حلتنا

[ابو تراجى]

ياجماعة والله لييت نفسى بقيت انسى شديد جدا
نصحنى دكتور بتمارين عشان تنشيط الذاكرة ولى مده كدة شغال تمارين ذاكره واستعت بعض اللياقة الذهنية ونصيحتى للجميع بهذه التمارين (مامشكله ) ياعصام لوعندك ركبه ولا انكل تعمل التمارين دى وماتقول بربى فى جيل صاعد
هى بتبدى بى محاولة تذكر اماكن بعض الاشياء بعد مدة من وضعها واستذكار اسماء بعض الشخوص وهكذا
عشان تاكيد نجاحى قررت افتح بوست واسميه حلتنا ويوميا امسك شارع فى الحله واذكر جميع سكانو هكذا اكون عملت توثيق لاهلنا الاحياء منهم والاموات واتمرن كما
البداية
[]كركوج جنوب ]
حدودها من شارع تنزانيا شمالاً حتى الجدول جنوباً
ومن الزلط شرقاً وحتى شارع الجريف بالنص غرباً
الشارع الاول :-
شارع تنزانيا
الشارع ده فيه من الاول بيت عمنا المرحوم محمد سعد الدين اولادو مرتضى ومعتصم (حلبى ) والمرحوم مجاهد
وكان ساكن معاهم اخوه يوسف سعد الدين موجود حالياً فى الرياض يعمل فى مكتب الخطوط الجويه السودانيه
وغربهم بيت اولاد المرضى ( على ومبارك ومحمد ويحيى ) غربهم بيت كانوا ساكين فيه اولاد على (السيد وعبده وعوض على ) غربهم (منزل احمد الطيار ) من الرباطاب متزوج بنت عمنا المرحوم الخليفه عيسى محمد حمزة
غربهم منزل محمد نور (محسى ) والد فهد غربه منز عثمان سعيد كان ساكن فيه المرحوم الحاج حمد من الباوقه
وغربه اولاد المرحوم محمد عثمان (عوص جاكسون والتوم) بعدو بيت عمنا عبدالحميد (عماد وياسر )
بيت ابراهيم الحبشى فاضى
بعدو بيت المرحوم يوسف عبد المجيد (عبد الوهاب)بعدو منزل عبدالرحيم عثمان (عماد وشهاب عبدالرحيم ) ثم منزل عبدالحى ابراهيم مختار (عادل وعماد )وهم حالياً يسكن ام القرى ثم منزل المرحوم عبدالرحيم عباس خال اولادفضيل ثم عبدالنبى مرحوم (نزار وحسن فسفس )
نتوقف هنا اليوم
ابوتراجى

[ابو تراجى]

غرب بيت عبدالنبى فى بيت كمال عباس (ابوالليل )ثم بيت قسم الله(جعفر والحاج والمرحوم ممدوح )
ثم بيت المرحوم عمنا عبدالفضيل (عوض وعبده وصابر )ويقطن معهم حجازى السر (نسيبهم)ثم فضل الله(عبد السخى والبن)ثم منزل قرشى واخوانه
ثم المحطه الهامه (البيت السعيد)منزل عمنا ابراهيم التوم بله(حسبو ومصطفى سيما وعاطف ود الحاج ويوسف
وغربهم بيت الجد البشير ثم بيت (ال جادالله )ثم بيت الصاوى
واظن من هنا داير شوية مساعده من الشباب
ابوتراجى

[ابو تراجى]

يمين منزل مرتضى (استيف )واخوانه سمعت انهم باعو البيت ده واشتراه غزالى الزين صغيرون
يسار منزل (المرحوم عبد الماجد التوم بله)اولادو سرى ونهرو وحسبو كما يسكن معاهم نسيبهم (سيف الدين نمر )
منزل مهجول تسكنه الجنوبيه الفايقه الزوق والجمال
(لوشيا)لها التحية ثم يساره منزل ابراهيم فلال(نسيب الخير ميرغنى وكما سمعت انو باع البيت والمشترى (كمال النور فضل )من الدناقله الجداد على الجريف ثم منزل محمد عبدالحى (تريكو وعنتر وسليم )يسار منزل غير مهول بالسكان (فاضى)
منزل(الجيلى حاج الهادى )موجرلحبشيه (شمسيه)عندها ولد اسمو ابراهيم
منزل المرحوم عبده محمد احمد(عوض عبده)مقيم فى قطر من فترة طويله يسار منزل الفاضل حاج يسن (عم منير السمانى)يمين منزل عبداللطيف عبدالماجد (ماجدتود) والد (اسماعيل بنك ونورالدين وعامر (والمرحوم ماهر )يمين دكان عباس كشب
ثم منزل صلاح عبد اللطيف (دنقلاوى جديد )يسار
اولاد المرحوم خضر الطاهر (الطاهر وسر الختم ويحيى ثم عوض العربى (مع انو دنقلاوى )ثم منزل عوض السيد محمد صالح (ياسر وبيلى )
الليله نقيف هنا
ابوتراجى

[ابو تراجى]

اها وقفنا عند منزل عوض السيد نواصل
بعدو من الغرب منزل الوزير السابق عبدالرحمن عباس مالك وامامه منزل المادح (عبد الرازق )والد سمير ابو الهول ومحمد ود المصريه امامهم غرباً قطعة فاضيه يساراً العقيد سيد فضل كنه
وبيت فاضى ثم منزل محمد الطاهر ثم عثمان سعيد عثمان (د .عبدالرحيم وسعيد وطارق ) نرجع فى الشارع الجانبى يمين منزلصباح الخير عبد السخى
يمين منزل الطيب فضل (الشاذلى اكرم واشرف ) شرقه اولاد التوم الهدى (كمال والرائد محمد والهدى / (الاستاذة الشهيدة راشدة التوم والوالدة سلامه بالباخرة 10 رمضان) بعدهم اولاد خضر الطاهر ذكروا سابقاً ثم منزل الدكتور عيساوى حمدون
ثم منزل الجزولى محمد صالح ثم الاستاذمحمد(لم اتذكر الاسم
ثم منزل المرحوم ابراهيم مختار ( جلال ومصطفى ) ثم منزل فضل يقابله منزل المناضل الجزولى سعيد (الشفيع /مبارك /السر/عوض /خالد )
نتوقف هنا
ابوتراجى

[ابو تراجى]

