أغاني الصرف الحسي

[allarinja]

طبعاً الفكره مستوحاه من أختنا ضل الهجير
يديها العافية ... فقد أعجبت بأغنية
حبيبي عيون حمر
نقط السكر
لذلك هذا البوست هو دعوة مني
لمساعدة الفلاقين بجدعهم بأغاني
الصرف الحسي ...
______
الأغنية
حبيبي ريحتو دمار
الفول حلاوتو شمار
العرق العرق
ريحة النبق
راجل الخلا
أبعد بعيد
ماشه العرس
لابسه القصير
راجلي العوير
شيل الصغير
شوف ناس أمير
لابسين حرير
وأنا توبي طار
راجلي الكبير
العرق العرق

[allarinja]

الرميه...
لبست العالي ولفحت معاهو الشنطه
خلت راجلها بين البهارات شطه
مدت عقاب ساقيها زي القعونج النطه
خلتني في عترابه في الحين طلبت الشرطه
______________
مرقنا في العصريه
الشيخ بركتو قويه
ركبنا في العربيه
مشينا لي علويه

تم منع الأغنيه لأسباب علويه
علويه ترفض وتذكر أن الأغنيه هابطه
فيجب أن يكتب
مشينا لي علويه
ركبنا في العربيه

يختلف المعني كثير عشان علويه
تركب قدام مع السواق فيتم تقديم
المشي أولا لعلويه وبعدين نركب
العربية وحاجزه قدام ....
ومازال الشاعر في قسم التراخيص والكنب

[allarinja]

صدمني باللوري
حبيبي قال سوري
كشحني بي غبارو
ولعني بي نارو
اللوري وقع رب
الربربه الربربه
حبيبي ياهدربه
ريدنا اصبح كبكبه
كب كرررب
يللا للرمله
نرقص النمله
الزحمه حلوه حلا
جقلبه .. جقلبه
البت بتمشي مشقلبه
أبوها سكران رب ررب

[ضل الهجير]

:SugarwareZ-085:هههههههههههههههههههههههههههههههههههههههههههههه ههههههههههههههههههههههه
:SugarwareZ-085::SugarwareZ-085::SugarwareZ-085::SugarwareZ-085::SugarwareZ-085::SugarwareZ-085::SugarwareZ-085::SugarwareZ-085::SugarwareZ-085::SugarwareZ-085::SugarwareZ-085:

[ضل الهجير]

لارنجا حيرتنا لا عرفناك شاعر ولافكى ولا دكتور انت شنو بالضبط والله حيرتنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
على فكرة انا حا اخلى هاجر كباشى وندى القلعة وحمادة بت يتصلو عليك عشان تكتب ليهم اغانى لانك خطيرررررررر

[ياسر العاقب]

اللارنجا يا اخوي الحاصل شنو
نرجو الغاء سفر الولد وامه عاجلا لاسباب علوية اقصد صحية

[allarinja]

شكراً أختي ضل الهجير ..
هذا هو الصرف الحسي ...
وتسلم أضانك من زي ديل
ومازالت البوستات قادمه ...

الغالي أخوي ياسر
أخوك خلااااص والله
بكاني عبد الله ودنابري لقيت الغناء
حق الصرف الحسي وربك يعين ..
...

_________________

إهداء لكل المعجبين




حدااد حدااد
ياناس حداااااااااد
شابكي بي لحامك
يالقاطع أرحامك
سويني ليك قفص
قددني بي كلامك
أعملني زي ضلفه
مسكني مفتاحك
فتااااح ياناااس فتاااح
فتاح ده ود أمي
ماسكني من جضمي
إنشاء الله يختانا
كان هو كان أُمي
حداااااد .. حدااد

[الطيب الامام الطيب الامام]

والله تسمت الصرف الحسى ده جاتك من وين والله كان مااخاف من الله التقول ؟؟؟؟؟؟؟ لكن فعلا نعم الوصف لمتل التفلق ده وزى مابقولوا هداك العسكرى اخير الجرى برى برى من العسكرى

[الطيب الامام الطيب الامام]

اللارنجا عليك الله اقطع لينا اغنية فى حافظ ود العبيد عشان يرجع وماتقيف الا ينزل عشرة من ابداعاتوا وتكون متل اغنية القعونجة اللابسه اسكيرتى ووسايق اللكزز والشريف مبسوط منى عشان انا بريد التهنق

[بابكر العشاي]

قالوا ليهو مالك بتاكل السندويتش حفار حفار انت فار....قال ليها بقيت مجنون بقيت محتار..بعد ما زول طويل وعريض انا فار...يا احلى كديسه فى الدنيا..عليك ربك تبلعينى..وما تفضلى شى فينى..واكان دا حصل بكون يا بره اسعد فار...واطنطط جوه فى بطنك وانغص فيها للاسرار...واقيف اتأمل الكبده والطوحال...تقول رادار واخزن جوه فى المعده...وافتش لى لكسره ما القى واقبل جاى ده همبرغر وكمان بجاى جلى وكاستر..وكمان بهناك عصير مانجو وكمان اصفر....مصارينها مستفه بعسل سكر...مش زي مصارين فلانه ملفلفه زى حبال بمبر...واطير ليك فو وفى الفشفاش اتحكر...وانط طوالى جنب قلبك واشوق الدم هناك احمر...ابحلق جوه فى بطنك اعاين القى صورتى انا...؟؟ صورت الفار..اها يا عالم دا ما سبب البلع ذاتو...اقول لها يا بره خارجينى تقول لى نياو...بحبك ياخى خارجينى تقول لى نياو...وتتوكل تطلعنى من اجمل فيلا واحلى سجن...يمين جوه فيها بطن...مفرهده زي زهور الفل..وفيها نسيم بارد يجيك مكندش تقول هيلتون..ده من جوه....ومن بره تحلف تقول يا زول واحد شال ليهو حبل وربطو وفى القمره جره..ولما تجى هناك وتقعد تقوم من تانى تنفره....سجنتينى وجارى وراك وما بنساك..وما بتخلى حتى لو الزمن عاند...حتى لو السهم جلى....بموت فيك موت يا سكرانه بنت القرد.....
_________________

[عبدالله محمد نابري]

اللارنجا وبابكر العشاى ..
حلاتكم .. وقلنا نديكم الحبة دي وبعدين نجي استديو الفن عشان نناقش الدرر دي

أرح ... أرح... أرح
تروح روحك أرح

ارحكاكا لي يمة ..
يمة يا يمة
جمرتم خبيثة ..
وبيتم بقه ضلمة ..

***

أرح ... أرح... أرح
تروح روحك أرح

ارحكاكا لي يابا ..
نعزمو في الغابة ..
نعزمو في الغابة ..
نشيل لينا فول وقلابة ..

***

أرح ... أرح... أرح
تروح روحك أرح

ارح نمش لعفراء ..
نشم انا وانت الهواء
نشم انا وانت الهواء
يا العزبتني حد البكاء ..

***

أرح ... أرح... أرح
تروح روحك أرح

يا الغشتني بالغربة ..
ياخي انت ما كربة ..
ياخي انت ما كربة ..
اخير منك الطُلبة ..

أرح ... أرح... أرح
تروح روحك أرح

[allarinja]

أسعدني مرورك أخي ود العشاي
ودخولك في بوابة الصرف الحسي
معبراً عن طموحات الإنفلات الذوقي

[allarinja]

شرقتني كلماتك المعبره عن واقع الحال
والتمني أرح أرح تروح روحك
ود نابري صاحبي ونسيبي

عامل ماسامع
أنا أنا
ودسيد الجامع
أنا أنا
الساعةتلاته
أنا أنا
عند الفلاته
أنا أنا
ياحبيب بي بساطه
أنا أنا
ماشه المشاطه
مبهدلا
أنا أنا
ياحبيب بردانه
أنا أنا
ياحليلو غطانا
أنا أنا
والظروف تاعبانه
نعدلا
أنا انا

[الهندي بشير نابري]

غايتو مخير الله فيكم

[بكرى الطيب هدية]

أرجو السماح للانفلات الحسي

ولـــدي ماش مــــــــــــني

يا ناس أنا زاد جــــــــــني

ما يطـــــــول فـــــــــراقه

8888888888888888888

يا ناس خــــــلاص جنــــيت

جـــــيبوا ليّ القــــــــــيد

ما يطـــــول فــراقــه

777777777777777777

لا بـخــرة ومــحــاية وزيـــــت

بــس جـــــربــوا الكـفـــيـت

ما يطـــــول فــــراقـــــــه

888888888888888888

مـــرات بـكــــون فـــــرحــــإن

بـكــــتـب غــــــنى والحـــــان

ما يـطــــــول فــــــراقـــــه

77777777777777777777

مــــرات بـــكــــون زهـــــجان

بلــخــــــبط الكيمــــــــــــــــــإن

ما يـطــــــــــول فــــراقــــــــه

888888888888888888888

أعـــــذرونـــــي يا أخـــــــــوانــــي

مــن البـــــــــلاء الجــــــــانـــي

ما يطـــــــــــول فـــــراقـــــــــــه

77777777777777777777777

أنـــــتو بــس أصـــبـروا عليّ

لــمــا ولــــــــدي يــــــعـــــود ليّ

ما يــطــــــــــــول فــــــــــراقـــــه

[الهندي بشير نابري]

ابحلق جوه فى بطنك اعاين القى صورتى انا...؟؟ صورت الفار..اها يا عالم دا ما سبب البلع ذاتو.
هههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههه

[يحيي عثمان عيسي]

كنا جلوسا على " برش " سعف تآكلت اجزاؤه في خلوة الفكي العوض عليه رحمة الله بام درمان وكعادته جلس الشيخ الوقور على مايشبه الكرسي بقفطانه الرمادي وبيمناه الخيزرانه المشهورة والتي كم نالت من اجسادنا الصغيره واصبحت ذات هيبة نعمل لها الف حساب .
كان اسلوب الفكي العوض في التسميع ان يختار هو ثم يبدأ المختار من حيث انتهي رفيقه وبالسرعة التي عودنا عليها الشيخ تفاديا ان تنالنا الخيزرانه. سمعت اسمي وبسرعة بدأت في التسميع ( وواعدنا موسي اربعين ليلة واتممناها ....) توقفت ... ابتسم الشيخ .... تلعثمت... فضحك وبصوت ساخر تشوبه الدعابه أهــا ياود الانصاري حتمها بي شنـــــــــــو بي سجم رمادك عيناي كانتا مسمرتان على الخيزرانه فاعلم انها ستنزل لا بردا ولا سلاما ولكنه وبصوت لازال يجلجل في دواخلي بدأ يرتل ( وواعدنا موسي ثلاثين ليلة واتممناها بعشر فتم ميقات ربه اربعين ليلة )

اهــا الجماعة البيغنو اسع ديل حيتموها بي شنو بي سجم رمادم
==========================

إن كان ما يغني الآن هو مرْاة فالمرْاة قد عكست واقع سجم الرماد الذي نعيشه....
=================================

وان كان ما يغني الآن هو نتاج طبيعي للواقع الاقتصادي فهو نتاج السجم والرماد الذي كال حماد ودفق .

وان كان تعبيرا لواقع المرأة الاجتماعي فهو تعبيرا لكل السجم والرماد الذي غطاها من رأسها الى اخمص قدميها وانتهي بها الى المسيار والمتعة وغيره من الحضيض الذي جرت اليه قسرا

وان كان كغيره من أضرب الفن له رسالة فهي رسالة تقرأ من عنوانها الذي كتب بالسجم والرماد .

اذا دعوهم يغنوا نساء واخواتهم من الرجال فهم لا يملكون ادوات التغيير الفعليه لا حول لهم ولا قوة .

اذا فلا وجهه للمقارنة بينهم وبين مهيره وبنونه والحكامة وعشه الفلاتية ومني الخير وحوة الطقطاقة ...

