نواعم بلا نواعم

[يحيي عثمان عيسي]

منتدي النواعم ....؟؟؟ أين النواعم ....
ياحليل النواعم .... والله فرصة ذي دي كان مليون موضوع نزلت لكن نقول شنو ... سيدة و د. سالي وأسماء وأم احمد و و و و و ليش يابناتي بخلاتن علينا...
يا حليل النواعم
اقترح ان يتم تبديل الاسم وهنالك اسماء اخري زي منتدي هي وهو ا, أدم وحواء ...

ويا حليل النواعم ...
اهتمي ببشرتك بس دي يعني مافي اي موضوع للجرافيات او عموم السودانيات فرد موضوع

يا حليل النواعم
مستشفي الجريف للولادة...موضوع
تمثيل المرأة في النتخابات القادمة موضوع
التوب السوداني والموضه .... موضوع
انفلونزا الخنازير وأدوات تجميل المرأة ...موضوع
هل نجحت الجهود في القضاء على الختان الفرعوني ...موضوع
البنات ومشاكل الجامعات ...موضوع
الايدز هل المراة ام الرجل المصدر ...موضوع
الزواج .. المشاكل والعقبات ...موضوع
العنوسه و لماذا العزوف عن الزواج .. موضوع
الحب امس واليوم ....موضوع
المطبخ السوداني ... موضوع كبيييييييييييير

ويا حليل النواعم ...موضوع كبيييييييييييييييييييييييييييييييييييييييير

[saida sopahi]

الاخ يحيى شكرا ليك كتير على التنبيه واللفته البارعه بالجد فى تقصير وكبير جدا ماعايزه اقول انو المنتدى الجديد رجلو حاره علينا بس ظروفنا متلحبطه شويه وخصوصا انا واسماء والاداره عندها علم بالموضوع دا
اما بخصوص المواضيع الجديده الزكرتها دى والله كلها على البال بس عامل الزمن ... الحاجه التانيه البركه فيكم ما بالضروره كل المواضيع فى القسم دا تكون من النساء فقط فالرجل له دور كبير فى تكوين شخصيه المراه فهم الاثنين بيكملو بعض
وشكرا ليك مره تانيه اخ يحيى وانشاء الله تشوفو مننا الكتير والكتير

[الطيب الامام الطيب الامام]

الاخوان الكرام يحى والسفيرة فعلا القسم هذا به جفاف وزى ماعارفين حب الرجال الى الاستطلاع فى الامور الخاصة بالمراة تجد الكتير يدخلون ويرجعوا بخفى حنين واتقصير ليس من النواعم فقط وكن نحن ايضا مقصرين هناك امور المراة تجهها ولكن بدورنا نحن تنبيهها بالمواضوع عبر بوست فى قسم نواعم كى تعم الفائدة الجميع وماتنساء موضايع الكريمات وترك العادات القديمة متل العرواكه والامراض التى تسببها الكريمات ونظرة الرجل الى المراة التى تقوم بوضع هذه الكريمات وزى مابقول المثل الجمل مابشوف عوجت رقبته اقصد هناك اشياء الحريم يشوفها بعين تانية غير نظرتنا نحن اليها وانشاء الله بنشوف موضوع يخلى القسم النواعم والخشن

[ام احمد]

لكم التحية
اخى يحى.. حقيقة اثار حديثك فى دواخلى احساس كامل بالتقصير ولكن اختى سيدة متعها الله بالصحة والعافية ابلغت عنا بالاسباب ... لكم الحق بلومنا .. واتمنى ان نكون كما يجب علينا ان نكون

[البــ ع ــد الثالث]

(واحد اغبش):-
ياجماعة معليش جاى رايح وصفو لى المنتدى العام
شكرا ليكم
وفى سره قال(ها جماعة انا الجابنى هنى شنو)

[اسماء]

الاخ يحيى مشكور على التنبيه وزي مازكرت السفيره والله نحنا بنعاني من ظروف خاصه بس وعد مني ليك انو منتدى النواعم حايولع قريب انشاءالله بس دعواتكم كل امورا تتحل .
تاني وتالت مشكور.

[الطيب الامام الطيب الامام]

كتب يحيى منتدي النواعم ....؟؟؟ أين النواعم ....
ياحليل النواعم .... والله فرصة ذي دي كان مليون موضوع نزلت لكن نقول شنو ... سيدة و د. سالي وأسماء وأم احمد و و و و و ليش يابناتي بخلاتن علينا...
يا حليل النواعم
اقترح ان يتم تبديل الاسم وهنالك اسماء اخري زي منتدي هي وهو ا, أدم وحواء ...

