أمسكو الخشب والحديد

[عصام عبدالصادق]

أمسكو الخشب والحديد كمان بدخول المهندس عمر حاج الطيب بلال المنتدي
وحقيقة وجود عمر إضافة حقيقية لمنتدانا لما عرف عنه ... الحديث عنه يطول ويطول فقط رحبوا معي بهذه القامة.

[إخناتون]

عمدتنا عصام ود عمي عبد الصادق
تأتي كما الغيث دائماً فتفرحنا وتفرحنا
التحية لعمر حاج الطيب والتحية لك
مثله صديقي عصام ولتكونا بخير أبد
الدهر .

[allarinja]

مرحب بالعم عمر حاج الطيب
ذلك النبع الطيب ..الذي يحمل الجريف معني وغايه
الف مرحب بعافية المطر والخير

[بدر عبدالماجد بله]

نمسك الخشــــــــــــــب والحديد وأى حاجة فى شان المهندس الغالى عمرحاج الطيب أبو محمد
وصاحب الروح الصافية النقية والقلب الطاهر الرجل الذى أكمل فرحتنا فى لمة الكوم الكبير.

الدار دارك والبيت السعيد يزدان فرحاً بقدومك أخونا عمر حاج الطيب.

[بكرى الطيب هدية]

حباب حاج الباهي وألـــف مرحب بيك واخيرا شرفتنا

[وليد عثمان علي سنقد]

ألف مرحيا بالأستاذ / عمر حاج الطيب بلال ..
نزلت أهلاً وحللت سهلاً ..
نتمنى لنا أوقات ممتعة وطيبة بصحبتك بموقع ومنتديات الجريف شرق ..


ود بيننا ولنا ...

[allarinja]

لإبراء الذمه
عمي عمر حاج الطيب
قال لي قول للجميع إسم الدلع حقي حاج الباهي
في عمر أحلي من كده

[ابو تراجى]

الحشب هين بنمسكو
فى النصيح حديدو
الضهبان ربنا يجيبو
الناس ترحب فيهو
هو سارح فى طريقو

هس الترحيب ده كلو وصاحبك لسه ما دخل !!
غايتو انت ياعصام البتريدو تقطعوا الظلط
والزى المابتريدو توصف ليه غلط
مرحب بالقامة المهندس عمر حاج الطيب (ابو محمدسعيد)
ونطمع فى تسجيل الابن يوسف
فاهلاً بك ايها العمر

[بابكر العشاي]

مليووووووون مرحبا بالعم الجليل المهندس عمر حاج الطيب ونتمنى ان تكون اضافه حقيقيه للمنتدى ونتعلم منك الكثير ونحن فى انتظار ابداعاتك .فمرحبا بك والدار دارك ودمت ذخرا لنا....

[هيثم الباقر دفع الله]

يسرنا تواجدك بيننا الشيخ عمر حاج الطيب (ود الباهي) وانضمامك معنا، الا انا وبكل ما تحمله معاني الشوق نتلهف لقرأة مشاركاتك، فمرحباً بك تراحيب المطر إذا هل وهـلا بـك عـدد نجوم السماء وأكثر

[الطيب الامام الطيب الامام]

الف مليون مرحبا بالجريف اقصد عمر حاج الطيب لانه خير مثيل لجريفنا بطيبة اهلها وحنيتهم وكل هذا مزروع فى شخصه الكريم والف مرحبا بك مرة اخرى بين اولادك واخوانك والكل منتظرك يا حاج الباهى

[خضر حسن الفضل]

ألف أهلن بعميد نادي الإخلاص الرياضي.

[محمد حسن الفضل]

مرحب بالحبيب الغالي والدفعة عمرنا ، وجودك سوف يزين المنتدى بالذوف والفن الراقي والخلق الجميل ، وعقبال ما يوقع لنا في المنتدى مدربنا الكبير / عصام حسب النبي ، والله العظيم تسجيلات الشتاء قوية جدا وعقبال كل القامات بالجريف تنضم للمنتدى .

[حسن]

مرحبا بالباشمهندس عمر حاج الطيب ونورت المنتدى
ابقى داخل لجوه وحبابك وكت الله جابك لينا
وفي انتظار الابداع

[الهندي بشير نابري]

انا مسكت الجمر وشايل الصبر
راجي الهطول ونزول المطر

حياك الغمام عمنا عمر حاج الطيب وألف مرحب بيك بيناتنا بالمنتدى
وألف مرحب بالاخ يوسف عمر ايضاً عضواً معنا بالمنتدى ..

[يحيي عثمان عيسي]

الف مرحب تراحيب المطر هطال
اسعدنا تواجدك معنا
نامل ان تسعدنا بطلاتك وابداعاتك

[مصعب عمر حسن حمزة]

مرحبيــــــــــك معانا

[عادل مختار الزين]

ألف أهلاً وسهلاً بالأخ الفاضل عمرحاج الطيب بلال ، عرفته عندما تشرفنا بلقائه في مدينة الدمام وكانت المرة الأولى التي رأيته فيها ولكن يشهد الله كأنني أعرفه منذ وقت طويل ،فبطلته الوديعة وبطرحه الهادف يجبرك على الإلتصاق به لتنهل من معينه فهو قامة من القامات التي نحتاجها في منتدانا هذا ليكون لنا خير قدوة ولنستفيد من خبرته في مجال العمل العام ، نأمل ألا ينقطع عنا ليمدنا بكثير من إبداعاته وكلنا شوق لنرتوي من ذلك النبع فأهلاً وسهلاً بك

[الجرافي]

ياجماعة والله انا فرحان شديد ومن الأعماق ومامصدق كمان عمي عمر حاج الطيب بلال معنا فى المنتدى
النجيكم بى مهل شويه الحديث طويل والكلام جميل وكتير

[عمر حسن حمزه]

ألف مرحــــب أخي المهندس/ عمر حاج الطيب. و بالتأكيد وجودكم داخل دار الجريف سيكون له أثره.
حفظك الله و رعاك و كل عـــــــام و أنتم جميعــــاً بخيــــــــر