منزل المناضل الجزولى سعيد (الشفيع /مبارك /السر/عوض /خالد ) وبعدو قطعة ارض فاضيه يمينه منزل المرحوم ساتى ثم عبدالرحمن حسب الله يساره منزل كمال النور يمين منزل عبدالعظيم (نسيب )حسين سليمان ابوصالح ثم يسارمنزل عبدالله عمر امامه منزل محمد هاشم ثم منزل المرحوم عبد اللطيف عبدالله (النقابى) والمرشح عن الدائرة 34 الجريف فى اخر انتخابات ديمقراطيه يقابله قطقة ارض (ارث اولاد القاضى من نواحى الشايقية ) بعده منزل الرجل الذى له فضل انتمانا الى الجريف (خالى العظيم عبدالله سعيد عثمان )يقابله منزل شيخ الدين عبدالله (مبارك وعبد الناصر ) بعده منزل اولاد المرحوم احمد ابوجماعة (سامى وسمير )يقابله منزل حمدان (والد الدكتور عيساوى )خلفه منزل سيف الدين فضل كنه بعده منزل خالى عبدالكريم سعيد يقابله منزل تحت التشيد (اولاد شيخ ادريس عبدالرحمن-وجعه) نعده منزل اولاد المرحوم محمد احمد عوض السيد (حميد) جواره نسيبهم الامين دفع الله (القاضى ) يقابله منزل المرحوم عبدالعال عفيفى (عاطف وعماد وعزام ) يقابله منزل يوسف على حاج الزبير يقابلة منزل عمسيب وبعده الزين كمال الدين بعدة عوض عبدالله عابد بعدة ياسر من اولاد الجزيرة وبعده منزل حسن عيسى محمد حمزة قطعة ثم منزل المرحوم فضل سيد كنه ثم منزل مصطفى عبدالقادر (سلم وعمر )يقابلهم منزل لااعرف صاحبه منزل د .عبدالرحمن (من القدار) منزل حسين ابراهيم
يقابله منزل (الكندو) ثم الجيلى كمال الدين يقابله منزل احمد ابراهيم

[ابو تراجى]

ياجماعة فى شارع راح منى و السبب انو ذكرناالبيوت من الاما خلفهم فى هذا الشارع وفيه اهم ناس
اولاد المرحوم عمنا مصطف ابوريدة (عبدالنبى واستاذ التاج ونسيبهم (ارتن كوبد ) باب الله دى بالنوبيه
لكم ولهم الود والتجلا (ومن علمنى حرفاً صرت له عبداً التقدير لاستاذى التاج ابو ريدة
ابوتراجى

[ابو تراجى]

منزل احمد ابراهيم ثم قطعة ارض فاضيه تخص (ابوصالح ونسيب اولاد عوض السيد ) يقابله منزل سيد حجازى يقابله منزل المرحوم محمداحمد عوض السيد (حميد) والد سامى وسفيان واخوانهم
يقابله منزل محمد ابوالقاسم عبد الرحمن
ومن الجهه الجنوبيه
منزا ازهرى جاه الرسول ثم منزل اولاد سابل (العمدة واخوانه )ثم منزل الشفيع الجزولى ثم منزل الامين نسيب الامين شعيب ثم منزل طه محمد مصطفى
ثم منزل عمر البشير (تم بيعه لشخص غير معروف لدينا )تقابله منزل اولاد شيخ ادريس (وجعه ) ثم منزلنا اولاد يسن حسين (عبدالرحمن وحسين واباهيم وماهر ) يقابلنا منزل السمانى حاج يسن (سامى وكمال ومنير وماهر معز ) ثم منزل فضل عبدالقادر (خالد وناصر واخوانه )
ثم منزل اخر لفضل عبدالقادر ثم منزل حاج احمد المهدى (نسيب المرحوم د. محجوب كمال الدين ثم منزل الخليفة عيسى محمد حمزة (الجيلى وحسن واحمد ومحمدعثمان ) يقابله منزل اولاد (احمد الحاج بابكر (عمر وبكرى ويوسف ) ثم منزل عبدالله محمداحمد عابد (عبدالخالق وبكرى وجمال ) يقابله منزل المرحوم محمد احمد محمود (مكى )ثم منزل اخوه محمود ( مجدى ومعتز ) يقابله منزل موسى البشير ( جد موسى والطيب احمد )يقابله منزل الذين كمال الدين
ولنا عودة
ابوتراجى

[ابو تراجى]

يقابله منزل الذين كمال الدين ثم منزل مبارك حسن عبدالرحمن يقابله منزل السر (نسيب حجازى السر )منزل خليل عبالقادر (ود التكنى )بعد منزل التوم نسين فايز حليبى (محمد ومجاهد ) ثم اولاد طبيق يقابلهم منزل اولاد مساعد (عبدالمنعم واخوانه)ثم منزل عمنا المرحوم الشاعر عبدالقيوم ابراهيم مالك (الطاهر /اسامه /امير )ثم بيت ناس صباحى (وداخت اولاد كمال الدين )
نعود وبداء من الزلط تانى
منزل معتصم سابل (عديل البشبر ) يقابلو بيت فاضى ثم المهندس فاروق الفاضل ثم فاضى يقابله المهندس محمد فرغلى (انلم تخوننى الذاكرة )ثم منزل عبدالرحمن عبدالرحيم (هبا )ماجر الى المهندس محمود واخوانه من اولاد الباوقه ثم منزل مولانا محمداحمد الفادنى (ناس عبدالله اصفر )يقابله خالد نسيب البشير ثم اولاد المرحوم مبارك عبدالباقى (عبده وصبرى ونصر الله)يقلبله مسجد قباء ثم محمد احمد الحاج بابكر يقابله العاقب البحر (محمد الخروف )(معزره فقط هذا للتعريف نامل العزر )
ثم منزل المرحوم عطا النان صالح (احمد وصالح واخوانه )نسيب البشير يقابله منزل عمنا المرحوم احمد الحاج بابكر (عثما وعلى يل الصغار الموجودين فى البيت هسه الكبار اى واحد بى بيتو عمر ومحمد وبكرى ويوسف فلهم التحية ثم منزل المرحوم عبدالقادر ود الويم (حمدنالله)يقابله منزل الاستاذ الجليل محمد البشيرثم منزل عباس ابكر (عماد واخوانه)يقابله منزل د رار(عادل ) اظن الليله كفايه هنا وغداً نواصل
تحياتى
ابوتراجى

[ابو تراجى]