ويا حليل النواعم ...ومن هنا اقول فرحنا بدخول زوجتنا واخواتنا ومن كلام سيدة اتفائلنا بكوم الحريم لكن للاسف الكوم كبر ولكن مافى اى شى او اى عمل ورجعنا تانى الى نواعم بدون نواعم يارب قسم النواعم ده محصور على الرجل فقط او النسوان ديل متلمات فى القسم الحريمى فقط عايزين نعرف الحاصل واحتمال فى شى ماقادرين نعالجوا منتظرين تفسير من النواعم عن الامتناع عن المشاركة وكما تلاحظ بوجود عدد ليس بقليل ولكن المشاركة قليلة جد ومن عضوات معينات هم الذين يشاركون بل افضل من كثير من العنصر الخشن ولهم دور كبير ولكن نحن عايزين الكل يشارك وماتنحصرن فى قسم الحريم فقط واحتمال هناك ايضا المشاركة ما قدر العدد كدى ياسيدة افيدينا بالحاصل على النسوان ديل شنوا فى انتظار الرد ويا يحيى موضوعك رجع كما هو عليه

[الطيب الامام الطيب الامام]

حلمت فى قرار بتحويل قسم النواعم الى قسم الخواشن يارب صحى او ده حلم لكن جيت لقيت البلد مافيها اى نواعم امكن القرار صح كده الننتظر شوية امكن يكون غلط

[ابو خليل]

سؤال يفرض نفسة ؟؟؟؟؟؟؟؟؟؟؟؟؟؟
لماذا لا نطلق الي انفسنا اشرعة الحرية ونعبر عن مايجيش بدواخلنا لماذا نكبت كلماتنا ومع اننا في اشد حالات الاحتياج الي الكتابة هل انعدم الكلام المعسول هل مات الاحساس الجميل فينا هل اذا عبرنا عن حبنا لمن نحب تغتال الفرحة في مهدها ام ان عداتنا وتقاليدنا ان يجب علي الفتاة ان تلتزم الصمت وكبت مشاعرها وتغلق علي قلبها ام ماذا ؟؟؟؟؟؟؟؟؟؟؟
فاذاً هنا اقف حيران امام اصعب الاسئلة وهو ؟؟؟؟؟؟
اين النواعم هل اكتفن بالتعاليق فقط ام بماذا ؟؟؟؟؟؟؟؟؟
ام اصبحن وكما قال شاعر المراه نزار قباني ............
واذا وقفت امام حسنك صامتاً ............................................ فالصمت في حرم الجمالُ جمالُ
ولكن ودي واحترامي ...

[الطيب بخيت ادريس]

اها يا نواعم شدوا حيكم وما تخلوا البائرين يشمتوا فيكم

[الطيب الامام الطيب الامام]

تما افتراح تحويل النواعم الى البائرين وسوف يعلن عن باب التسجيل لكل البائرين قريبا التسجيل لدى الشيخ الطيب بخيت لان النواعم ما راضين يظهروا

[ابو خليل]

اؤيد اقتراحك لانو البايرين اكثر نشاطاً من النواعم اصلو مختفيات والله يستر امكن يكون بعد السكون العاصفة ؟؟؟؟؟؟؟؟؟

[ام مازن]

اشكرك ياخ يحي على اثارة العتاب الغير مباشر باتجاهنا نحن النواعم وفعلا في تقصير ولاكن انتبهوووووووووو لانو العاصفة قبل الهيجان بتكون في ركود اهو دا حالنا اسي ولاكن كلها مسالة وقت وبس

[يحيي عثمان عيسي]

الاحباب
لكم الود والتحايا العطرات

رغم ان هذا الموضوع مضي عليه اكثر من 8 اشهر وكان في بدايات الانتقال من المنتديات القديمة الي منتدياتنا العامرة الا ان بعد ذلك نشطت الحركة الناعمة نشاطا عظيما وابدعت النواعم ايما ابداع لكن النواعم في الشهر المنصرم والحالي غير متواجدات اختفت اقلام استبشرنا بها لا ادري لماذا
المنتدي لا تكتمل زينته وياخذ شكلة الحضاري الراقي الا بوجود النواعم , ومشاركتهن الفاعلة ليس في منتداهن بل في كل المنتديات تعطينا الدافع الي ان يتواصل عطاؤنا ولا ينقطع ومنهم نستمد تمسكنا بالمنتديات والجريف والوطن
اتمني ان يتواصل عطاء النواعم ونرتاح شوية من الطيب الامام وود البخيت وبريقع وغيرهم
الاخت الفاضلة ام احمد انتي اقدر مني على تحفيز النواعم ارجو ان تستجيبوا لهذا النداء