هل الجريف فقيرة

[الطيب الامام الطيب الامام]

اخوانى واحبتى واهلى ناس الجرف لحلوين اهل الجود والكرم اتزكر منذ صغرى وانا امشى اشاهد المباريات فى ميداين حلة سرحان والى الان الاجيال توالا ومافى اى جديد حتى القوائم لم تجدد البوهية التى فيها الى ان تاكلت من الصداء عندى سوال الى ك جرافى هل الجريف من المناطق الفقيرة لو كل واحد جاب طوبه مامكن نعمل دار كبير الى الرياضة بالجريف شرق اعرف كتير من المناطق وليس هم بمثل ثراء اهل الجريف قاموا بعمل مشاريع كبيرة بجهدهم الخاص زمان واحد فقط من الجريف بقوم بعمل مدرسة او مسجد او ماشابه ذالك ليه نحن من هذا المنتدى كل العضاء داخل وخارج السودان مانضع يدنا مع بعض ونبدا بعمل شى يخلد زكرى المنتدى هذا فى نوس كل الاجيال التى تاتى بعدنا اتمنا التحرك من الداخل والخارج لتكوين لجنة منظمة تعمل فى وضع البنية التحتية لمشروع يخلد زكرى تظل قائمه ابد الدهر وينتفع منها كل الجريف ياجماعة نحن ليس ببخلين وليس بفقراء معروف من الجريف اهل العطاء والوفاء لو رجعتوا الى الخلف قليل لما تما ضرب الاذاعة السودانية منوا اول المتبرعين بالطوب ومواد البناء وهى الى الان نزكرها نحن فقط هل فى واحد من برى الجريف يزكر عنها شى او حتى يعرف عنها شى ليش مانعمل متل هذا العطاء داخل منطقتنا كى ينتفع به الاجيال البعدنا ولاتنسوا عندنا عدد من الفرق تلعب فى الدرجات ولو يقواء اهتمام من اهلنا بالجريف بكون لهم شان ونسمع عنهم من الاندية الاولة بالسودان ياخونا خلوا الكلام واعملوا شوية صدقونى لو وجدنا اهمام من عدد بسيط العمل بيمشى الى الامام ولكم الراى

[ronaldo]

.....نحن من هذا المنتدى كل العضاء داخل وخارج السودان مانضع يدنا مع بعض ونبدا بعمل شى يخلد زكرى المنتدى هذا فى نوس كل الاجيال التى تاتى بعدنا .....

سبحان الله ! و كأن الحلم اصبح حقيقه و انت تكتب هذا الموضوع منذ 6 اشهر تغريبا... ليس خصيصا في مجال الرياضه الذي ذكرته و لكن في مفهوم الفكره و العمل الجماعي, و الخيري... و طبعا كلنا متذكرين مشروع السكر و كسوة العيد و النجاح الهائل الذي حققه المشروع و الفرحه الكبيره التي غمرت قلوبنا...... و ما كان ليتحقق هذا العمل الى بالعمل الجماعي و العزيمه و طبعا لله الحمد كله ...

كثير من يحمل افكار ذات اهميه و لكن يبقى الفرق في العمل و الايجابيه... و نحن كشعب سوداني كثيرا ما يكون الكسل هو عاملنا المشترك في كل اوجه الفشل ...

[الطيب الامام الطيب الامام]

سبحان الله ! و كأن الحلم اصبح حقيقه و انت تكتب هذا الموضوع منذ 6 اشهر تغريبا... ليس خصيصا في مجال الرياضه الذي ذكرته و لكن في مفهوم الفكره و العمل الجماعي, و الخيري... و طبعا كلنا متذكرين مشروع السكر و كسوة العيد و النجاح الهائل الذي حققه المشروع و الفرحه الكبيره التي غمرت قلوبنا...... و ما كان ليتحقق هذا العمل الى بالعمل الجماعي و العزيمه و طبعا لله الحمد كله ...

كثير من يحمل افكار ذات اهميه و لكن يبقى الفرق في العمل و الايجابيه... و نحن كشعب سوداني كثيرا ما يكون الكسل هو عاملنا المشترك في كل اوجه الفشل ...