منزل د رار(عادل ) بعد الشارع يمين المنزل الثانى لعثمان جاه الرسول يقابله منزل د. جلال من اهالى القدار ثم قطعه فاضيه يقابلها منزل عبدالفتاح حاج ادريس (من عندنا ) يقابله منزل لاولاد (شيخ ادريس وجعه)يقابله منزل اولاد عبدالرحيم الخضر نرجع من بدايه الشارع منزل عبدالغفار شيخ ادريس (بشرى وايمن كشكش )يقابله منزل عوض جاه الرسول يسار منزل عبدالحميد شبش بعده منزل عوض عبدالله من اهل الجزيره ثم منزل عبدالرحمن محمد (ماجرلاولاد عثمان محمداحمد(محمد واحمد )ثم منزل عبدالباقى الزين الحلاوى (ابراهيم والهادى (دكان الهادى) ثم منزل محمد عثمان عيسى ثم منزل (معزوناتاشا مصطفى )نسيب يوسف على الزبير ثم منزل لانعرف قاطنيه ثم منزل (الطيب ابراهيم(فرن )ثم منزل عمر محمد نور(حلقوم )يقابله قطعة عثمان حاج الطيب ثم منزا عبدالرحيم شاطر (عماد)ثم منزل عبدالله عوض عثمان ثم منزل عبدالكريم على (على ودالباشا او وضاحه)قطعة ارض تخص احد ابناء الخليفه عيسى محمد حمزة ثم منزل حسن وحسين وداعة(خيلان اولاد عبدالقيوم (اسامه والطاهر وامير )ثم بيت جديد ثم قطعه فاضيه ثم منزل بشرى الجعلى(نسيب موسى الكاهن)ثم منزل عبدالله بتاع الابارهذا لعدم تذكر الاسم ثم قطقه فاضيه ثم منزل حسن الخضر ثم اولاد محمد حسين (الوزير)كمايطلق عليه
يمين منزل ناس عبد السلام (فرطوق)
من الخلف لهذا الشارع اولاد عبدالساوى عبد التام (مى الدين واخوانه )ثم عطا المنان جيب الله (كباتا)ثم منزل ادم (فاروق )ثم منزلمكاوى (اخوعصام ود الحاجه خالتى )ثم منزل خليفه عوض السيد (محمد سوسيوه)نسيب اولاد عفيفى مغترب من زمن طويل فى قطر (هذا لزوم التعريف) ثم منزل احد ال جاد الله (هاشم اظن )ثم المنزل الاخر لعثمان جاه الرسول (طارق وماهر قطريه )ثم تاج السر عثمان (جدو)
من الخلف منزل عمر حسن (نسيب اولاد جاه الرسول )يقابله محمد اسحاق (ننى) ثم اولاد زيدان ثم اولاد يسن (الفاضل واحمد) اعمام منير السمانى
يكفى هذا اليوم

[الهندي بشير نابري]

استمر أيها الفخيم .. أبو تراجي نحن بالجوار وكلماتك تداعب الذاكرة

[جمال حماد]

الشكر الجزيل يا أبو تراجي
ملحوظة بسيطة ( منزل خالنا عبد الرحيم شاطر أولاده سيف الدين ومحمد وبعدهم مباشرة منزل محمد أحمد صالح أبو بكري نسيب محمد يس وبعدهم منزل أخت مدثر عوض الكريم ومحمد وعمر ( هويدا ) وزوجها ياسر
وهو تقريباً سكرتير ثاني في الصين )
ومتين بتجو شارع بيتنا
خالص الشكر والتقدير لك أخي أبو تراجي

[ابو تراجى]

ومتين بتجو شارع بيتنا
خالص الشكر والتقدير لك أخي أبو تراجي
يا اخوى مابنمشى لناس ما بجونا
انت اكتب شارع بيتكم براك حتلقنا معاك

ابوتراجى

[بدر عبد الماجد بله]

ومتين بتجو شارع بيتنا
خالص الشكر والتقدير لك أخي أبو تراجي
يا اخوى مابنمشى لناس ما بجونا
انت اكتب شارع بيتكم براك حتلقنا معاك

ابوتراجى
الغالى أبوتراجى إنت عارف غلاوتك عندى زى غلاوة سكران الجنة وعبيد ختم

وحقيقة فكرة حلتنا فى قمة الروعة والجمال الذى يجعلك عند الوصف تحس كأنك
مارى بهذه الشوارع والبيوت ، ولكن للاسف الشديد كلما أحاول أدخل وأشارك معاك
أجد نفسى ما سح وحماك الله ،البقت على ما تبقى عليك أصلو صاحبك الغربة عملت
فيه عماااااااااايل وبصراحة كده انا قلت الرووووووب و غلبتنى عديييييييييييييييل كده ، وسامحنى يا
الاصلك طيب ومسامح ( يا ابوتمارا )

[الهندي بشير نابري]

ليس أبو تراجي من يغيب عنا هذا الكم
بل ليس أبو تراجي من يتنفس الصعداء
بعيداً عنا

[صديق النعمة الطيب]

تحياتي أبو تراجي،،،
الفكرة قمة في الروعة، فيها تاريخ و فيها جغرافيا و فيها سياحة، جد لما الواحد يقرأ البوست بحس انو ماشي في الشوارع و سامع كلام الناس،،،،
لك ألف تحية،،،

[ابو تراجى]

الرائعين كما الجريف صديق النعمة وبدر عبدالماجد والشريف الهندى
مشكورين على المرور على حلتنا بس الثناء براه ما كفاية داير مشاركات
يعنى اى واحد يكتب شارع بيته بس بنكون عملنا عمل كبير جداً
اكرر شكرى ليكم
ابوتراجى وتمارا

[ايمن السر بابكر]

الاخ ابو تراجى
تستحق ابداء الاعجاب
موضوع اكثر من رائع
كنت كل يوم بنتظر تمش شارع
شان اشوف بتسوى شنو فى زقاقتنا العجيبه والحبيبه

[ابو تراجى]

شان اشوف بتسوى شنو فى زقاقتنا العجيبه والحبيبه
ما حاعمل اى شى بس حامشى بالجني البريحنى
داير منك مشاركة يا ايمن ابدء من شارع بيتكم عشان
نتذكر الحلة و اهلها
وتحية لخالك يوسف السمانى والسيد كمان

[ابو تراجى]

الجماعة ناس توزيع السكر ديل كان قالوا بسم الله
ودخلوا من هنا كنا كتبنا الجريف كلها
لكن نقول شنو
اصلو الجماعه ناس ود سنقد
شغالين معانا بى نظرية البريدو
ما البريدى يا عصام

[وليد عثمان علي سنقد]

لوك الصبر يا أستاذنا ..
أنا داير أجيك من وراء .. حيث الأزقة الدافئة ..

بس روق ما تشيل حالنا ..

ودم لنا كما أنت ...

[ابو تراجى]

فوق للفائدة والمشارركة

[ابو تراجى]

للاطلاع والمشاركة

[ابو تراجى]

الوك التمر ام الصبر
لوكنا يا ود سنقد لمن
بقى الصبر زى اللبان
والله طلعتو ...........!!!!
انتو ماداير تكتبو ليه ؟؟

[allarinja]