لكن الذي يقهر ويحز في النفس كثيرا ان نتناول مثل هذه الاغاني والاشعار الهابطة هنا في هذا المنتدي الثقافي الادبي
بعدما ظننا اننا قد بدأنا في الطريق السليم بكتابات اخناتون والعشاي وضل الهجير وايثار .ها نحن نعود الي الوراء
اوقفوا هذا العبث ...... تعالوا نناقش لماذا هذا الهبوط .. لماذا هذا ... ولماذا ذلك ... وان لم تكونوا تملكون ادوات النقاش اصمتوا
فما فينا يكفينا أوقفوا فورا هذا العبث فليس هنا في هذا المنتدي الثقافي الادبي مجال لمثل هذا ..
هنا الادب والثقافة الكلمة الراقية الجميلة الهادفه المعبرة .... انقلوا هذا البوست الي الي منتدي اخر ليس هنا مكانه

نبخس السيف حقه ان قلنا انه امضي من العصا

[allarinja]

عذراً أيها اليحي ..
أنت وزير الثقافه ونحن الرعاع الذين يكتبون في حضرة قلمك الرائع
هل هي سخرية القدر ..
إذن فلنوقف كل الكتابات الساخره ..هنا نسخر من واقع الحال فلسناء
شعراء بقامتك ولا بتذوقك المعاني ولكننا نكتب ليعرف الجميع
أن الغناء صار عباره عن واقع واقع ...
هل صدقت أن هاجر كباشي ستغني للارنجا أغنية العدس العدس
أم وجدتنا في سوق الكاسيت ندندن بأغنية الصاقعة هدت بيتنا
أم أغنية أبوك دخل علي تاني حرمانه عليك ..
نحن هنا نسخر من كل هذا فهذه هي الكتابة الساخره فلا أنا ولا غيري
من الذين كتبو ذكروا أن هذا هو الفن أتمني أن تقرأ عنوان البوست
الصرف الحسي يعني الصرف الصحي والجميع يعلم هذه المجاري
وغازوراتها ..
لك التحيه علي هذا الأسلوب وأنت تخبرنا أننا يجب أن نعطي أشعارنا
ومانكتب ليصل للعامه حين يكون إجباري أن تسمع وغصبا عن عينك
حتي لو أغلقت أذنك بي الإداره ...
كن كما تشتهي فأنت المشرف الثقافي لك الحق في حزف البوست
وحزف اللارنجا إذا رأيت أن اللارنجا ومايشابه من شعراء مثل الشاعر
ودنابري والشاعر البروف...
تعيش الإداره والإشراف دمتم بعافية المتعه
فأتحفونا أنتم بالفن الراقي
سلاااااااااااااااااام يافن

[يحيي عثمان عيسي]

أيها اللارنجا
انا من سيضع قلمة احتراما لكم جميعا

[allarinja]

أيها اللارنجا
انا من سيضع قلمة احتراما لكم جميعا

لا أملك السلطة علي قلمك
ولكن تريث فنحن هنا ننتقد الفن وهذا هو
الغناء اليوم ومن ذكرتهم من أقلام ناضجه هم حقا عافية
المنتدي ...
ولكن لو تأملت في عنوان البوست لعرفت الحقيقة
ملحوظة
هناك بوست بعنوان العلاج بالبخرات أو بالحبوبه
أتمني أن لا يتم القبض علي بتهمة ممارسة الدجل
والشعوذه عذرا أيتها الوزيره بطرس لا أملك شهادة الدكتوراه
ولكن هذا هو الطب بعد أن أصبح الدكاتره يكتبون الدواء
من خلال التوقعات يمكن يكون عندك ..
أنت مشرف ولك الحق في حزف البوست وأنا لا أسلبك حقك
ولكن إقرأ أولا وبعدها مارس دورك الإشرافي علينا ..
لست مشرفا فمثلي يكتب أشعارا هابطة والف شكرا
لكل من دفع لي فقد أصبح الشعر وسيلة عيشي
وشكرا للفنان جقود إسكراتش
امنياتي للجميع لم تكن أنت محور حديثي ولكن
لكل من توارد إلي حسه أننا نبدع بهذا الغناء ..

[البــ ع ــد الثالث]

صرف صحى بصح صح

يعنى مواسير المنتدى جت عليهن بوشن


http://www.gulfup.com/gfiles/12622660231.jpg (http://www.gulfup.com/)

والله يستر كمان ما تجينا تعتد المنتدى ناطه

يا الكباشى

დ
.

[allarinja]

عشقي البعد الثالث ..
هذا هو سوق الكاسيت والغناء ..
مازال مجذوب أونسه يركب عربته الحمراء منذ العهد المايوي
وغيره يقود الهمر في مجري الدم ...
مات الرائع مصطفي وهو يغني ويدندن
حين يصارع المرض وأصبحنا من بعده يصارعنا
المرض
ولكن حين يكون الغناء مفردة تلامس نغمة الرقص
فيشدو بها أشباه الفن ويدندنون بسقط الكلام
قنبله ... حينها يسقط الذوق صريعا لهول
نغمة الحرب ..
سنبله .. يذبل زرعنا حين يكون الماء قذراً
هذه هي تصاريف القدر فكن بعافية اللحن
حين يلامس العصب الحي
ودمت لي عشقاً أناجيه حين أنشد الإرتياح ..
يامنن أهدي إلي المهجة أنغاماً وشعرا

[بابكر العشاي]

أيها اللارنجا
انا من سيضع قلمة احتراما لكم جميعا استاذنا الجليل يحيى نحن لا نسمح لك ان تضع قلمك لاننا تعودنا عليه وتعلمنا منه الكثير ونترقب دائما الجديد منه،واحيى طرحكم الراقى ونقاشكم الادبى والذوق العالى فى تناول الاراء حتى يستفيد كلنا من الاخر ،ولا يوجد خلاف بيننا بل هى وجهات نظر الكل تحترمها لطالما اقلامنا كلها تتلاقى فى نقطة واحده وهى حبنا وتقديرنا لبعض وتطوير هذا الصرح الشامخ منتدى الجريف شرق الذى بة اجتمعنا وتوحدنا...وبقول ليك ياستاذنا:فى حضرت يراعك يطيب المقال.......مؤدب امامك ايقول الكلام.....فلك التحيه استاذنا وكن دوما معنا.... الفارس اللارنجا اشيد بحضورك وطرحك الرائع وكنا نحن دوما نستمتع بكتاباتك ونعلق فيها بحسنا المتواضع وهذا ليس يعنى باننا نستطيع مجاراتك بل عشقنا لما تكتب يجعلك وبدون ما تشعر تغوص بداخله ونحن نعلم تماما بانك فارسنا المدجج بالسلاح والعتاد ولا يجرو جنديا منا منازلتك فى الميدان فانت فارسنا فامضى بنا وسنكون قوة ضاربه تهابنا كل القبائل ...واقول لك :ومدجج كره الكماه نزالة ..لاممعن هربا ولا مستسلم...جادت له كفى بعاجل طعنة...بمثقب صدق القعوب مقوما....هذه الابيات فى الفخر لعنتره وعذرا فهذا ما استحضرنى منها....ولكم منى كل الاحترام...

[بكرى الطيب هدية]

وا أســــــــــــــفاي

وحــاتـكم أنـتـو وا أســـــفاي
إرادة المـولي
أرادتـني وبقـيــت غـنـاي
أســـــوي شــنو مـع المكـتوب
أســـــوي شــنو ؟
بــراهــــو الواهـــب العـطــاي
هههههههههههههههههههههـ
مـــــنــــــو
مـنـو البقـدر يكتـب أشـعـار
ينـسـقها ويلــحـنـها
ويـديهـا لـفـنـان
يـغـنـيـها ويـدنـدنـا
مـــــنــو مـــنو
البــــقـدر يقــول يا فـنــان
أعـــتـزل الفـــن والغــــــنا
وأبــعـــد بـعــيد تانــي
ما نشـــــوفك هــــنا
مـــنــو
إلاّ عـــنــــدنـــا
عـشـــإن خـــــــاطـــر
الذوق وحـــــبـنـا
وا أســــــفاي
ما كنا فـاكـرين
أحـاسـيـســنا مـتـبايـنين
ومتـنـافـــرين وغـيـر
مـنـسـجـمـين
وا أســفاي
ونـقـول للغـــــالــين
خـــــاطـــركم يا الحــلـــوين
مـــع ســـــــــلامـــــة
يا فـناـنــين
مـصـيبـتـنا تـهـــــــــد
جـــمــــال الشـــيل
وأظــــلم من ظــــــــلام
اللــــيــل

وحـــاتـــكـم أنـتـو وا أســــفاي
إذا مـا شــــفـت ناس زى ديـل
وا أســـــــــــــفاي
حــــــــلــيل الكان بــهـــدي
الغـــير صـبـــح مــحــتار
يكــــــــوس هــــــــــــداي
من ناس ديـــــــلا والزي ديلا
وا أســـــــــفاييييي


مـــع الإعـــــــتذار للشــاعـــــر العــظـــيم إسـماعيل ود حـسن

[allarinja]

حبيبتي ست الناس مابتاكل الكرشه
حبيبتي تركب خاص مابتخبر الركشه
حبيبتي حساسه ما بتحمل الهرشه
حبيبتي دلوعة بس في الإسم عشه

---------------
هذه بداية الأغنية الجديده للفسقان جقود إسكراتش
ومازال الفسقان جقود يفصل في باقي الأغنية
نتمني إكمال الأغنية نسبه لإستعجال الجقود

[البــ ع ــد الثالث]

لك العزر حتى ترضى

[عصام عبدالصادق]

وا أســــــفاي
ما كنا فـاكـرين
أحـاسـيـســنا مـتـبايـنين
ومتـنـافـــرين وغـيـر
مـنـسـجـمـين
وا أســفاي
هل هي مصادفة أن تأتي مقدمة مداخلتي مع خواتيم عام 2009 منقولة عن حديث أستاذ بكري الطيب؟
نعم أحبتي أن الكتابة فن راق لا يتجادل فيه اثنان وقد تغيرت الكتابة كفن بتغير الزمن فمنها ما تطور إلى الأحسن ومنها ما انحدر للأسفل والأسوأ.
وحسب إلمامي أجد أن موضوع هذا البوست ينتمي للكتابة الساخرة ، والتي لها روادها ومتذوقوها وأنا واحد من روادها ... وكذلك لها جمهورها الذي يتابعها .
ويرى بعض الجادون أن القارئ قد ضحك كثيراً، واستغرق بضحكه لفترات طويلة، وهو يقرأ التعليقات الساخرة، دون أن يصل إلى نتيجة، ويرى البعض أن الكتابات الساخرة، هي ليست بأكثر من متنفس، يتصور القارئ أنها قد أعطته الحل للمعضلة التي يعيشها أيا كان نوعها، لكن في الحقيقة لم تقدم سوى القهقهة، أو الابتسامة الشاحبة المقطوعة.
وفعلا الكتابه الساخره مهمه فى كثير من الاحيان ولا اعتقد ان الكثير يجيدوا فن الكتابه الساخره .. ولكل كاتب له لونه وتذوقه كذلك لكل قارئ اسلوب يجذبه ... إذن هي سلاح من لا سلاح له. تقلب المواجع لتضحك بشموخ على جرح غائر. وتضحك الناس على انفسهم وهم لا يشعرون أو يشعرون ويتلذذون.
خلاصة القول أرى أن الكتابة الجادة والساخرة أخوان متلازمان يكمل بعضهما البعض ولا يستغنيان عن بعضهما ولا غنى لنا نحن عن كليهما بشرط أن لا تخرج الكتابة الساخرة عن المضمون وتكون على حساب الكتابة الجادة والزوق العام ...والكتابة الساخرة تحتاج الى ثقافة قوية ولها طريقة تعبيرية تتميز برشاقتها واناقة اللغة بين الرصانة والتهريج وهذا ما نلاحظه فيما يتبعه أخي لارنجا في كتاباته .. ومن الممكن ان تكون الكتابة مضحكة جدا بكونها مطابقة للحقيقة فالسخرية هي أعلى مراتب الجدية والضحكة المرّة هي التي تخرج من قلب حزين ينظر إلى الغد بعين أكثر أملاً وهذا ما أجده مطابق في واقع أخي لارنجا .
لارنجا كتب :
عذراً أيها اليحي ..
أنت وزير الثقافه ونحن الرعاع الذين يكتبون في حضرة قلمك الرائع هل هي سخرية القدر ..
كن كما تشتهي فأنت المشرف الثقافي لك الحق في حزف البوست
عفواً أخي الحبيب لارنجا أختلف معك فيما خطاه قلمك والذي لا يشبه قلمك الذي عرفناه وأحببناه ...
فاستاذنا يحي نكن له الحب والإحترام منذ أكثر من 27 عاماً ، فأجد قلمك ضل طريقه عندما خاطبه ... أيها اليحي ..
أرجو أخي الحبيب لارنجا أن تعاتب قلمك وقول له لماذا ضليت الطريق ... أولا تعرف أن الأستاذ يحي بشكل معي ثنائي في الإشراف عن القسم الثقافي ... أولا تعرف أننا معقود علينا كثير من الأمال الثقافية ...
أخي لارنجا أعجبني نفس قلمك عندما كتب:
لا أملك السلطة علي قلمك ... ولكن تريث فنحن هنا ننتقد الفن وهذا هو .... الغناء اليوم ومن ذكرتهم من أقلام ناضجه هم حقا عافية المنتدي ... ولكن لو تأملت في عنوان البوست لعرفت الحقيقة.
ملحوظة
هناك بوست بعنوان العلاج بالبخرات أو بالحبوبه أتمني أن لا يتم القبض علي بتهمة ممارسة الدجل والشعوذه عذرا أيتها الوزيره بطرس لا أملك شهادة الدكتوراه ولكن هذا هو الطب بعد أن أصبح الدكاتره يكتبون الدواء من خلال التوقعات يمكن يكون عندك ..
يدوم الود ويدوم الود

[allarinja]

أخي عصام ....
جميع الأعضاء
أولا عندما ذكرت أيها اليحي كانت مداخلته بدون عنوان
يعني دخل في الموضوع طوالي ..
فخاطبته بنداء الريس حين يكون العوام هم نحن
فنصرخ يا أيها الريس .. ياأيها الوزير ..
وذلك لإرجاع الظلم الذي لحقنا من غبار عربات الريس والوزير ..

