مشاهدة النسخة كاملة : هات لينا صباح
اسامة عزالدين محمد
11-08-2009, 09:02 AM
يـخـجـل البـدر ويـخـمـد المـصـباح
يـالـيــل هــات لـيــنـا صـبـاح
انحنا كل صباح نبني في الآمال ماوجدنا رباح
سـرنـا المـكـتـوم بـالـدمـوع انـباح
والسـهـاد اصـبح لـينـا امـرو مـباح
القلوب ترتاح للكمال التام في الكمال نرتاح
اصلو زول لكن صورو الفتاح
من سلاف الروح محنة للملتاح
الجمال شراح للصدورلكن للقلوب جراح
قالو اهل الحب في الزمان الراح
نشوة الاشواق احلي من الراح
النسيم لو فاح يمتزج بزلال دمعنا السفاح
كم عشوق مهجور مضي بالاصفاح
عينو في الورد وروحو في التفاح
ياهوي الارواح انت للعشاق كالشذي الفواح
عطر الدنيا واملأ الاسواح
يزهو بيك الكون في غدو و رواح
عبد الرحمن الريح
الهندي بشير نابري
11-09-2009, 01:03 PM
قصيده جميله جداً يا اسامه ...وياريت لو يجو الجماعه كلهم بيجاي يحكو لينا تفاصيل ويفكو رموز الكلمات وللقصيده معاني رائعة ...الجمال شراح للصدورلكن للقلوب جراحابداع والله
اسامة عزالدين محمد
11-11-2009, 08:37 PM
نرجع لى ابوصلاح واغنية الطريف الشايل
الطريف الشـايل سيف رمـش جـرّاح خــافي در الفاطر والمسك والراح
طرفـي مالك سـاهر وين منامك راح شوقي اصبح زايد وجدي مالو براح
حظـي مسجون هجرك اطـلقيلو سراح يـاريحانة قــلبي وزهرة الافراح
النســيم المسـكر للغصـون رنّـاح جيب لي روح مسكية وزوّد الامناح
يابلـيـبـل طيـبة ويالهـزار النـاح ليك اصير متشكر لو تعيرني جناح
النســيم المـروي البـالروائح فـاح هـبّ جمر اشواقي الملّتو الاصفاح
جـلّي صبري ودوّر في القـلوب لفّاح اصل اذاي عنّـابة وطبي في التفاح
يالنسـيم الغصن المـن مـرورك ماح صدّ ليـه واطلب من تنـيه سماح
الفـويطـر يقـدح والبـريـق لمّـاح حـلل امـطر دمعي الاندفق طمّاح
زورني طيف يالساكن في جزائر الواح يالمـنور داخل في القـلوب سوّاح
في الجـبين مكتـوبة الريـدة بالألواح زيدني حـباً فيك يمـازج الارواح
احمد عثمان حاج حمود
11-11-2009, 09:52 PM
يا سلاااااام اخى اسامة
قصيدة رائعة وكلمات معبرة
ايوة كتر لينا من النوعية دى
نحن خلاااااااص ......
اسامة عزالدين محمد
11-12-2009, 11:46 PM
زاد أذاي يا صاحي واعتراني نحول
طرفي دامع وصاحي وبالسهاد مكحول
لي حال الحول
والمغالق بينى وبين حبيبي تحول
قلبي قال ممحول
صبري ضاع وياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي فيه النول
يانسيم مرسول لي حبيبي
لعلك منو عالي تنول
أمشو ليهو مثول
علّي أنظر حسنه أقبّل المعسول
يافضول أقول رفعة قامته
وحسنه وصفه شرحه يطول
من ندى المسطول
كم يواعد ويمطل يومي طال ممطول
القوام معدول
والوريد كالدمية والأسيس مسلول
الكتيف مهدول
بعضه نام في بعضه تقول حرير مجدول
ايه يفيد القول
وايه يفيد من شعري فيه مهما أقول
منه حالمة عقول
الوصول للبدر ياخي ما معقول
زاد أذاي يا صاحي واعتراني نحول
طرفي دامع وصاحي وبالسهاد مكحولزاد ازاي لعبيد عبد الرحمن :