شيخ الدناقله الله يرحم جدي عووضه عليك الله ياشيخنا لو عارف مكانو
يعني أولادو عشان شيخ عووضه جدي بي أمي وعشان المشرف ده مامضمون الواحد أخير يحجز في جبهة الأعمال والدجل
غايتو زمن المهم
عشان اللارنجا ماواضحه الواحد يفتح باب أحمد حاج الأمين
لكن يمش غرب يلقي بيت حسين حاج سعد واولاده علي وخالد وفتح وبكور
ويلقي بيت ناس خواجه ولدو الشريف متزوج في كركوج...وعشان الواطه سخنت يفط كم بيت
يلقي بيت خالد سعيد وولدو الأمين وبرضو السخانه عشان كدي الواحد يجري يحدي بيت أحمد عبد القادر بتي
أولادو ياسر والفاضل وبدر وناجي........هي لا ده ماشارعنا أنا مشيت لاوري يمكن عشان أصل البيت المبروك ده
طبعا ياسر وعادل في تبوك..
الزول يرجع تاني يحدي مايصل بيت أحمد حاج الأمين وأولادو تاج الدين والأمين (اللارنجا) والصديق اسم
الدلع بكري وعثمان وعلي .
ويا شيخنا مابقدر الف أمش طوالي ألقي بيت فضل الله جابر وأولاده هاشم وهشام في مكه وهيثم ومحمد
تلقي بيت عمنا خالد سعد وأولادو نصر الدين والمرحوم سيف وأنور غايتو الدنيا ولعت الزول برضوينكرب شويه يلقي بيت
المرحوم أحمد بشاره وأولادو مجاهد وناجي ويوسف ومحمد (ميمو) وطبعا محمد عضو معانا في المنتدي..
الواحد فتر يقعد في ورشة محمد الأمين مصطفي الكركاجي ..
وعشان الزمن وأنا مستعجل وخلاص وصلت زلط النص أقيف جنب الأمية حقت الكهرباء(محطة 8)...والواحد يتلفت يمين مره واحده يلقي جامع حاج عبدالله نابري وسلاااااااااااااااام علي وزن مدد ناس نابري وقبل مايردو يجيك ود الامام ناطي طبعا عشان وجهة الشبهة بينو وبين الأميه الاتنين بولعن ويضون......وبرضو بيضربن فيوز ...وحليل القلعة عشان كدي الواحد يقول..
طبعا شارع بيتنا كلو شمال عشان يدي اليمين بتسالم بس ..وعشااان الغربه وعمايلها فينا.

[ابوالاء]

اخونا الغالي ابو تراجي والله بالجد عمل جميل جداً لكن مالك شكلك كده نفسك إنقطع إنت لسه شباب و أوعى تضحك فيك عصام عشان كدة ماتجري خليك جاكي أو امشي براحة عشان ماتتعب وأوعى تركب ليك عربية عشان ماتقوم تفط ليك بيت وناسه يزعلو منك ويتحولوا للطرف الثاني ويبقوا معاه ،،،
على العموم لك منا ألف تحية وإنشاءالله حنساعدك لكن ما هسع لمن تتعب عشان نحن عارفنك عارف أكثر مننا لكن طولت شوية من البلد

[ابو تراجى]

قررت اعمل جائزة لاحسن المشاركات
فى هذا البوست
وكت الزوق ما جابكم نشوف اساليب
تانية
واصحاب الجوائز من الاول الى الخامس
مع الجائزه (المالية ) عندهم حاجه سمحه
سوف يعلن عنها فى وقتها
منتظر المشاركات

[بابكر العشاي]

الحبيب ابو تراجى بشيد بهذا البوست الشامخ الذى اتحفنا كثيرا وهو فى قمة الروعة وقمت بتنشيط ذاكرة الجميع وعملت توثيق لكل الاجيال للترابط والتراحم والمعرفة فهذا عمل كبير ربنا يجعله فى ميزان حسناتك..ومزيد من الابداع...

[ابو تراجى]

شكرا يا بابكر اخوى
لكن داير مشاركات اكتب
لينا نا حلتكم من القهوة الى القلعة
غرب الشارع وشرقوا
عشان نتقاسم الحسنات
برانا انا وانت

[ابو تراجى]

انتو وليد سنقد ده
قال لوكوا الصبر
هى هو وين لا معانا فى الكتابة
ولا فى لوك الصبر
حكمة والله وحكاية

[ابو تراجى]

يعنى انعدمو الناس خلاص !!!!!!!!
خلاص وقفتوا قبل ما تبدو!!!!!!!
(منعول ابوك بلد)مستعارة من اسم ديوان
الشاعر سيداحمد الحردلو
لو الناس ما عارفة جيرانهم
بعرفوا شنو؟؟؟؟
سبحانك يا دايم

[ابو تراجى]

فوق للفائدة والمشاركة

[الهندي بشير نابري]

الغالي أبو تراجي...
أتيت قريباً من هنا كنت ابحث في أزقة حلتنا فوجدتك حُضور دائماً
أرجوك واصل حديثك عن أزقة حلتنا ...

[ابو تراجى]

شكراً لهذا الحضور
ايها الفخيم الهندى
بس المرة الجاية جيب معاك فحمة صغيرة
واكتب فى الباب بتاع الحديد المصدى من طول
القفله (حضرنا ووجدناكم لا تعرفوا جيرانكم )

[ابو تراجى]

البوست ده استفادوا منو ناس
!!!!!
بس ما افادو البوست بى اى شى
هسة الواحد كان مات البوست ده يروح ؟؟؟
الله يسامحكم

[ابو تراجى]

قابل للاطلاع والاقتباس
وليس المشاركة

[الهندي بشير نابري]

هههههههههههههههههههههه
والله يا ابو تراجي صدقت بالجد
البوست دا بيحمل معاني كتيره شديد
ومفروض يكون فرض علينا كل يوم نزوره

[عصام عبدالصادق]

البوست ده استفادوا منو ناس
!!!!!
بس ما افادو البوست بى اى شى
هسة الواحد كان مات البوست ده يروح ؟؟؟
الله يسامحكم

أخوي أبو تراجي ليك وحشة
وما تشيل هم إنت كدى موت وخلي الباقي علي ...
وسوف يتم نصب أول صيوان من النافورة وبعيداً من بامبو مروراً بمجمع مدارس أبو حوا
وسوف ينصب صيوان كبير في أول هب النسيم وأولاد باعو ما حا يقصروا
والصيوان الآخر يبدأ من حوش الضو (محطة 9) وحدو محطة 8 العشاي
وهنا يحصل الخلاف ويرفع العزاء للأسباب التالية:
المرحوم جرافي أم دنقلاوي... طبعاً الأكثرية سوف تؤكد بأحقية جرافيتك ...
وفريق آخر سوف تكون حجته ..... ونواصل ...............
بالنسبة للبوست لن يضيع لأنه سوف يصبح من تركات المنتدى ..