__________
توضيح للجميع ..
هذا البوست مناسبته ذكرتها في أول البوست
ففكرت هل الأغنيات الهابطه تجد رواجا
بين الناس ففتحت هذا البوست لأنتقد
سوق الكاسيت والحفلات ...
فإذا كان من أتي بعدي وكتب قصيده فهذا حقه
فقد كانت فكرة البوست أن يمثل أحدكم دور الناقد
وآخر دور الفنان وآخر دور المذيع ولكم خيالكم في
طريقة تشكيل المحاور ....
فحاولت جاهداً أن أتخيل كيف يكتب هؤلاء أغانيهم
دون تعب ودون معني ودون هوية ...
أردت أن أسخر من الفنان والمستمع والدوله
وأبو العريس والعروس وكل المعازيم ...
كونو بعافية أجدني أحتاج أن أسجل بعدة أسامي
حتي أستطيع توصيل ما أشعر به ..
دعوني أكون طالبه فاشله فأغني ..
التعليم نهايتو قريبه ..
أو أكون بياع في سوق الخضار فأغني ..
خدودو كالخياره ..
تخيلو أنتم كيف يكتب هؤلاء حسب مايجدونه في محيط حياتهم
دون خيال ..
كونو بعافية .....
هي مجرد فكره أردت أن يكون فيكم الناقد والصحفي الذي يطبل
ولكن يبدو أننا نبحث عن الماضي ...
أحس الآن بأني سأقول وداعاً لخيالي وقلمي ..
أكتبوا أنتم بعافية المنتدي تجدوني أخاً لكم جميعاً ..
ألاقيكم في كلمة الجريف ...أما المنتدي فليكن جاداً
وليكون عنوان البوست ....
حليل الحقيبه وحليل سرور...
قد كتبتم عن سنة 2010 حتي أحسست بأنها آخر السنين
أين التنوع عذرا سأخذ بوستي معي وليكتب الآخرون كيفما أحبوا
عذراً الفنان جقود إسكراتش والملحن فايبريشن ينتظرونني


إن كان ما أكتبه من أغاني هابطه هناك من يتغني به أرجوكم أفيدوني
عشان أستلم العداد حقي ..........حسبي الله
أطالب الإداره بفتح قسم جديد بعنوان قسم اللاثقافي
حتي نستطيع أن ننتقد الواقع حسب طريقتنا السجميه
والرماد كال اللارنجا وكت ده الفهم ...
أخي عصام يبدو أنك تدافع عن ال 27 عاما ..
ولكن قبل أن تكتب أن اللارنجا قد فارق الصواب تأمل
بحق الثلاثة شهور حقتي ماذا كتب صديقك ...
لا أحتاج لأن تدافع عني لأني أعرف قلمي ولكن حقا
أجهل كيف أوصل لكم الفكره هل أذكرها لكم بالتفصيل
حتي يكون البوست أجب بلا أو نعم ..
لم لا تقول مانفهم !!
لم لاتفهم مايقال !!
أستقيل من الإشراف علناً وأمام الجميع فمثلي لا يستحق
أن يكون مشرفا علي قسم فيه فطاحلة الثقافة ...
وحتي لا ترجعوا للوراء سأكون عضوء في الجريف شرق ...
ومشاهداً في المنتدي حقاً أحبكم كونو بعافية الثقافة .....

[allarinja]

الزحزحه قصيدة للمبدع أحمد الريح
الطلبه قالو بأجزو
البرتكانتين الصغار يا يمه قالو كبرو وعجزو
غايتو الشفوت ديل أحمد الله الجيت ولد
جوه الكناتر يلكزو
وفي اي حافلة يلكزو
طواااااااااااااااالي انتو تلكزو
*****
وناس الاغاني الهابطه بقو يتعززو
والكلمة لاتهبط ابداُ....انا لا اتحيز للمراة
اللحن هو الهابط اللفظ جميل!!!!
دق الباب وجانا انا جريت لي حفيانه ماقصدي الخيانه دايره يقيل معانا
خدره ناعمه وشاي منعنع والبعرس امو تقنع
اللفظ جميل
يتدفق عاطفة وحنان وترنُ بداخله الاجراس والاوزان....لكن
يحتاج لبعض الشهرة واللمعان ..
وهذا عيبنا في السودان
يحتاج لوردي او فيتوري آخر لنصدق ان بداخله انسان
ايها الانسان عاني دون يأس وتجدد
وتفاني للمعاني ومن الظلم تجرد
وكذا العشاق دوماً
ما لهم دارً ومرقد
مثل عصفور تغني هاهنا
وهناك غرد
هذه الارض بيتً لمعانيه
****
وناس الاغاني الهابطه بقو يتعززو
والشعرا ديل:-
(اني اتنفس تحت الماء اني اغرق ..اللون الازرق في عينيك يدفعني نحو الاعمق وانا ماعندي تجربة في الحب ولا زورق....زيديني عشقا"زيديني يا احلى نوبات جنوني)
****
وشعرانا ديل
مدخل اول:-
المدينة عارية والتفاحه فوق تحت الماء
مدخل ثاني:-
انا ليه تجيني المويه حفيانه وادنقر البسها شبط اخضر
النص:-
ياواقفه وضلك ماشي ...ياماشه وضلك واقف
يامتخبيه خلف وضوحك ..ياواضحه وفيك متخبي
يا يااااااااااخ اقيفوا
قفو نبكي من زكري حبيب ومنزل ***** بسقط اللواء بين الدخول فحومل
افاطم مهلاً بعض هذا التســـــــلل ***** وان كنت قد ازمعت صرمي فاجنبي
قفا نبك : فعول
من زكري :فاعل
حبيب : فعول
ومنزل : مفاعل
**** هكذا كان الشعر وليس الكلام****
هكذا كان يقطعها الخليل رحمنا الله
*****
وشعرانا ديل بس يرمزوا
فاطمه العجوز وما تصوتوا
والجك دا لو مافاز بفوز
والزير دا ياخ ماقلت ليك ماتخت لي فيهوتاني كوووووز
وهو يعني البكون كوز ما بشر
ومابشيل هم الشوارع والبنومو جوة الحفر
مابعيش........
انا لن انحاز لهذا الحزب ولا لسواه
مجرد رقة انسان اواه الانسانيه هي معناه وهي مغناه وهي محياه وهي مسواه
لا انحاز لهذا الحزب ولا لسواه
فكلٌ مسعاه السلطه وكلٌ مسعاه الجاه
وكلٌ ضل وكلً تاه
حزبي نفسي وحسبي نفسي
فنفسي الله وحسبي الله
****
يعني البكون كوز ما بشر
ومابشيل هم الشوارع والبنومو جوة الحفر
مابعيش الدمعة والخوف والسهر
مابقول ياعمو قدامك قطر
****
ياشعبي ياسوداني هوي فتح مصيرك في خطر
لاجينا شان جمهور لاشان نجيد النص
الني أخير للنار والمويه مابتنقص
فتح عيونك ديل ضهر البلد بنقص
لمتين نعيش بالدس جوة البيوت نندس
الكشه جات نندس لمتين نعيس بالدس
وطنا واحد وبس خالقنا واحد وبس
لمتين حنتجافا نضاري من عيبنا والدنيا شوافه
ايدك علي ايدي
نتصافى نتعافى والهمه للهمه نجمع سوا اكتافه
شان عزه وفجر المني العزه والمدفع الرزه
ورحم الوطن واحد ورضعنا من بزه
النيل وياهو النيل ليه يعني نتجزه
كيف نبني طابق فوق والساس تحت نزه
والطبله لابطيق مفتاحه لا الرزه
والباب قصاد الريح واقف علي لزه
وكل الهناء الضقناهو لا طاب ولا لذه
مليون معزه وميل ياخوانا تنهزه
*****
والشعراء ديل بس ارمزو
وماعندهم غير بالكنايات والمجازات القديمه انبزو
بت من ورق...... والزحزحه
وفي اي منتدي فيهو بنات يتغزغزو
والعلماء....
ياعلماء ياخ ماتوجزو ....وماتبقو قدر الحاره وامشو واركزو
تبت يداك ابا لهب .... وامريكا ماعارف شنو؟
امريكا دي واحده قليلة ادب
ونحن لها والي الجهاد
ياعلماء ياخ ماتوجزو
وابقو قدر الحاره امشو اركزو
هو الفينا محتاج لي حكاوي ولي فتاوي ولي شعر
في الفاضي بس تتنرفزو
والكفره ديل مادام في رب خلق ابن ادم وعوزو
اللمسكو المال والبنون والاشترو الطين ويكنزو
الدين وحاتو هو لابضيع لا بوصلو لا بنفزو
شدهونا في عيشتنا قصدونا
خربو طبعنا زاتو وبوظو
الزاكي مات وعليه دين
امونه قالو ادوها عين
عثمان اخوي جابولو بت
السوق ده ينزل لي متين
المويه
النور
العجين
البنسلين
الاوكسجين
البنقو وين
العرقي وين
والناس توح
زح ياخي زح
تنبح نبح
وتردح ردح
30 الف
دي مقابله دكتور ولا عرس عديييييييييييل
انشاء الله مايطيب الجرح
والناس توح
زح ياخي زح
الكسرة
الفول
الملح
ود الطهور
بيت العرس
الضيف لعله بخير صبح
الدين
وباقي المنهج التموه خسارة
وقام ربح
البنجمع
والبنكسر
والبنضرب
والبنطرح
البيت وقع
المطرة!!!
امسكو صرتو
شوفو التراب البنطرح
هو البيت اكان جات الكوارو بنطرح
اكان بالايادي بينطرح
ايييييييييييييك يازمن!!!!!
صرة جبين الهم ده عاد كيف؟
وكل الهموم الفينا كترو وعجزو
ولدونا تاني زمناً جديد
نادونا شيخنا يعوزو
*****
دايرين شغل؟
انا قريت طب العاصمه
انا تكنولوجيا وهندسه
انا في المعامل مدرسة
انا اول الددفعه اقتصاد
انا عندي ماجستير شرف
انا.........
بت بتلعب نص وباك
انا زول بهدف في الشباك
انا ديك وداك
انا جيك وجاك
والناس تغش
*****
دايرين نعيش رايكم شنو؟
العرس االجماعي قريب بتجو؟
وتجاوزو المحنه وكمان في بيت حلال تتجوزو
احسن ليكم رمضان بجي وتاني وين ...
ماقلنا ليكم من زمان وقت تخشو الجامعه
ياناس اركزو
واتمركزو
وماتلكزو
واتكوزو
اي اتكوزو
اتحزبوا وادو الوطن حقو
العيد فضل ليه خمسة يوم
والديجتال فضل الله اخوي ضربو رمهاهو وطبزو
بس اقعدوا عاينو وغمزو
الانقليز دخلو الفريق واتحنطو واتحمضو
واتكبرتو واتفولزو
وبس انتو اقعدو عاينو وبوزو
كونوا معنا علي قناة الاحلام
شاكيرا في اخر البومها الفني
ايهاب توفيق جرح تاني
السينما والصيف مش حتقدر تغمض عينيك
بس اقعدو عاينو وبوزو
والانقليز دخلو الفريق اتحلبو
واتحمضو واتكبرتو
واتفولزو
حلبو الغنم
وشربو اللبن
اتسلو بينا وقزقزو
ولسه نحن بنغازل في القمر
وهم طلعو فيه وتنقزو
بس اقعدو عاينو وبوزو
واتحزحزو واتغمزو
وارجوها في نص الطريق واتشنطو
انا لو قبضتها كنت وريتها النهار بي نجمتو
بت المرق ادم ابوي من جنتو
شوف الحضارة السوتها
والله بعد سنتين اكان تتلفتو
الحرفها ماحتو الاتو
مولانا طابق فردتو
الشيخ بونس فردتو
بي عرفته وبي هباهنه
وجنزبيله
وقرفته
عشرين مره وماكفته
والطلبه لسه بنقطو
ده زمن بنقطو فيه حروف
عاد الله لييكم نقطو!!!
والشعراء يمشو وينططو
نكر صوتك صداك!
وامونه غرقت في الرماد!
ووانا جاي ليك من سكتك!
وتطلعي انتي من صوت طفلة وسط اللمه منسيه
امونه مين؟
والسكه وين؟
وتطلع متين؟
بمشو وينططو؟
ما ينططو!
هو العلماء لسع مافتو
والدين ده من مادخلوه وجه النهار
وناس عمرو خالد وعلموه الكمبيوتر كلفتو
ياعلماء احسن اسكت
بس اقعدو كحكحو في الروادي
علماً بلا عملاً دحن شن كحته
سوقونا ياخ ودونا لبوش لي عند بيته والله نحن الصغار بنكفته
اي بنكفته ماكفت العالم ده كله
وملاه خوف قلع هدومه
ومامشكله الزول ينزلق في المطرة
ويكسر ركبته
ومامشكله االزمن ينحرق ويفقد نضاره وروعته
ومامشكله الزول العزيز يفرض علينا معزته
ومامشكله البت تبقي لي زول اصلو ماكان حبته
ومامشكله الروح تمشي دون حلماً لذيذ ماتمته
ومامشكله الفصل يتكتب مزعج لغاية الفته
بس لو صدق خاطر القصيد
والفيني رجح كفته
والزول اخير يمسك لسانه عليه جد
يبقي عشرة علي سجارته وسفته
يبقي عشره علي سجارته وعفته
عفوا يبقي عشره علي صلاته وعفته

منقوووووووووووول

[البــ ع ــد الثالث]

توضيح للجميع ..
هذا البوست مناسبته ذكرتها في أول البوست
ففكرت هل الأغنيات الهابطه تجد رواجا
بين الناس ففتحت هذا البوست لأنتقد
سوق الكاسيت والحفلات ...

