مشاهدة النسخة كاملة : ســـــلام الـعــــز
بنت النيل
11-13-2009, 02:56 PM
نحن أطفال من السودان *** و للسودان تهانينا
وطن عزيز وفي الأعماق *** دوام بالحب ينادينا
سلام لكل سوداني *** سلام للنصروالتمكين
سلام شهدانا والأبطال *** سلام للعلم ورايات الدين
تمعن في كلامي أنا *** وفكر في الوطن يازول
حكاية غيرنا ينفعنا *** حديسا أصلو ما معقول
بلادنا حلوة بناسا *** بلادنا الروعة فايتة القول
أنحنا جنود وليها دروع *** وساعة الحاره سيف مسلول
خضر حسن الفضل
11-13-2009, 05:06 PM
أنحنا جنود وليها دروع *** وساعة الحاره سيف مسلول
أبشري بالخير
إنسان بلا وطن هو إنسان بلا قلب وبلا هوية.
وأبشروا بالخير فهذا جيل جديد يعلن عن إستمرار عطاء أمة الخير جيل يحمل الوطن في حدقات العيون .
allarinja
11-13-2009, 06:51 PM
تمعن في كلامي أنا *** وفكر في الوطن يازول
حكاية غيرنا ينفعنا *** حديسا أصلو ما معقول
بلادنا حلوة بناسا *** بلادنا الروعة فايتة القول
بنت أختي وأخوي الغاليه بنت النيل ..
فكرت في الوطن وفي الجريف وفي المنتدي وفي نفسي ..
وجد ماحك جلدك مثل ظفرك .. أيدي أنا علي أييد
أخوي نبنيك أكيد نبنيك جديد ...
فليكن التوحد في الكوم الواحد وفي الجريف وفي الوطن
ما أروع الوطن وما أروع الجريف وما أروع لمتنا ..
لك الله يابنت أختي وأنت تدعينا للتأمل في خاطر الوطن
وأن نكون كما نشتهي وكما تشتهي ..
بلادنا حلوه بي ناسه وروعة فايته القول ..
لكم إحساسكم ولي الأمل فيكم ..
فكونو كما يجب أن تكونو .
Sudania
11-14-2009, 12:01 AM
تمعن في كلامي أنا *** وفكر في الوطن يازول
الغالية بنتنا لله درر على هذه الكلمات
روعة وابداع ...
وانا كمان بتمعن معاك وبسرحك معاك على النيل العظيم
وعلى المزارع الخضراء واهلنا الطيبين
وفي حضرتم يحلى الكلام
لكِ الشكر غاليتي على هذه الكلمات وربنا يحفظ لنا عزة واهل عزة
بنت النيل
11-14-2009, 03:48 PM
العم خضر
العم اللارنجا
الأخت سودانية
شكراً لكم و عاش وطننا الصغير و الكبير البنحلم بيه يوماتي