[ابو تراجى]

اهلا بالحبيب عصام ود عمى عبدالصادق
والله شرفت البوست

لكن بينى وبينك
اناجرافى !!!!!
طيب الكلبه بتاعت ناس عمك حسين
اخبارها شنو ؟؟؟؟؟
وتعيش انت ويدوم خيرك

[خالد ودالعمدة]

انا دخول ليكم من الصنية بتاعة الكبرى جوار المدرسة وطوالى الى عند السوق وبعد ها ميادن كركوج ومنها طوالى الى المقابر حتى شارع ام دوم ومنها نتجهة الى الكبرى يعنى شمالك المحطة الاخيرة بالزلط ويمنك إمتداد الجريف وبتذكر انو الارض دى انا وابوى مشنا فيها لحد مافترنا وعملنا اربع اكوام كبيرة عشان نحجز لينا قطعه فيها قبل التخطيط ، وطوالى بشارع الجريف زلط نمور بالمخبز الآالى حتى نحصل الصنية ٠

[مضوي محمود]

أخونا أبوتراجي .. سلام .. بعد الزمن ده كله أنا برضو عاوز أنعش الذاكرة زيك كده .
ماقصرت والله .. إنت مسكت كركوج جنوب وركزت علي حي الدناقلة .. وبديت من شارع الردمية الذي يفصل بين كركوج شمال عن كركوج جنوب .. أنا بمسك ليك كركرج شمال بداية من شارع أم دوم ونازل للغرب بشارع الردمية .. أول بيت فاتح علي شارع أم دوم هو بيت الصادق حجازي .. من أتباع الشيخ الطيب ود السايح .. وهو طبعاً أصلو من الجزيرة .. وبعدو غرباً تلقي بيت عبد الرازق حاج جادالله وهو من الناس المشهورين بالمرح وخفة الظل وقد كان مغترب لفترة طويلة بدولة قطر ..وغربه قطعة أرض فاضية تخص أولاد المرحوم السر أحمد حامد .. وغربه بيت الطيب محمد حامد زوج بنت عمر موسي الشيخ العوض وأولاده محمد و .. والطيب هذا كان مونولوجست مشهور قبل زمن طويل وكان يؤدي وصلة مونولوج ونكات بين الفقرات الغنائية في حفلات الزواج في الحلة .. وظهر مرة في برنامج دنيا دبنقة في التلفزيون زمان الكان بقدمه محمد سليمان .. وغربه مباشرة بيت أخوه المرحوم السيد محمد حامد الذي توفي في السنة الماضية .. وغربه يقع منزل الكامل أحمد حامد وهو رجل تقي وزعيم يؤم الجماعة لصلاة المغرب في الشارع في شهر رمضان .. وغربه يقع منزل العبد لله مضوي محمود وأولاده معاوية وياسر ومحمود وخليفة ..ومعانا نسيبنا سامي ولد المرحوم مصطفي مختار سليمان.. وبتذكر قبل أكثر من أربعين سنة كنا بنجي لصديقنا آنذاك إبراهيم سعيد (دنقلاوي) وكان يملك نفس البيت في الوقت داك .. ومعنا من الأصدقاء رمضان سعيد (خال الأخوان أبو تراجي وتسالية) وهو الآن في خميس مشيط محرر في جريدة الوطن طبعاً هو كان أول واحد من الجريف شرق تخرج من كلية الفنون الجميلة عام 1976 ..ومعانا اللواء معاش(الآن) سيد فضل كنّة برضو قريب الحماعة ديل .. وكان معانا شلة مميزة جداً الأخ جاه الله محمد المهدي (جامعة أم درمان الإسلامية عام 1975) والدكتور مصطفي الطيب ( جامعة الخرطوم 1976) والمرحوم الدكتور محجوب كمال الدين وآخرين... ما بتذكر الأخوان أبو تراجي وتسالية في الوقت داك كانوا وين.. غالباً إكونوا لسه مافي .. لكن حقيقة تقال لوجه الله إنو حيّ الدناقلة كان مركز تنوير في الحلة ..كنا نلتقي في منزل المرحوم الجزولي سعيد يومياً تقريباً وهو والد الأخ الشفيع ومبارك وآخرين ..وهناك وجدنا أمهات الكتب في العلوم السياسية والإقتصادية والتاريخ .. وً عبد الله سعيد وشريكه في الوقت داك عبد الله محمد أحمد كانوا أول ناس أدخلوا صناعة الكراسي والسراير الحديدية في الجريف .. قبلهم كان ما في غير العناقريب والبروش في أي بيت في الحلة ..وبعد ما فتحوا ورشتهم الموجودة لحد الآن ترك الناس العناقريب وغيروها بسراير الحديد وإنتشرت كراسي الحديد المنسوجة بالبلاستيك في كل مكان.. علي العموم مرت مياه كثيرة تحت الجسركما يقولون بعد ذلك .. ولكنها كانت مياه حقيقية وليست مجازية في عام 1988 جاء السيل المشهور .. وتهدم من ضمن البيوت بيت أخونا أبراهيم سعيد .. الذي ترك الجريف وباعه لأخونا جادالله محمد جادالله (المغترب بأمريكا) .. ومنه إنتقلت ملكيته لي .
المهم .. نرجع للموضوع .. غرب بيتنا يمر شارع شمال جنوب .. وبعده مباشرة يقع بيت عبد الغفار ( أستاذ جامعي) وهو والد أبراهيم .. وبعده بيت الدكتور مصطفي (طبيب عيون) وزوجته أيضاً (طبيبة عيون) .. وبعده بيت المرحوم عبد الوهاب عباس وهو كان صحفي معروف في جريدة الأيام كما أعتقد .. ووالد المرحوم عادل (كان مغترب في السعودية) وعاطف وعامر ..
بعد داك يوجد شارع شمال جنوب .. غربه مباشرة البيت الناصيه فيه دكان فوراوي هو بيت الأخ النيل قسم حاج البدوي نسيب إبن أخي أبو ذر عثمان محمود ..وبعده منزل المرحوم عبد الرحيم جاه الرسول وإبنه خالد .. وبعده يأتي منزل مستورة حاج الزبير وأولادها نميري وآخرين ..وبعده منزل قسم محمود حجار وهو كان مغترب في السعودية لفترة طويلة .. وبعد داك منزل عبد الغني مرحوم وأولاده المهذبين فضل الله وعبد الكريم وعبد العظيم .. والبيت الناصية فيه دكان فوراوي برضو هو بيت الأخوان عبد اللطيف وعماد وعثمان أولاد عمك جبريل .
البيت الناصية بعد الشارع شمال جنوب هو بيت المرحوم ميرغني الخير .. كان رجل إجتماعي جداً ورئيس لنادي السهم وموظف كبير وين ما عارف .. وأظنه كان أول أو تاني واحد في الجريف كركوج يجيب جهاز تلفزيون في بيته .. عشان كدة كل يوم إتنين بالليل تلقى الناس متجمعين في بيته عشان يحضروا سهرة تحت الأضواء اللي كان بقدما الأستاذ حمدي بولاد .. وأيضاً يوم الخميس في سهرة دنيا دبنقا لمحمد سليمان ..وولده الوحيد هو المرحوم الخير وهو كان مغترب في السعودية لفترة طويلة.. ونحن في الوكت داك صغار شوية كنا نحضر السهرة في منزل إبن عمنا أحمد حاج الخضر وكان ثمن حضور السهرة هو قرش علماً بأن التلفزيون كان أبيض وأسود ولم تدخل تقنية التلوين في السودان في الوقت داك .
بعده بيت عبد العاطي مرحوم وهو من أوائل السواقين في الجريف .. وبعد داك إمتلك لوري خاص به .. وأولاده عبد العزيز مغترب في ليبيا والحنّان .. وبعده منزل المرحوم الجاك مرجان .. وهو جنوبي من قبيلة الدينكا فاره الطول .. كان عنده محل غسيل ومكوة .. إندمج في الحلة وتزوج مرة إسمها الساس بعد ما أسلم .. وتوفي منذ زمن بعيد ولم ينجب .
وبعده من ناحية الغرب المرحوم صغيرون حامد آل دليلة وزوجته المرحومة الرقاقة يوسف الحاج خالد .. لم ينجبا أي أولاد .. عنده أربعة بنات تسكن في منزله حالياً واحدة منهن هي زوجة عبد الرحمن (الصومالي) .. وهي لم تنجب أيضاً ونسأل الله أن يرزقها بالذرية الصالحة.
وبعده بيت الأخ خالد حاج الطيب .. وهو غني عن التعريف لأنه كان هنا في السعودية حتي وقت قريب .. وهو عم كل من عصام عبد الصادق والحاج وجد أبو آلاء ورونالدو وسودانية وآخرين . وبعده بيت الأمين حاج مصطفي .. وهو من أوائل المحاسبين من الجريف في وزارة المالية ونزل المعاش زماااان .. وأولاده أسامة وآخرين .. وهو برضو إبن عم المذكورين أعلاه ..
بعد الشارع الذي يمر شمالاً جنوباً البيت الناصية هو بيت أحد ظرفاء الحلة أبراهيم أحمد حمد .. وهو يعمل في تجارة الدواجن من ما كان طفل .. وله ذكريات ومواقف طريفة وظريفة من أيام (الجاهلية الأولي) كان يتحفنا بها دائماً .. وبعده بيت هارون حسن التركاوي والد الأخ يوسف بالرياض ونسيب الأخ عوض في جدة والأخ خلف الله اللي كان في جدة أيضاً والآن رجع نهائي .. وبعده منزل يخص أحمد الطيب وهو مؤجر من زمن طويل .
البيت البعده هو لإبن خالي قاسم محمد المهدي .. وهو موظف قديم في حكومة السودان .. نزل المعاش بعد 45 سنة خدمة في الحكومة .. ودا كان قبل أكتر من عشرة سنين وبرضو ما شاء الله ما زال يعمل في القطاع الخاص .. ناشط في نادي كركوج وإجتماعي من الطراز الأول .. وأولاده خالد والأمين الإتنين في منطقة جيزان .. ومحمد وطارق وناصر وآخرين في الجريف .
بعد الشارع العرضي شمال جنوب .. يوجد الدكان الناصية في بيت برعي البشير .. وهو من أهالي الريحانه في الجزيرة .. سكن مع عائلته منذ فترة طويلة وكان يعمل في الخطوط الجوية الألمانية علي ما أعتقد وأسه بعد المعاش قاعد في الدكان .. وهو من ظرفاء الجريف أيضاً وبليغ وله نوادر وطرائف تُروى.. أولاده محمد وغاندي وأسامة وآخرين . وبعده بيت الزين السيد حاج الطيب وأولاده السيد والعبيد وآخرين .. وبعده بيت المرحوم أحمد حمد الإمام وهو جعلي من جهة شندي كان يعمل في بوليس الحركة وتزوج من الجريف بنت عمنا حسن .. ويسكن أولاده في هذا البيت بعد وفاته .
وصلناكم من شارع أم دوم لحد شارع النص . في واحد تاني إقدر إقول برضو نحن ما بنعرف الناس ؟
طيب في واحد يقدر يرجعنا تاني بنفس الشارع بالسايد التاني محل ما جينا ؟

