طــــرزان

[يحيي عثمان عيسي]

الراجل رسل ولدو عشان يقرا في الخارج
عدت السنة الاولي التانية
اها ياولدي عملت شنو
كلو تمام خلصت اللغة وقدمت للجامعة
عدت السنة التالته ورابعة
اها ياولدي عملت شنو
كلو تمام قدمت للجامعة واخدونا كلية الزراعة
عدت السنة الرابعة والخامسة والسادسة
أها ياولدي عملت شنو
كلو تمام خلاص قدمت للتخصص
عدت السنة التامنة والتاسعة والعاشرة
أها ياولدي عملت شنو
كلو تمام خلاص اتخصصت غابات
عدت السنة الحداشر والتناشر والتلتاشر
أها ياولدي الموضوع طول عملت شنو
كلو تمام وانا شغال في مشروع التخرج
عدت السنة الاربعتاشر والخمستاشر والسبعتاشر
اها يا ودي عملت شنو
كلو تمام وبناقش في مشروع التخرج والشهادة قربيت
عدت السنةالتمنتاشر والتسعتاشر والعشرين
ارسل الاب برقية مستعجلة للابن
ابني طرازان
تم اللغاء مصلحة الغابات وتحولت الي وزارة السياحة
حووووووووووووووووووووووول

[ايمن السر بابكر]

.ظاهره الانقراض فى عذ السقط يعنى تجى المنيه فى لحظه عشم وهو العشم وكتين يموت لحظه عشم تانى شن فايده الدنيا غير ابريق كبير وسجاده فى اخر الحوش الوسيع وسرير وتقبل على النجوم وتحسب النجوم شجره شجره ولو بقيت حاوى ما تقدر تصل لى عدد عشان القطع الشجره زرع مكان فاس كبير وقال اوعك تفوت فرصه قطع الشجره .
ياريت لو كان الامل دكان والبيع فيهو هدايا بس لكن نسوى شنو ونحن بندمن الخزلان
الاخ يحى
ولو فى اخر السطر سأكتب لك انك قد كنت جادا جدا لكى نفهم ولكن بعد تفكير شديد ادركت ان العيب فى البوسته
سؤال خارج البص اقصد النص .الجميل الفاخر يحى التمنتاشر و التسعتاشر وكل سنوات العمر ماهو المجد الذى يجعلنى افتخر واحكى لى اولادى به او او على الاقل لنفسى عدا لمن نحن كنا فى سنك كنا بنجى الاوائل والعجيب ان البحث لازال جاريا عن الطيش

[عبدالرحيم حطي]

الشيخ العزيز يحي عثمان
تحياتي
موضوعك جميل ولك فن خاص في كل بوست يتضح لنا انك بحر
من بحور العلوم الخاصة ومن أولى الألباب ولا يوجد في اي بوست لك
تجريح او نوضيح مباشر .
ويحتاج لشخص فطن من أولى الألباب واللبيب بالاشارة يفهم .
والله انه نهج رائع وجميل مثل صاحبه .
بس نقول الحمد لله كانت دراسة الطالب بالخارج وليس فيها خدمة وطنية
بس الوزارة باعوها او جاء مستثمر هههههههههههههههِ
دمت لنا استاذوشيخ ِ