فإذا كان من أتي بعدي وكتب قصيده فهذا حقه
فقد كانت فكرة البوست أن يمثل أحدكم دور الناقد
وآخر دور الفنان وآخر دور المذيع ولكم خيالكم في
طريقة تشكيل المحاور ....

________
الاخ اللارنجا

تحياتى وسلواى
اخى العزيز ما قصدنا غير ما اوحيتنا به من خلال مغذاك للفكره الرائعه للبوست
وان كنت قد تطاولت كثيرا فى مداخله اخرى
فانى قد سحبتها
وكل ما ارجوه بان تتقبل اعتزارى
فما قصدت ليس بمهاتره او تجريح وانما هى
بسمه رسمها فكرى الضحل حسبتها تواقه
للقياك فى مكانن ربما تتخاطر فيه الخواطر مع بعضها البعض

فانت دوما بيننا
فعزرا ثانيتا لما بدر منى
من خطأ غير مقصود
والله على كنت قاصده شهيد

[allarinja]

حبيبي وصديقي
ورفيق مجموعة الكوم الواحد
البعــــــــــ الثالث ـــــــــــــــــــــــد
أعشق دوماً محاور الجدل فيك
فتجدني أغير حين تداعب حروفك غيري
الورده لو فاتها الفراش ما أظن تلومو مع الندي
مابتجرح إحساسو الجميل دي الريده ياحنين كده
والله علي ما أقول شهيد أخذت حديثك بمفهوم آخر
فأنا هنا لا أمثل اللارنجا هناك بل أتغمص عدة محاور
ليكون المنتدي في حدقات خواطري لهبا وحضوراً...
أكتب ما شئت بعافية الحروف تجدني اللون البنفسج
أحتريك في ضل العطر ...
حسبي أنك تفهم مقاصدي ومثلك في قلبي نوراً
يشكل لوحة الجمال في الدنيا ..
فكن بقربي بعافية الإحساس.

[allarinja]

الفارس اللارنجا اشيد بحضورك وطرحك الرائع وكنا نحن دوما نستمتع بكتاباتك ونعلق فيها بحسنا المتواضع وهذا ليس يعنى باننا نستطيع مجاراتك بل عشقنا لما تكتب يجعلك وبدون ما تشعر تغوص بداخله ونحن نعلم تماما بانك فارسنا المدجج بالسلاح والعتاد ولا يجرو جنديا منا منازلتك فى الميدان فانت فارسنا فامضى بنا وسنكون قوة ضاربه تهابنا كل القبائل ...واقول لك :ومدجج كره الكماه نزالة ..لاممعن هربا ولا مستسلم...جادت له كفى بعاجل طعنة...بمثقب صدق القعوب مقوما....هذه الابيات فى الفخر لعنتره وعذرا فهذا ما استحضرنى منها....ولكم منى كل الاحترام...

الغالي ود العشااااااااااااااااااي
الأرض البكر تحمل دوماً بالحلال
لك الشكر قطوفاً يانعات ثماره تهديك فخري
بكم أنتم أهلي وأصحابي وأخوتي وأخواتي
وأعمامي ...الجريف ..
كن بعافية مادمتم فيني فلن أندم

[Nana]

أخــوتـي الكرام
ماذا أقول ؟
هل هي لعنة اصابتنا ؟
أم هو عمى بصيرة أضلنا وأفقدنا الهداية والمقدرة على التمييز بين الأمور وقراءة ما يكتب بين السطور واصبحنا نلف وندور ؟
رغم وضوح الرؤية وضوء الحروف وقوة البيان , لكن دائما ما نلجأ لإختيار أصعب الحلول في الوصول إلى لغة مشتركة للحوار وفك الطلاسم ومسح الغبار 0
ماذا أقول ؟
ونحن ندعو لبسط ثقافة فن الحوار وتقبل الآخر في الجوار 0
ماذا أقول ونحن نفتح في كل يوم صفحة جديدة من التسامح والتصافي وندعو لنبذ الخلافات وجمع الصف والبعد عن الفرقة والشتات 0
ماذا أقول ؟
ونحن نوجه أفظع العبارات للنصح والإرشاد ؟
هل هكذا تكون الثقافة والعلم والأدب ؟
ما الفرق بين الغناء الهابط والشعر الهابط والنقد الهابط والتوجيه الهابط ؟

[allarinja]

أختي نانا .. نبع الحروف
أردت أن أزغرد علي وزن الزغاريد الهابطة
حين تأتي من الرجال ..
أيوووووووويويوووووووووووووووووووي
لك كل ماخطت يداي أسوقه لك ورده للإحساس
حقاً أنك أختي أقولها بكل أحرف النداء ...
كوني دوماً بعافية الأهل ونحن نؤسس لمنتدي يضمنا بكل الجريف
وأريحية العشق حين يتوحد الدم ...فنكون كما نود أن نكون
لك كل الأماني بعافية الغناء المترف بالمشاعر ...
كلامك فاح مشاعر وعم الطيب فريقنا ..
عذراً للكابلي لنا خيالنا ولك مفردة هي خيالنا

[allarinja]

أغنية جديده للفنانه سوزي ماسنجر

أديني مسكولك
لك لك لك
سمعني رناتك
قاعدة في الياهو
حبيبي راجياهو
دخل علي بالدس
ماكنت دايراهو
أنا كنت ناسياهو
حبيبي مسكولك
لك لك لك
خشيت علي الدوت كم
حبيبي إبن العم
أنا دايره بس نتلم
إنشاء الله نطلق
في ريدنا نتفلق
وريني بس قولك
لك لك لك
___________
تم رفض الأغنية من هيئة اللصوص والمحرمات
نسبه لأن الفنان جقود إسكراتش لديه أغنية بنفس
المعني (حبيبي في الإسكايبي)

[allarinja]

هـــــــــــــــــــــــــــ إعلان ـــــــــــــــــــــــــــــام

تعلن هيئة الصرف الحسي عن حوجتها لناقدين ذو كفاءة مفتعله
وأن يكونو من ذوي الإحتياجات العامه ...
شروط التقديم ....
1/ أن يكون له خبره الشم والتذوق لاتقل عن 50 كوشه فهرنهايت
2/ أن يكون ملم بمشاكل الحفلات وخبره في بيوت الأعراس
3/ .................................................. ..( سر )
_______
إخوتي أتمني أن يتغمص واحد/ واحده فيكم دور الملحن أو الناقد/ الناقده
أو الفنان / الفنانه ...
ونحتاج إلي صحفي / صحفية ليقاسم الفنانين عدادهم
من خلال تلميعهم وإظاهرهم في صورة الكاسيت
فكرو بي راحتكم .. أساس البوست فكره يحيها المتداخلون
كونو بعافية النقد ...

[allarinja]

جريدة هبوط الفن
لقاء مع الفنانه سوزي ماسنجر
إنه الإبداع حين يترك الحبل علي القارب
فكانت إنطلاقتها من الحضيض إلي الحضيض
إلتقيناها في سوق اللفه حيث كانت تبحث عن الملح
لتطعم خشمنا .. فكان الحوار
الفنانه سوزي ماسنجر حدثينا عن بداياتك ...
طبعاً الصدفه تلعب دور كبير في حياتي ...
كنت طالبه في المدرسه وكنت أنادي للأستاذه
وكان صوتي دمااااااار عديل كدي ومن ديك وعيك ..
أول أغنية ليك ...
أغنية الجداد حلاتو محمر ...
لي فنان مزعمط من أغاني الزريبه القديمه .
مرحلة الفيديو كلب بالنسبه لك ..
يااااي ختييييره عشان أصل لمرحلة الجري
والإنطلاق للعاميه ...
كم عمرك ..
لا لا أسئلتك بره الإتفاق ..شيلها ..
أنا قاصد عمرك الفني طبعاً ..
أسأل المعجبين بالجد شكراً كلامك رائع..
تعتذر بكل وقاحة وتركب الأمجاد ...
نجد لها العذر نسبة للرباطات الكثيره
ربي يفكها علي خير ..
ترقبوااا اللقاء كاملاً في العدد القادم

[allarinja]

تم إطلاق القمر الزراعي ( إفلات )
ليسقي قناة الهجيج والضجيج ..
علي التردد واحد وزفرين ..
سيكون الحفل الإسبوع القادم..
سوف تقرأون الحوار الناري
مع صاحب القناة علي صفحات جريدة
هبوط الفن ....
ترقبونا .....
ماذا قال صاحب القناة عن الفن
علاقة صاحب القناة مع الفنانه العزيره
وهناك الكثير والكثير

[الطيب الامام الطيب الامام]

هـــــــــــــــــــــــــــ إعلان ـــــــــــــــــــــــــــــام

تعلن هيئة الصرف الحسي عن حوجتها لناقدين ذو كفاءة مفتعله
وأن يكونو من ذوي الإحتياجات العامه ...
شروط التقديم ....
1/ أن يكون له خبره الشم والتذوق لاتقل عن 50 كوشه فهرنهايت
2/ أن يكون ملم بمشاكل الحفلات وخبره في بيوت الأعراس
3/ .................................................. ..( سر )
_______
إخوتي أتمني أن يتغمص واحد/ واحده فيكم دور الملحن أو الناقد/ الناقده
أو الفنان / الفنانه ...
ونحتاج إلي صحفي / صحفية ليقاسم الفنانين عدادهم
من خلال تلميعهم وإظاهرهم في صورة الكاسيت
فكرو بي راحتكم .. أساس البوست فكره يحيها المتداخلون
كونو بعافية النقد ...

الغالى اللارنجا ----فى الجديده والحكمه مااروعك --- وفى النقد الجاد مااروعك --- وفى الهابط كمان مااروعك ولسانك طويل طول المسافة البينى وبينك :SugarwareZ-087:ده كلها رشوة عشان تدينى معاك منصب فى صحيفتك انشاء الله فراش مامشكلة مالحكاية كلها بقت هبوط ارض جو والجاى عايز ليه :SugarwareZ-142: ولو ماكتبت لى اغنية هابطه جدا فى ود العبيد بلحقك لسانى اسرع تعال ماتبتعد وبى قليبك تقولى هناى وهناى وبى مفراكتك تولى مابتفرك

[الطيب الامام الطيب الامام]

فكرتك عن نقد الغناء الهابط فكرة رائعه لان النقد الجاد مابجد مكان فى الجيل هذا وليس من ينظر له ولكن احتمال بى مثل هذه الفكرة الهزليه يمكن نجد من يبدع من جديد فى سماء الفن السودانى وجد ينطبق فى مجال الفن الايام هذه المثل البقول (( تموت الاسود فى الغابات جوعا ولحم الضان تاكله الكلاب ))

[allarinja]

تمنيت أن اكون كولدي فيكم ..
كلام خارج البوست
موضوع مغلق
______________

هل النية تخدم الكتابه ...
أحزنني أن نشن الهجوم دون التمعن في الرد
فنكتب الدعوات تصافو تحاببو نتفق عام 2010م
يكون البوست في مجراه حسب فهم صاحب البوست
وهو الذي يجاهد ويقاتل حتي لايخرج البوست ويضل الطريق
فيكتب أحدهم مداخلة هي الحنظل بدون حتي لفظ الترحيب الهابط كهبوط بوستي
هاااااااااااي وبركاته ..
أوقفو هذا العبث جملة سمعتها كثيراً
شكراً لك فراج الطيب إذ تكتب أصل المعاني
( لسان العجب)
وبعد أن تقوم بالرد يرد الآخرين
أخوتي من هذا الذي يتصل بالأعضاء ويخبرهم بأن البوست الفلاني
فيه مشاكل بمعني بوست حااااااااااااااار وناااااري
عذراً إخوتي لم أدرس في مصر أو في سوريا وهذا ربما نوع من الصرف
التعليمي الذي مارسه أبي معي وحرمني من صحبتكم في ذلك البلد
الذي يحمل ذكرياتكم وأسراركم
حقاً شكراً أبي وشكراً لكل من درست معهم في بلدي
أعشقك إيهاب حد الثٌماله ...
أخي عصام لا أحب الكلام المطاط وأحب الوضوح
فالرمزيه لها طريقها ولكن متي ماذكرت إسم المخاطب
في كلامك فكن واضحاً ...
عذراً أحبتي أحسست بالذنب
فكل إمرأة عشقتها أورثتني ذبحة في القلب ..
عذراً منتدي الجريف
سقط حبكم لي سهواً حين ظننتم أنني أقاوم وحدي
كونو بعافية الجسد أنا باقي بينكم ولكن تتباعد المسافات
حين يكون الحضور كيمان كيمان ...
لم تهزني مداخلات الأعضاء ولكن هزتني أغنية
عشان تعدي المركبه (أصاله)
وهزني أكثر الموضوع عدي خلاااص مافي داعي

[إيهاب محمد مصطفى]

أخي وصديقي اللارنجا

دائماً وراء أحرفك حكاية وحكاية نعشقها ونذوب داخل حيثياتها نكابد فهمها وتفسير طلاسمها.. ونجدك دائماً لارنجا تتحدى عبث السموم في صدر شرف الحرف ..
لم يخذلني فهمي لكتابتك منذ قرأتي للبوست فأنا أعرف جيداً سر حروفك وفهم دواخلك وطريقتك الإبداعية في إستحداث طرق الكتابة والنقد (يمكن ده برضو من باب صداقتي ومزاملتي لك سنين عددا :SugarwareZ-217: )
أحس بمعاناتك في سبيل توصيل رسالتك العميقة تجاه (الصرف الحسي) من الفن المطروح الآن في سوق الكاسيت بهذه الكيفية الحديثة من النقد .. ولكن وبما أنني أعرف (الأمين أحمد) جيداً فأنا على ثقة أنه قادر على إدارة الحوار وإيصال رسالته بكل فهم ووضوح.