[ابو تراجى]

كم هى عظيمه كعظمة امى هذه المدعوه الجريف شرق
لانها انجبتكم ايها الاحباب وعظيمة وستظل هكذا لوجود
امثال هذا المضوى نوراً فى حياتنا
اذكر انى دخلت هذا الشارع من قبل ولكن لم يكن بهذا
السرد الممعن فى التفاصيل
انعشنى هذا التاريخ والتفاصيل واضاف لى ماغاب مع الغربة
ولكنى لا احتاج الذهاب مرة اخرى لطبيبى لان العلاج وجد
وقريب منى ان لم يكن فى يدى

هناك بعض التوضيحات لان الامر توثيقى ساعودها حتما
من الاندهاش !

كنا صغارا فى ذاك الزمن الذى سرده الخال مضوى
ولكن وجدنا اثار اناملهم داخلنا وباقية حتى الان وستظل
كما هى
نشأنا ووجدنا اصدقاء الخال رمضان حولنا حتى خارج الجريف
فى منطقنتا فى اقاصى الشمال فى دنقلا فى باب بيت الاسرة (بيت جدى سعيد)
خط قلم رصاص سنين تذكار وتدوين رحلة هؤلاء العظماء من ابناء الجريف
وشهد كل اهلنا فى (الخناق هى اسم منطقتنا)على ان سقف المسجد الموجود
حتى يومنا هذا عملوا اولاد الجريف الجو مع رمضان
وهذا المضى مضوى اعرفه منذ نعومة اضافرى واشهد انه من القلائل
الذين حافظوا على علاقتة بنا واشهد انه كان يزورنا عند حضوره للسودان
لقضاء الاجازات قادما من دولة العم سام
واشهد ان تقابلنا سويا انا ومضوى ورمضان فى بيت مضوى فى وادى الدواسر
كنا فى طريقنا الى الرياض انا ورمضان وفى الطريق ذكرت لرمضان ان الباشمهندس
مضوى حاج محمود فى هذا المنطقة اصر ان نمر عليه وبعدها نواصل
تسفارنا وقال لى خالى رمضان حرفيا هل نمر بديار فيها اخاً لى ولا اشوفو!!!!
ولكن طال البعاد بسبب الغربة ومشاغل الحياة وبعد سنوات من هذا اللقاء
وفى مهاتف بينى وبين هذا المضئ مضوى قال لى انت ود بتول ولا ود فاطمة
الاولى امى والثانية خالتى رجل يعرفنا بهذا الشكل والتفاصيل
كيف الفكاك منه قولوا لى بالله عليكم
وقديما وفى هذا المنتدى قلت ان الجريف ليست شوارعها وبيوتها فقط
ولكن انسانها
ادامكم الله لنا وادام هذا النعيم
حتماً ساعود

[بدر عبدالماجد بله]

كم هى عظيمه كعظمة امى هذه المدعوه الجريف شرق
لانها انجبتكم ايها الاحباب
وقديما وفى هذا المنتدى قلت ان الجريف ليست شوارعها وبيوتها فقط
ولكن انسانها
ادامكم الله لنا وادام هذا النعيم
حتماً ساعود





لما شوفتك ...........شوفته فيك كل العجبى............فنحن منك......وانت منا وستظل اخا للطيب عبدالماجد وكما انت اخى ولك التحية ابوتراجى اينما كنت.

