مشاهدة النسخة كاملة : رسالة شوق للغايبين عن المنتدى
احمد عثمان حاج حمود
05-29-2009, 04:52 PM
السلام عليكم ورحمة الله
منذ أن التقينا فى هذا الملتقى الكريم ... كانت هناك أقلام
لها أصداء لا تزال فى
نفوسنا
هذه الاقلام لم تعرف غير الاخلاص والتفانى .. ولم
تجتمع الا على خير .. ولم تكتب غير
الوفاء والمحبة
ولكنها أختفت .. وقل حضورها ... ولم نعد نعرف اخبار
أصحابها
لازال صدى ذكراكم يجول فى قلوبنا ... ومع مرور
الزمن يزداد الحنين الى أيامكم ... فاين
أنتم ؟؟؟
(( عودوا الى منتدى الجريف ... فنحن بأنتظار العوده ))
احمد عثمان حاج حمود
05-29-2009, 05:13 PM
بس كيف هانت الايام ونسيتو يا انتو
و
يا الروحتو طولتو
وعلى ما سألتو
يالكنتو منى قراب
أنا وين
ووين
إنتو
و
أيام وراها أيام
أتكاملت أعوام
لاشوفة تفرحنى
لا حرف شوق
لا سلام
كيف هانت الايام
ونسيتو يا إنتو
أنا وين
ووين
إنتو
و
عهد الوداد خنتو
والكان عزيز فتو
بدلتو ريدو خلاص
البيهو ما عرفتو
وين بالو ودرتو
يا الودرتو
ونسيتو
يا أنتو
و
أ ريت بريدكم جاب
كلمات تواسى الغاب
كان شوية ارتاح
اصلو المحبة عذاب
واصلو الزمن غلاب
غلبنى يا أنتو
أنا وين
ووين
أنتو
و
قالوا المحبة عذاب
واصلو الزمن غلاب
غلبنى يا أنتو
أنا وين
ووين
أنتوووووووووووووووووووو
عبدو(كمبيوتر)
05-30-2009, 10:24 AM
اضم صوتى اليك
وبالصدفة اليوم التقيت
وفى زحمة الخرطوم العزيز الرائع
ود جريف قمر
واندهش عند سماعه
ابفتتاح الموقع الجديد.
فبعد ان رشقته بوابل
من حصى اللوم ومن
نظرات الشوق .
وفى عجالة تحدثنا قليلآ
فعزرته لما زكر من اسباب.
وقرر الرجوع عما قريب.
ومتين ياربى تانى تلمنا
قريب ياربى لملم شملنا
احمد عثمان حاج حمود
05-30-2009, 10:59 AM
تحيات واشواق لكل الغايبين عننا ... وربنا
يردهم بالسلامة لهم التحية من على
البعد ... ووفق الله الجميع ,,,
تحياتى
مصطفى المحسى
05-30-2009, 08:43 PM
التحيه لك اخى احمد
ونحن معك ننادى كل من غاب عن المنتدى
فالمنتدى يحتاج لأبنائه خصوصاً فى هذه الفترة
وهى فترة انشاء المنتدى الجديد
والمساهمه من اجل نجاح المنتدى تستوجب تواجد أكبر عدد من الاعضاء النشطين
الامنيات بالتوفيق
معتصم بابكر عبدالعزيز
05-30-2009, 11:03 PM
انا اكثر الاعضاء غيابا وهذا اعتراف اسجله على صفحات المنتدى الجديد وكذلك اكثر الاعضاء سعاده بالمنتدى الجديد
وستجدونى حضورا باذن الله
الهندي بشير نابري
05-30-2009, 11:09 PM
الحنين أحمد عثمان حاج حمود ... لك التحيات السامقات
ناديهم ياصاحبي وعلي الصوت وانثر فيهم محنة أهلنا ناس
هب النسيم ... صدقني حيسمعوك
احمد عثمان حاج حمود
05-31-2009, 11:29 AM
كل إنسان غائب عن المنتدى من المؤكد أنه لديه من الظروف
مايحجبه عن المنتدى لعدة ايام
وقد يكون الغياب نوع من زيادة الشوق للرجوع وكله
حيوية ونشاط
لا بد لنا أن نلتمس العذر للجميع حياكم الله
ورفع شأن المنتدى
والقائمين عليه
طال غيابكم علينا والله مشتاقين
معذ السماني الحاج ياسين
06-01-2009, 02:05 PM
اخي احمد عثمان التحيه لك ولي كل المتداخلين السوال عن الاخوان الذين غابو عنا شي جميل ومن هناء اتسال اين هولا الاخوان الذين فعلوا الكثير لهذا المنتدي
اين
وليد سنقد
اين ايمن السر
اين ابو يارا عامر عبد الوهاب
اين نبيل احمد علي
اين الفنان احمد عوض
واين استاذنا الشفيع الجزولي
واين استاذنا مبارك الجزولي
واين ناس الدوحه ياصديق
ياخوانا المنتدي محتاج لهذه الاقلام نرجو من كل
الاخوان الذين يعرفون اي شي عن هولاء الاعضاء ان يخبرونا
ولكم كوم من الود
ولينا عوده
معز السماني
احمد عثمان حاج حمود
06-01-2009, 02:48 PM
الغياب دوما يكون قسرا
لان لااحد يتمنى البعاد عمن يحب
لكم جميعا ارق التحيات وأصدق الامنيات
اين انتم ياعطرتم هذا المنتدى
عودوا الينا في انتظاركم
احمد عثمان حاج حمود
06-01-2009, 05:30 PM
هلا ومرحبتين
بكل رواد واعضاء منتدى الجريف شرق
لكل غائب اعزار قوية لان ليس من المنطق ان يجد
احد كل هذا الاحترام من كل الاعضاء بدون فرز حتى انه يشعر احيانا
انه اصبح كالسمكة لا تستطيع الخروج من الماء لكن ظروف الدنيا
رغم انى اجزم بان عبدالله نابرى عضوء مهمش لكن ؟؟؟
مهما ابتعدنا بالجد انتو فى القلوب
دوما وابدا
مع خالص ودى واحترامى للجميع
احمد عثمان حاج حمود
06-01-2009, 05:48 PM
شوق واشتياق والقلب ينبض بالحب وبالاشتياق لشـــوق دمتم بخير
حبي وتقديري
الناس الحنان والناس الطيبة بمنتديات الجريف شرق
رغم بعدي برسل سلامي
ان شاء الله تكونو كلكم بخير وعافيه
في الحقيقة ابتعدتم عنا فترة طويلة
وماشاء الله كمية من الوجوه الجديدة المنتدى بقى عامر ..
