ليها وعدم رضاء بخلقه واما موضوع الامراض التى تسببها هدى الاشياء فتحدثت كل اجهزت الاعلام والتلفزيون والاطباء عن المضار ولكن لاحياة لمن تنادى لن الدق على الميت حرام وموضوع ااصتياد العرسان فرسولنا الكريم صلى الله عليه وسلم زكر بان من غشنا ليس منا وكل هذا النساء على علم به ولكن للاسف مافى اى قناة والمثل بقول الخضرة الدقاقة عايزة كسرة مرة لكن فى مثل عن اللون الابيض سمعتوا بيه ولو حولت البنت كل لونه ابيض برضوا الشين شين ولو جاء من الصين يعنى باختصار لو فى واحده قبيحة وشينة هل اللون بغير فيها شى وكمان اسع العرسان بتزوجوا البنات الشينات عشان ما برهقنهم بالمصاريف الكتيرة فى العرس لون شنوا وكريمات شنوا البتجيب العرسان والله كان صبت مطرة البدرة والظلال ما تديك الدرب والجميل جميل ولو جاى من جوبا
الطيب الامام الطيب الامام
03-02-2011, 10:55 PM
الاستاذ يحيى في مقوله له قال ماهذا ياادارة وكان عنوان ولا اروع
وانا حاليا بقول ماهذا ياادارة بس عكس استاذ يحيى قصدي ودالامام ده شوفوا ليه حل انا عارفه هو قاصدني
هو وبت صباحي ال2 حاقدين علي
عاقبوهم
اوقفوهم
افصلوهم
ولو في طريقة عزبوهم
هههههههههههههههههههههههههههههه
اسع انا قلت سيرة الهندى هى قصدى البايرين والعزاب عزاب وانا مالى والنوبيرة واقفة لودارى