[ابو تراجى]

مشكور يا بدر التمام
على الطله الحلوه دى
دايرين شوفتك

[ابو تراجى]

اظن النا س رحلوا من الحله


السكان الجداد ديل وين ؟؟؟؟؟؟

[الباقر دفع الله نصر]

العزيز الذى احبه كثيرا ابوتراجى
اسلم عليك واحييك تحية الاسلام الخالده
اخى ابوتراجى ... انت رجل أصيل وسبق أن ذكرتها من قبل ... وارث هذه الأصاله من اصدقائنا اخوالك الاعزاء وانت تعلم انا شخصيا كل الاخوه بحى الدناقله هم احبائى واصدقائى واكن لهم كل احترام وتقدير ... فلاغرابة ان تكون بهذه الاصالة وانت تكتب جميل وحلو الكلام عن المنطقه التى نعيش فيها جميعا .... ذكرت اخونا مضوى وهو غنى عن التعريف ... .. اخو اخوان وامير الزمان .. وذكرت أيضا اخونا وحبيبنا وصديقنا الفنان ود القبائل كلها رمضان .... احيىك اخى ابوتراجى فلاحظت عند تصفحى مواضيع كثيره فى المنتدى انك عنصرى من الدرجة الاولى للجريف ولا ابالغ ان قلت لك انت تعرف عن الجريف ومايدور فيها اكثر بكثير من بعض الاخوان بالمنتدى ... اخونا ابوتراجى لك الشكر والتحيه وأسال الله لك الصحة والعافيه .... متواصلين ... سلام

[ابو تراجى]

الغالى الباقر دفع الله
لك التحية والحب
لا اظن انى اكثر حبا للجريف منكم
واشكرك على هذا الاطراء الذى لا استحقه
والتى يجب علينا شكرها هى الجريف
التى انجبتكم وانتم من زرعتم داخلى هذا الحب
واحبكم وساحبكم حتى الممات
والتحية عبر لكل جرافى
وكل من عبر الجريف غاديا

تصور كبف يكون الحال لو ما كنت جرافى
واهل الحاره ما اهلى

[مضوي محمود]

الأخ أبو تراجي .. مشينا من قبل بالسايد الشمالي من شارع الردمية الذي يفصل كركوج شمال عن كركوج جنوب .. يعني البيوت التي قمنا بوصفها في المرة السابقة تقع في كركوج شمال .. والآن نرجع تاني بالسايد التاني الذي يقع في كركوج جنوب .. وذلك من حيث وقفنا في شارع الزلط كركوج بالنص
أول منزل ناصية هو منزل عمنا بشير محمد عتمان .. أولاده يوسف وخالد والطيب .. وعبد الصادق واخرين
وبعده منزل المرحوم الطيب السيد حاج الطيب ..وأولاده بابكر وعمر والمرحوم يوسف .. ويسكن معه نسابته سراج الدين اللأمين السني والد أمين عضو المنتدي .. ومن نسابته أيضاً المرحوم ياسر مبارك حاج الزبير .. والمرحوم الطيب علي حاج الزبير .. وقد كان المرحوم الطيب السيد من أعلام الحي .. كان رجلاً إجتماعياً وكان خفيف الروح حلو المعشر وكان رياضياً أيضاً فقد لعب في فريق كركوج الذي كان إسمه حينذاك فريق الدفاع .
وبعد الشارع الذي يمر شمالاً وجنوباً يقع منزل الأخ الطيب مصطفي خالد .. وهو أيضاً متزوج كريمة المرحوم الطيب السيد .. وهو رجل أعمال معروف يحضر كثيراً إلى المملكة العربية السعودية ومعروف لدى أكثركم .. وهو شقيق الدكتور شمس الدين عضو المنتدى المقيم في منطقة القصيم على ما أعتقد وشقيق المهندس حسب الرسول الذي يقيم في نفس الحي وشقيق زوجة الأخ خالد حاج الطيب الذي يقيم في الحي أيضاً .
وبعده شرقاً منزل العم عوض العشاري .. وهو والد الأخوان عبد السلام المقيم في الرياض بالسعودية والهادي والسيد والجاك .. ونسابته الأخ شنان ناصر بالسعودية وأخونا عباس محمد العبيد بسوق حلة كوكو والأخ الماحي عباس لاعب الكرة المشهور بفريقي كركوج والسهم قبل أن يعتزل منذ فترة طويلة وقد كان مغترباً بدولة الكويت لفترة طويلة .
وشرقه يقع منزل المرحوم كمال حاج أحمد الذي كان مقيماً بالمملكة معظم سني حياته .. وقد توفي إلي رحمة مولاه قبل عدة سنوات وقد كان من أعمدة جمعية الجريف شرق بالرياض وكان معروفاً بكرمه وسعة صدره .. وفي الحقيقة كان هذا المنزل ملك لي شخصياً وقد قمت ببنائه إلي أن وصل مرحلة وضع السقف وكان ذلك في بداية التسعينات بعد أن عدت للسودان بعد دورة من دورات الإغتراب العديدة التي مررنا بها .. ولكن بعد سنوات قليلة من الإستقرار في السودان تبخرت في الهواء كل الأحلام .. وصرنا لا نملك من حطام الدنيا إلا هذا البيت مع أنه لم يتم بعد .. وكما يحدث في الأفلام .. قررت في أحدي الليالي أن أبيع البيت .. وصباحاً طرق بابي مندوب من المرحوم كمال يسأل إن كنت أرغب في بيعه .. وقد كان ذلك .
ويقع شرقه قطعة أرض فارغة كانت تخص عباس أحمد حامد .. قام ببيعها لشقيقي حاج علي محمود .. الذي قام ببيعها للأخ صديق حاج مصطفي .. والذي قام أيضاً ببيعها في السنة الماضية لشخص لا أعرفه .
وبعده شرقاً شارع شمال جنوب وبعده يقع منزل الأخ الطيب محمود
وبعده شرقاً منزل العم الصاوي .. وأولاده حسن وعمر وماهر كلهم في السعودية .. و نسابته محمد وعلي .. وأيضاً الأخ أيمن السر عضو المنتدي تزوج حفيدته ويقيم معهم بالمنزل
ويقع شرقه منزل المرحوم الصديق سعيد وقد كان من المتفقين في الدين وعالماً بالإمور الشرعية ومستشاراً ومفتياً لكثير من المواطنين .. وقد كان مأذوناً شرعياً تمت على يديه كثير من الزيجات في المنطقة .. وأولاده جادو أعمال حرة وعمر كذلك وعبد الملك أيضاً ..
ويقع شرقه منزل المرحوم محمد جاد الله .. ومن أبنائه جاد الله وهو قانوني تخرج من جامعة القاهرة الفرع .. ومقيم في جورجيا بالولايات المتحدة وعنده جواز سفر أمريكي .. وهو صديق عزيز وهو صاحب المنزل الذي أسكنه حالياً بعد أن إشتريته منه .. وقد سكنا معاً في غرفة واحدة في نيويورك بالولايات المتحدة لمدة ثلاثة سنوات .. ولنا كثير من الذكريات المشتركة .. وهو شخص هادئ ومتزن ورزين .. وأخوه الآخر إسمه علي يقوم بمتابعة أعماله بالسودان .
ويقع شرقه منزل الجد البشير حاج الطيب وهو متزوج من كريمة خير حاج موسى .. وهو وإن كان يصغرنا عمراً قليلاً إلا أنه بمثابة صديق لنا منذ زمن الشباب .. وهو رجل أعمال بسوق حلة كوكو كما يعمل في الكماين .
ويقع بعده مباشرة البيت السعيد حيث توقفت أنت من قبل .. وحيث أتركك هناك