ناضل من أجل الفكرة غالينا (لآرنجا) فنحن نقراءك ونسمتع لدواخلك جيداً .. ونتعلم أشكال أخرى من النقد.

ومن هنا أطلب أغنية (سوحي) وأهديها للأخوان حافظ عبيد .. وأبو تراجي (بين الجبلين) والعريس ود نابري

[allarinja]

أغنية ضابط المرور
غناء هاجر كبشور
____
ضابط المرور
راجل السرور
كاسي الغرور
بدر البدور
أحينااا
الصفقه ...الصفقه
أررررح يااااااااااااااه
وقفني بالصفاره
قالي قاطعة إشاره
شكل الكفر ترتاره
ما إنت بت حقاره
كاتلاني بالتظليل
رموشك نازله ستاره
وضعنا في النضاره
ود العبيد يتجاري
صريت ليهو عيني كضب
رديت بكل أدب
سوينا في صاجنك
بقيني ليك حطب
طب طب أطبطب
النااار ..النااار
راجل المرور
ضابط السرور
_________

نعتزر للشاعر عن ورود بعض الكلمات الجارحه
مثل الصفقه ..الصفقه ..
_______
حوار إثنين خارج الحفله
شفقه ساااكت الناس دي يصفقوا لي شنو
شكلك مابتعرف الفن الصفقه دي
عشان توزن اللحن إنت فاكر السلم ده طلوعو هين
الزول كان ماشجعو بقدر يتمو..
الأغنية الجايه هديه للأخ ود الإمام
لزوم البهجه وكدي
داير أضوق شربوتي
اليوم داك ضقتو
...

[allarinja]

الجزء التاني من الحوار
سؤال سأله الصحفي للفنانه ..
هل هؤلاء الفنانين يسخرون من الواقع
أم أن الواقع يسخر منهم ..
قصدك منو بالفنانين .. لو علينا نحن ياخوي
لانسخر ولانسخرون ولا ساخرون بس نحن ساهرون
طيب أغنية راجل المره رأيك الشخصي طبعاً ..
طالما سألتني عن الشخصيه وكدي حا أقوليك
راجل المره ده من حقو يعرس إثنين وثلاثه نعمل
شنو شباب الزمن ده ماعندهم إستطاعه والراجل
حلاتو القرش نعمل شنو بقينا نقابض الله يستر
سامعه في أغنية جديده إسمها راجل أختي مابخلي
وراجل أمي كنت دايراهو
إلا الزمن فاتني ...

عذراً تم حزف أغلب الحوار مع الفنانه ...
عشان في أسئلة مافهمتها ربي يخلي ليك جمهورك
في الشمس الحاره دي ..
إستأذنت الفنانه عشان سمعت صوت الساوند

[بكرى الطيب هدية]

مــــــــــــن كــــــــــان علـــــــــى حـــــــــق فـــــــــــإن الحـــــــــق أبــــلــــــج

نــحن نمارس النقد ونتعرض له ولا أحد ينكر أنه مهما كان أكبر من أن ينقد , ولكن هناك طرق وهناك أدوات وهناك وسائل لتقبله فأختيار الوسيله الأمثل يساعد على بلوغ الهدف 0
النقد الحقيقي يساعد على تطوير الذات وتعلم المهارات واكتساب معارف جديدة وبلوغ غايات بعيدة ومزيد من الفعالية , فلا بد للإنسان أن يعي ما يقول وما يكتب , نريد نقدا يوجه لنا لا نقدا يوجه علينا , واسلوب التجريح لناس خدموا المنتدى بمواضيع شتى ومهمة في حياتنا , يعد جريمة في حقهم والنقد عليهم بدون حساب تقليل من شأنهم وتبخيس لأقلامهم , النقد يكون عادة للإستفادة من الأخطاء وعدم تتبع الزلات 0
أما بالنسبة للمواقف المفاجئة , يجب أن نبتعد عن المساس بشخص وكرامة الآخرين كما نبتعد عن التركيز على السلبيات , فهذا يجعلنا نبدأ بالدفاع عن موقفنا وبذلك نكون قد استبعدنا أي فرصة للتغيير للأفضل , ثم ماذا عن الحلول والإقتراحات والتوجيهات للحاضر والمستقبل , النقد الهادف دائما يكون محفزا لتغيير ممكن وتحويل إيجابي وليس تحويل سلبي مثبط 0
النقد البناء هو الذي يعطي قوة التأثير على إحترام الذات بالسالب أو بالإيجاب لأن الإنسان بطبيعته يستمد نظرته لذاته من نظرة الآخرين له 0
لذلك يجب تجنب وضع أسماء بعينها عند النقد حتى لا نحط من قدر الآخرين والنقد لا يصلح أن يوضع في غالب هذا صحيح وهذا خطأ , والأهم هو اختيار الكلمات المناسبة للنقد , لا أن يكون بعبارات ( سجم رماد , واوقفوا هذا العبث ) إن العبارات هذه لا تعود بالفائدة على أحد بل تأزم المواقف 0
كما يجب عدم التحيز للرأي والناقد الحقيقي يضع في اعتباره قاعدة رأي على صواب ورأي غيري يحتمل الخطأ ,
أخيرا هل صرنا حقا بهذا هدفا سهلا حتى ينال منا كل ناقد مبتدئ مناله ونكون عرضة للتجريح والتبخيس , وفاتنا أن نميز بين الصح والخطأ 0
وغير تقى يأمر الناس بالتقى طبيب يداوي الناس وهو سقيم
أبدأ بنفسك فأنهها عن غيها فإن أنتهت فأنت حكيم
لا تنه عن خلق وتأتي مثله عار عليك إذا فعلت عظيم

[allarinja]

أخي وصديقي ..
ورفيق أيام من ذهب...
إيهاب محمد
_________

عذراً ...
هؤلاء هم عافية الغناء حين
يترددون علي أفواه النغم فتصرخ الفنانه
ود العبيد يغشانا
و أبوتراجي غشانا
مجرد ذكرهم في الأغنية يعني هبوط الضغط
أقصد اللحن ..
مثل هؤلاء تجدهم في أغاني الحماسه
تخيل هذه الأغنية
أبوتراجي مبسوط مني عشان أنا الترابه تكيل خشمي
وليتم وضع أبوتراجي وهنا حقا يكون
أبوتراجي مبسوط مني عشان أنا بريد فني
أما ود العبيد حقك فالجرس الموسيقي حقو ضعيف ودي
( نغمه مجاعية)
دخلت السودان عن طريق الصومال .
في أغنية حبيبي عاشق الجلكوز..

[ضل الهجير]

:SugarwareZ-297::SugarwareZ-297::SugarwareZ-297::SugarwareZ-297::SugarwareZ-297::SugarwareZ-297::SugarwareZ-297::SugarwareZ-297::SugarwareZ-297::SugarwareZ-286::SugarwareZ-286::SugarwareZ-286::SugarwareZ-286::SugarwareZ-169:

[allarinja]

أيها البروف أسعدني هبوطك في قلبي نبضاً
يحرك تراجيديا القدر ..
كن بعافية حروفي !!!!
لا تخف سأحلق بك في شواطئ عشقي ..
وسأضطر للهبوط في دوحة الأمل ..
اسعدني حديثك حد الثماله .. فطاف بخيالي كشربوت
ود الإمام عندما كنا حضوراً في الدمام تحفنا السحب
لتشكل غيمة هوانا ..مطر الجريف ..

[allarinja]

أختي ضل الهجير ..
إحترته في صفقتك !!!!

هل هي نتاج هذا الحوار
حوار إثنين خارج الحفله
شفقه ساااكت الناس دي يصفقوا لي شنو
شكلك مابتعرف الفن الصفقه دي
عشان توزن اللحن إنت فاكر السلم ده طلوعو هين
الزول كان ماشجعو بقدر يتمو..
عشان التشجيع حقك ده ..
________

أغنية حمام دارالفور
للفنان حماده أبوريش

الحمام سقايتو علي
بسقيهو بي أيدي
لكنو طار مني
لحقتو بي كرعي
حفيانه مامني
وقعته فوق للحب
كسر القفص سني
مشينا للدكتور
قال لي دواك ريفدور
وإنشاء الله تختي البور
يجيك عريس هسي
وتمشو دار الفور
الفور .. الفور
والدلك يا ....
شكراً باكر ياشباب
يلا يا بتاع الأوكرتيون
كورتن الشغله طرب يا
________-

[بدر عبدالماجد بله]

أخى الغالى اللارنجا هناك من يطالب بأغنية ( سوحي ) وفى الدنيا توهي !!

[عمر حامد مجذوب]

أيها اللارنجا لا أدرى بأى شى اصف كتاباتك أيها المضحك المبكى , أذوب فى كلماتك أتوه فى معانيك و يختلط الأمر أحيانا و أجد حقيقتك فى نقدك الراقى لهبوط الكلمات المسماة أغانى و أستأذنك من بعض ما تنشره فى إرساله لإحدى المطبوعات اليومية و التى وافقت على نشره محاربة للغناء الهابط مع حفظ حقوقك الأدبيه, فدم أيها الرائع فلتسير مركبك فى أمان الله .

[allarinja]

العم عمر حامد ..
أبحث عن مخارج حروفي أجدك البوح فيها
حين يكون العشق هو المداد ..
حين تهاتفني أقف إجلالاً والله علي ما أقول
شهيد مثلي لايجلس إلا بعد أن تأذن لي ..
لكن أعذرني إذا كنت أنا ولدك .. فكيف تستأذن
فيما تملك ..
خذ روحي تجدني طائعاً لك ... أنت حرفي
الذي أكتبه فحبكم يغلبني أحس كأني إتولدت
بينكم فكنتم دوماً غطائي وسترتي ...
يكفيني سفر ولدي .. أبحث عنكم ليكون فرحي
فأجدكم في قبضة يدي فأتحدي الدنيا ..
أنا والجميع ياعمي في حبات العدس الحار
صبنا غضباً علي رأس من تشاء ..
كم تمنيت أن أكون نفساً في محراب صلواتكم ..
بالجد سجم اللارنجا لو مامنكم ..

[ضل الهجير]

أختي ضل الهجير ..
إحترته في صفقتك !!!!

هل هي نتاج هذا الحوار
حوار إثنين خارج الحفله
شفقه ساااكت الناس دي يصفقوا لي شنو
شكلك مابتعرف الفن الصفقه دي
عشان توزن اللحن إنت فاكر السلم ده طلوعو هين
الزول كان ماشجعو بقدر يتمو..
عشان التشجيع حقك ده ..
________

أغنية حمام دارالفور
للفنان حماده أبوريش

الحمام سقايتو علي
بسقيهو بي أيدي
لكنو طار مني
لحقتو بي كرعي
حفيانه مامني
وقعته فوق للحب
كسر القفص سني
مشينا للدكتور
قال لي دواك ريفدور
وإنشاء الله تختي البور
يجيك عريس هسي
وتمشو دار الفور
الفور .. الفور
والدلك يا ....
شكراً باكر ياشباب
يلا يا بتاع الأوكرتيون
كورتن الشغله طرب يا
________-
:SugarwareZ-297::SugarwareZ-297::SugarwareZ-169::SugarwareZ-297:
:SugarwareZ-297::SugarwareZ-169::SugarwareZ-286:
:SugarwareZ-286:
:SugarwareZ-286:
:SugarwareZ-286:
:SugarwareZ-103: انت رائــــــــــــــــــــــــــــــــــــــــــــع حقا

[allarinja]

أخى الغالى اللارنجا هناك من يطالب بأغنية ( سوحي ) وفى الدنيا توهي !!

الله يديكم العافية والله قربته أخش محل الحلويات
طبعاً الأغنية الجايه محتاجه خيالكم .. ركزوا معاي
الحفله رااابه وآخر إزعاج وجمهور مدفق بره الصيوان
الفنانه مني ماضروري الناس دي بتحب الساوند ..
والباقي كلو بيجي ...
طبعاً في سؤال في بالي البعمل الحفله ربنا بيعاقبو!!!
أستغفر الله يعني الحفله لي جنس ديل فيها ذنب ..
سيبك من الخيال ده في الفاصل التاني وفي أغنية حقار حقار
الزول عيونو حمار .. واحد طبعا حَمار ولا حُمار المهم دخل بدر
أخوي العريس لزم يعني صاحبو عديل ...
واحد لكز الفنانه أخوي العريس وصل يا ..
الفنانه من غير زول مايشوفها قالت لي إسمو منو
قاليها بدر اللابس البدله الرماديه داك
سبحان الله العازفين أضانهم في المايك بداء بتاع الإيقاع
تررررررررررررررررررررررررررررررررررررررت تُم
والناس دي قامت وبتاع الكاميرا بس مع الناس

بدر جاء ياناس
بدري سامي علاهو
تن تن تن
شكلو بتاع الإيقاع ماعجبو الكلام
الفنانه طبعا دويتو مع بتاع الإيقاع
بدر البدور
راجل السرور

طاخ طيخ طاخ
في شنو ..
بتاع الحركة وقف الحفله
دي عربيتي ...

