بت هندسة يابت هندسة ... ياناس بريد بت هندسة ...

[الهندي بشير نابري]

عذراً لهذه القصيدة إن أتت خلسة .. تداعب قليلاً واقع أيام ودراسة الجامعة الجميل
قصيده لأحد شعراء الهندسة دندن قائلاً بت هندسة يابت هندسة ...
http://i27.servimg.com/u/f27/11/77/43/79/161010.gif (http://servimg.com/image_preview.php?i=43&u=11774379)
أنا راسى جاط ما بين هواك والدبرسه
ألّفت عشرين ألف بيت سبعين قصيده مؤسسه
شان مره ألفت إنتباهه ومره أقدر احسسه
يا حلوه يا بت هندسه
يا حلوه يا زينت البنات يا نجمه الليل و المساء
انا رغم أشكال الشتات حاضن عواطفك وحارسه
أنا فى هواكى بقيت فتات ودخلت عشرين مدرسه
جنيت مع كلمات هواك بى قلبى قاعد أتنفسه
يا حلوه يا بت هندسه
كان شفتى يا بت هندسه...
خطواتى دايما بالغلط وأمورى ديما معكسه
يوم داك مساهر فى الهدوم وكويتا جيت شان ألبسه
لقيتا الصباح حقات اخوى وهدومى قاعده مكرفسه
كان للهدوم ما مشكله بشوف لى مصيبتا ألبسه
لكن هواك أعملو إيه دش دش عضامي وهرسه
داير لى فرصه أكون قريب طبله قليبيك أفلسه
عشان تشوفي هواكي كيف بهدل عواطفى ودعفسه

كلماتي ليك إتبشتنت ما زى زمان متهندسه
حتى الشعر الكان زمان كلماتوا حلوه مملسه
هسى إتلخم .. بقى كيف كده ؟!! مافيهو كلمه مهندسه
إنتى السبب فى كل دا يا أحلى أسباب الأسى
يا حلوه يا بت هندسه
أنا ياخ بريدك أعمل إيه ورينى يا بت هندسه
أمشى واكورك فى الظلط يا ناس بريد بت هندسه !!
يا ناس بريد بت هندسه ؟؟
كم مره قلت أقوم براى واقد معاها وأحدثه
لكنى ما بقدر عديل كده ... مابقدر أنضم أونسه
خليك من أشرح ليها حالى وحبى ليك والدبرسه ؟!!
يا هنايه داير اقوليك كلام اصلو السكوت فيو وسوسه
أنا يا ملاك أنا بعشقك وما أظن بلاك أرجا المساء
دايرك تكوني لى حبيبة وأبقى ليكى حبيب قسا
أكسيك هواي وتلبسينى نعيم هواك أجمل كسا
ويا ربى كل عاشق نبيل تديهو زى بت هندسه
وترعاها من عين الحسود ومن توب جمالك لبسه
ويا ربى تحفظا لى برااااااااي ويا ربى تحفظا تحرسه

أضغط هنــا لتحميل الملف الصــــوتي (http://www.4shared.com/get/40699646/fa735eea/__online.html)

[البــ ع ــد الثالث]

اخونا الهندى
تشكر على الطرح الرائع
وحقيقه محطه تستحق التوقف عندها
لنتزود بالزكريات
على امل
اللحاق
.
.
.
.

بالقطار
☺

[إخناتون]

الغالي ود نابري
تحياتي بالأماني الخيرات
الجمال والحب يحتاج دائماً لهندسة وفعلاً هنالك علاقة قوية بين كليات الهندسة ، فالرسم والجمال تربطهما علاقة الإحساس بالبعد والأشكال وعلاقة الجمال بالاحتمالات والنتائج الموجبة ..... وأصلو الجمال في الهندسة

[ابو تراجى]

رائع ايها الشريف الهندى
القصيده جديره بالاحترام

[الهندي بشير نابري]

بعدنا الثالث .. قد أتت تفاصيل هذه القصيدة على الذاكرة متزامنة
مع موضوع وحـــــنينا أبداً لأول مـــنزل .. (واقع ... ورأي) (http://aljraif.com/vb/showthread.php?t=1626)
فهو مؤشر وناقوس يدق فإطربت معه الأركان وخرجت هذه
القصيدة الجميلة من ذاكرة خربة أذكر انني سمعتها يوماً في
مكان فبحثت عنها حتى التقيتها هاهنا في ساحتكم هذه ...