[ابو تراجى]

واصل ايها المضوى نورا
الظاهر مافى غيرك مهتم للتوثيق

[ابوعصمت]

الاخوة الا عزاء شكرا على هذا البوست الجميل والذى فيه توثيق كبير للزين يسكنون فى تلك البيوت التى تطل على الشوارع التى ذكرتوها والشكر اجزله للقامة العالية والتى انصهرت فينا وفى مجتمعنا واصبحت منا ولينا ولو كان اصله دنقلاوى فهو اصبح كركاجى بحت ودمه دم الكركاجة فأسال الله له التوفيق ودوام الصحة والعافية ويطول لينا فى عمرو كيتاَ على ناس بنعرفهم كويس وذى ما قالت الاستاذه فائزة عم سيب لاحد المستمعين فى برنامجها بليلة مباشر (انا قاعدة فى قلبك كيتا عليك كدة) علشان تقيظهم كمان وكمان

وانا بحاول بدورى امسك ليكم الجهة الجنوبية من الشارع الذى ذكره الباشمهندس مضوي
ونبداء من منزل موسى محمود الطيب وهو متزوج الجمرية عبد الرحمن حسين ومن الاولاد اذكر شرف الدين واخوانه وبعده سرحان عبد المجيد وزوجته علوية ومن الاولادعصام جحا واخوانه وبعده محمد عبد الرحمن حسين وهو متزوج بت حاج بخيت من جريف قمر ومن ابناءه الحاج واخوانه وبعده شارع ثم فى ناصيته بيت الطيب حاج البدوى وزوجته بنت قسم حاج البدوى اخت عبود شركة ومن الابناء بدر قحة واخوانه وبعده المرحوم احمد عباس اخو ميرغنى وصباحى عباس وزوجته تقربيا اخت خضر عباس من توتى ومن الاولاد نادر واخوانه وبعده منزل احمد سليم ومن الاولاد محمود واخوانه وهو من الذين سكنوا الجريف قديما وكان مؤزن مسجد الصفاء وبعده عمر الكندو وبعده شارع وبعدهفى ناصيته منزل عبدر الرحيم الطاهر موسى وهو متزوج حنونة على العاقب وهى اخت حسن امبورة ومن الابناء ياسر واخوانه ثم يليه منزل محمد زين الحاج حسين وزوجته اخت المضوى ومن الابناء يسن واخوانه ثم بعده منزل ابراهيم احمد حسن خال الباقر وزوجته الثانية فوزية حاج ابراهيم على خالد ومن الاخوان عوض واخوانه وبعده حاج هارون على خالد وزوجته رابحة ومن الاولاد الطاهر واخوانه وبعده شارع وناصية الشارع الاخرى فهذه القطعة كانت مملوكة لمحمد حاج ابراهيم واشترى جزء منها محمد العوض اخو التليل وفيها ايضا زوجة المرحوم عابدين حاج عباس وهى اخت محمد حاج ابراهيم واما فى فى نهاية الشارع مسجد انصار السنة 00اتمن ان اكون قد اوفيت القليل من الكثير الذى قدمتموه
مع فائق شكرى وتقديرى

[ابو تراجى]

شكرا اخى خليفة (ابو عصمت )
امسك ليك المقابل
بدية مرتضى الشريف ثم المرحوم التوم الشريف ثم الحاج خالد العوض
ثم الزاويه ثم حسن كمباكا ثم خضر عباس
بالمناسه البيوت دى مطله على الشارعين

[ابوعصمت]

ثم ميرغنى عباس ونسابته لؤى الصديق وبكرى احمد الحاج ثم بعده ساحة نادى كركوج

[ابو تراجى]

واصل يا ابو عصمت

[ابوعصمت]

اصبر شوية ابو تراجى اليومين ديل مذنوق حبتين وانشاء الله متواصلين معاك

[ابو تراجى]

الله يفك زنقتك يا خليفه اخوى
ويزنق لى عصام زنقة ترزى يوم الوقفه

[ابوعصمت]

شكرا لك يابو تراجى ابو بدور شرد من الزنقة مثل القذافى وتركها للإبن الباسل مصطفى متعه الله بالصحة والعافية

[ابوالاء]

بالمناسه البيوت دى مطله على الشارعين


عليك الله قول ماشاءالله

[ابو تراجى]

ماشاءالله

[نقطة ضوء]

السلام عليكم عمناابو تراجي

معليش عمنا خاشي عليك بي كسره عن غربتك سلم..

تراجع استخدام برنامج جوجل ايرث في الاونه الاخيره ..

حلتنا مافي كلام..

يا ريت لو تتقبل المرور..

[ابو تراجى]

نقبل مرورك !!!
مروك شرف عظيم لينا
ابقى بقعة ضوء كبيرة
وشكرا على المرور والنصيحة

[الباقر دفع الله نصر]

العزيز - أبوتراجى - شيخ البلد
كيفك يامحترم ... والله الموضوع دا شيق وممتع ... ويزيد من متعته سخريتك على الجماعه العاملين هم أولاد الجريف ... فى شىء نسيت ماأذكره فى مشاركتى السابقه ... إيه رأيك تكونوا ممثلين المنتدى فى كتابة كروت الأفراح والتعداد السكانى بالجريف إنت وأخونا الباشمهندس ودحاج محمود ؟ .... مشكور لهذه المشاركات التى تعيد للإنسان النشاط والهمه ...

[احمد سعد]

منزلنا زول ذكروا مافى

[احمد سعد]

زول ذكر بيتنا مافى ولا انا ما من حلتكم

[ابو تراجى]

اخونا الصغير احمد سعد كل يوم وانت طيب تعرف الزول بكتب حلتهم وبيتهم عشان نعرف جيرانكم منو ويمكن نحتاج ليك تكون رسول سلام
او غرام او............................... وعليكم السلام ورحمة الله وبركاته
انا منتظرك تكتب ما تسال
اكتب واكتب
كويس !!!!!!!

[ابو تراجى]

زول ذكر بيتنا مافى
بيتكم بى وين يا عينيى