مشاهدة النسخة كاملة : هل من مرحب
ام مازن
10-31-2009, 03:32 PM
اهلى واخوانى واحبتى شدنى منتداكم العامر بكم وتربطنى بمدينتكم الجريف شرق صلة قوية وانتمى اليها من قبل زوجى حبيت ان اكون احد اعضاء هذا الصرح العظيم بعظمتكم والعظمة لله ودخلت بينكم دون استاذان او خروج منه الى الابد كما دخلت قلب احد ابنائكم فهل ترحبون بى بينكم كى يزيد شرفى بمدينتكم الجريف ام المدائن
allarinja
10-31-2009, 03:36 PM
قبال تجينا بنندهك ...
يازوجة الغالي والف مرحب بيك في بيتك
فقد أمناك علي زوجنا وأطفالنا فكيف لا تكوني منا
ويكون اللوم في التأخير ..وحبابك بينا في الكوم الكبير
ويسلم زوجك حبيب الملايين ويديك العافية
الطيب الامام الطيب الامام
10-31-2009, 03:38 PM
الف مليون تلريون دشليون مرحبا بيك ام مازن وابغى لجوه ماك غريبه الدار دارك والكل اخوانك واتحكرى مع ام احمد وام النور وباقى العقد الفريد
عمر حامد مجذوب
10-31-2009, 03:47 PM
والله مرحب بيك مع إنك إتأخرت كتير لكن عوضى التأخير بالمشاركات و حبابك فى دارك. و التحية للغالى مازن.
احمد عثمان حاج حمود
10-31-2009, 03:57 PM
لو علمت الدار من قد زارنا
لفرحت وإستبشرت ثم باست موضع القدم
و ردت بلسان الحال قائلة
أهلا وسهلا
ام مازن
حبابكم عشرة
مرحب بكم فى منتديات الجريف شرق
إخناتون
10-31-2009, 05:30 PM
حبابك وحباب مازن وأبو مازن حبابو كتير
وتبقي شريكة في جريفنا وأبو مازن شبيهو قليل
نورت المنتدى ومرحب بك وسط أهلك وناسك
ونتمنى لك حسن القامة ، وننتظر بصمتك
لتضفي للمنتدى رونقاً وأصالة .
ابو تراجى
10-31-2009, 05:36 PM
ام مازن ومازن وابومازن وحيران مازن فى الجريف وتبوك
وكلنا اهل مازن وحبابك الف ام مازن
الدار دار مازن وامو
بكرى الطيب هدية
10-31-2009, 06:45 PM
كيف لا نرحب بك فأنتِ بالتحديد مطلوب وجودك فأبومازن يصول ويجول كما يحلو له مرة شاعر ومرة دنجوان ومرة طباخ ومرة نواعم ومرة تفسير ما لاقي حد يحوشو لابد من جهات عليا تعلن الإنضباط
وجاك ملك الموت يا تارك الصلاة
Sudania
10-31-2009, 07:12 PM
اهلى واخوانى واحبتى شدنى منتداكم العامر بكم وتربطنى بمدينتكم الجريف شرق صلة قوية وانتمى اليها من قبل زوجى حبيت ان اكون احد اعضاء هذا الصرح العظيم بعظمتكم والعظمة لله ودخلت بينكم دون استاذان او خروج منه الى الابد كما دخلت قلب احد ابنائكم فهل ترحبون بى بينكم كى يزيد شرفى بمدينتكم الجريف ام المدائن
ياهلا فيك ام مازن
اشرقت انوار المنتدى بحضورك اليه
وان شاء الله تقضي اسعد الاوقات
بصحبت اسرة المنتدى التي يجمعها
الحب للمعشوقة الجريف شرق
في انتظار مشاركاتك للأستفادة منها
عادل مختار الزين
10-31-2009, 08:01 PM
أهلاً وسهلاً بك أم مازن وألف مرحب بك
الدار دارك حتى ولو لم تتزوجي أبو مازن ، كيف يكون الحال وأنت زوجة أبومازن
التحية لك ولمازن ولأبومازن
ام مازن
10-31-2009, 08:13 PM
صراحة يعجز اللسان وتنشل اليد عن الكتابة على الكيبورت عن شكرى لكم وكيفية الترحيب بى بينكم ومن زمان اشوف ابومازن متلهى عننا معكم والان عزرته لما وجدته من اصاله وطيبه منكم واشكركم جميع بان اكون منكم واليكم وربنا يقدرنى على حسن ظنكم بى وانشاء الله اكون خفيفه عليكم واستفيد وافيدكم ويجعل جمعنا هذا يوم البعث العظيم يارب
وليد عثمان علي سنقد
10-31-2009, 08:14 PM
ألف مليون مرحبا أم مازن ..
نرحب بك عضواً جديداً بموقع ومنتديات الجريف شرق ..
نورتي المنتدى .. ونتمنى لكي إقامة طيبة وممتعة ..
ودمتي لمازن وللجريف ...
الهندي بشير نابري
11-01-2009, 05:39 AM
أم مازن .. أول حاجه وقبال حبابك .. حبابك ومليون حبابك
http://i27.servimg.com/u/f27/11/77/43/79/161010.gif (http://servimg.com/image_preview.php?i=43&u=11774379)
نورتي المنتدى يا أم مازن وأسعدنا جداً اشتراكك معانا
وحصولك على العضوية الدائمة وانتظرناك كثيراً ..