[ابو خليل]

حقيقة لاأعرف ماذا اكتب عنك ؟؟؟
اشاعرا انت ام شيخا ام لارنجا؟؟؟؟؟؟؟؟؟
بصراحة حيرتنا ياشاعر المليون .
الشحم دا واللحم دا عملو لي شنو لي الجبجبة
والضعف دا سوء تغزية
والعضم دا الكلب ابئ سوهو شربة .
وهي ماقلتو الشمار دي جابو منو
الرحلة الانا مشيتا والثواني الانا قضيتة والصدمة الاتلقيتا وشمار الحلة دي الجابو ولا منو
وضربت ليك ياخاينة انتي صاحية ولا نايمة وخلاك اني قاعدة مشي جاب ليك ضرة تانية
وياالارنجا وب علينا وكرعليا

[allarinja]

حقيقة لاأعرف ماذا اكتب عنك ؟؟؟
اشاعرا انت ام شيخا ام لارنجا؟؟؟؟؟؟؟؟؟
بصراحة حيرتنا ياشاعر المليون .
الشحم دا واللحم دا عملو لي شنو لي الجبجبة
والضعف دا سوء تغزية
والعضم دا الكلب ابئ سوهو شربة .
وهي ماقلتو الشمار دي جابو منو
الرحلة الانا مشيتا والثواني الانا قضيتة والصدمة الاتلقيتا وشمار الحلة دي الجابو ولا منو
وضربت ليك ياخاينة انتي صاحية ولا نايمة وخلاك اني قاعدة مشي جاب ليك ضرة تانية
وياالارنجا وب علينا وكرعليا

أبوخليل الغالي
ياخوي وووب عليك وكرعيك وكرعليك براك ..
بس عندي سؤال صعب ده غناك يعني غناء إجهاض طبيعي
لرحم المرض .. ولا الشئ القلتو ده بقولو في الساونات
ويجي حااار أقصد موسيقتو حاره ...

غناك ...
الشحم دا واللحم دا عملو لي شنو لي الجبجبة
والضعف دا سوء تغزية
والعضم دا الكلب ابئ سوهو شربة

سبحان الله إبتداء الشاعر بالمرض وتحدث عن الفائده
العلميه للشحوم وحدد فتره زمنيه لها وهي فترة حكم الجبجبه
وبعدها حدد الشاعر بالمرض أن الضعف سوء تغزيه وحقا
كان الإعجاز الأعمي حين رفضه الكلب وحمله الإنسان وعمله
شوربه بالهناء والشفاء وهنا ترك لنا الشاعر بالمرض خيالنا لنتخيل
الأكلو منو !!

وهي ماقلتو الشمار دي جابو منو

هنا يصدع الشاعر حين لايسأل عن الشمار شنو ويحزف المشبه
والمشبه به ويحزف الجمله كامله لتكون البلاغه في من الجاب الشمار
صرمه جديده للمسح اللغوي الشامل للبهارات والمصدر..

الرحلة الانا مشيتا والثواني الانا قضيتة
والصدمة الاتلقيتا وشمار الحلة دي الجابو ولا منو

هنا يبعر بنا الشاعر بالمرض حين يذكر الثواني وهي أقل جزء في الساعة
حيث تكون تقارب الصدمات عليه ويخدم هنا اللحن حيث يكون الإيقاع
كُب كُب .ومازال يسأل بصورة أخري عن نوعية شمار الحله دي
أما الجابو ولامنو هنا يخرج بنا الشاعر بالمرض من دائرة اللغة
حيث أكتب ماتراه بحكم القافية

وضربت ليك ياخاينة انتي صاحية ولا نايمة
وخلاك اني قاعدة مشي جاب ليك ضرة تانية

قمة الإخلاص حين تحدد المفرده دون مقدمات
ويكون الذوق حين يسأل صاحية ولا نايمه ..
حتي يعرف الحقيقة ليه ماردت عليه !!!
وخلاك أني طبعاً هي أنتي
ولكن لزوم وزن حلق الصوت ليطابق النغمه
وهنا إصرار الرجل لم يتركها نايمه ولم يتعبها بالوقوف
بل أجلسها معززه مكرمه وجاب لها الضره التانيه
لتسعدها وتخدمها فكان تفاني الزوج ..
سبحان الله

[الطيب بخيت ادريس]

الرائع اللارنجا
لك تحياتي الكتتتتتتتتتتتتتتتتتتتتتتتتتتتتتتتتتتتتتتتتتتتار
وكل عام وأنتم بألف خير
والله العظيم فكرتك فكرة جادة ورائعة جداً جداً
في نقد الغناء الذي يتغنى به شباب اليوم في الحفلات
فحقيقة أغلبية الأغاني في الحفلات أغاني هابطة
زي ما قلت
فسر أيها الرائع في نقدك للمهوسين الجدد
طالبين أغنية للكوم الكبير

[allarinja]

الغالي الأخ والخال
تحياتي بعدد من فتح الماسنجر

فتوي لارنجيه ..
من تغني بمثل هذا الصرف الحسي في حق الكوم الكبير
فعقوبته أن ندعي عليه لامساس في الدنيا وفي الآخرة
من الخالدين في النار ...
لكن عشان ماترجع حفيان

هي أقدلي وسكتي الخراشه
النقدي ياشباب
أعرضن يابنات
قش قش قش
حبيبتي فراشه
قشتني من النوم
سويتني مقشاشه
المطره نازله علي
ودموعي رشاشه
الريد قسم
جياشه ..جياشه
والجوع وصل فتاشه
ياناس
الطير ده مابخلي
والشجره فقاشه
الصفقه ياعكاشه

نغم يا بتاع الأوغن
وإشتغلت نغمة عالم السينما
يلا ياشباب

[allarinja]

قصة تحكي إبداع فنان ..
كنا حضور في منتزه عبود ببحري ..
قادتني الصدفه لأكون حضوراً لهذا الواقع
وكان الحفل بقياده الفنانه حنان بوبلو
ونور الجيلاتي ..
المهم غني أول شي نور الجيلاتي ..
وسبحان الله واحد من المعجبين أداهو
زجاجة عطر وكان ما أخاف الكذب أقول ده ود الإمام
طبعاً الفنان رشه العطر علي المايك ..
وتسمع تسسسسسسسسسسسس
وكان بيغني خواطر داخل الغابه ..
طبعاً أنا طوالي إفتكرته الزول ده بيعطر
الجوء لكن من شنو دي حيرتني ..
هل ياتري من ريحة الجمهور والعرق العرق
ولا ناس الغابة ديل سوا حاجة غلط
ولا بيعطر الكلمات ..
غايتو كل زول مخير في عطروا ...
__________
هنا الإبداع
في حفلة مهرجان الزهور
كان الفنان عبد الكريم الكابلي
وكان الجميع يلبس البدل والكرفتات ..
فحضر الأستاذ الكابلي وهو يلبس قميص
فرايحي ملي بالزهور والفراشات
حقاً شذي زهر ولازهر..

[ضل الهجير]

الله يديكم العافية والله قربته أخش محل الحلويات
طبعاً الأغنية الجايه محتاجه خيالكم .. ركزوا معاي
الحفله رااابه وآخر إزعاج وجمهور مدفق بره الصيوان
الفنانه مني ماضروري الناس دي بتحب الساوند ..
والباقي كلو بيجي ...
طبعاً في سؤال في بالي البعمل الحفله ربنا بيعاقبو!!!
أستغفر الله يعني الحفله لي جنس ديل فيها ذنب ..
سيبك من الخيال ده في الفاصل التاني وفي أغنية حقار حقار
الزول عيونو حمار .. واحد طبعا حَمار ولا حُمار المهم دخل بدر
أخوي العريس لزم يعني صاحبو عديل ...
واحد لكز الفنانه أخوي العريس وصل يا ..
الفنانه من غير زول مايشوفها قالت لي إسمو منو
قاليها بدر اللابس البدله الرماديه داك
سبحان الله العازفين أضانهم في المايك بداء بتاع الإيقاع
تررررررررررررررررررررررررررررررررررررررت تُم
والناس دي قامت وبتاع الكاميرا بس مع الناس

بدر جاء ياناس
بدري سامي علاهو
تن تن تن
شكلو بتاع الإيقاع ماعجبو الكلام
الفنانه طبعا دويتو مع بتاع الإيقاع
بدر البدور
راجل السرور

طاخ طيخ طاخ
في شنو ..
بتاع الحركة وقف الحفله
دي عربيتي ...
والله يا لارنجا كمان الغنية بموسيقتها كمان بقيت توزع طاخ وتن تن وطيخ والله حيرتنا لكن واصل

[allarinja]

والله يا لارنجا كمان الغنية بموسيقتها كمان بقيت توزع طاخ وتن تن وطيخ والله حيرتنا لكن واصل

أختي ضل الهجير
طاخ وتن تن وطيخ
دي هي العلاج
يابتاع المرور أداك مخالفه
ياجدع الصفاره وقال منعول أبوها شغلانه ..
يابتاع المرور زاتو طاخ قطع الإشاره ..

لو أنا حيرتك تقولي شنو وأنا جيراني
مشغلين الإستريو 24 ساعة في راسي
كأني ساكن في دولاب نجار ضلفتو مافي
ولاحق سحارة حبوبتي .
أنا هسي بأسس لي نوع جديد من الغناء
إسمو الغناء الصامت وده طبعاً بعد مرحلة الفايبريشن.

[allarinja]

ماعلاقة الفن بالأمن العام ..
كنا في حفلة الأستاذ محمد الأمين بنادي الضباط
وكنت دوماً أرجع بعد نهاية الحفل ( كداري ) إلي الجريف
وطبعاً ود الأمين عندو الجرين كارت حتي الساعة 12 ليلاً
في زمن حظر التجول ..
وفي طريقنا مررنا بمنطقة الأمن العام إجباري تسلك طريقهم
وكان في نفس الوقت هناك حفلة في نادي التنس للفنان محمود
أو نادر ..
ثاااااااااااااااااااااااااااااااااااااااااااااابت
ثبتونا كلنا ناس الجريف وناس الحاج يوسف والناس الدايشه
المهم جاين من وين بدينا نحن من حفلة ود الأمين وناس قالوا
من حفلة محمود ولا نادر مامتذكر المهم بتاع الأمن قال ..
برطم برطم .. الجايين من ود الأمين بي جاي والتانين بي جاي
بدأ فينا ورجق ورجق إنكشحت القفه إنصرااااااااااااااااااف
والناس التانيين قاليهم خليكم هنا جلووووووووووووووس
وصلنا السفارااات جاتنا ليك عربية الطواري سين وجيم
معاكم عشره دقايق تمشو قدام مانشوفكم هنا ...
سبحان من جعل العساكر يفهمون الغناء .. رد علي صاحبي
الله يديهو الصحة كلنا بشر ..
ويعيش ود الأمين هازم حظر التجول

[عبدالله محمد نابري]

جيب اشوف البوست ده البقه عليه شنو !؟
جيت لقيت العجب !!
وحارجع ليك في شكل ناقد عشان نفيق على الدرر دي ..
وقبل ذلك :
يوم الخميس الفات ..
لاقيتو في شمبات ..
لاقيتو في شمبات ..
قال لي سوري وفات ..
@@@

طبعا يوم الخميس هو معروف للعشاق وفي مثل بيقول خميسي ولا كم قميصي .. الشاهد انو الناس ديل اتلاقو يوم الخميس وكان اللقاء في شمبات ونسبة لانو الزول كان في غاية الاستعجال قال ليها سوري وفات !!! بس لم يتبين لنا سبب الاستعجال الشديد ده ؟!! هل هو بسبب المواصلات ؟ ام يخشى من انها تكون عاوزة تتعشى او تطلب ليها استكراتش !!