[saida sopahi]

خطواتى دايما بالغلط وأمورى ديما معكسه
يوم داك مساهر فى الهدوم وكويتا جيت شان ألبسه
لقيتا الصباح حقات اخوى وهدومى قاعده مكرفسه
كان للهدوم ما مشكله بشوف لى مصيبتا ألبسه
لكن هواك أعملو إيه دش دش عضامي وهرسه
داير لى فرصه أكون قريب طبله قليبيك أفلسه
عشان تشوفي هواكي كيف بهدل عواطفى ودعفسه

المبدع الاخ الهندى الله يستر من الكبكبه دى قصيده رائعه جدا تسلم

[الهندي بشير نابري]

الحبيب أخناتون ... امنياتي تعانق السحاب .
http://i27.servimg.com/u/f27/11/77/43/79/161010.gif (http://servimg.com/image_preview.php?i=43&u=11774379)
الجمال والهندسة والمشاعر متهندسة .. اعجبتي كثيراً كلماتك عن ارتباط الجمال والأحاسيس بالهندسة فأثقلت كاهلي تلعثمت في التعقيب والرد على مداخلتك وارتبكت كما ارتبك الشاعر حين قال "لكن هواك أعملو إيه دش دش عضامي وهرسه" .... كن كما اشتهي لك صديقي فهواك دش دش عظامي وهرسـّـا

[الهندي بشير نابري]

حبيبي أبو تراجي .. لك فيض من عبير الياسمين
http://i27.servimg.com/u/f27/11/77/43/79/161010.gif (http://servimg.com/image_preview.php?i=43&u=11774379)
كانت الروعه في الفكاهة التي تكتنف قلب القصيدة .. فلا أدري اذا كان شاعرها من ضمن كوكبة الهندسة أو لا لكنني أيقن أنه ابدع كما تبدع انت ايضاً .. شكراً لحضورك هاهنا فالهندسة سر التماسك والصلابة والجلود دوماً مشاعرنا نهندسـا لا نخفف حديد الصلب تتهاير مانقدر نمسكا لانتقل عليها الحمل تقع فوق قولبنا وتفرسا .. ياهندسة ياهندسة الريده في القوب متوكره بس وين الحنين وين الزمان وين العشق كانت القلوب متحسسا .. ياغالي واصل في دروب الريد دي قلوبنا دوماً متآنسة .. خليك قريب .. حلتفتك بالحبيب .. جياتك بتنعش فيني الرويحة وبتونسه

[الهندي بشير نابري]

ياسيدة يانجمة من نجمات المســاء
http://i27.servimg.com/u/f27/11/77/43/79/161010.gif (http://servimg.com/image_preview.php?i=43&u=11774379)
فرحتيني بيجيتك مستأنسة .. الكبكبة والكبكبة ياها فينا مأسسة
هههههههه يتلخم الكلام يمرق كُتر لامعروف فلسفه ولاهندسة
والقلب يدق ..تك .. تك .. تك .. بت هندسة .. يا بت هندسة ..
ههههههه


يابعدنا الثالث ..

تعال ألحقني ... البوست دا انا خليته ليك
تابع كلام الزول المكوي بي بت هندسة ...
أنا خلاص اتلخبطه وبقيت فتات وأموري بقت ديمة معكسة ..
جاطت معاي كل قوانين البعرفا .. لاقادر أحل المسائل ...
لاقادر أضبط معايير الرسم ولا الأشكال بقيت عارفه ...
ألخبط بين الشعر والفلسفة والهندسة ...

لمن لم يعرف من قبل :
بعدنا الثالث .. (عوض فاروق حبيب الله )
فنان رائع ومهندس مدني وعالم فذ ..
أثبت الجدارة .. ولفت انتباه الغرب في نظرياته الهندسية ..
تستعد جريفنا لتحمله فوق الأكتاف
وهو في محاولات ليزيد فيها من وزنه
من فخامة وعلوم فن الهندسة.

[جزائرية]

اللهم صلى على سيدنا محمد وعلى آله وصحبه وسلم....اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم...اللهم صلى على سيدنا محمد وعلى آله وصحبه وسلم..

[الطيب الامام الطيب الامام]

خطواتى دايما بالغلط وأمورى ديما معكسه
يوم داك مساهر فى الهدوم وكويتا جيت شان ألبسه
لقيتا الصباح حقات اخوى وهدومى قاعده مكرفسه
كان للهدوم ما مشكله بشوف لى مصيبتا ألبسه
لكن هواك أعملو إيه دش دش عضامي وهرسه
داير لى فرصه أكون قريب طبله قليبيك أفلسه
عشان تشوفي هواكي كيف بهدل عواطفى ودعفسه

ده مافى زول سبقك عليها وزكرتنا ايام اللف والدربسة والزراة تنقطع تدبسة واللياقة ملفلفه من تحت الفنله تلمسه عقب يالهندى