بس وصيتنا ليك
أبو مازن .. عامل لينا غلبه شديده اليوم كله .. بالله عليك
مما يجي راجع البيت امسكي منو الكمبيوتر علشان نرتاح نحن
شوية ... وقواعد بيانات المنتدى تقلت شديد والسبب أبو مازن
والنوريك والنكلمك ... الزول دا كان قالب الهوبه وخارب البلد
لامريح ناس السياسة ولامريح ناس المطبخ ولا ناس الثقافة
ولاناس الحكومة وقالوا زوجة العقيد لواء ركن ...
دحين الوصيه بأبو مازن باريهو وين ما يمشي وليك على أنا
أديك اخباره أول بأول ... وصحي جاك الموت ياابو مازن .
والله يكون في عونك يا أبو مازن واتعين مشرف مراقب ليك يا
ابو مازن .. وياحليل أبو مازن والله يستر على ابو مازن
خضر حسن الفضل
11-01-2009, 07:07 AM
ألف مرحب بقدومك الميمون وهو يشكل خطوة إلي الأمام تهدف إلي سيطرة ربات المنازل علي المنتدى والتي يمكن النظر إليها بعيون مختلفة:ـ
1/ عيون العُـزاب الذين سوف يسارعون بالخروج من دائرة الشر [شراركم عزابكم ] حتي يسمح لهم بدخول المنتدي من باب العـوائل لأن المنتدي سيكون مُلك خاص للعـوائل وبه رياض للأطفال مع المراجيح وركن الحنانات والمشاطات والكوافيرات وكل ما يتعلق بتزوير خِلقة الله
وسوق خاص للنسوان يبيع عبر النت ببطاقة بها تخفيض خاص لعضوات المنتدى العاملات والعاملات فيها وخصم الشراء يكون بنسبة المشاركات ... و حوافز أخري كثيرة ومفيدة.
2/ عيون المتزوجات الذين يبرطع أزواجهم داخل أقسام المنتدى ويرجعون مع صياح الديوك ويعتذرون لأم العيال بأنه كان هناك حادث حركة فظيع في الساحة العامة {قسم الجريف العام } ولولا أنه ربك ستر [ لشبت] النار في القسم السياسي حيث أنه كانت هناك ندوة سياسية كبرى بعكاكيزها. مثل هؤلاء النسوان المساكين سوف تنخلع قلوبهن عندما يعلم أن فلانة جارتهم كانت مساهرة هناك وحكت لهم الحقيقة ويتشجعـن علي المطالبة بمحي الأمية العولمية وإلا فسوف [ تلفح توبها ] وتطلب تاكسي و تذهب تشتكي الهندي لأبوه شيخنا بشير حاج عبد الله.
3/ عيون البيت السعيد :ــ الذي لاتسعه الفرحة بهذه الخطوة المباركة من أسرة الغالي مازن و التي تسهم في تحويل الشعار إلي واقع.
وشكراً آل مازن
ابوالاء
11-01-2009, 07:23 AM
ألف مليار مرحبا أم مازن ..
نرحب بك عضواً جديداً بموقع ومنتديات الجريف شرق ..
نورتي المنتدى .. ونتمنى لكي إقامة طيبة وممتعة ..
أقعدي اتحكري مع اخواتك وخشي لي جوه ...
دمتي لمازن و لأبومازن وللجريف ...
الطيب الامام الطيب الامام
11-01-2009, 11:36 AM
اسع ياجماعة اولا اشكركم على الترحيب الحار البخلى الراس يكبر علينا وتانى الاستاذ والهندى مالكم على كان اللابتوب اتمسك ابشركم بدس لى واحد فى العربية والكونكت راقد وكمبيرتر العمل فاضى مجنون انا افوت الناس الحلوين ديل والله كان تقدروا على تقدروا تشيلوا المويه بالغربال وزى ماقال العريس المنطط عويناته حلاة لق لق كان اخليكم
الطيب حسن الفاروق
11-01-2009, 01:23 PM
الف مرحبا ونحن فى انتظار مشاركاتك وليس مشاركة . وخاصة العضوات فى المنتدى قليلات
يحيي عثمان عيسي
11-02-2009, 07:10 AM
مرحب ام مازن وانتي بيننا ننتظر عطاءك
ونأمل ان نلمس اضافات جديدة بوجوك معنا
مليون مرحب ولا تدعينا ننتظر كثيرا
البــ ع ــد الثالث
11-02-2009, 12:30 PM
اذدان المنتدى وتفتحت ازاهير التراحيب بين الاعضاء
وتراشقت جمل وعبارات على امل ان تفصحى لنا
وفى اقرب فرصه مترجمه
اولى مشاركاتك بيننا
فكونى بالقرب حتى نستعين بكى
ونسترشد منكى ونهتدى بكى
.... اخر المرحبين ...
ام احمد
11-10-2009, 01:51 PM
مرحبا ام مازن
حباااااااااااااااااااااااااابك
ضلك ودارك ابغى لجوا
نووووورتى المنتدى
صديق الجيلاني
11-17-2009, 08:20 AM
الف مليون مرحب ونورت الدار
ورينا ابداعاتك يا حماتى العزيزه
الصديق الجيلانى
ابو مزن