اخى ronaldo للعمل الجماعى محاسن عديده فى تحسين وتطوير منطقتنا ونحن ليس بالشعب الكسول لو لحظت متى يصحوا من يعملون فى مجال الطوب والبناء وفى بعضهم يقوموا قبل الديك هل هذا كسل ولكن عيبنا مختلفين فى الراى والعكاس الكتير والحماقة وكل واحد عايز يجى فى المقدمه مثال تلقى شخص معين قام بفعل يفيد الكل وفى النهاية يجى واحد تانى ناطى عشان يكون فى الواجهة يخرب اى شى هذه مشكلتنا واهل الجريف والله الخير فيهم لو خطينا امثال من يحبون السلطة والتسلط وانت ضربت مثال بمشروع السكر والكسوة اذا المشروعين طرحت الفكرة الى العامة تاكد ماكانت نجحت والحمد لله قام بها العدد القليل ونجحت اكبر نجاح ازكر لك حدث واقعى حصل معى وعدد من الاصدقاء كنا نجلس نتعشى مع بعض ونتسامر يعنى باختصار شلة ونسة وطرحنا فكرة بان نعمل صيوان يخصنا ويخص اهلنا صيوان خيرى واقترحنا بان كل واحد عليه ماسورة نبدا اول بالحديد ونشوف القماش والله الجماعة من شافوا الحديد تعال شوف المهاترات والضحك يجى من يقول ماعندكم شغله ويجى التانى يقول معقول براكم تقدروا تعملوا اللهم وجدنا كلام فاضى كتير والحمد لله اكملنا الصيوان لكن بعد اكتمال الصيوان شوف الاقتراحات من يقول نعمله جمعية وتكون لجنة ومن يجى براى يطمم البطن ده مثل بسيط يعنى لو كل واحد عمل البقدر عليه والله الحكاية بتمش وزى ماقال عادل ودالمختار والله بالبركة بتم والاعمال كتيرة والجريف محتاجه الى الكتير لكن كيف نضع ايدينا فى ايدن بعض ونكون يد واحدة اللهم اصلح حالنا يارب:SugarwareZ-119::SugarwareZ-119:

[علي]

الطيب الامام..
لك التحيه وانت تبحث عن آليات لتطوير المنطقه أو دعمها من خلال اعمال ومساهمات مختلفه.
قبل ان نبدأ في البحث عن (مهانة) وخمول الجرافة.. اؤد ان اخبرك بان ميادين الكره التي تحدثت انت عنها اصبحت عبارة عن كيمان رملة (اااااي حجزوها) وياريت يدخل احد المتابعين ليخبرنا عما حدث فيها.. أما ميدان هب النسيم فلن ينجو من اللصوص الذين يتحدثون باسم المصلحة العامه!!.
اعود لموضوعك الاساسي" مهمة التوعية التبشير بهكذا مشاريع تقع علي عاتقك كما المنتدي.. أما انتكاسه الجرافة حول مايخص منطقتهم واضح، والسؤال كيف تحدث التوعية بقضايانا .. وماذا نفعل كمنبر لصوت الجريف حول قضايا واحتياجات الجريف

[ابوافراح]

اخوتى
حسب معرفتى بان الميادين الموجوده فى حى سرحان تم توزيعها كاراضى سكنيه
ونجد ان بعضهم قد قام بالبيع

[الطيب الامام الطيب الامام]

المشكلة يااخوانى مامشكلة ميادين حبيت اضرب لكم مثال بها وانما المشكلة الاساسية هى اهمالنا الى الجريف وعندكم المدارس والمساجد والشوارع وال اخر ---------------هذا كلوا مافى اى اهتمام به الا من ناس معينه تسعى الى الخير واليد الواحده مابتصفق ومشكلتنا نحن عدم توحيد الصف وكل واحد يقول يانفسى لو اصبحنا كده اكيد بنلقى انفسنا مثل باقى المناطق كل واحد فى يته ياجماعة نحن مشكلتنا فى من يقوم بامر المنطقة لو الشباب لقوا فرصة هل بعمل شى ليه مانغير شوية من اللجان التى تتحكم فينا بالطريقة الجهلية القديمة ولو لحظنا نحن من قمنا مافى عمل جماعى واحد يضم كل الجريف من اول الجريف الى كركوج عايزين من هناء نقدم الاقتراحات ونسعى لتقديم شى ينفع الاجيال التى تاتى بعدنا واهل الخير فى الجريف ليس بقليلين والبحبوا الجريف كمان اكتر ياجماعة والله نحن ماشين الى الاسواء لكن ماشاعرين بالشى الحاصل