مشاهدة النسخة كاملة : يــــــــــــــاخوانا شوفوا لينا عبدالله ود نابري وين قاتس ؟
http://www.uaekeys.com/fwasel/www.uaekeys.com22.gif
افتقدنا الكثير من ناس المنتدى القديم كان لنا معهم تواصل عبر صفحاته ..
منهم لا للحصر اخونا عبدالله ود نابري الملقب في هذا المنتدى بعدالله الشوفه الشرعيه
الرجاء كل من يعثر عليه ان يحضره معه المره القادمه..
ومن هذا البوست دعوه لكل الغائبين بالحضور ..
http://www.uaekeys.com/fwasel/www.uaekeys.com22.gif
http://scotland.indymedia.org/usermedia/video/6/alshaglin_towmv.wmv
البــ ع ــد الثالث
05-31-2009, 03:30 PM
الاخ عبدالله نابرى افتقدناه كثيرا وتعودنا على رؤياه بين الحين والأخر ونتمنى ان نراه قريبا بين احبته
معذ السماني الحاج ياسين
06-01-2009, 09:34 PM
يا اخوانا عبد الله ده خلوهوا الايام دي بجهز للعرس باقي ليهوا ايام وكده عشان كده نحنا بنعزروا الكلام في الناس الباقين
ولينا عوده
معز السماني
الطيب الامام الطيب الامام
06-02-2009, 06:38 AM
والله المنتدى الجديد نعم هو ابداع جميل ولكن للاسف افتقدنا كوكبة كانت تملا سمانا من اعضاء المنتدى القديم واتمنا الظهور من الجميع واخونا ود امحمد حسب سمعى جاه معز ود السمانى وماشبع من القرقرة فى كيفية الزواج الان بالسودان وترتيب الامور عايز يمشى ويكون مالى يمينة ومنتظرين ظهوره والبقية
الهندي بشير نابري
06-02-2009, 11:13 AM
عبدالله ود أمحمد عمي ... قلم رصين ورزين .. يكتب
بعفوية وأناقه متزايده .. يضرب في الوتر الحساس
دائما بعفوية وقوة موازية .. يهبش فينا وقائع واحاسيس
حقيقية .. قلم متميز فعلاً
عبدالله ياجماعه في أمان الله .. لكن راقد ليهو فوق رأي
أصلو بيغتس ويوم يجي بيبرق وصدقوني حينكت ليكم
موضوع يحير ويكون حدث الساحة الأيام الجاية .
احمد عثمان حاج حمود
06-02-2009, 12:31 PM
والله يا حسن عبدالله نابرى طولت ما عرفتا ليهو خبر ..
كدى شوفو لينا اليومين دا فى شواكيش لافة
الله يستر ما يكون إيتلبع !!!!
ولك اجمل التحية
الاخ عبدالله نابرى افتقدناه كثيرا وتعودنا على رؤياه بين الحين والأخر ونتمنى ان نراه قريبا بين احبته
ان شاء الله نراه قريبا ومشكور للحضور الطيب
الاخ معز السماني تحياتي اليك
ربنا يسهل لهو ويتمم له على خير ويجمعه ببنت الحلال يارب
الطيب الامام محمد ازيك
فعلا فقدنا الكثيرين من المنتدى القديم هذه دعوه لكل الاعضاء ان ينشطوا الاعلام عن المنتدى الجديد لتكتمل الفرحه بهذا المنتدى الرائع
تحياتي واشواقي
الهندي ود بشير نابري القائد انت البجيب خبر الزول دا وفي انتظار المفاجأ والجديد من القناص ابوعبد عريسنا القادم بقوه
تحياتي اقصى ماتراه العين على قولك
اخونا احمد عثمان حاج محمود تحيه نديه
الشواكيش واللبع حاصل بس الله يكدب الشينه !
عبدالله محمد نابري
06-10-2009, 07:46 AM
الغالييين ازيكم ..
عارف يا حسن نصيحة لكل واحد عاوز يتقل او يحرد في هذا المنتدى ان يشيل الفكرة دي من رأسه تماما .. لانو زول بشتغل بيك مافي ولا حتى بالرسائل .. والسبب انو القطر ماشي والمنتدى ما حيقيف في محطة عبد الله نابري او غيرو !!
سبب اختفائي لم يكن حردانا او تقلة او شي من هذا القبيل ..
انما كان نوع من الاحباط - اذا سمح لي مستكا - باستعارة بعض اسلوبه ..