وبرجع ليك .. ترجع فيك ساوند وكشافات

[الطيب بخيت ادريس]

سعادة الأستاذ/ جقود اسكراتش الموقر
السلام عليكم ورحمة الله وبركاته وبعد
نشكر سعادتكم على اهتمامكم بموضوع مناقشة وتطوير الأغاني في السودان، ونود إفادة سعادتكم بأننا قد اطلعنا على طرحكم الرائع وتقاريركم الكافية حول مستوى الأغاني الهابطة في سودان اليوم، وطريقة معالجتها، وقد كان موضوعاً جيداً وفي غاية الأهمية، لذا نود إفادتكم بأننا قد كلفنا الأستاذة/ ضل الهجير بأن تجري الترتيبات حول إجراء لقاء مع سعادتكم بأسرع وقت ممكن حتى يستفيد المستمعون في القناة والقراء في المجلة، كما نود إفادة سعادتكم بأن الأستاذ/ عمر حامد رئيس مجلس الإدارة وافق على توقيع عقد مع سعادتكم حول تطوير هذا الموضوع وكلف الأستاذ/ بدر البدور بإنهاء الإجراءات تمهيداً لتوقيع العقد.
شاكرين لسعادتكم تعاونكم واهتمامكم بما يجري على الساحة الفنية
وتفضلوا بقبول خالص التحية والتقدير
السكرتير الإداري
قناة بلوشي الفضائية
مجلة النقد الأدبي الحديث

[إخناتون]

الأخ اللارنجا
الأخوة المتداخلون
تحياتي بالأماني الخيرات
للفن ضروب كثيرة تحكي واقعه وتضيف له نكهات مختلفة منها المعروف والمتاح للجميع ومنها ما يصعب فهمه لعوام الناس ومنها ما يكون السهل الممتنع ، من هذا وذاك نجد متنفس نتناسى من خلاله مرارة الأيام ووعورة المشوار ...... يحتاج فن الرسم لكثير من العمق إن كانت ما نشاهده من لوحات تأخذ الطابع السريالي فليس بستطاعة كل فرد أن يقيم أو يحدد ملامح بعض اللوحات ، فالرسام له فكره الخاص الذي يتضح خلال ريشته ونوعيه الألوان المستخدمه في اللوحة ولنا فكرنا الخاص في فهم مايترأى لنا من خطوط وهميه نشاهدها ..... فما بين شبكية المشاهد وريشة الفن يتضح جلياً عمق هذه اللوحة وعظمة هذا الفن السريالي .......
فالكتابة الرمزية تأتي لتكون المتنفس في زمن يفتقد فيه الحروف إلى الواقعية والوضوح فتأتي تلك الألفاظ لتحكي عن ضرورات كثيرة لا يمكن البوح عنها في العلن ليس للتحرس أو لعملية كبت الحروف ولكن لتعطي المتلقي فرصة للفهم الكامن خلف أسوار عقله ولتهبه الفرصه لمشاهده حقيقة الأشياء بمنظور مختلف مما يضيف إليه شيئاً من واقعية الحروف ودلالاتها اللفظية التي لا تشاهد بالأذن المجردة ......
الرسم الكركاتيري عادةً ما يأتي في شكل ساخر ليعكس لنا أهمية النظر للأشياء بعين من الحكمة والتمعن بفكر وفهم ، فظهرت مدارس كثيرة للكتابة الساخرة وتوسعت حتى صار هنالك رواد ومعجبين في تذايد مستمر مما يعكس أن أن لهذا النوع من الفنون مقدره على معالجة الواقع بصورة صامته قد لا يستحسنها البعض لتوجهم الفكري المعين لمعالجة النصوص والواقع بصورة مختلفة .... ولكن ليس هذا يعني سطحية هذه المعالجات أو ضعفها بل هذا يوضح أن فعلاً لديها من الفكر ما لسببه رفضت ....
ما جعلني اكتب هذا موضوع البوست هذا الصرف الحسي ، احسست مجرد مشاهدتي له بكل هذه الأشياء التي يمكن من خلالها معالجة الكثير من القضايا من خلال فضح هذه الأغاني الهابطة والسخر منها بطريقة بسيطة يكون في مقدرة الكثيرين فهمها بكل بساطه بل يمكنهم وضح خطوط واضحة للتصحيح من خلال ردودهم بعد معرف سطحية كلمات تلك الأغاني وسهوله وضعها وأخذها من مستنقعات الحياة وتجمعات الأسواق ..... ولكن احزنني جداً ما دار في البوست من نقاش بسبب موضوعه بين مشرفين القسم الواحد فالكل يعرف أن الهدف من البوست هو النقد الساخر لهذه الأغاني لذلك تجده قبل بصورة توضح رفض المتداخلين لهذه الأغاني من حقيبة الصرف الحسي لذلك تفاعلوا مع الموضوع من منطلق مفهوم (النظام العام - سابقاً ) حتى يحدوا من هذه الأغاني ، كما أن البوست ليس فيه ما يستوجب حذفه فالكل له الحق فيما يختاره ( إن لم تكن هنالك مخالفه في قوانين وضوابط المشاركة في المنتدى ) وكما أن هنالك كثير من المعالجات تأتي في شكل ساخر حتى يتم قبولها وإدراك خطورتها .... لذلك أخوتي الأفاضل هنالك أمثلة كثيرة لأغاني الصرف الحسي وهنالك مغنون تتعالى أصواتهم ليل نهار فحقاً نحن من نصنع أمثال لطفي طبنجة وسوسو فيونكة وحمادة دستور وفاتن مفاتن ووجع ضرس ، وسيد الركشة وهيثم كلاوي .......... فيجب علينا ترك الاختلاف والنزاع والالتفات لهذه الظواهر السالبة والحد من انتشارها بكافة الطرق المتاحة ولو ندمن خلال مكافحتها وعدم سماعها حبوب البندول ودواء القحة لما يوجد بداخله من مواد منومة ........

[allarinja]

ياحته مني وكل دواخلي بتندهك ..
إخناتون

حيث أشتهيك مداخل الروح .. خصل الحروف
حين تلامس فكرتي فتطير في شوق إليك مشاعري
لتداعب الحس الرهيف .. فأعود أحمل خُصلتي ..
حقاً تداعبني يداك .. فيلاطف الحرف الشفاه ..
فاستميحك إذ أُغازل فيك حرفاً صادقاً ..
إني أغازلكم معاً حرفاً تسطره يداك ..
نبض قلبك حين يعلن همستي ..
أو هكذا عشقي حين تخزلني الضلوع
فيطير قلبي من قواقع صدفتي فيكون
في صدرك حجاب للوطن ..

[allarinja]

جيب اشوف البوست ده البقه عليه شنو !؟
جيت لقيت العجب !!
وقبل ذلك :
يوم الخميس الفات ..
لاقيتو في شمبات ..
لاقيتو في شمبات ..
قال لي سوري وفات

عذراً أخي ود نابري أعجبني نصك حد القزازه
هنا تكمن سهولة النص حين تحدد اليوم
فكان يوم الخميس من دون الإيام لأن الجمعه إجازه
فيكون خيال الشاعر قد ساقنا إلي التوريه لنتخيل الجمعه ..
وحين يقول الفات فهنا يحدد بأن إمكانية الرجوع قايمه
فيجعل من يوم الخميس شيئا يمشي علي ساقين
ويبدع حين يتركنا نتخيل يوم الخميس عندو كم كراع أقصد ساق ..
لاقيتو في شمبات ..
هنا سحر المفرده حين تطلق خيالك في شمبات ..
فقد كان راكبا اللوري محملا بالطوب الأحمر
فكتب الشاعر شمبات مرتين حتي يؤكد أن اللوري يمر من هنا
فيكون التكرار لكي نتخيل بأن اللوري تعطل في هذه الشمبات
فتكمن الواقعيه حين يكون المحبوب يتكلم بكل اللغات ( سوري )
فقد أبدع الشاعر حين كتب سوري وهو مندهش عن المعني
كيف يقول سوري ويفوت .. هنا إستعمل الضدان سوري وفات
وأرح أرررح تراااااح روحي ..

[allarinja]

سعادة الأستاذ/ جقود اسكراتش الموقر
السلام عليكم ورحمة الله وبركاته وبعد
نشكر سعادتكم على اهتمامكم بموضوع مناقشة وتطوير الأغاني في السودان، ونود إفادة سعادتكم بأننا قد اطلعنا على طرحكم الرائع وتقاريركم الكافية حول مستوى الأغاني الهابطة في سودان اليوم، وطريقة معالجتها، وقد كان موضوعاً جيداً وفي غاية الأهمية، لذا نود إفادتكم بأننا قد كلفنا الأستاذة/ ضل الهجير بأن تجري الترتيبات حول إجراء لقاء مع سعادتكم بأسرع وقت ممكن حتى يستفيد المستمعون في القناة والقراء في المجلة، كما نود إفادة سعادتكم بأن الأستاذ/ عمر حامد رئيس مجلس الإدارة وافق على توقيع عقد مع سعادتكم حول تطوير هذا الموضوع وكلف الأستاذ/ بدر البدور بإنهاء الإجراءات تمهيداً لتوقيع العقد.
شاكرين لسعادتكم تعاونكم واهتمامكم بما يجري على الساحة الفنية
وتفضلوا بقبول خالص التحية والتقدير
السكرتير الإداري
قناة بلوشي الفضائية
مجلة النقد الأدبي الحديث

الأستاذ المخضرم
قد إستلمنا خطابكم ..
وتم تحويله إلي المحامي الضبيع ...
وقد تمت الموافقه الأولي ..
وسيظل هذا التعاون لخدمة الذوق العام
وسلامة أذن المستمع ... وقد لاحظ الفنان جقود إسكراتش
أن ندرة الطيور في الفضاء الخارجي هي نتيجة لذبذبة القنوات
الفضائية ...
وحليل الطير ...
لكم جزيل الشكر
المحامي الضبيع

[ضل الهجير]

بما انو الأخ المحترم/ الطيب بخيت كلفنى لى إجراء لقاء صحفى مع مبدعي الصرف الصحى سورى نسيت (الصرف الحسى ) فأنا وافقت على هذا الطلب ,,وأهو نجرب والحياة تجارب وهذا اللقاء شامل لكل مبدعى الصرف الحسى ومن شروطه الصراحة فى الاجابات ؟؟؟
طبعا فى البدء حانتبدى بروح المنتدى المبدع / اللارنجا ***

لقــــــــــــــــــــاء مع عمالقة الصرف الحسى
1/ الاسم :................................................. ............................

2/ طبعاً الجمهور متشوق عشان يعرف آى حاجة عن مطربه المفضل مثال ماذا تحب ؟ وماذا تكره ؟

3/ ماهى الأوقات المناسبة التى تكتب فيها أشعارك ويتفجر فيها ذاك الإبداع المبهر؟

4/ ماهى الرسالة أو الهدف الذى تصبو إليه لكتابة هذا النوع من الأغانى ؟

5/هل الإشاعات والنقد اللازع يزعجك أو العكس ؟

6/ ماهى هوايتك المفضلة ؟

7/ ماهو الأجر الذى تتقضاه فى الالبوم الواحد ؟

8/ ماهى الأغنية المفضلة لديك من الصرف الصحى أوه عفواً الصرف الحسى ؟

9/ وختاماً قبل مانختم جمهورك عاوز يعرف آخر أعمالك وماهو الحلم الذى تسعى لتحقيقه ؟

10/وفى الاخر عاوزين كلـــــــــــــــمة أخيرة لجمهورك البحبك ؟




تخريمـــــــــــــــــــــــة : لقيتونى كيف فى دور الصحفية أنفع ولا هوى سااااااااااااااااااااى

[allarinja]

بما انو الأخ المحترم/ الطيب بخيت كلفنى لى إجراء لقاء صحفى مع مبدعي الصرف الصحى سورى نسيت (الصرف الحسى ) فأنا وافقت على هذا الطلب ,,وأهو نجرب والحياة تجارب وهذا اللقاء شامل لكل مبدعى الصرف الحسى ومن شروطه الصراحة فى الاجابات ؟؟؟
طبعا فى البدء حانتبدى بروح المنتدى المبدع / اللارنجا ***

لقــــــــــــــــــــاء مع عمالقة الصرف الحسى
1/ الاسم :[color="red"] ندي الجبل

2/ طبعاً الجمهور متشوق عشان يعرف آى حاجة عن مطربه المفضل مثال ماذا تحب ؟ وماذا تكره ؟
طبعاً بموت في لحم الراس ومجلتكم الحلوه
وأكيد بكره ناس النظام العام القادم

3/ ماهى الأوقات المناسبة التى تكتبين فيها أشعارك ويتفجر فيها ذاك الإبداع المبهر؟
لمن راجلي يكون سكران بحس بالدنيا ماسايعاني وكانت طبعا أغنية
خلي في سكرو .. ياربي جيب خبرو

4/ ماهى الرسالة أو الهدف الذى تصبي إليه لكتابة هذا النوع من الأغانى ؟
الواحدة بتكتب حسب أكل الناس يعني لمن غنيت الفول حلاوتو شمار
أكيد الأغنية بتلقيها في دكان أي فوراوي ..بالجد الفور ديل أنا بريدهم شديد
وعندي طبعا أغنية ..
فور فور فور
دكانه في الناصية
لف لف لف
قفل إنته

5/هل الإشاعات والنقد اللازع يزعجك أو العكس ؟
طبعا لا ده دليل علي الشهره ..
بس دايره أقول للناس إنو حياتي الشخصية هي الفن
حق الصرف الحسي

6/ ماهى هوايتك المفضلة ؟
الحوامه .. عشان المعرفة وكده

7/ ماهو الأجر الذى تتقضاه فى الالبوم الواحد ؟
حسب عدد الأغاني يعني لو الشريط فيهو عشرين أغنية
الأغنية في ميه وأنا حظي يعني مساحة الشريط هي البتحكمني

8/ ماهى الأغنية المفضلة لديك من الصرف الصحى أوه عفواً الصرف الحسى ؟
حبيبي عيونو حمر
نقط السكر
دي طبعاً بداياتي الصحيه