لكل الاخوان والاخوات
عبدالله نابرى
محمد باعو
اسماء
احمد عوض
ولكل من لم تستحضرهم ذاكرتي أرسل لكم كمية من الشوق والإشتياق واتمنى ان تكونو بخير
وعودو مرة آخرة وواصلو المشاركة معنا نحن فى امسى الحوجة اليكم كلكم
يا القدامى ويا الجداد وان شاء الله ما تنقطعو منا مرة أخرى
تحياتي يا غاليين
صديق النعمة الطيب
06-02-2009, 08:16 AM
نداء المنتدى،،،
على حافة الطريق و بجانب سفارة السودان بدولة قطر، إلتقيت الأستاذ الشفيع الجزولي، و لم أبخل عليه من كلمات اللوم و العتباب حتى بدت عليه علامات التتعتع، و لكنه قال لي أنه بصد عمل إجتماعي ثقافي علمي مضني في مجال "اللغويات Linquistics" عن لغتهم، و هو الآن يقوم بتحضير ورقة عمل لتقديمها في سمنار بدولة أوروبية، يعني ما شي لناس الرطانة في بلدهم عشان يرطن ليهم، قصه عجيبة يا ربي الحا يغلب التاني منو بالرطانة،،
و لكن كل هذا العمل الذي نشكره عليه بوصفنا مشمولون بنجاحاته بحكم انتمائه إلينا، لم يشفع له فكان الشفيع يبحث عن شفيعاً له من العتاب،،،
عموماً و زي ما كلنا عارفين الشفيع من الناس المستحيل تمل من الكلام معاهو خصوصاً لما يكون وجهاً لوجه، و استمرينا في الكلام و نحن وقوف من بعد صلاة المغرب و لحدي صلاة العشاء، على أمل أن نلتقي قريباً،،
أجمل ما في المنتدى هو تفقد الأعضاء بعضهم بعض، و ربنا يديم المحبة،،
و ألف شكر أخي على هذا النداء، و نتمنى قبل أن يبح الصوت أن تأتي الأفواج تترى،،،
احمد عثمان حاج حمود
06-02-2009, 11:55 AM
والله العظيم مشتاقين لكل الأخوة الغائبين عن المنتدى شوق لايوصف
وأسأل الله أن يعود لنا كل الأخوة والأخوات الغائبين بدون فرز
احمد عثمان حاج حمود
06-04-2009, 09:52 AM
ازيكم يا شباب يا حلوين وان شاء الله دائما متلمين
احمد عثمان حاج حمود
06-06-2009, 10:07 AM
فقدناكم تمنينا في الاحلام رؤياكم
وحشتونا ولا ندري ان كنا وحشناكم
احمد عثمان حاج حمود
06-29-2009, 02:09 PM
رساله شوق للغائبين والموجودين
الطيب الامام الطيب الامام
12-26-2009, 05:13 PM
حبيت ارجع الى الوراء كثيرا بعد اذن اخونا احمد باداب المعزب واجدد البوست هدا كى يجد اثر فى نفوس كل من غاب عننا ومن هنا نامره بالعوده وكثيرين منهم الاخ البشوش حسن شمس الدين والغالى معتصم والبلبل نبيل وباقى الاخوان ندعوكم باطلالة العام الجديد ان تتوجوا سماء منتدانا
سمل ود الولياب
02-16-2011, 12:27 AM
اغنية عودة الغايب بالرطانة
http://www.youtube.com/user/himkabri#p/a/u/0/55ow0utAP84
A7MED
02-16-2011, 07:18 AM
وقد يكون الغياب نوع من زيادة الشوق للرجوع وكله
حيوية ونشاط
اى اى اى اى
الهندي بشير نابري
02-17-2011, 05:08 AM
اى اى اى اى
احمد
والله انت مستهبل استهبال شديد ههههههههههههه
احمد عثمان حاج حمود
03-12-2011, 04:08 PM
بعد الغياب بعد اليالى المرة فى حضن العذاب عاد الحبيب المنتظر