واحباطي يا حسن من هذه النقلة ؟؟ لم اجد نفسي هنا باي حال من الاحول - مع كل هذا الاجمال والروعة في المنتدى الجديد - انما نوع من الحنين او قل نوع من الالفة للمنتدى القديم بكل بوستاته وقفشاته وناسه .. ياخي انا هناك عندي ما يقارب ال 900 رسالة ..!!
لم يرتبط الناس ذلك البيت السعيد من خلال العلاقات الاجتماعية وفقط بل ربطتهم بوستاتهم .. فتجد الواحد منا شائل هم انو فلان رد في البوست وهو لازم يجهز مداخلته وفي بعض الاحيان تجدني متصفح للمنتدي لساعات متأخرة من الليل - ابو تراجي وود الامام شاهدين على الكلام ده - ومع اني ما عارف انو قاعدين يسوي في شنو في الساعات المتأخرة دي؟؟؟
وحتى لا يساء فهمني فانا ليست ضد التغيير او الجديد بحكم ان الناس اعداء ما يجهلون .. بالعكس فانا من اشد المعجبين بالمنتدى الجديد واحيي القائمين على الامر ومهما شكرناهم سيصيبنا التقصير وينالوا الكمال ..
اشكرك اخي وصديقي وعريس الساحة حسن شمس الدين على هذا البوست وتمنياتي القلبية بدوام السعادة ...
قبل الختام .. اشكر كل من :
البعد الثالث شكرا لك وانا في منتهي الشوق لكي اتعرف عليك ..
معز السماني .. حديث الرياض اليومين ديل شكرا ومقصر في حقك كتير وقد سألت الارض الوتد : ياخي انت بتجي خاشي فيني سااااكت كده مالك ؟؟ فقال لها : انتي يا الواطة عارفة الفي راسي شنو؟؟
الطيب الامام ... مشكور الي ما لا نهاية وابشرك كل في محلو وكل جركانه في مكانه وانشاء الله عما قريب ستسمع ما يسرك ويدهشني ..
الهندي ود البشير عمي ... الجديد على درج الطاولة وسأعود بعد التعافي انشاء الله ..
احمد باداب .. شكرا ليك وعقدتني عديل كده وانشاء الله ربنا يفك ساجورك ..
الطيب الامام الطيب الامام
06-10-2009, 08:08 AM
حمد لله على السلامة واقولك اى اى اى بركة الجيت بركة الجيت بركة الجيت ---والله المنتدى يادوب نور والله ياعبد الله فعلا المنتدى الجديد ابداع ولكن الى الان الواحد حاسى زى القاعد فى بيت ايجار والحنين الى المنتدى القديم والناس الفيه مابنتهى وبندخل هناء وهناك وصدقنى حاول ادمن على النوع الجديد اكيد بتلاقى نفسك فيه واذا كل واحد عمل نائم مابنتقدم بشى والمجهود البذلوه الاخوة فى المنتدى الجديد بروح على الفاضى ولكن اذا اجتهدنا والكل عمل على تحسن وتطوير الجريف بنكون ذى الاول واحسن وذى ماقلت المنتدى مابقيف عن شخص بعينه ولكن بتقيف اللحظة الحلوة والبهجة والتلاقى والتواصل الذى يجمعنا وانشاء الله دوما مجتمعين ومتحابين
العائد الينا بعد غيبه عبدالله نابري مشكور للحضور الانيق
عرفنا شخصيات كثير عن طريق هذا المنتدى فكانوا نعم الاخوان والاصدقاء , ذي ماقلت المنتدى مابقيف على احد ولكن في ناس بتقيف على اختفاء بعض الشخصيات التي اصبحت جزء من كلمة منتديات الجريف شرق يعني منتدى جديد واعضاء جدد هنا تكمن الوحشه والهروب من المنتدى .. نتمنى من الجميع الحضور
تحياتي لكل المتداخلين
البــ ع ــد الثالث
06-14-2009, 01:15 PM
عانقت جدران صفحاتنا
عطر قدومك ... وتزيّنت
مساحاته بأعذب عبارات الود والترحيب
ومشاعر الأخوة والإخلاص ... كفوفنا ممدودة
لكفوفـك لنخضبها جميعاً بالتكاتف في سبيـل زرع بذور
الأخلاقيـات الراقيـة ولا نلبـث أن نجني منهـا
إن شاء الله ثمراً صالحاً.. ونتشـارك
كالأسرة الواحدة لتثقيف بعضنا
البعض في كل المجالات
أتمنى لك قضاء
وقت ممتع
بين أخوتك الجرااااااااااااااااااااااافه:p