9/ وختاماً قبل مانختم جمهورك عاوز يعرف آخر أعمالك وماهو الحلم الذى تسعى لتحقيقه ؟
لا تقولي تعال باكر
ياهسي ياعلاقتنا نفرتقه
عشان ما أحرق الأغنية كدي كفاية
حلم أغنية علي وزن حلم الجيعان عيش هههههههههه

10/وفى الاخر عاوزين كلـــــــــــــــمة أخيرة لجمهورك البحبك ؟
بالجد عاوزه أغنيلكم أي حاجه بس ما أنزل من المسرح
ربي يخليني ليكم

وكلو من جمال .. صورني بالجوال


خريمـــــــــــــــــــــــة : لقيتونى كيف فى دور الصحفية أنفع ولا هوى سااااااااااااااااااااى

بالجد الصحافة ورق ملون وأنا بموت في اللون الأصفر[/colo


كلمة أخيره ..
شكراً لصاحب المجله الطيب بخيت
وشكرا للصحفية ضل الهجير

[ضل الهجير]

كلمة أخيره ..
شكراً لصاحب المجله الطيب بخيت
وشكرا للصحفية ضل الهجير

لارنجا والله موتنى من الضحك والله بقيت أغطى وشى بالشاشة من الضحك عشان ناس المكتب مايشوفونى صراحة اجاباتك مبااااالغة ؟

اسمع سمح عاين وين باقى المبدعين الفى الصرف الحسى لى ماكتبوا؟؟؟؟؟؟؟؟؟

[عادل مختار الزين]

حبيبنا وغالينا اللارنجا

والله كلمة مبدع عليك شوية نسأل الله أن يحفظك لنا وما يحرمنا منك ، أنت موسوعة في كل شئ ما شاء الله عليك ، موضوعك في غاية الجمال وفي نفس الوقت هادف ، ومما زاد هذا البوست ألق وجمال مشاركات الأعضاء خاصة أختنا العزيزة ضل الهجير ، حا أكتب ليك أغنية عليك الله أحشرها لي معاك وسط أغانيك دي عشان الإسم وكده لو كتبتها بي إسمي ما حا تجيب لي شئ وانت عارف الفلس ضاربنا وعاوزين نطلع مشاركة ورشة إخناتون والبجي بالنص.

[allarinja]

حبيبنا وغالينا اللارنجا

والله كلمة مبدع عليك شوية نسأل الله أن يحفظك لنا وما يحرمنا منك ، أنت موسوعة في كل شئ ما شاء الله عليك ، موضوعك في غاية الجمال وفي نفس الوقت هادف ، ومما زاد هذا البوست ألق وجمال مشاركات الأعضاء خاصة أختنا العزيزة ضل الهجير ، حا أكتب ليك أغنية عليك الله أحشرها لي معاك وسط أغانيك دي عشان الإسم وكده لو كتبتها بي إسمي ما حا تجيب لي شئ وانت عارف الفلس ضاربنا وعاوزين نطلع مشاركة ورشة إخناتون والبجي بالنص.

عندما كنت أبحث عن صديقي كنت أبحث إثنان تحابا في الله
إجتمعا وتفرقا عليه ..ولكن اليوم كوم تجمع في الله محبة صادقة ..
مثلك في قلبي نبض يشعرني أن قلبي بخير ..
أما عن أختي ضل الهجير ربي يحفظها من عين المابصلي
علي الرسول حيث أثبتت أن الإبداع هو صفاء النفس وكانت حقاً نموذج
عندما نخلص النوايا ..
أشكرك وأنت تؤسس لنوعية جديده من الغناء غابت عن الكثيرين
( الغناء حسب خيالك ) ...
بالجد أغنيتك رائعة أما العداد فتخيل أنت وقد عفيت لك نصي ..
تخريمه ..
بإختصار حين وقف يأكل الخبز علي رائحة الشواء وطالبه
صاحب المطعم بالفلوس كان الحل في رنين الريال ..
إذا رجع لي الباقي ...
عادل وين الأغنية

[allarinja]

لارنجا والله موتنى من الضحك والله بقيت أغطى وشى بالشاشة من الضحك عشان ناس المكتب مايشوفونى صراحة اجاباتك مبااااالغة ؟

اسمع سمح عاين وين باقى المبدعين الفى الصرف الحسى لى ماكتبوا؟؟؟؟؟؟؟؟؟

الصحفية ضل الهجير ..
الناس دي مافاضيه حفلات 24 ساعة
( حبوب رائع يا أستاذ)
هي البتساعدهم علي الإستمرار...
أوعدك في القريب العاجل هناك قنبله
في عالم الفن ... وهناك لقاءات صحفية مع عدد من الفلاقين

[allarinja]

لقــــــــــــــــــــاء مع عمالقة الصرف الحسى
1/ الاسم : نادر المرابيع

2/ طبعاً الجمهور متشوق عشان يعرف آى حاجة عن مطربه المفضل مثال ماذا تحب ؟ وماذا تكره ؟
بكره الفنانين البقلدوا الفنانين البقلدوا الفنانين
وبحب المايك والساوند

3/ ماهى الأوقات المناسبة التى تكتب فيها أشعارك ويتفجر فيها ذاك الإبداع المبهر؟
لمن البت البحبها تقول لي مافاضيه

4/ ماهى الرسالة أو الهدف الذى تصبو إليه لكتابة هذا النوع من الأغانى ؟
أنا فنان واقع ... لذلك كتاباتي كلها واقعة فيكم

5/هل الإشاعات والنقد اللازع يزعجك أو العكس ؟
أنا أصلاً بروج للإشاعة عشان ربتني أمي يعني بحب قالو وقلنا

6/ ماهى هوايتك المفضلة ؟
اناعندي وقت للحاجات دي

7/ ماهو الأجر الذى تتقضاه فى الالبوم الواحد ؟
مامشكلة المهم يتباع أول بعدين نتحاسب

8/ ماهى الأغنية المفضلة لديك من الصرف الصحى أوه عفواً الصرف الحسى ؟
أسمعني مره
وأنساني بالمره
باب الريده نتبري

9/ وختاماً قبل مانختم جمهورك عاوز يعرف آخر أعمالك وماهو الحلم الذى تسعى لتحقيقه ؟
حلمي أغني في موسم الحج ... أقصد أمدح في قناة ساهور
طبعا هناك مشروع ضخم وهوعبارة أوبريت في قناة ساهور ..
أديكم مقطع منو ..
شمينا ريحة المسك شهيدنا في الجنه
بكينا ساكت وبكانا هججنا ..
تاري عايش مامات ...
أدونا صوتكم في الإنتخابات
ربي مايجيب شهيد فيكم

10/وفى الاخر عاوزين كلـــــــــــــــمة أخيرة لجمهورك البحبك ؟
عندي حفلة في قاعة البرلمان ..
حا أغني فيها عن التصويت ...
علينا جاااااااي .. والختم معاي

وكلو من سلفاكير .. صورني عند الغير


خريمـــــــــــــــــــــــة : لقيتونى كيف فى دور الصحفية أنفع ولا هوى سااااااااااااااااااااى

بالجد الصحافة ورق ساااااااااااااااااهي

[عمر حامد مجذوب]

الرائع لارنجا أستميحك عذرا فى هذا الحوار الذى أجرته صحفيتنا الشاطرة ضل الهجير مع الفنانة الكبيرة عوضية أم جضوم:

لك التحية أستاذة عوضية و نرحب بيك معانا
أستاذة منو يا إتى شايفانى شايلة طباشيرة .
نحب إنك تعرفى نفسك للقراء ؟
لا لا لا أنا المابعرفنى منو.
بدايتك الفنية كانت كيف ووين ؟
بدايتى كانت فى بيت بكاء و النسوان علقوا على صوتى .
بتؤمنى بالإنتشار ؟
بآآمن بالله و الرسول.
شاعرك المفضل منو؟
صديق عقرب الجمال.
عدادك كيف ؟
الجمرة الخبيثة.
هل صحيح إنك حتصورى فيديو كليب؟
صحيح صورنى دقشوم العازف و كان جنبى كلب جيراننا.
هل تؤمنى بالغناء للمناسبات؟
أيوة
هل عملت أغنية مناسبة؟
أيوة عملت أغنية لخطيبى بمناسبة تسجيلات الكورة.
ممكن نسمع جزء منها؟
حبيبى سيب العوارة أمشى ألبس الكدارة
الدنيا مش حقارة و الأمور عايزة شطارة
ما تسيب صلاح إدريس و تمشى ناس الصدارة
وإذا لميت فى الوالى دى القوة و القدارة.
شكرا ليك و تحبى تقولى حاجة فى الختام؟
خلاص يلا العداد عشان أنا مستعجلة

[allarinja]

إعتراني الخوف عليك شان بريدك
نبض قلبي شايلوا في إيقاع مُريدك
كل دقة فيها ميلاد للأماني
العم عمر حامد______________


عوضية أم جضوم
هنا يحمل الإسم تراكمات الغناء في حلق
عوضية حتي إنتفخت جضومها لتكون علامات الغناء
ليكون غناء الصرف الحسي يحمل مسميات الواقع
كالفنان نادر حلقوم ومهندس الجوط سامي ساوند
فقد أهتموا بالغناء حتي صاروا جزء من آثاره

[عبدالله محمد نابري]

أغنية حمام دارالفور
للفنان حماده أبوريش

الحمام سقايتو علي
بسقيهو بي أيدي
لكنو طار مني
لحقتو بي كرعي
حفيانه مامني
وقعته فوق للحب
كسر القفص سنيِقال لي دواك ريفدور
وإنشاء الله تختي البور
يجيك عريس هسي
وتمشو دار الفور
الفور .. الفور
والدلك يا ....
شكراً باكر ياشباب
يلا يا بتاع الأوكرتيون
كورتن الشغله طرب يا________-
أغنية حمام دارالفور
للفنان حماده أبوريش

هذا النص من اروع ما كتب عن الحمام للاستاذ حمادة ابوريش ولبهائة والقه دعونا نبحر فيه لننهل من المعاني والعبر المكنونة في دواخل هذا النص الخالد ..
الحمام سقايتو علي
بسقيهو بي أيدي
لكنو طار مني
لحقتو بي كرعي
الاستاذ ابو ريشة في غاية الاهتمام بحمامه فهو يسقيه بديه المشعرتين في اشارة واضحة للريش..
ولكن فجأة طار منو الحمام .!!..
بس الحمد لله لحقو بكرعيهو .. ووما لا شك فيه انو دي قمة السرعة كويس انو ما لحقو بنبلة او طوبة .. فكويس جدا انو لحقو بكرعيهو لان اللحوق بالكرعين اقلل ضررا من باقي اللحوقات !!
حفيانه مامني
وقعته فوق للحب
كسر القفص سني
ِقال لي دواك ريفدور
هنا اته دور الحبيبة ملهمة الشاعر فعندما قالت : حفيانة ما مني ... تقصد انها حتى تلحق بالشاعر لابد لها من الجري حفيانة لانو اذا لبست شبب او اي حاجة ممكن ما تحلق بالزول الجراى السريع .. ولا ادل على سرعة الشاعر سوى انه لحق الحمام الطائر بكرعيهو ...
ثم يستطرد الشاعر : وقعته فوق للحب .. هنا يستخدم الشاعر امكانياته البلاغية ونجد ان اسلوب التورية واضح في هذا البيت حيث انها وقعت فوق للحب والمعني الظاهر ان الحب يعني حب الحمام وذلك لان سياق القصيدة يدل على ذلك !! ولكن المقصود بالحب هو الحب حق الحبايب .. وعبارة وقعت فوق للحب تؤكد انها انكشحت في هذا الحب ! انكشاحا جعلها تقع فوق الحب وليس تحت الحب لذلك فعبارة "فوق" دليل على انو الشاعر طويل وبسبب قصر المحبوبة وقعت فوق للحب .
وقوله : كسر القفص سني ...
مما لا شك فيه ان هذه الوقعة لن تمر مرور الكرم وكويس انها كسرت فقط سنها وده امعان في بيان معنى الحب الحقيقي بكسر السن .. طبعا الشاعر ينقلنا من المصطلحات القديمة مثل : كاسر فيني ضلعة ... الي كسر القفص سني !! ابداع متواصل وحقيقي ...
قال لي دواك ريفدور : طبعا اثبت العلم الحديث ان الريفدور من انجع الوسائل لتطهير الجروح فبدلا من استخدام الليمون او الصعوط في مكان الحرج ينقلنا الشاعر بكل لباقة ورقي الي الريفدور الهندي .. وفي اشارة الي شنطة الريحة حقت العرس لان الريفدور من مقومات تلك الشنطة ...

[الطيب الامام الطيب الامام]

[quote=عمر حامد مجذوب;18583][حبيبى سيب العوارة أمشى ألبس الكدارة
الدنيا مش حقارة و الأمور عايزة شطارة
ما تسيب صلاح إدريس و تمشى ناس الصدارة
وإذا لميت فى الوالى دى القوة و القدارة.
ده من ابداعات مطربات فريق المريخ بتشجع خطيبها لتسجيل فى صفوف المريخ انت ياود المجذوب دحين المريخ تسجيلاتوا من اى اقليم